|
الزوجة الثانية
السلام عليكم ورحمة الله وبركاته اليوم عندي موضوع لنقاش حساس شوي يا ليت تنورون الصفحة بآرائكم النيرة وقول لشباب الود أتمنى الصراحة في أبداء الرأي .... كذلك خواتي أعرف أن الموضوع يمس شعور كل أنثى ولكن لنغلب جانب العقل وتتريثين أختي الكريمة قبل كتابة برأيك ..... الزوجة الثانية :: وش الضابط له بمعنى أنت لما تحتاج يا رجال أنك تتزوج على زوجتك وش دوافعك .... أنا عملت بحث مصغر على مستوى ناس أنا أعرفهم متعددين البعض منهم مباشرة أخذت رائية والبعض لا والله عن طريق وسائط أخرى وخلصت بالأخير لعدت أراء أنا هنا مكاني السرد عليكم لا أكثر ولنبدأ ...... الأول قال : والله حرمتي طيبة وكل الصفات الحلوة فيها ولو أنخل بمنخل ما حصل مثله بس ما تكفيني جنسياً أنا رجل جنسي بحت و خايف على نفسي من الحرام قلت أعف نفسي بوحدة ثانية وكلهن وحدهـ عيني اليمين وحدهـ عيني اليسار ...... الثاني: قال وصراحة استهجنت ردهـ بس ما أخذته منه مباشرهـ يقول { من خلقت الدنيا يا بنا خي يقولون أضرب العبد بالعصا وضرب النساء بالنساء} ... شكله ما خذ مقلب بنفسه توم كروز العرب ..... الثالث :: كان من المطاوعة وقالي بالحرف الواحد يبن الحلال انا والله من الناس الي يشجعون لزواج الثانية والثالثة والتعدد يقول أنكثر سواد أمة محمد علية الصلات والسلام .. بس برضو صراحة ما دخل مزاجي ردهـ الحقيقة تناقل ..... الرابع يقول : والله انا حرمتي لاهية عني في ذا البزارين ولا تدري انا وين الله حاطني وقربت الأربعين قلت أتماكن حيلي ودور لي بنية حلال تنسيني همومي ..... الرد مشكوك في أمره من قبلي أنا .......... الخامس قال : الله منعم علي من فضلة ولية ماخذ من ها لأجو ديات الي ماليات البيوت كل بيت به 6 و7 ..... برضو ردهـ الصراحه ما أقنعني السادس قال : والله والله يوم أتزوج ما همني الزواج بحد ذاته بس عمي أخو أبوي الوحيد بنته الكبيرة راح عمرها وزود عن كذا البنت مو مزيونة وبيوم من الأيام فكرت في حالة وقلت لية ما أتزوجها البنت باقي لها كم سنة وتاقف عن الخلفة خلاص وشاور روحي وقول ليه ما أتزوج بنت عمي أفرح قلب عمي ويمكن الله حبيب عيني يرزق ها لأجو دية بولد يرفعه عن الناس لا كبرت وطاحت وبالفعل شاورت مرتي وشرحت لها وضعي ومبرراتي بس للأسف ما قبلت قلت يا لأجو دية أنا ما ني مشاورك أبي رأيك أنا أقول تسمعين مني ما تسمعين من الناس وهذا الي صار والحين يا ربي لك الحمد بنت عمي الي هي زوجتي الحين معا ها مني ولدين وبنت ونا معي من زوجتي الأول أربع أولاد و عايشين زى العسل ........ سردت لكم بعض الي أجريت معهم أنا نقاشات عن سبب زواجهم طبعاً تجاهلت الأسباب الرئيسية والي هي عدم الإنجاب ومن ها القبيل لعدم لأطله عليكم يعني هل ينطبق عليهم المثل الشعبي الي يقول {سم أبزادك يهناك} يا ليت تنورني أقلامكنم المدهشة بحق / \ / \ أخوكم طالب |
صراااااااااااااحه موضوع حساس
