|
بداية خيانة ونهاية حب
السلام عليكم
شخباركم وحشتووووووووني موووووووووووت بعد انقطااااااااااااع دام اشهر بسبب عطل في الموقع من قبل جهازي وبسبب الدراسه والاختبارات وبسب قريحتي الكتابي هالتي توقفت اعتذر عن طول الغياب واعود اليكم بالجديد والذي اتمنى ان يعجبكم لن اطيل عليكم ولكن المكان : مدينة ملاهي الحكير في الدمام وقفت سيارة بانوراما , نزلت بنت لابسة عباية مخصرة ونقاب وشكلها يفتن , و واضح من شكل البنت أنها كشخة وبنت عز , الصندل طقم مع الشنطة , مع المناكير مع الشدو ( الظل ) كله لون بنفسجي وبعد كان بيدها جوال لونه بنفسجي وتكلم فيه ....... البنت : يووووووه وأهلك لازم مايغيرون حركاتهم , طيب حياتي انا انتظرك عند باب الملاهي . فهد وسعد اصدقاء من أيام الروضة ألين تخرجوا من الجامعه بنفس التخصص ويشتغلون بنفس الوظيفة بعد لكن الفرق أن فهد مستواه الأقتصادي اعلى شوي عن مستوى سعد رغم ذلك عمر المستوى الاقتصادي ماكان مشكلة بينهم. فهد ولد جرئ شوي لكن سعد خجول , يتشاركون بكل شي ومايخبون عن بعض اي شي ودايم مع بعض مايفترقون ابدا. فهد : يصفر سعد تشوف اللي أنا أشوفه ؟ سعد : يتنهد اييييييييييييييييييييييييييه فهد : امممممممم سعد تعال معاي سعد : وين فهد : ألحين انا وانت مو نبي ندخل الملاهي وممنوع لازم عوائل ؟ سعد : ايه يافهد تكفى صاير لنا ساعه نترجى السيكورتي وموراضي يدخلنا فهد : واللي يدخلك وش تعطيه سعد : اممممممممممممم بوسه فهد : وع منك مابي وقام يضحك هههههههه سعد : يضحك هههههههههه المهم قولي وش بتسوي فهد : تعال وشوف قرب فهد وسعد من لمى فهد : أحم لو سمحتي اختي البنت : آمر اخوي سعد : تنهد مره ثانية ألتفت البنت على سعد وضحكت ضحكة صغيرة لأنها متعوده على نتهد الشباب لما يشوفونها فهد : مايآمر عليك ظالم لو سمحتي ودنا خدمة بسيطة منك البنت : تفضل فهد : أنا وخويي نبي ندخل الملاهي نبي نلعب وننبسط وممنوع دخول الشباب ممكن تدخلينا على اننا سعد : قاطع فهد على اننا خوانك وبنعطيك فلوس البنت : ضحكة ضحكة اقوى من اللي قبلها شوي قالت : ايش تعطيني فلوس لا ياروحي انا ماعندي مشكلة بدخلكم واذا تبون انا اللي بعطيكم فلوس مو انا اللي احتاج فلوس سعد : يضرب فهد بكوعه سمعت وش قالت يا روحي وه ياقلبي البنت : ناظرت فيه وقالت دمك خفيف يا سعد : معاك سعد البنت : تشرفنا ومدت يدها له وسلمت عليه فهد : نقز ومد يده وانا فهد البنت : مدت يدها هلا معكم لمى سعد : عاشت الأسامي احلى أسم لمى : عاش غاليك , اوكي تبون ادخلكم اللحين ولا تنتظرون شوي صديقتي بتجي وندخل مع بعض ؟ انتظر الردود والتكملة قريبا |
ههههههههههههههههههههههههههههههههه
الموقف هذا صار لي في الفيصليه وعارف نهايت القصه يرقمهاااااا ههههههههههههههههههههههههه <<< مسوي دمي خفيف يعطيك العافيه وبشري عن الاختبارات عساك عديتي <<< مسكين حلمه يعدي مو التفوق هههههه لا تطولين ننتظرك ع نار |
الامير النايف ههههههههههههههههه يسلمووووووووو على المرور
والحمد لله انا عديت ونجحت وبتفوق بعد عقبال عندك وانتبه من النار لا تحرقك ونبلش فيك ههههههههههه وهذي التكملة لعيونك |
فهد سحب سعد شوي وقال وش رايك ننتظر صديقتها يمكن تطلع صاروخ مثلها ونشبكهم الثنتين وحده لي ووحده لك
سعد خلاص موافق بس هاه مهما كانت الثانية انا ابي لمى فهد خلاص لمى ننتظر صديقتك شوي ووصلت نسيم مع اهلها نزلت من السيارة ومعها أخوها وصلها الين عند لمى وقال الساعه عشرة تكونين جاهزة بجي آخذك الا لمى نقزت شخبارك مبارك؟ مبارك رد وهو منزل عينه بخير طبعا نسيم صديقة لمى مستواها الاقتصادي ولاجتماعي اقل بكثير من مستوى لمى ومع ذلك كانوا صديقات مقربات جدا واهل نسيم متشددين شوي لدرجة أن اخوها جاء ووصلها عند باب الملاهي. فهد قرب من سعد اقول صديقاتها شكلها مو صاروخ خلنا على لمى وبس سعد : لا مالي شغل شبكها انت حلالك فهد : اقول طير انا ل لمى ولمى لي وتشووووف سعد : خلاص لانتهاوش يالله نقرب منهم قربت نسيم من لمى : وش المزايين اللي واقفه معهم لمى : تعالي اعرفك عليهم نسيم : وجع لا مابي اشرت عليهم هذا سعد وهذا فهد وهذي صديقتي نسيم دعست نسيم على رجل لمى وقربت منها وجع ليه تعلمينهم باسمي فهد : مد يده ولكن نسيم مامدت يدها حاولت لمى ترقع الموضوع وقالت : اعذرها يا فهد نسيت اقولك انها مخطوبه فا صعبة تسلم على شخص غير خطيبها ابتسم فهد ووقال حصل خير دخلوا هم الأربعة وقبل مايفترقون سعد : لو سمحتي لمى ممكن رقمك ؟ لمى : بنبرة نرفزة نعمممممممم سعد : لالالا وبنظرات العيون البريئة لا تفهميني غلط بس عشان لما نبي نطلع نبيك تجين وتطلعينا لمى : لا مايحتاج اجي اطلعكم ماراح يقولون لكم شي فهد : لا انتي ماتدرين وش يسوون سالفة وسين وجيم وكيف دخلتوا ووين عائلتكم فا كملي الجميل اعطيني الرقم ادق عليك وتطلعينا وبس وصدقيني امسح الرقم لمى : يالله معقوله كل هذا يسونه فيكم طيب سجل الرقم طلع فهد جواله وطلع سعد جواله يبون يسجلون الرقم الا لمى قالت تفضل سعد رفع راسه لقى لمى ماده يدها خذ هذا كرتي تفشلوا ورجعوا الجولات واعطت فهد كرت ابتسموا واخذو الكرت وراحو نسيم وهم يتمشون : لمى خير وش عندك متى بتعقلين لمى : هذا أنا عاقلة وش سويت ؟ نسيم : وبعدين معاك متى تثقلين لمى : نسيم بذمتك مايهبلون كل واحد يقول الزود عندي وش الجمال هذا معقوله في سعوديين كذا بالجمال هذا نسيم : ماقلت شي حلوين ويهبلون لكن انتي اعطيتهم الكرت ومادري ايش وش سالفتهم لمى : تعالي نشرب عصير واقولك سالفتهم نسيم : ألحين اللي سويته معاهم تعتبرينه مساعده؟ لمى : ايه حرام كسروا خاطري وحسيتهم مؤدبين نسيم : ماعاد في شباب مؤدبين إذا البنات اختربوا كيف الشباب. لمى : يابنتي اتسلي انبسطي وش ماخذين من الدنيا نسيم : الله يهديك نسيم ولمى كانوا كل لعبة يلعبون فيها بالصدفة بالصدفة يكون فهد وسعد يلعبون نفس العبة !!!!!!!!!!!!!!!! لما خلصوا الشباب ومابقى لعبة ما لعبوها وكان طول الوقت كلامهم عن لمى , سعد وفهد تهاوشوا كل واحد يبي يكلم لمى عشان تطلعهم. فهد فكر بسرعه وقال طيب طيب عندك قرش سعد : ايه عندي تعرف انا حدي قروش وابو ريال مو مثلك ماشاء الله بال 500 وانت ماشي ههههههههههههه يضحكون فهد : هاته سعد : انا الكتابة فهد : اوكي وانا الصورة وحذف القرش ومسكه ويوم شاف الا الصورة وااااو وك وك وك وك ياحرام يا سعد سعد : ياخسااااااااارة ان شاء الله تتروع من صوتك وتسكر بوجهك فهد : لا سعد لا تقول كذا جاري الأتصال ب .......... ( احلى بنت ) لمى : الو فهد : هلا بهالصوت لمى : اخوي شكلك غلطان مع السلامة طوط طوط سعد : هاه وش قالت اكيد تروعت من صوتك فهد : مادري سعد أنا بدق ابعد اشوف جاري الأتصال ........ ( قمرهم ) لمى : ألو سعد : هلا اختي انتي لمى صح لمى : ايه لمى من انت سعد : انا سعد ومعي صديقي فهد عرفتيني لمى : اها انت ايه اوكي آمر سعد : نبي نطلع ممكن تطلعينا اذا كنتي فاضيه اذا ماخلصتي ننتظرك مو مشكله لمى : لالالا خلاص خلصت انا اصلا كنت بطلع زين ذكرتني يالله نتقابل عند نفس البوابه تلاقوا فهد : انا زعلان منك يا لمى لمى : يؤيؤيؤيؤ ليه فهد : اجل ادق عليك تقولين غلطان وتقفلين بوجهي لمى حطت ايدها على فمها انت اللي فهد : ايه انا لمى : آسفه وحقك علي فهد : تبيني ارضى لمى : ايه فهد : احفظي رقمي عندك واكتبيني احلى شاب لاني حفظت رقمك احلى بنت وابتسم لمى : ولا يهمك وهذا انا حفظت رقمك وبنفس النك اللي قلته ,وانت يا سعد ماتبي احفظ رقمك سعد : هاه الا طبعا لمى : واي نك تبي اكتبك ولا انت وش كاتب نكي عندك سعد : بكل خجل كاتب قمرهم لمى : واو خلاص انت بكتب نكك صاحب النظرة الخجولة راحوا الشباب بسيارتهم وراحت نسيم طبعا اخوها جاء اخذها وراحت لمى بسيارتها سعد : شوف فهد مثل مااتفقنا انا لمى وانت نسيم |
فهد : لاااااااااااا انت ماسمعت وش قالت لمى قالت نسيم مخطوبة
سعد : ايه صح المهم امسح رقمها ترى اغار فهد : لا انت امسح رقمها انا اللي اغار لمى تكلم نسيم على الماسنجر بالليل لمى : هلا نسيم شخبارك وشخبار اخوك مبارك ماشاء الله عليه كل ماله ويصير احلى نسيم : بخير كلنا وابعدي عينك عن اخوي اولا اصغر منك ثانيا ترى خاطب بنت خالتي لمى : طيب طيب فكينا دريت انه خاطب وانه اصغر مني قولي لي وش رايك بالشباب؟ نسيم : اي شباب لمى : يووووه فهد وسعد اللي شفناهم بالملاهي نسيم : ايييييييييييه وش فيهم لمى : بصراحة احس قلبي بدى يدق نسيم : ياقلبك هذا اللي صار عمارة حشى وانتي كل ماتشوفين واحد تقولين قلبي دق بعدين تراهم 2 لمى : ادري قلبي يدق من الجهتين اليسار واليمين نسيم : يؤيؤيؤيؤيؤ كلام جديد الا قولي شخبار محمد لمى : اي محمد خلينا في فهد وسعد , اقول وش رايك انا أخذ واحد وانتي واحد نسيم : يؤيؤيؤيؤ لمى انجنيتي انتي انتي ماتدرين اني مخطوبة لمى : لا مانسيت بس انتي مجرد مخطوبة لا صارت ملكة ولا شي تسلي الين تتزرجين وبعدها خلاص نسيم : بنت اعقلي ماعليك مني خليك بحالك بس اللله يهديك وعقبال مانفرح فيك لمى : أن شاء الله انا اشوف سعد ملامحه احلى من فهد فديته نسيم : بدينا بالنصب كلها دقايق من شفتيه وفديته على طوووووووول يما منك لمى : وش فيك انتي انا ماجبت شي من فراغ اللي خلاني افديه اول ماشافني ويوم كلمتهم تنهد ولما مد يده يانعم يده بس واخذ الكرت حسيت لهفه بعيونه , بعكس فهد حاول يثقل ويداري اعاجبه فيني واصلا اول شي طاحت عيني على سعد بعدها شفت فهد تصدقين احس اني فعلا بديت احب نسيم : هذي كلمتك ماتغيرينها وبديتي تحبين اي واحد اكثر لمى : الين الحين ماقررت نسيم : طيب ابوي جاء لازم اطلع من النت باي لمى : باي وراحت على السرير وجالسه تتذكر اشكالهم ومدت اليد والاتبسامات وتنهدت ونامت. بعد كم يوم دق فهد على لمى جوال لمى يدق ( احلى شاب يتصل بك ) لمى : الو فهد : هلا بهالصوت بس هاه لا تقفلين لمى : ضحكت هههه لا خلاص ماراح اقفل شخبارك فهد : بخير طول ماانتي بخير فديتك لمى : بدينا يعني فهد : بصراحة وحشتيني لمى : انت اكثر فهد : جد والله لمى : طبعا فهد : امممممممممم طيب وجلس يسولف معها ويتكلم عن نفسه ووووو الخ |
