|
حـامـد زيــد - البدع ( الــجــمــهــرة ) + نـايـف الـشـريـف - الرد ( الــعــتــاب )
القصيده :الجمهره
إي بالله أخطوا والخطا اللي جابهم عين الصواب =مبطي وأنا أشوف الطمع يكشف رداهم وأستره مايملي عيون الحسود بهالزمن غير التراب =ومن لايتوب من الخطا تحرم عليه المعذره اللي من أولها خراب أكيد تاليها خراب =والبندق اللي ماتثور في هدفها تذعره ودك اليامن جاتك الغلطه من الناس القراب =الصاحب اللي ماكسبت محبته ماتخسره مشكلتي إني ماعرفت أحسب لصدتهم حساب =قلطتهم صدري على ذكرى قصيد وحنجره صوت ٍ يصول بمنبره واخطاب مامثله خطاب =والطيبه اللي زعزعت صوت الخطيب ومنبره مافيه دمع ٍ صوبوه أحبابي بوجهي وخاب =ولازرق حزني على غالي ولافج انحره كل الزهاب اللي معي ذكرى من أصحاب الزهاب =واللي بقالي من عذاب اشرس طريقي وأخطره لأني تجنبت الغرق.. عديت من فوق السحاب =لأن أكثر أصحابي ورق..ماشفت للطيب إثمره والله ماحطيت بين الحقدوالخوه حجاب =حتى غدوا ربعي يحدوني على الضيق أشكره البارحه ثارت علي رقاب وأوتني رقاب =البارحه ياثقل دم البارح ويامحقره أثر المصايب ماتجيك إلا من الناس القراب =وبهالزمن حتى الخوي اللي تثق فيه أحذره أهب ياوجه الحسد وشلون جمعهم وغاب =كيف السنين اللي عطتني بعثرتهم بعثره لابارك الله في رفيق ٍ تزعله كلمة عتاب =ولاجمع الله الرجال اللي تفرقهم مره الصاحب اللي مايجي من صحبته غير العذاب =نذر ٍ علي إن ماهجرني وإلا أنا اللي ب أهجره من يفتح لفرقاي باب أفك له عشرين باب =وأذا خويي مايقدر خوتي ما أقدره عو ّدت نفسي كل ماشددت لليمّه ركاب =مأصد وجهي عن طموح إلا لياجبت خبره أن روّحوا فأنا بري منهم ليوم الحساب =وإن جرحوا قولوا لهم ماحركوا فيّ إشعره شفهم لهم حول السنه ولا خذوا مني جواب =أحسن دوا للي يحاول يستفزك تحقره ماكنت أحاتيهم صغيّير ..عاد أحاتيهم شباب =الصاحب اللي ما أذخره لليوم الأسود ما أذخره شفني جمعت أوراقهم بكتاب وأغلقت الكتاب =ياوقت لم اللي تلمه وأنثر اللي تنثره عقب أكتئاب البارحه ماعاد انا حمل إكتئاب =الطيب جرجرني وانا ماني بناقص جرجره انا تجرعت الظما لين أحترق وجهي وذاب =انا كسرت بخاطري قبل الصداقه تكسره انا خسرت اللي غيابه غير عن كل الغياب =انا غفرت لعالمٍ ماتستحق المغفره انا أكثر (أنسان) تعلم من كثر ماأخطأ وصاب =انا أخر (لسان) يتكلم في زمان الثرثره انا القصيد اللي فزع من دفتره مليون ناب =وانا الوحيد اللي جمع مليون ناب بدفتره جفني وجرّحه السهر ، حيلي وهدّته الصعاب =دمعي هدر،ضحكي ندر،عمري وضيعت أكثره شيبت بعقول العرب..هيبت روس ٍ ماتهاب =جمهرت ناس ٍ عمرهم مايعرفون الجمهره ماصرت ذيب إلا لأن اللي تحدوني ذياب =ما كنت أغيب إلا لأن العفو عند المقدره ترى حلاتك لاحملت لصاحبك كلمة عتاب =أن مانطقت بها بوجهه ماتذمه بظهره في هالزمن مايملي عيون الحسود إلا التراب =والا الحظيظ.. الطلقه اللي ماتصيبه تذعره ودك اليامن جاتك الغلطه من الناس القراب =الصاحب اللي ماكسبت محبته ماتخسره الــرد : العتاب