شوف اخوي طالب الموضيع الي زي كذا تكون دايم لاسباب مختلفه وانا مقدر اتكلم اكثر من كذا كل شخص وله وجهت نظره تقبل مروري |
وعليكم السلام ورحمة الله وبركاته
هلا طالب موضووعك حساااس وطرحك جميل وحلوو اخذ اراء الناااس اكيد كل مرأة اذا قالها زووجها انه بيتزووج عليها بترفض شئ طبيعي لكن اذا الرجال اصر على زواجه راح ترضى بطيب خااطر وانا رأيي بصرااحة اعرف اسبااب زواجه اذا اقنعني فيها الله يهنيه واتمنى له السعادة معها واهم شئ يعدل بيني وبينها لان من وجهة نظري الرجال لابغى الشئ بيسوويه بيسوويه سواء رضت زووجته اولا فانا راح اكسب زووجي واوافق مادام هالشئ بالحلال وراح ارضى بالامر الوااااااقع وماراح اغير مشااعري تجااهه لانه صارحني بهالشئ ماسواه من ورى ظهري مشكوووور اخووي طالب على طرحك الجميل دمت بووووووود |
بصراحه الموضوع حساس لكل بنت وانا وحده من هالبنات وتوي اتكلم انا وواحد عن هالموضوع
اولا:هذا شي ربي حلله لكل رجال بس مااوجبه يعني مو واجب عشان الزوج يسويه ثاني شي انو فيه جرح لمشاعر البنت اللي هي الغيره بصراحه انا اتكلم عن نفسي والله لايحطني بهاليوم بس لو يجي زوجي ويقولي بأتزوج عليك وانا عندي اطفال منه ومعطيته كل حقوقه اكيد بازعل وارفض وإذا اصر انه يتزوج بأقوله يفتح له بيت ويخليني انا لعيالي يدخل يزور عياله وانا نو وي يجي لمي او ... او... انت نفسك يارجال يخيل ان زوجتك تتزوج عليك وجابت فوق راسك واحد يوم لك ويوم له بتتحمل الشعور طبعا انا عارفه انو مافي مقارنه بس قصدي ابي اوصلك الاحساس ولاحظ انو الرجال اقوى من البنت اما اللي بيتزوج عليها زوجها لانها مو لمه ابد هذا ماالومه لانها مقصره بس قبل مايتزوج يسوي اللي عليه ويكلمها اذا مانفع الكلام يتزوج وبتكون راضيه لانها هي اللي جابته لنفسها والله حرام ع هالرجاجيل يتزوجون ع حريمهم الحرمه عقلها زوجها تجي وحده تاخذه نو وي اقتنع اخليه كله لها ولايصير بالقطه بيني وبينها ولو بتسمع راي الرجاجيل فما في امل واحد يقول الحق او انه يعترف لانه يبي يتزوج وبصراحه من ايام الرسول والبنت تنهار لمايتزوج زوجها عليها في قصه صارت بأيام الرسول(ص)انو وحده مات ابوها قال امسكوها لما بكت ووحده لما تزوج زوجها عليها قال اتركوها خلوها تطلع اللي بقلبها ومعليش اختي مها مبالغه شوي انها راح ترضى و.. و..لانو سبحان الله من خلقة الدنيا ومافي وحده ترضى ان زوجها يتزوج عليها الا اذا كان فيها سبب قوي اما انو بترضى و.. و..نو وي بنت تحب زوجها ترضى يشاركها فيه احد مستحيل هذي من وجة نظري وممكن انو في ناس عادي ماادري طبعا كلامي هذا وانا لسى ماتزوجت ولااتوقع يتغير لما اتزوج لانو هذي مشاعر قبل كل شي مو قناعه او ..او.. هذي احاسيس ومشاعر وفوقها الغيره ومشكوووووووووور ع الموضوع |
اقتباس:
انا قلت لو هو بيتزووج ومصر على رأيه واقنعني بوافق ليش اخسر زووجي وفي اخر الزماان بيصيروون اغلب النااس معددين لان الرجال اغلبهم يموتون بالحرووب والحوداث والنساء هم اكثر من الرجال وانا مابالغت هذا رأيي وكل شخص حر برأيه ومستحيل اخسر زووجي عشاان انه تزووج وحده ثاانية اكيد انا لي بيت وهي لها بيت ويعدل بيننا وكثير قصص شفناها وسمعناها عن ناس معددين معيشين زوجاتهم احلى حياة والعكس هذا رأيي وكل واحد له وجهة نظره |
بصراحه انا اوفق الفارس الرومنسى بالراى
|
قد كنت هنا > اؤومن، .. ان الاساس .. هو التعدد .. ذلك نظريا اما عمليا، .. فـ .. نحن الرجال .. خربناها على انفسنا و .. حتى اشعار اخر، .. لازم نتعايش مع الوضع .. ونتقبله ولا حول ولا قوة الا بالله : ( شكر، .. وتحية ود : ) |
اقتباس:
بس ياخوي يالفارس يالعزوهـ انت ياليت لو حطيت سبب على شان نشوف أراء الناس (طبعاً الأسباب العامه وحاشى لله ان اخوض في مابين المرء وزوجة )..... على العموم يكفيني مرورك العطر لاعدمتك |
اقتباس:
بس يامها انا لاعدمتك طلبت وش المسببات لرغبه في الثانيه والثالثه بنضرك انتي .... دمتي بسعاده دائمة |
اقتباس:
يبقا كلامي وكلامك وجهات نضر لانرغم أحداً على قبولها ...... حافضك الله لشبابك منورني مرورك |
اقتباس:
|
اقتباس:
منورني مرورك العطر لاعدمتك |
أهـــــــــــــــــــــــلين أختي مها أنا عارفه أنو كل واحد حر برايه بس الواحد يتكلم بعقلانيه شوي بذمتك مشاعرك وين بتروح بذيك اللحظه أنتي تتكلمين كلام المسلسلات والافلام انو بأدعي له و.. و..بس الواقع شي ثاني وبالعكس يابعدهم انتي حره برايك من هنا لحد الصين وانتي حره بس انو بأدعيله وبأنبسط معاه هذا نو وي يصير لانو الموضوع مشاعر مو موضوع عابر ياأقتنع أو لا
وممكن انتي غير البنات والله يتمم عليك بعقلك يارب |
اقتباس:
أختنا مها قالت رائيها وليش انتي مستغربه من رئيها حشى يعني ماسمعتي بقصص الناس وأيثار المسلم ياما والله سمعنا من قصص تشيب الراس ولو تسئلين لتحصلين من هالقصص ما يجعلك تقولين كثر الله امثل اختنا مها بهادنيا والله ياكم من زوجه راحت وخطبت لزوجه بسبب ولغير سبب والأمثال مالية الدنيا وليس مقامي هنا سرد عليك القصص ولو لا ان اطيل لسردت عليك من القصص الواقع ليس من كتاب (كليلة ودمنه ) ولا (الف ليلة وليلة) لا من واقع نعيشه في ايامنا الحالية ..................... ::::::::::::::::::::::::::::: وللمعلومية ::::::::::::::::::::::::::::::: انتي واختي مها أبعدتن كل البعد عن جوهر سؤالي والي كان وش الدوافع بنضرك لا اكثر ..... يمكن ما صغت انا الموضوع بالشكل الصحيح ع العموم كلاً يأخذ من كلامة ويرد الا صاحب ذاك القبر بأبي هو وأمي ..... تحياتي العطره لك |