توتة صراحه لا استغرب منكي القصص الجميله
وكالعاده انتظر التكمله على احر من الجمر وشكرا |
الفارس يسلمووووووووو على المرور وان شاء الله تعجبك
|
طبعا فهد ما قال ل سعد انه كلم لمى
صار فهد يكلم لمى كل يوم ويجيب الشحن وبعد كم يوم دق سعد على لمى لمى يدق جولها صاحب النظرة الخجولة يتصل بك ابتسمت وردت الو سعد : هلا لمى : هلا فيك سعد : يتلعثم عرفتيني لمى : ضحكة ضحكة خق معها الولد طبعا صاحب النظرة الخجولة سعد سعد : الحمد لله لمى : شخبارك سعد : أنا بخير ياوجه الخير وانتي شخبارك لمى : انا بخير طول مانت بخير سكت سعد وحس ان ضربات قلبه تزيد لمى : تصدق يا سعد سعد : هلا لمى : وحشتني موووووووووووت سعد وجهه صار احمررررررررررررر وقال هاه لمى : شفيك اقولك وحشتني سعد : توحشك العافية لمى : يؤيؤيؤ كذا بتزعلني منك انا مابي العافية توحشني ابيك انت سعد : صدق تبيني لمى : افا عليك بس سعد : طيب معليه انا آسف لو اتصلت بوقت غير مناسب انا دقيت ابي طلب وبسكر لمى : لا انت تتصل بأي وقت أن شاء الله 3 الفجر خذ راحتك اما الطلب فهو مجاب من غير ماتقول انت تآمر امر اطلب تدلل عيوني لك سعد : حس باحراج من كلامها تسلم عيونك ابي ايميلك ممكن؟ لمى : بس ماطلبت شي سجل عندك سعد : اوكي بروح اللحين اضيفك واتمنى اشوفك اللحين على الماسنجر لمى : اوكي دقايق واجي سعد : باي لمى : باي , تبتسم وتغني اخيرا طاح في حبي اول مادخلت الماسنجر سعد : تو مانور الماسنجر لمى : النور نورك كان سعد حاط صورته وهي كانت حاطه صوره لها متلثمة سولفوا كثير وبعدها قال سعد : هذي صورتك لمى : ايه حلوة سعد : ايه تجنن لمى دقيقه بس وحطت له صورة بنت نعومه وحلوة وقالت وشرايك سعد : بأيش لمى : بالصورة سعد : تجنن تهبل تاخذ العقل بس مين هذي لمى : تحط اسهم <<<<<< سعد : يؤيؤيؤ ماشاء الله وش الجمال هذا , بس ممكن اطلب منك طلب لمى : انت ماتطلب انت تآمر امر سعد : لا عاد تحطين صورة لك بالماسنجر لا هذي ولا المتلثمة لمى : ليه سعد : انتي ماشاء الله حلوة وانا اخف عليك لمى : امممممممممم اوكي موافقه بس هاه انت بعد ابيك تشيل صورتك سعد : ليه انا ولد عادي لمى : لا انا اغار عليك مابي احد يشوفك سعد : انبسط وقال ولا يهمك اشيلها ماراح احطها الا اذا دخلتي انت وبس لمى : وانا بعد ماراح احط الصورة الا اذا دخلت انت وبس سعد سوى لها ايميل جديد وقال مابي اشوف فيه احد غيري طلب منها يكون لهم نفس الصورة الرمزيه ونفس الخلفية والنك نيم اللي هو ( انا ترى طيفك حرمني منامي ) كان فهد يكلمها جوال وسعد يكلمها ماسنجر ومره طلبت من فهد تضيفه عندها واضافته بنفس الايميل الجديد اللي سواه سعد طبعا بعد ماغيرت الباس وورد عشان مايدخل ويشوف واضافت عشره غيرهم وكانت لا دخلت النت تكلم فهد وسعد بنفس الوقت الكلام الي تقوله ل فهد تقوله ل سعد وبيوم طلبت من سعد انه يصير يكلمها جوال لانها ساعات يكون مالها نفس تدخل النت وسعد ماصدق لما طلبت منه الطلب هذا هو كان خجلان يطلبها يكلمها بس هي ماخجلت اما سعد وفهد كل واحد قلبه دق وبقووووووة للبنت لكن ماحد اعترف للثاني انه يكلم لمى او انه يحبها الشباب كانوا صداقين بمشاعرهم اتجاه لمى لكن لمى !!!!!!!! كانت تاخذ من فهد شحن وتعطيه ل سعد لان سعد مايقدر على مصاريف الجوال كانت تقول لهذا احبك وهذا احبك مره كانت تكلم فهد لمى : حبيبي فهد ترى بعد بكره عيد ميلادي فهد : لا من جدك خلاص لازم نحتفل بالمناسبة الحلوة هذي وش رايك اعزمك على مطعم لمى : موافقة اليوم يوم عيد ميلاد لمى طبعا المزور , كشخ فهد وجاب اغلى هدية ساعة كارتير وراح للمطعم اللي اتفقوا يتقابلون فيه وصل ولقى واحد جالس معها !!!!!!! انصدم انتبهت لوجوده وهو يمشي عشان يوصل الطاولة وراح الولد جلس وحس بالغيره وبنرفزة مين هذا لمى : بلعت ريقها امم هذا ولد خالي شافني وجاء يسلم علي فهد من حبه لها كان يشوف غلطها صح قال اوكي اعطها الهدية وجلسوا يسولفون كثير وتشابكت الايادي وتلاقت النظرات وضربات القلب كانت تضرب بكل صدق في صدر فهد اما ضربات لمى كانت مزيفة ولابسه قناااااااع فهد : لمى قلبي لمى : هلا بعمري فهد : تحبيني يا لمى لمى : امممممممممممممممم فوق ماتتصور فهد : اللحين ارتحت لمى : اممممممم الهديه تجنن تسلم يدك راح احتفظ فيها بشكلها الحلو واخلي الكرت عليها فهد : لا خبي الكرت اخاف احد يشوفه من اهلك او شي لمى : لا تخاف عندي رف مخفي احط فيها هدايك الحلوة طبعا لمى تعرف شباب كثير وكل يوم تضحك على واحد وتقوله اليوم عيد ميلادي هي ماتبيي الهدايا لا عندها فلوس الدنيا لكن الفراااااااغ خلها تلعب على الشباب كانت تشوف الكل معجب فيها والكل يتمنى راضها والكل يدلعها ويسمعها كلام حلوووووو واغترت بنفسها بس اللعب هذا طبعا مايجي من فراااااااااااااااااااغ ابدا |