من قلد المخطي يضيّع لامشى مثل الغراب = اللي يقلد فالحمامة من كثر ماتقهره لاهو فصخ سود الثياب ومرتدي بيض الثياب=ولاسلم من صوت جش وجات فيه القرقره يالضامي اللي راح يلهث يوم بان إله السراب=الساق من زود العدي مايدري إنه كسره ياما نصحت وقلت له إشرب ليا طاب الشراب=الرزق لامنه بغاك الله كريم وقدره وإن كان لك ناب ٍ فغيرك بان له الفين ناب=إليا ضحكت اليوم غيرك بان نابه كـشـّـره ياذيب حذراك الخطا وإن جيت في درب الذياب=أصبر ترى ماجاك حق ولك رفيق وحذره ماتاب يومني اظنه عن خطاه العام تاب=الثور له قرن واشوفه حاس حاس وغبره مايدري إني قد قريت اليوم مضمون الكتاب=إليا لقيته قول نايف قد قراه وسكره صاحب طربه اليوم اشوفه كان غنتله عتاب=إل كل غلطه او خزى عوّد وراه وصدره ماخاف من يوم ٍ يجيه ويبتدي فيه الحساب=إن كان مسته اللهايب من يجي ويصبره داب ٍ واشوفه ملتوي يعصر له اليومه فداب=مافكه إلا لين مات وراح حتى ما أقبره دله على درب الخطا ماجاه في درب الصواب=اخطا وامره فالخطا ماجاه ليه ودبره ياصاحب ايام الفلاح إن كان جنّبك العذاب=الوقت يمشي حسّن أخطوط الكتاب وسطره سطـّر جميل الفعل تلقى للهنا مليون باب=إن كان فعلك مايجمـّـل غط غطه سـتـّــره بعض العرب له وقفة ِ فعل ٍ تطول إبه الرقاب=إليا حكى بالقول غصبه تحترم وتقدره شيخ ٍ وله قدره ومنزل معتلي فوق السحاب=اللي فمخباه الكريم بكف خير يندره والبعض عن فعل المراجل والكرم لاحل غاب= أحد ٍ يسنده بردى وأحد ٍ بخزي يحدره ماله جميله او فعل نجزاه بالفعل الثواب=اقصى حدوده لانصاه اليوم احد يتعذره بكتب وماني باللذي متعني ٍ يكتب خطاب= أكتب شعر وإن كان كسره بان لي بنجبره برسل قوافي الشعر قاف ٍ ياصل لحضرة جناب= اللي ليا جاته قوافي الشعر كود تبصره مانحسب احساب الخطا والدنيا تاليها خراب=اللي يفرحه الغـِـنا بكره نهار يفقره هذي حياة وسهلها ملزوم يلقاله هضاب=احفظ زهابك لايضيع اليوم خله وفره مادمت في سهل الزمان إحذر تضيـّـعك الشعاب= الشـِـعب لامنك مشيت إحذر رفيق تغبره خله يشوف من الوفا ياصاحبي مالذ طاب= الطيبه اللي لالقت بعض الخطا ماتكبره كم واحد ٍ ودى علوم ولا لفا - كم علم جاب=كم واحد ٍ لامن لفاك بعلم زور تخبره كم مرة ٍ نرسل رسول ولا لقا عندك جواب=العلم لامنك حكيت العلم قمت تنفره النجم يالصاحب تشوف إن طاح سميته شهاب=إن طاح نجم ٍ للثرا محد ٍ يجي ويعبره حذراك حذراك الغرور إحذر يكون إلك الركاب =الطيب خله لك رفيق الذكر دوم يعطره كم ظن ظنيته وكم من ظن فالدنيا وخاب=الظن هو اكذب حديث احذر عليّ تكثره وإن كان لك ظن ٍ فلاني يوم ظنيته معاب=الظن دوم إلك الرفيق انته عليك تأمره كم وقفة ٍ وقفتها لك فالذهاب وفالإياب=إن كان لي فعل إنسى عيد الزمان وحضـّـره حضـّـر زمان ٍ راح كانك ماتخاف ولا تهاب=اذكر جميل الفعل لف بهالزمان وشبره ياصاحبي عذرك رفيق وفالزمان انت الزهاب=إن كان جرحي مايطيب أصبر عليه وأخدره بصبر عليك ولو تشوف من اللهيب القلب ذاب=الصاحب اللي مايغطي عن رفيقه وخره |