أنا مو مستغربه من مها لاكن الغريب انو وحده زوجها بيتزوج تقول بأدعيله شيء غريب لاوبعد لما قريت ردها لكذا وحده منهم المتزوجات ومنهم اللي مو متزوجات قالوا لي مستحيل هذا رد وحده وهذا الصدق وانا مو ضدك في بنات يزوجون أزواجهم عادي طيب ليش هنا السؤال أنا أعرف وحده مزوجه زوجها لانها تحب واحد وتخليه يجيها بالبيت ومبسوطه ان زوجها مو عندها وإذا جاها تتهاوش معاه عشان يروح طيب هذي لها سبب أحنا نتكلم عن شي واقعي وعن غريزه اللي هي الغيره كل بني أدم فيه غريزةالغيره وين غيرتي وأنا أقول عادي يتزوج علي ممكن في ناس محرومه من هالغريزه ومستغربه من مبالغتها بالرد انو بأدعيله و.. و.. ممكن لو انها قايله بأدعي انو ربي يرده لي وأوكي أما أدعي له انو ربي يوفقه معليش وبقوه بعد وربي حتى بالمسلسلات والافلام ماعرضواانو وحده يتزوج زوجها عليها وترضى الا يكون مشاكل و.. و..أنت بنفسك روح أسأل وحده من خارج المنتدى وشوف هي بترضى او لا وقولها رد أختي مها وأسمع التعليق
أمـــــــــــــــــــــــــــــا عـــلى الاسبـــــــــــاب : فهي كثيره تختلف من إنسان لإنسان كلها ترجع على حسب الشخص نفسه عموما هذا موضوع ماأتوقع انو تقبله أي بنت الا ماندر |
الثاني: قال وصراحة استهجنت ردهـ بس ما أخذته منه مباشرهـ يقول { من خلقت الدنيا يا بنا خي يقولون أضرب العبد بالعصا وضرب النساء بالنساء} ... شكله ما خذ مقلب بنفسه توم كروز العرب ..... يعجبني هههههههههههههههههه ترا أمزح أقوووووول اتوقع أنه معدي 70 ومايعرف الرمنطزيه هههههههههههه بس الشرع محلل أربع ولا فيها شي شكرآ على الموضوع الهادف |
اقتباس:
احيي أختك |
اقتباس:
خخخخخخخخخخخخخخخخخخخخخخخخخخخخخخخخخخخخخ منورني مرورك |
بصرررررررررررررررااااااااااااااااحه مها عقلها كبير كلام عقلاني وتفكير كبير ملكة الفن اسمحي لي اني اقول انك انانيه لا تزعلي مني كل بنت تتمنى تتزوج فزي ما انتي تزوجتي خليها تتزوج وربي ما جعل الزواج من اربع عبث كل شي وله حكمه شوفي نسبة الحريم بالنسبه لرجال اكثر من الضعف وبعدين الموضوع يحتاج عدل من الرجل واحترام وتقدير من الزوجات اشكرك اخوي طالب على روعة الموضوع تقبل مروري |
عدت حيث كنت > .. سوال بسيط : ) لا تواخذ جهل اخوك الصغير اخوي "طالب معرفة" : ) ممكن من غير كلفة، .. تشرح لي معنى المثل اللي ذكرته .. "امشي صفوف .. كل معروف" . . . اشادة واعجاب، .. يسلمو اخت/ مها .. على الفكر والمبادئ .. اللي تترتقي عن زيغ الدنيا الى ملائكية الحور وان دل على شئ، .. فـ على جميل ايمانك واسلامك الف ما شاء الله .. اهنيئك، .. والله يكثر من امثالك والف من يتمناك .. بجميل ورقي هذا الفكر والايمان : ) .. تتزوجيني؟ : ) شكرا طالب، .. تقبل .. تحية الود |
مشكور يالرومنسي