بعد كم يوم قالت ل سعد ان عيد ميلادها بعد يومين
انبسط كثير وقال ودي احتفل معاك بالمناسبة السعيده اخاف اعزمك على مكان وترفضين الطلعه معاي لمى : انا ارفض لنور عيوني طلب ولا يهمك بس وين المكان لا تقولي شقه سعد : يؤيؤيؤيؤ استغفر الله وش شقته لا ابي اعزمك على مطعم على البحر نروح نتعشى ونطفي الشمع وبعدها نتمشى على البحر موافقه لمى : اكيد مووووووافقة اليوم يوم عيد ميلادها طبعا المزور وسعد جلس اسبوع يدرب على الكلام اللي بقوله وعلى اختيار اللبس اللي بيلبسه المهم لبس الولد وكشخ وحط العطر وأخذ باقة الورد ودبدوب ماسك قلب عليه حرف ( L ) وصل المطعم اللي اتفقوا يتلاقون فيه ولقاها جالسة تنتظره جلس سعد وقلبه يضرب مو مصدق انه جالس معها ويشوفها بعينه وقال تفضلي واعذريني لو قصرت انا لو بيدي كان اهديتك ألماس يا الماسة قلبي وابتسم ومد الباقة والدبدوب وقال : ادري الهدية مو قد المقام لكن انتي ادرى بالظروف . لمى : واااااااو ليه تقول كذا تصدق هذي أحلى هدية حصلت عليها في يوم عيد ميلادي اصلا هدية مميزة وكلها رومانسية ورقة سعد : يعني اعجبتك؟ لمى : طبعا ياقلبي اعجبتني والهدية مو في قيمتها الهدية في صاحب الهدية سعد : وبكلماتة الخجولة اممممممم لمى ممكن اسالك سؤال بس تجاوبين بصراحة؟ لمى : أسأل اللي تبيه أنا قدامك كتاب مفتوح سعد : كان منزل راسه ورفع راسه وحط عينه بعيونها وقال لمى انتي تحبيني لمى : ياااااااااااااه من زمااااان وانا انتظر تسألني السؤال هذا واخيرا جاء اليوم هذا ايه أحبك موووووووت سعد : حس برعشة وكلمة ( احبك مووت ) دخلت قلبه مثل السهم وصابت القلب بزيادة الحب والعشق اللي يحمله لها في قلبه. طلعوا يتمشون على البحر وتشابكت الايادي وكانت ضربات قلب سعد تضرب بكل قووووة وبلهفة اما ضربات قلب لمى كانت تدق ولكن دقتها لشي ثاني !!!!!!!!! اليوم يوم زواج نسيم صديقة لمى لمى : اوكي راح اوصل بدري لا تخافين عاد هذي الليلة مستحيل افوتها , يووووووووه ياكثر حنتك خلاص بجي , سكرت لمى من نسيم ودقت على فهد لمى : الو فهد : هلا ب حياتي لمى : هلافيك ياقلبي فهودي عمري ممكن طلب فهد : ياحلو فهودي وهي طالعه منك آمري ياقلبي لمى : مايآمر عليك عدو بس اليوم يوم زواج نسيم وودي انك توصلني السواق سيارته خربانه وابوي مو موجود فهد : بس ماطلبتي شي عيوني لك خلاص كم الساعه تبين اوصل لمى : الساعه تسعه انا انتظرك عند الباب يالله مع السلامة وعلى طول رجعت ودقت على سعد وكلمته لمى : ألو سعد : هلا ب روحي لمى : شخبارك يا بعد عمري سعد : انا بخير طووووول ما انتي بخير لمى : أمممممممم قلبي ممكن اطلب منك طلب سعد : آمري ياروحي عيوني لك لمى : انا بعد شوي بروح زواج صديقتي نسيم والسواق بيوصلني وبعدها بودي امي الرياض ومافي احد يرجعني فا إذا سمحت ممكن انت ترجعني البيت بعد مايخلص الزواج سعد : بس ماطلبتي شي ماعندي مانع بس الساعه كم تبين اجيك لمى : الساعه 3 اذا ماتقدر خلاص اشوف اي احد يوصلني سعد : لالالا مافي اي مشكلة راح تلقيني انتظر ك من الساعه 12 ياسندريلا لمى : اوكي يالله مع السلامة وراح ادق عليك لما اطلع سعد سكر السماعه وقلبه يدق مو مصدق تطلب منه يوصلها وه ياقلبي. وصل فهد عند باب بيت لمى ودق عليها وقالها انا تحت عند الباب , طلعت وشكلها كان يجنن المكياج الفوشي والمناكير والصندل والشنطة وركبت السيارة وهفت ريحة عطرها وضيعت علومه المهم قبل ماتنزل صالة الزواج قالت فهد ماودك تشوفني وانا كاشخة فهد : ياليت يارووووووحي وفتشت وجهها وفتحت العباية وكانت لابسه فستان فوشي وفتحة الصدر كانت كبيرة وصدرها باين وحطت يدها على صدرها وقالت بكل اغراء ودك تلمس ؟ فهد طارت عيونه وقال ايه ايه , مسكت لمى يد فهد وحطت يده على صدرها وخلته يتلمس صدرها وبعدها رجعت يده , الولد هنا ضاعت علومه وعشان يمسك نفسه غمض عيونه وقام يعد من واحد إلى عشرة ولا عاد التفت عليها ومشى , وصل القاعة وقال يا قلبي تبين اجي ارجعك ؟ لمى : لا ياحياتي لاتعب نفسك السواق اكيد بيكون موجود اشوفك على خير باااااااااااي. دخلت الزواج وجلست مع نسيم وانبسطت ولما جات الساعه 3 دقت على سعد وقالت يالله ياحياتي تعال رجعني لا تتأخر ترى القاعة فاضية ومابقى الا انا. |
مشكورة توته على القصه وانتظر التكمل بفارغ الصبر
قصه خطيره خيانه * خيانه |
الفارس الرومانسي يسلموووووووووووووووو على المتابعة وانتظر التكملة
|
وصل سعد بكل لهفة وشوق وجات تتمشى بكل دلع وركبت السيارة وجلست ترمش له بعيونها وقبل مايحرك السيارة قالت : ماودك تشوفني وأنا وكاشفة