نايف الشريف
صح لسانك وقصيده رائعه جدا جدا بس عندي سؤال انت في القصيده هذي ترد علي حامد زيد في نفس المعني او انك تجاري في نفس القاف فقط والمعني عندك اخر مختلف ياليت توضح لي ؟؟؟ تقبل تحياتي |
بسم الله الرحمن الرحيم اخي الحبيب ( النادم ) السلام عليكم ورحمة الله وبركاته تشريف وتكليف لي زيارتك لمزيد من المشاركات اخي الحبيب قصيدة العتاب هي الرد على قصيدة الجمهرة , وشملت الرد في المعنى وهي بطبيعة الحال لابد ان تكون على نفس الوزن والقافية . وإسم القصيدة ( العتاب ) مأخوذ من بيت الاخ حامد زيد الذي قال فيه
لابــارك الله فــي رفـيـق ٍ تزعـلـه كلـمـة عـتـاب=ولاجـمــع الله الـرجــال الـلــي تـفـرقـهـم مــــره
|
(( أبو شرف ))
ماتشوف انك جازفت بالحيل انت شاعر ولا عليك زود بس تجاري حامد زيد (( صعبه شوي )) يكفي من حامد زيد لو انه ماقال في حياته الا هالبيتين والله انها عندي بديوان شعري انا أكثر (أنسان) تعلـم مـن كثـر ماأخطـأ وصـاب انـا أخــر (لـسـان) يتكـلـم فــي زمــان الثـرثـره انـا القصيـد اللـي فـزع مـن دفتـره مليـون نــاب وانـا الوحيـد اللـي جـمـع ملـيـون نــاب بدفـتـره تقبل تحياتي وتاكد ان الكلام اللي انا قلته مجرد كلام وانته تدري ان الكلام لايودي ولايجيب بس لاتاخذها بعين الاعتبار |
نايف الشريف صح لساااانك والنعم والله ماقصرت ... وااااافيه يالذيب تقبل مروري دمت بوود |
ياما نصحت وقلت له إشرب ليا طاب الشـراب=الـــرزق لامــنــه بــغــاك الله كــريــم وقــــدره
في هذا البيت نصيحة قيّمة وهااادفة http://www.21za.com/pic/decoration006_files/110.gif
بصبر عليك ولو تشوف من اللهيب القلب ذاب=الصاحـب اللـي مايغـطـي عــن رفيـقـه وخــره
وفي هذا البيت معنى جميل وخطاب للروح http://www.21za.com/pic/decoration006_files/110.gif الشـــآآآآآآعر الكبير http://www.21za.com/pic/decoration006_files/110.gif نـــــــايـــف الشــــريــــف http://www.21za.com/pic/decoration006_files/110.gif شــآآآآآآمخــــة تعانق السحآآآآآآب وترتقي بنا لعالم الإبدآآآآآع والتميز صح لســآآآآآآنك وربي لا هــآآآآآنك وكل بيت يكفي عن قصيدة والقصيدة تستحق أن تكتب بحروف من ذهب ننتظر جديدك الرآآآآآآآئع فلا تطيل علينا http://www.21za.com/pic/decoration006_files/110.gif دمت بخير " |
نايف الشريف
صح لسانك رديه جميله أنت شاعر قدير ومبدع تقبل ودي وتقديري |