بس راضيه أكون أنانيه بزوجي وماصرت أنانيه بشي غريب وماراح أبعدك بعيد بس بأقولك ثلاث أرباع بنات المملكه أنانيات مافيني الا أقولك يارب ماتطيح بوحده أنانيه وماألومك ترد هالرد لأنو لو أنحطيت بهالمكان ماراح تحس بشيء وعلى فكره أنا موعارضه زوجي سبيل عشان أعطيه لكل من هب ودب خلاص أنا أسوي اللي علي والباقي على ربي وهذا شيء موواجب لو انو واجب أقول ملألومك بس ياليت الرجال يسوونه عشان الدين وأكبر دليل أخوي طالب عرض كم رد ولارجال قال أنو سويته عشان الدين اللي يقول جنس واللي يقول لاهيه واللي واللي بالذات هالموضوع أنا راضيه أكون أنانيه فيه والله يكثر من أمثال أختي مها لانو نادر مانلاقيهم وأرجع وأقولك مشكووووووووووووووووووووووووووووور:biggrin: أنا راضيه يتزوج علي بعد ماأموت مو أنت تقتدي بالرسول(ص) الرسول ماأتزوج على السيده خديجه الا بعد ماماتت ولاكرمها3سنوات وبعدها تزوج |
تعدد الزوجات هو موضوع قابل للنقاش وفيه كثير من الجدل في هاذا الموضوع...لأنة من ناحية الشرع حلل بأربع زوجات...ومن ناحية ثانية هناك الكثير من النساء اللي بتوافق ان زوجها يتزوج عليها (بدون سبب), هاذا بحد ذاته اهانه للمرأة بشكل عام.. الشرع حلل أربع زوجات ما جت عبث....يعني اكيد في حكمة من ورا هاذ القانون....وانا مو عارف وشهي الحكمه عشان أفتي او اقول اشياء اللي يمكن ما تكون صح في الدين لأني مو مختص في هاذ المجال....لذلك حسب رايي انا في الاخير بيرجع للزوجين نفسهم! اذا كان هناك سبب للزواج (مثل قضية الخلفة او مرض...) فهنا اعتقد يحق للرجل الزواج من امرأة اخرى بموافقة الأولى...ولكن يمكن النقاش أكثر صعوبة عند انعدام السبب "المقنع"...وهو أن الرجل يريد المتعة....في هذه الحالة يجب الأخذ بالحسبان أن للرجل شهوته....وطلباته....فربما زوجته الأولى لم توفر له او لم ترضيه في هاذ المجال...وهنا تبدأ المشاكل...وسوء التفاهم. في زمننا هذا...اليوم.....صعب شوي تفسير ليش الرجال بيتزوج اكثر من مرة...لذلك برأيي ما دامت زوجته الأولى راضية وموافقة على الزواج فهنيئا لهما... (ع فكرة....بس ملاحظة من عندي: لو نتطلع على الأجانب بنشوف أنه نسبة الخيانة الزوجية عندهم كثيرة جدا...يعني بتلاقيه متزوج من وحدة حبها ومات في حبها...ولكن بعد فترة من زواجهما يتقرب من أخرى ويخون زوجته-ولا يحقّ له الزواج بالأخرى الا اذا طلق الأولى-...فهنا يمكن هاذا بعد سبب يعود الى شهوة الرجال للنساء.. هاذ رأيي والله أعلم.... |
اقتباس:
حاضر ولا يهمك ...... أنت قلت :: أحنى يارجال خربنا على بعض ...... فأنا أقول لا المثل الشعبي يقول (أمش صفوف كل واحد معروف ) بمعني الي على راسه بطحى يتحسسها خخخخخخخخخخخخ اخاف عقدها أكثر طيب أبسط لك أكثر المثل ..... الحين الطالح والصالح غالباً يعرفون بسيماهم مثل ماقال الله سبحانه "سيماهم في وجوههم " أمل اني قدرت أبين لك المعنى |
اقتباس:
أول شي أبعد الله عنك ماذكرتي ....... وثاني شي وهو الأهم الله يسعدك كثر ما أثريتي هالموضوع بنقاشك الودي والأخوي الأكثر من رائع ..... لاعدمت طلتك |
اقتباس:
ماخليت لنا شي الله يسعدك دنيا وأخرهـ ........ الحقيقه سعدت جداً بكلامك وتوضيحاتك الرائعه ....... أثلجت صدري بردك الطيب ............ لاعدمت طلتك |
| الساعة الآن 05:28 PM. |