سعد : ألا طبعا بس وين لمى : هنا بالسيارة سعد : لالالا ياقلبي أنا اغار عليك اخاف احد يشوفك وانا مابي احد غيري يشوفك لمى : يووووه منك انت شايف الشارع فاضي وبعدين لا تخاف دقيقة بفتش وعلى طول بتغطى , فتشت النقاب وابتسمت ابتسامة ساحرة والولد ضيع من الابتسامة المهم شوي وفتحت العباية وشاف صدرها وقالت : بكل اغراء ماودك تلمس ؟ سعد : تررد قال أخا فاقول ايه وتعصب تكون تبي تختبرني واخاف اقول لا واتحسف لمى : حياتي شفيك ماودك سعد : ألا ودي مسكت يده وخلته يتلمس صدرها وبعدها سعد ماتحمل وسحب يده وعشان مايتهور قام يعد من واحد إلى عشرة وبعدها شغل أغنية ( أموت أعرف على ايش انت ناوي ) وحرك السيارة. طبعا فهد وسعد عاشوا في عالم الحب وهواه وكل واحد كان وده ينهي الحب هذا بالزاوج والاستقرار وكانت المشاعر صادقة ونابعة من احساس داخلي كله لهفة شوق. سعد كان يكلم لمى وقال لها عندي لك خبر بمليون ريال لمى : قول وش هو سعد : انا كلمت امي عنك واختك وودهم يزورونكم لمى : طيب وبعدين سعد : مافهمتي لمى : لاااا وش تقصد سعد : بصراحة يا لمى انتي عارفة انا وش اكثر احبك وانتي تبادليني نفس الشعور على اماعتقد صح لمى : طبعا طبعا يا روحي سعد : وودي الحب هذي ينتهي بنهاية سعيدة وهو الزواج هاه وش رايك اقدر اخلي اهلي يزورونكم؟ لمى : هنا حست انا الدينا تدور فيها وقالت في نفسها يااااااااااااااه الولد صادق بحبه ويبي يتزوجني يعني ........ سعد : الو لمى وينك كل هذا حياء خلاص دامك سكتي اجل قريب اهلي يزورون اهلك لمى : هاه طيب خلاص بس عطني مهلة افكر وارد عليك سعد : اوكي بس اتمنى الاجابة تكون ايه وراح انتظر الرد على نااار سكرت لمى من سعد وبدت تحس بتانيب الضمير وقالت خلاص انا راح ارجع لعقلي واوافق عليه. اليوم الثاني على طول : فهد : فتح مع لمى نفس الموضوع بالضبط وقالت عطني مهلة افكر البنت بدت تحس بتانيب الضمير وحست أن فهد وسعد كانوا غير عن كل الشباب اللي عرفتهم حست انهم صادقين بحبهم لها وماكان تفكيرهم بس بشي واحد يبونه منها وبعدها يتركونها مثل غيرهم وقالت خلاص انا لازم اقرر فكرت كثير وقالت خلاص انا راح اوافق على فهد لسبب بسيط لأن مستواه الاقتصادي اعلى بكثير من سعد وراح يعيشني مثل ما انا عايشه اللحين رغم ان سعد كله رقة واحساس وصاحب النظرة الخجولة لكن لازم افكر بالمستقبل. بعد كم يوم قالت ل سعد أنا راح اسفر ايطاليا ابوي تعبان وراح نعالجه وانا خلاص راح اجهز للزواج . وكلمت فهد وقالت انا راح اروح ايطاليا عشان امي تعبانه ونبي نعالجها وراح أجهز خلاص اول ماارجع من ايطاليا اهلي ينتظرون أهلك. سافرت لمى ايطاليا وسافر قلب سعد وفهد معاه وكل واحد كان ينتظر رجعتها على نار عشان يروح يخطبها وعشان كل واحد يبشر الثاني يقرار زواجه. |
رجعت من السفر وبلغت سعد أنها رجعت وبس لكن بلغت فهد انها رجعت و أن أهلها ينتظرون أهله فهد ماصدق خبر راحوا اهله وخطوبها وتمت الموافقة وبعد ماتمت الموافقة فهد كلم سعد وقال : سعد أبي أشوفك ضرورو عندي لك خبر حلووووو
سعد : لا الله يجيب الاخبار الحلوة حتى انا عندي خبر حلو لك اتفقوا يتلاقون في شقة فهد سعد : هاه قولي وش الخبر اللي عندك فهد : لا أنت قول أول سعد : فهد العين ماتعلى على الحاجب فرحني وقوول انت فهد : طيب يا اخي خويك واخوك فهد بن فلان الفلاني خطب سعد : لاااااااااا مبرووووووووووك مبرووووووك الف الف مبروك خبر يستاهل بوسه وقام وسلم عليه فهد : وابشرط حصلنا الموافقة وخلاص باقي نحدد موعد الملكة وبالصيف الزواج سعد : اها الرجال مستعجل بس قولي من تعيسة احم اقصد سعيدة الحظ هذي؟ فهد : لو أقولك ماراح تصدق سعد : لا انت فهد الفلاني كل شي يجي منك اصدقه قول فهد : تذكر لمى سعد : انصدم ايش فهد : لمى لمى راعية الملاهي سعد : حب يداري الصدمة اي لمى واي ملاهي فهد : سعد ركز معاي لمى راعية الملاهي والبانوراما وخويتها نسيم سعد : ايه عرفتها وش فيها فهد : هذي اللي خطبتها ووافقوا اهلها سعد : بعصبية ايـــــــــــــــــــــــــــــــــــــــــــــــش من جدك ولا تمزح فهد : بصراحة انا خبيت عنك اني كنت ااكلمها واشوفها على النت احبه احبها مووووت يا سعد ماتتصور وش قد انا مبسوط اخيرا راح نتزوج سعد : حس بقهر بألم اللحظة هذي بس عرف أن لمى تلعب بقلبه وقلب صاحبه وقال فهد مستحيل مستحيل تتزوج البنت هذي لو على قص رقبتي فهد : شفيك عصبت سعد روق وش بلاك سعد : انت صدمتني بالخبر فهد : ليه سعد : انت ماتدري ماتدري انا بعد قررت اخطب لمى فهد : اي لمى راعية السوبر ماركت؟ سعد : هذيك اسمها سهى هذا اولا ثانيا لا لمى راعية الملاهي البنت اللي انت تتكلم عنها يا سعد انا بعد خبيت عنك اني اكلمها واشوفها على النت وانا بعد احبها موووووت فهد : تنرفز وش جالس تخربط سعد : فهد انت مركز بكلامي انت فاهم انا وش جالس اقول فهد : انت جالس تخربط وشكلك تعديت حدودك سعد : ارجوك يا فهد افهمني لمى هذي لعبت علي وعليك انا قررت اخطبها وقالت اوكي حياك , وانت جالس تقول انك خطبتها ووافقت هذي لعابة هذي حقيرة فهد : مستحيل تدري يوم عيدميلادها وش صار تدري يوم مره وديتها زواج صديقتها وجلس يحكي له وش بينهم وكان سعد يرجع ويقول وانا بعد صار كذا بيني وبينها انا قالت لي كذا وكذا فهد : ماتحمل والغيرة اكلت قلبه وقف وضرب سعد كف وقاله اطلع برى اصلاانت غيران مني لاني احسن منك حسب ونسب وجاه ومال اطلع برى وانا من طريق وانت من طريق ولو سمعت جبت اسمي او اسمي خطيبتي على لسانك اقصه لك فهمت سعد : وقف ونزلت دمعه وقال تبيعني عشان وحده طووووووووط يا فهد أنا خايف عليك ومابي وحده مثل هذي تلوث سمعتك فهد : خايف علي ايه صح وااضح اطلع برىىىىىىىىىى سعد : أنا طالع يا فهد لكن راح تندم وراح اعتبر كل اللي بيننا انتهى. فهد مافكر بكلام سعد لان بمجرد ماطلع سعد منه كلمته لمى وجلست تتدلع عليه ونسى كل شي معها اما سعد طلع وراح عند البحر يتذكر مواقفها معاه ويتخيل انها لما كانت تقول الكلام له وتقوله ل فهد واللي قاهره اكثرانها خانت حبه مع مين مع اعز اصدقائه واللي قاهره اكثر واكثر انها كانت تلعب بمشاعره وبقلبه. |
يالله مسكين سعد
وربي رحمتة بس فهد نذل وماعنده عقل انتظر التكمله توته اوكي |
سعد كان قلبه طيب وكان خايف على صديقه لما سمع أنه ملك على لمى كانت غيرته على صديقه وحبه له سبب في انها يسوي كذا وقرر انها يخترق ايميلها لانه هو هكرز ويحاول يوصل لأرقامها
وفعلا اخترق جهازها لمى وشاف صورها وصور الشباب اللي تعرفهم كل واحد كاتبه تحت صورته اسمه وعرف انها ماكانت بس تلعب عليه وعلى خويه بس لا كانت تلعب على مجموعة كبيرة من الشباب وشاف الايميلات وبدى يسال من رقمها اللي عنده فتش وفتش وقدر يوصل ولقى عندها خط واحد ب فاتورة ويمكن ثلاث خطوط سوا وموبايلي وارسل طبع فاتورتها وطبع صور الشباب والايملات وارسلها ل فهد , فهد عصب ومافكر ولا شك في لمى قال ه ومقهور مني واكيد الحركات هذي هو مسويها بنفسه عشان يخرب بيني وبينها لاني انا اللي فزت فيها وقرر يعطي سعد درس ماينساه دق عليه وقال ابي اشوفك في شارع خط الدمام الرياض سعد انبسط قال اكيد رجع لعقله ويبي يبشرني انه تركها لكن كانت الصدمة اول مانزل سعد من سيارته استقبله فهد بضرب ضربه وضربه ودق سلف ومشى عنه. سعد كثرت عليه الهموم هم جرح قلبه وهم مفارق خويه وصديق عمره لكنه صبر وسكت وقال براحته , لكن راح يندم وانا عن نفسي لو يقولون فهد بيموت ودواه عندك ماراح ارجع له بأي يووووووم ومسح الدمعه. مرت الأيام وفهد بدى يشك في لمى كل ما يدق عليها يلقى خطها مشغول ولما يجي يجلس معها اربع وعشرين ساعه يدق جوالها مسجات واتصالات ولما يقولها مين كل مره تصرفه والايميل سوت لها واحد جديد وقام يتذكر انها لما تسولف كانت تقول انها عندها اكثرمن خط بدت الشكوك تدور في باله وبيوم اظلم الكون على فهد عرفها على حقيقتها وصدق كلام خويه عنها لانه شاف بعينه ماحد قال له , فهد : الو عمري ودي اشوفك في مطعم التنور لمى : هاهلا مااقدر انا اليوم واعده نسيم اني اروح لها خلها مرة ثانية ياقلبي فهد : اوكي على راحتك يا قلبي بس لاتنسين تدقين علي اليوم اوكي لمى : اوكي فهد صار يدور ويمشي لحاله ماله خوي غير سعد وسعد راااااح المهم قال بروح المقهى اشرب لي شي ودخل اول مادخل طاحت عينه على مين مين لمى جالسه في المقهى مع وحده بس وش جالس يشوف جالس معهم شخصين شابين انصدم بقووووة وحس الدنيا جالسه تدور فيه وصار يسمع صوت سعد وهو يقوله عنها انها كذا وكذا ويتذكر الصور والايميلات وووو وطلع بسررررعه وكلمها وقال لها انتي وينك قالت انا مع صديقتي في المطعم قال لها التفتي وراك والتفت وشافته ومشى عنهااااااااااا دق سلف ةصار يمشي من غير تفكير يمشي بسررررعه جنونية وبعد ساعتين لقى نفسه يمشي على خط الدمام الرياض وكمل مشى مشى يبي ينسى وقف السيارة وجلس يبكي يبكي على جرح قلبه وعلى الخيانة وعلى سعد سعد يقول لتني سمعت كلامه كان خايف علي فعلا هو الصديق هو الاخ وينك يا سعد وينك وصار يتصل على سعد ويدق ويدق وسعد مايرد ويرسل مسجات ( انا محتاج لك لا تخليني يا سعد ) وسعد يفتح المسجات ويبتسم ويقول انت مو محتاج لي فه دصار يدق ويدق وكل يوم يدق عليه ويرسل مسجات ولا رد فهد ارسل ايميل ل سعد وقال له وش صار معاه وووووالخ وسعد نفسه ماهانت عليه ولا رد ولا راح يرد اما لمى كانت تدق وترسل مسجات ل فهد وفهد مايرد ابدا ابدا وهي ترسله تقول انت فاهم خطا هذي صديقتي كانت جالسه ومعها الشابين وانا جلست معهم انتظر نسيم الين تجي لكن فهد خلااص كرهها على كثر ما حبها بعد كم يوم فهد استجمع قوته وراح ل لمى واول ماشافها ضربها كف وسحب الدبلة من يدها وقالها انتي طالق وهذي ورقتك ومهري ابيه يرجع لي, وارسل ل سعد انه طلقها وانه يبي يشوفه لكن سعد مو راضي يسامح مو قادر كل مايتذكر الضرب اللي ضربه والاهانة اللي حصلها منه يقول انسى انسى يا فهد. بعد كم يوم سعد لقى مكالمات من لمى ولما كلمها لمى : سعد ارجوووووك ابي اشوفك ضروري واعتبره آخر يوم تشوفني فيه , مع كثرة ترجي لمى سعد ما حن قلبه لا سعد كان عنده فضول يعرف وش عندها , راح وقابلها واول ماشافته وسالته عن فهد وقال لها انه خلاص ماعاد يبيك قامت تبكي وقالت سعد : حرام عليك يا سعد انت ماتدري انا ليه اسوي كذا انت ماتدري انا ليه العب على الشباب والعب بمشاعرهم سعد : انا مو مضطر اسمع اي مبررات كنت انا وخويي صادقين بالحب والاحساس ومستعدين نسوي كل شي عشانك لكن للأسف طلعتي خاينة وطووووط لمى : سب واشتم انا استاهل كل شي تقوله عني لكن اسمع مني انا لما كان عمري 15 سنة توفى ابوي وكنت متعلقة فيه كثير ولما راح حسيت كل شي بحياتي راااااااااح وماكانت عارفه وش سبب وفاة ابوي الين زوج امي قال لي |