http://www.disk4arab.net/files/6c747db3c2.gif يـ(ع)ـطيكـــ الـ(ع)ـــافيهــ (ع) هالــطرح !! *•~-.¸¸,.-~*وسلمت اناملكـ*•~-.¸¸,.-~* دامـ ()تواجدكــ() وبأنتظار ()جديدكـ() !! http://www.dubaieyes.net/gallery/dat...9/no%20(3).gif http://img171.imageshack.us/img171/5518/redakayr4.gif / \ رووبـــــــــي |
اقتباس:
بسم الله الرحمن الرحيم اخي الحبيب في الله ( النادم ) السلام عليكم ورحمة الله وبركاته ماقلته اخي الحبيب عين الصواب حامد زيد من الشعراء المتميزين بالفعل , وفي ساحة شعرية يخدمها الاعلام ويظهر فيها العديد من الشعراء , من يكون متتميز من بينهم لاشك انه شاعر يشار إليه بالبنان كما هو الحال مع الاخ/حامد زيد . حامد زيد من الشعراء الذين يشار لهم بالبنان , وحين نقول لشخص او اي شيئ انه يشار إليه بالبنان ( فهذا يدل على إرتفاع الشخصية او المشار إليه اياً كان ) القصيدة لها موضوعها الخاص فحين يقال انني أجاري قصيدة حامد زيد , هي بالفعل مجاراة ومحاولة لكي استفيد من كبار الشعراء ومنهم الاخ/حامد زيد اخي الكريم - حين تحاول ان تستفيد لابد لك ان تستفيد من الكبار لكي تصل وترتقي او ان يأخذون بيدك لمكان تطمح ان تصل إليه . انت اخي الحبيب معك كل الحق فيما قلته ولكنها محاولة بواسطة الكبار للرقي بما اكتبه , ومجازفة كما قلت اعشقها ولا اهابها فقد تعثرت كثيراً ونهضت ولا زلت اسير ولله الحمد اختم القول انني معك فيما تقول , وماتقوله لن يمر عليّ دون الإستفادة منه , فمن نقد الكتابة يـُـحـَـسـّـِـنُ الكاتب كتاباته في الختام لايسعني ان اقول هذا أنا
هذا أنا - دايم أنا - صبر وعنا - طول السنا = وإن كان شفتوا حالتي - لاتنشدوني من أنا هذا أنا - ماشلت هميٍ فالضمير ولا افكر فالمصير=ولا أناظر يوم غيري لجل اشوفه وش جنا هذا أنا تقبل تحياتي وتقديري |
اقتباس:
اخي الحبيب في الله العــ راعي ــليا السلام عليكم ورحمة الله وبركاته مرورك تشريف لي ووسام عز تقلدني إياه انتم اصحاب الجميل وليت مثلي من يستطيع ان يوفـّـي جميل الكرام , رغم ان جمائلكم غمرتني , إلا انني سأسعى لأن اكون عند حسن الظن صح بدنك تسلم لك تحياتي وتقديري |
http://www.al-wed.com/pic-vb/102.gif :: :: :: http://www.al-wed.com/pic-vb/765.gif نايف الشريفhttp://www.al-wed.com/pic-vb/765.gif :: :: :: صح السانك و على الاخرى عانك مبدع ورائع مجارات الشعراء ليس عيبا ً مهما بلغ في شاعريتة نكن لهم الاحترام و التقدير و نعتبرهم مثالاً اعلى لنا نتعلم منهم و نسير على دربهم نحن هنا نبدع و نتميز ولا احد كامل والكمال لله وحده ننتظر منك المزيد فلا تطيل تقبل مني خالص الاماني طارق اليامي :: :: :: http://www.al-wed.com/pic-vb/55.gif |
اقتباس:
بسم الله الرحمن الرحيم اختي الكريمة ( مهآآآآآآآجرة ) السلام عليكم ورحمة الله وبركاته اتقدم لكم بالشكر الجزيل على تثبيتكم للقصيدة وللحق اقول انكم اسرتموني بهذا العمل , ولن اكون إلا عند حسن الظن بي إن شاء الله مرورك المستمر على ما اكتبه إشارة للتكليف لبذل المزيد من العطاء فهل حين نعطي - سنعطي بقدر مانعطي للود كمنتدى واعضاء كرام دمتم لنا نبعاً للود - والمحبة في الله اكرر الشكر على التثبيت والزيارة الكريمة ولكي تحياتي اخيكي وتقديره |
اقتباس:
اخي الحبيب في الله ( معدي المراقيب ) السلام عليكم ورحمة الله وبركاته صح بدنك اخي الحبيب واشكر لك مرورك الكريم كلي امال الا تحرمنا زياراتك فقد ألفناها وإعتدناها واصبحت اساس ليس لنا عنه إستغاء لك تحياتي وتقديري |
يسلمك ربي على الطرح الرائع خونا ولاهنت مودتي |
اقتباس:
الاخت الكريمة ( روووبي ) السلام عليكم ورحمة الله وبركاته اشكرك على تشريفك لي بالزيارة فأنتم اهل الدار ونحن ضيوفكم وهل اكرم منك في ضيافة ضيفكم ليست بمستغربة هذه الزيارة على الكرماء امثالكم لكي تحيات اخيكي وتقديره |
اقتباس:
ياسلام الله سلامي ياصل اليامي وحله=ياصل اليامي ومثله قدّر اليومه سلامي مرحبا والفين حيـّـه والرفيق اللي نجله=حس ما فالقلب حسـّـه قبل لا أبدى كلامي ما علي ّ ولا عليّ ودايم ٍ ريقي ابله=دايم ٍ ينقال عني فاااارس الكلمة عصامي فاااارس الكلمة ودربي دايم ٍ والله ادله=واعرف الطرقه واحاول لايقولون إنهزامي ماهزمني كود خل ٍ تعرفه لاجاك قله=علمه لاجاك خلي علمه كيف إحترامي محتـِـرم خلي ولاني واطي ٍ فالدرب ظله=شوف كيف القول شوفه كيف لو يوقف امامي لو وقف والله أغطي بالورود الجسم كله=لجل تصبح فالمحبه قصة ٍ تحكي غرامي حب قلبي ياعميلي حب ما حي ٍ وصل له=حب قصه للغرام وحب يحرمني منامي |
اقتباس:
فزولها لجل الزيارة شرفتني في محلي=فزوا دام إني افز وفزتي قدر ومحبه إيه انا والله افز أفز وإن فزيت كلي=لاتلوموني تراني راعي الفنجال اصبه اكرم الزاير ودامه جا تعنالي وصل لي=مرحبا والفين حيـّـه لا يظن إني اكبه ما اكبه لا وربي ماهي عاداتي ودلي=عادتي الترحاب للي زارني لوهو مشبه |
نايف الشريف/
ولما لاتكون هذه القصيده شامخه ,انها بالفعل مجاراه تستحق التصفيق لها من شاعر حقيقي,صح لسانكـ ولاهنت. |
اقتباس:
نايف الشريف صح لسااانك،ولانوفي قصيده وافيه،ورائعة بروعة حضورك قصيدة تضمنت العديد من النصائح،والمثايل التي لايجيدها الا الكبار الله يعطيك 1000 عافية وارى أن ماكتبت لايعتبر مجازفه كما ذكر من بعض الاعضاء،فأنت شاعر قدير ويدل على ذلك النص الشامخ الذي بين ايدينا،كما انه لايعتبر مجازفه من الشاعر المبتديء ايضاً،ذلك لسبب بسيط أن الشخص لا يتعلم الا من خلال التجربه ومقارنة النص الذي يكتب مع النص الشعري للشاعر المراد،، اكرر الله يعطيك العافية وسعيدين بأنظمامك الا الود تحيااااااااااتي |
اقتباس:
اخي الحبيب في الله ( العالم المجنون ) السلام عليكم ورحمة الله وبركاته زيارتك اخي الحبيب في ماجعلت قصيدتي شامخة فالقصائد ترتقي حين يكون الزائر لها بشموخ وقامة شخصكم الكريم اشكرك على كلماتك الطيبة ولك تحياتي وتقديري |
اقتباس:
اهلا وسهلا بك اخي الحبيب في الله ( ساني ظلام الليل ) السلام عليكم ورحمة الله وبركاته صح بدنك اخي الحبيب بحق لا اجامل فيه مازاد القصيدة روعة هي زيارتك لها وفيما سبق من تعليقات اقول انها والله اسعدتني كثيراً لابد ان نسمع لوجهات النظر برؤياها المختلفة , فمن إختلاف وجهات النظر احاول ان اتصل بالطريق الذي اريد ان اواصل فيه واضع لنفسي فيه مكان ومسار مع ان الشعر والشعراء غالباً لايتحكمون في افكارهم او حتى موضوعات قصائدهم إلا انني احاول ان ارضي اغلب الاذواق مع علمي ان هذا قد يكون مستحيل هنا اقول انني كرجل يحاول ان يقال عنه شاعر اكتب ما اشعر به وغالباً اجد نفسي في قصائد الحماس او الموضوعات الاجتماعية ومقل جداً جداً في القصائد الغزليه ( لماذا لا اعلم فربما التجربة لم تسعفني ) استطيع ان اضع نفسي في قائمة شعراء الموقف ولست من شعراء الخيال الخصب لذا تجدني استمع لمعظم الأراء التي تصطف لتتحدث عن قصيدة كاتبها ( نايف الشريف ) وماسبب ذلك إلا انني شاعر موقف واحاول ان اتعرف على أراء الناس من حيث هل إستطعت ان انقل لهم من خلال قصيدة تصور ما اما شاعر الخيال الخصب فمساحته اوسع , حيث انه كتب ماشعر به خاصة في القصائد الغزلية حقيقة اعترف بها انني لا اجيد القصائد الغزلية ولا امتلك الخيال الخصب لكتابة قصيدى غزلية هذا مرجعة بالطبع للتجربة وندرتها هنا سأنقل لك قصيدة اجد نفسي
خط ياكفي كلامي .واكتب من النار نار= خط كان إنك نويت اليوم تاصل للحقيقة خط واهدم دار ظلم وشيد للمظلوم دار=وإن نويت اليوم ظالم شب في صدره حريقة فالكلام يجيك عز وفالسكوت يجيك عار=لو سكت اليوم نسمع من ظلم زايد نهيقه من سرقنا لاسرقنا يسرق إبوضح النهار=كل ٍ ويسرق وكل ٍ يسرق بنفس الطريقة والله إني ماسكت وحق لي ناويه ثار=ما اطيق الظلم يوم ولاهقيت إني اطيقه ماصبرت إلا على اللي كان لي في يوم جار=يسكن فداره وداري كانت لداره لصيقة ضرني واقفى وعني لف ظهره واستدار=كيف ينساني وانا اللي كنت فالطرقة رفيقه كنت له بستان خير وكم جنى منه الثمار=كنت في شمسه وحره كان له صدري حديقة ليه يالظالم تذر اليوم فالوجه الغبار=مايذر إلا على اللي كان فأيامه صديقه والله إني لاحرق الدنيا واخليها دمار=واشعل النيران حتى مانبل اليوم ريقه قلبي اللي صرّ علمه عقب نية وإستخار=ناوي اليوم الحقوق وعلم ياصلكم بريقه ما اخلي السارق اللي لو سكن خشه وغار=يهتني بالمال وغيره باقي إجروحه عميقه في هذه القصيدة اخي الكريم وجدت نفسي بحق انطلق بحرية في الكتابة , حتى انني وبحق اقولها ان القصيدة لاتستغرق معي اكثر من ساعة ونصف وربما ساعتين إن كانت من القصائد المطولة ذات الثلاثين بيت او اكثر. بينما القصيدة الغزلية اجد نفسي وإن قلت ابياتها استغرق بها وقت اطول , وفي كثير من الاحيان اعزف عن إكمالها اقول ذلك وانا اتعرف به ولا اجد فيه الحرج مثال القصيدة الغزلية هــذي أفــكــــاري!