رووووووعه
بانتظار البقيه |
<<<<<<< ينتظر التكمله
|
ابن بلادي يسلموووووووووووو على المرور اخوي وهذي التكملة
الفارس الرومانسي يسلمووووووووووو وهذي التكملة |
وانا ماانسى ماانسى اني مره دخلت ولقيت شخص بغرفة الجلوس ولما سالت امي عنه قالت هذا واحد صديق ابوك وجاء يسال عنه وكنت اشوفه اكثر من مره في بيتنا وبيوم جيت ولقيت ابوي طايح على الارض ووديناه المستشفى طبعا توفى وسبب الوفاة جلطة والجلطة هذي جاته من امي لما دخل غرفة النوم وشا ف وسكتت وجلست تبكي تبكي ابوي مااستحمل الموقف وتوفى بلحظتة اما امي تزوجت الرجال اللي كانت تقول انه صديق ابوي تزوجت عشيقها والناس كانت تتكلم وتقوووووووول وانا كانت اسكر اذني وحسيت ان الخيانة صارت تجري بدمي , امي قالت لي انا ماكنت الاقي الحب والحنان من ابوك عشان كذا دورت على الحب عند غيره والحمد لله هذا انا تزوجت الرجال الي ابي هويبني , كرهت امي وكرهت الدنيا معها ابوي كان عندي كل شي بحيااااااتي وصرت اشوف انها هي اللي ذبحته ومن يومها وانا كنت اروح واجي واطلع مع البنات ولا احد يسالني وين رايحة ولا وين جايه وصدقني مافكرت بأي رجال وكرهت الشباب كلهم الين دخلت الكلية اول سنة بعد كم يوم من بداية السنة صار لي حادث و تكشف جسمي ووجهي وكلي والشباب ماقصروا دقوا على الاسعاف وكذا وبعد كم يوم لما طلعت من المستشفى ورجعت جات وحده وقالت دقي على الرقم هذا واعطتني كرت فيه رقم وصورة وقالت على فكرة هذا اخوي ومشت انا لما شفت الصورة خقيت مكاني ومالقيت نفسي الا وادق على صاحب الرقم في البدايه قلت أبي اشوف وش يبي مني ولما كلمته قال انه شافني يوم الحادث واني اعجبته وكذا وهو كان ولد فلان الفلان
سعد : ميـــــــــــــــــــــــــن لمى : ايه فلان الفلاني لا تستغرب المهم بديت اغوص في عالم الحب مع محمد حبيته واكتشفت بعد فترة ان البنت هذيك ماكانت اخته وشوي وشوي لقيت كرته عند نص بنات الكلية حسيت بالخيانة ومررتها وتذكرت ابووووووي وبكيت بكيت بكيت ورغم معرفتي فيه انه لعاب وخاين وحقير وكل يوم مع وحده كنت احبه واموت فيه وكل يوم اقوله متى تخطبني وكل مره يصرفني وحاول معاي اكثر من مره اني ونزلت راسها وسكتت سعد : حاول يقنعك تطلعين معاه لمى : ياليت على الطلعه وبس لا كان يبي ( ......... ) وانا كنت ارفض اقوله تزوجني وراح اكون كلي لك وحلالك الين تخرجت , حبيته طول الاربع سنوات هذي , وبيوم وليله كذا قال اهلي جاين يزورون اهلك وخطبني انا ماصدقت ماصدقت اخيرا اخيرا راح اعيش معاه تحت سقف واحد وفعلا تزوجت بلمح البصر وكان عرسي اسطوري تتكلم عنه كل الشرقية وبيوم زواجنا اخذ حقه مني طبعا انا اللحين حلاله الشي صار الساعه 3 الفجر والساعة 3 العصر انا في بيت ابوي مطلقه سعد : شهق ايـــــــــــــــــــــش لمى : زادت في البكي هذا اللي صار اخذ اللي يبيه وطلقني بيومها وصار تالناس تتكلم واكثر كلام كان ينقال ( يقولون انها طلعت مو بنت وطلقها ) احتقرت كل الناس وكرهتهم ومن يومها وانا خلاص ماعاد احس صرت عديمة احساس مااحس لا بنفسي ولا بغيري ومن يومها وانا بهذا الطريق اتعرف على شباب واطلع معهم ويصرفون علي وعمر ماحد سالني تبين شي محتاجة شي او من وين لك الفلوس او الشي هذا طبعا انا اتسلى واانا مو محتاجه لفلوس الشباب انا عندي ورث ابوي ملايين لكن سعد : لكن انتي ارخصتي نفسك ليه يا ليه سويتي بنفسك كذا لمى : انا شفت خيانة امي ل ابوي وجربت الخيانة وماتحملت وصرت احل العب بقلوب الشباب وبمشاعرهم واتلذذ وانا اشوف شاب يعبر لي عن مدى حبه وتعلقه فيني واتلذذ في تعذيب الشباب واللعب عليهم سعد : والى اي حد تلعبين عليهم بأنك تبيعين نفسك لهم يا رخيصة انتي طووووووط لمى : لالالالالالا ياسعد انا فطرت في مشاعري واحساس صح لكن شرفي لااااا مستحيل اخلي احد يقرب مني مجرد اشياء خفيفه سعد : مثل ايش لمى : امممممم يعني مثل بوسه لمسه صدر ضمة بس سعد : بس وتشوفين هذي شويه يا واطية لمى : الله يخليك اذا فهد مايبني انت تزوجني استر علي الله يستر عليك سعد : لحظة لحظة وانتي مانخطبتي بعد طلاقك؟ |
لمى : ماحد رضى يتزوجني والناس تتكلم عن امي وبعدها الناس صدقت ان محمد طلقني لاني مو بنت مع اني والله و اللي خلقني كنت بنت بنت