شوفي يـديني ترتجف حـزة تجـيني = تـرتـجـف والـقـلـب جــاه الـيـوم عـله دام جـيـتـي ناظري لحظـه فـعـيـني = حـسـي ذاك الـقـلـب لا غـيـر مــحـلـه مــا لمـحـتـي يـوم مريـتي حنـيــني = مـا عـرفـتـي عـاشـقـك طـبـعـه ودلـه اســتـحي ومـن الحـيا لازاد فـيـني = ارتــجـف والــريـق مـا اقــوى ابــلـه ارخي طرف العين يمكن تمدحيني = وارخــي الـكـلـمـه واقـل الـقول اقـله مــا اكـثـر لـك كـلامـي سامـحـيني = بــس فــي نـفـسـي اهـل الـعلـــم كـله خـايـف إلـيـامـن حكينا تجرحـيـنـي = مـا احــب إلـيــا بــدت فـالـقــول زلـــه خـايـف ٍ بـالـحـب والله تـذبـحـيـنـي = خـايــف ٍ قـلـبــي ليامـن حــــب اذلــه مـن رداة الطبع خايف تفضـحيـني = جـاهــل ٍ عــذ ّب بــزود الــحــب خـلـه هـذي افكاري! وهــذا اللي يجـيـني = عـاشــق ٍ لا حــب خــاف الـيــوم ظله |
أخي نايف بصراحة أمرك غريب تأتي بأبيات قوية وأخرى ليس لها معنى أبدا ولا أعلم هل أنت تفقد التركيز أو أنك تصف كلمات كي تجبر القصيدة وفيه بيت ذكرت أسم عتاب فقد كان نشاز جداا وهنا بان الضعف عندك في القريحة الشعرية ولا أنت رجال مافيك قصور والنعم فيك فقد وضحت لي أنك أتيت بها والقاف من عسفك وأنت لم تعسف القاف وهنا الفرق بين الشعراء وفيه نقطة مهما في قوانين الشعر أو المتعارف عليه انت تقول رد والرد يجب إلا تأخذ من قيفان القصيدة بل تبدع قيفان جديدة لم يسردها الشاعر إلذي قبلك أم المجاراه لو تأخذ أبيات منه فليس بها ضرر بصراحة محاولة جريئة منك ان تجاري أو ترد على حامد زيد ولك وعدي مني أن أعرضها عليه والله ثم والله سوف أقولك لك بالحرف الواحد ماذا قال عن قصيدتك وأرجو أن تأخذ كلامي بصدر رحب |
بسم الله الرحمن الرحيم اخي الحبيب في الله ( مهندس الكلمة ) السلام عليكم ورحمة الله وبركاته إسمح لي ان اتداخل من داخل مشاركتك ليظهر تعليقي على ما قلت وسأجعل مشاركتي وهي داخل مشاركتك في الاقتباس باللون الاخضر اقتباس:
|
هنا لن ندخل في مرحلة ثانية من الشرح اولا فن الشقر والمحاورة غير وبعيد كل البعد عن النظم وأنا متأكد من كلامي جيدا ثانيا نجعل قصيدتك جانبا قليلا انت تتكلم عن تكرار حامد زيد للأبيات أو القافية وهي عند ختام القصيدة وهذا شي عادي جدا لأن غالب القصائد تختم في مطالعها ثالثا أنا لم أشرح قصيدتك التشريح المطلوب بل قرأتها قراءة عادية لأنه شبه واضحة ولم تأتي بشي غير واضح وأبيات مكشوفة ولكن البيت الذي ذكرت فيه عتاب كان عندك القدرة أن تأتي ببيت أخر أجمل وأحلى وأنا على ما أظن أن قصيدة حامد زيد مغلقة الرد إلا أن كنت تخالفة الرأي وانا ما أراه في قصيدتك هو نسخ لقصيدة حامد زيد ولم تأتي بجديد فلو حاولت كتابت الفكرة بإسلوبك لأجد صياغة الابيات وزان طرقك لها والشعراء مختلفون يا أخي العزيز لو كل شاعر تأثر بشاعر لوجدنا القصائد مكرره في معانيها وتركيبت أبياته وقوافيها وصدقني لم أكتب هذا الكلام لإستعراض عضلاتي النقدية او اللغوية بالعكس أحسست أنك شاعر موهوب وجميل ولكنك تحاول أن تهمل نفسك في تكرار غير مقبول من شاعر مثلك عنده القدرة في إبتكار منهج مستقل في قصائدة ولوحاولت لا ماعجزت عن ذلك وتبقى ... وجهة نظر |
اقتباس:
اخي الحبيب مهندس الكلمة اقدر وجهة نظرك واشكرك على الإطراء ولازلت انتظر رد الاخ الشاعر الكبير/حامد زيد بعدما تنقل له القصيدة |
صح لسانكــ اخوي ناااايف دائم مبدع ومتميز ومتألق في سما القصيد متابع دائم لك تقبل مروري |
اقتباس:
بارك الله فيك اخي فهد الشمري متابعتك وسام اباهي به وافتخر لك كل الشكر والتقدير |
| الساعة الآن 09:03 PM. |