سعد : بعد كل اللي عرفته عنك وبعد لك عين تطلبين مني اتزوجك انتي مو نظيفه انتي وسخة انت الف شاب باس شفتك والف واحد جلستي بحضه والف واحد لمس صدرك تبيني اوسخ نفسي فيك اسمحي لي ولا عاد ابي اشوفك تدقين علي او على فهد لمى : وانت رجعت ل فهد ارجوك انا خلا ص تبت حتى تذكر لما قلت لك اني بروح ايطاليا كنت ناوية اتوب واتزوج فهد وانستر ووسافرت ايطاليا فعلا بس عشان اسوي عملية وارجع بنت انا تبت وابي الستر سعد : للأسف انتي خانية وقذرة وماراح تتنظفين لو وش سويتي روحي يابنت الناس الله يستر عليك ومشى عنها. بقت لمى حايرة بين دموعها وندمها أنها ضيعة شخصين كان كل واحد فيهم مستعد يفديها بروحه. في يوم من الأيام كان سعد يمشي بسيارته ومشغل أغنية ( إذا تفارق شخص عادي مصيبة وش لون لو فارقت اللي تحبه ...) وهو يمشي إلا شاف حادث وقف ونزل ولما قرب الا بشوف فهد طايح على الارض والدم مغرق جسمه صرخ فيهم وين الاسعاااااااااااااااف ردواعليه : جاي في الطريق سعد ماتحمل منظر فهد اخذه بسيارته وراح فيه المستشفى وبعدها رجع لموقع الحادث وعرف من الناس اللي شافوا الحادث أن فهد كان وقف على البحر وبعدها قام يصررررررخ وراح يركض على الشارع وما انتبه للسيارة ودعمته, اول مافتح فهد عينه لقى باقة ورد اخذ الكرت وفتحه ( بسم الله الرحمن الحمد لله على السلامة وفي نهاية الكرت أللي كان أخوك سعد ) نزلت دمعة من عين فهد دمعة حااارة ذوبت عينه ورمشه , صار يدق على سعد ويرسله مسجات وسعد مايرد وبلحظة فكر أرسل مسج ل سعد ( سعد ياخوي أنا أحس أني بموت أبيك تجي أبي اوصيك وصية امانة برقبتك ) لما قرى سعد الرسالة ماقدر يمسك نفسه وراح يررررركض ولما دخل عليه استقبل فهد سعد بأبتسامة وفتح ذراعه وقال تعاااااااااااال سعد تررد كثير لكن راح وضم فهد بقوووووووووة , فهد مسك يد سعد وباسها وقال أرجووووووك سامحني أنا عرفت غلطتي من زمااااان بس انت اللي قاطعه سعد اللحين لا تتكلم ولا تقول حسابك بعدين خلك ارتاح اللحين انت ويصير خير ولو على شي انا مساااااامحك من كل قلبي. تناقشوا في موضوع البنت وقال سعد انا نسيت كل كلمه جرحتني فيها وغلطت فيها علي لكن انا مو قادر أنسى أن بنت بنت تفرق بيني وبينك هذا اللي ماحسبت حسابه فهد : صدقني كانت فيه غشاو ةعلى عيني ولولا الله ثم أنت كان أللحين أنا كل يوم أبكي من الكلام اللي سمعته. رجع سعد ل فهد ورجعوا مثل قبل خوان واصدقاء وكل واحد قطع للثاني وعد ماعاد يفكر انه يحب ألين ربي يرزقهم ببنات الحلال , وبعد كم شهر ولما حس كل من سعد وفهد انه حالته النفسية صارت كويسه وعال العال وان آثار الجروح ألتمأمت قرروا يتزوجون , البنات اللي تزوجهم يصيرون بنات خالة سعد , فهد : اقول سعد روح طلق زوجتك سعد : ليه خير فهد : لانك انت كل دقيقه تشوف زوجتي سعد : ضرب فهد على كتفه قال وجع انا عمري مافكرت بالطريقة هذي الا انت اللي طلق زوجتك أنا على الاقل ولد خالتها لكن أنت . طبعا هم يقولون كذا لأن البنات اللي تزوجهم تؤم وعاشوا حياة سعيدة وجابوا عيال وصار فهد أبو سعد وسعد أبو فهد وفي يوم من الأيام قرروا يروحون الملاهي يمشون العيال وقبل مايدخلون وقفت سيارة شبح ونزلت منها بنت كاشخة وناظر فهد سعد وابتسموا لبعض ودخلوا الملاهي كل واحد ماسك يد زوجته وماسك عياله. انتهت القصة طبعا كل شخص أول ماقرأ عنوان القصة جاء في باله فكرة لكن فكرة عن بداية خيانة ونهاية حب لها جانبين الجانب الأول : بدأت الخيانة لما فهد خان الصداقة وتهاوش مع سعد ومارضى يصدق كلامه وانتهت بالحب لما رجعوا لبعض الجانب الثاني بدأت باالخيانة لما كل واحد عاش اول قصة حب وكانت نتيجتها الخيانة وانتهت حياتهم بأحلى قصة حب لما تزوجوا وحبوا زوجاتهم حب حقيقي. |
يالله قصة فعلا جميله الصديق وقت الضيق مشكوره توتة على القصه الروعه يعطيكي العافيه |
قصه حلوووووووووووووووه
لازم نسويها ههههههههههههههههههههههههههههه مشكوره اختي على الموضوع |
الفارس الرومانسي يسلموووووو على الكلام الحلوووووووو
ارنوبي يسلمووووووووووو على المرور وانتظرووووووووا جديدي |
اكيد تعرفيني ما اتاخر على قصصك
ويعطيكي العافيه |
يسلمووووووووووووووووووووو الفارس الرومانسي على الكلام الطيب
|
يعطيكـ الف عافيهـ بانتظارجديدكـ الرائع،، رووبــــــــي |
روبي يسلموووووووووووووووووووووو على المروووووووور الحلووووووووووووو
|
السلام عليكم ورحمة الله وبركاته
يعطيك العافيه على القثه الحلوه وأعذروني اذا أخطأت بالكتابه طولت وأنا أقرا القصه والسبب حبي لقرائة القصص التي اخرج منها بفائده تمنياتي لكم بمزيد من التألق والجمال........ |
يا الله ما أحلى القصة
بصراحه قمة في الرومنسية ألف شكر ياتوته على القصة اللي خنقتني العبرة بسببها الله يسامحك بس |
يعطيك الف عافيه على الطرح
تشكرات |
عمور يسلموووو على الكلام الرااائع وكل شي ال دموووعك
هارتي يسلمووووووو على المرور الحلووووووووو |
| الساعة الآن 03:02 PM. |