|
اقتلوا المعلمين!!
السلام عليكم حبايبي موضوع اليوم جايبه من صميم قلبي... ليست مبالغة ولكن من واقع تجربة ومعايشة لها. لا احءد ينكر ان التعليم هو اساس اي نهضة حضارية . وهي بناء للجيل البناء والمعطاء. ولكن للنظر الى واقع التعليم هنا.. والله انها مأساة. اللوم يقع مباشرة على المعلم.. قال ايش : قال المدرسين ماصاروا زي ايام زمان(ماعنده شخصية) والي يقولك ان المدرسين قدوة سسيئة للطلاب, ويستشهد بحالاات شاذة منهم. عموما.. الموضوع من وجهة نظري له اكثر من محور. والله يعينكم على محاوري الدفاعية والهجومية(ييبيلك تجيب قاتوزو )ههههههههههههههههه حبايبي انا والعياذ بالله من كلمة انا (مدرس عنقليزي),, اول سنة بالتدريس . لكن شفت اشياء غريبه ما كنت متوقعها من قبل.. المدرسين بصفة عامه ,, والله اذا دخلوا المدرسه يتغيرون 180 درجة. وحتى لو كان انسان سيئ خارج اسوارها ينسى كل شي اذا وقف امام طلابه. لانها امانة ويشعر فيها حتى الي بقلبه مرض. ولكن هناك شواذ قليلون. لكن هذا المعلم عليه ضغوط من جميع الجهات.. نظام التعليم معشق الخامس علينا.. ونازل فينا تعاميم . حتى صرنا نوقع مدري علي وش.. تعميم بعدم ضرب الطالب.. عدم اخراجهن لفصل.. عدم توقيفه.. (ماباقي غير يقوولون لا تشرحله).. وهذا زاذ من تمرد الطلاب على معلميهم.. انا لا اقول ان العصا هي المعلم.. ولكنها اداة تربوية ومفيدة جدا بالتعليم.. وهذا فرق بين معلمين اليوم ومعلمين السابق.. لا تقول شخصية ومستوى اكاديمي.. بالعكس معملين اليوم مؤهلين اكثر ومتححمسين. ولكنهم يصدمون بواقع كله باتججاههم. على قولة مدرس سوداني عندنا(محترف اجنبي)... يقول يازول عندكم التعليم هنا زي الواحد الي حاطينه بغابة كلها وحوش وكائنات مفترسه وما معاه اي سلاح .. احيانا كلامة صحيح. ممكن احد يسأل يقول ليش كل هذا ؟؟ النظا م هنا يبون يطبقون نظم التلعيم بامريكا ودول الغرب.. بجعل الطالب محور التعليم وعدم عقابه حتى ما يكرة الدراسه ياخووووووووووووووووووووووك صباح الليل هناك مجتمع غيييير وهناا غيرات .. ما تقدر تنسخ نظام وتجي بتطبقة بمجتمع الا يتقبلها..\ وبعض الطلاب اذا ما ياكل علقة من اول السنة ما يتربى.. والبلاء اذا كانت هناك مشاكل اخلاقية ويااااااااااكثرها هنا وللاسف الشديد الاسر .لا تساعد في التعليم . اهم شي ولدهم وبنتهم يروحون المدرسة. هذاك اليوم كان عندي طالب مريض.. وقفته وقلت له روح للوكيل دق على ابوك.. قال ابوي مايجي.. قلت له وليش جاي طيب. قال اهلي يذبحوني اهم شي اروح .. الاسرة لازم تساعد في التعليم ااذا كانت تريد لابنائهم التفوق والتميز.. هذاك ليوم جلسنا انا واصحابي بالاجازة.. وكلنا من اول السنة ما شفنا بعض .. الي تعين بالرياض والي بالشمال والي غرب.. المهم \ شوفوا وش طلع معاهم\\ واحد منهم يقول: انا عندي طلاب متوفين دماغيا هههههههههههه ,, تكلمة وتضربه وتهزأ فيه وهو يضـــــــــــــــحــــــــــك.. والثاني يقول ... دخلت على طلاب, اولى متوسط ,, اعطي الطلاب اورق اختباراتهم.. وجيت عند واحد. مديت يدي له بالورقة.. قال : لا مشكور بس تماااااااااااااااااام هههههههههههههههه والله هذا غيض من فيض ولو باكتب مواضيع ما بنخلص لكن اتمنى ان الفكرة توصل.. وهي انك كأم , كأب وكاخ واخت.. انتبه لاخوانك واخواتك وساعدهم وعلمهم على احترام العلم والمعلم.. لان الاسرو هي الاساس اسف على الاطالة حبايبي تحياتي |
|
http://www.kawakb.com/gal/3/e_eimie_939923.gif أخي ( الشاكـــي ) ( ][§¤وِد لامِـــع¤§][) مرة من المرات وانا اتصفح احدى المنتديات وجدت هذه الابيات فاحتفظت فيها وهو الواقع الذي نعايشه في هذا العصر أنالاأريد_صراحة_تبجيلا *** وكفي أكون مكرما مقبولا ماللمعلم قيمة في عصرنا *** بل صار في عصر الرخا مغلولا ضاعت كرامته بصفعة جاهل *** جعل النظام له عليه سبيلا أعتز كثيرا بمشاركاتكم لي ألقاكــــم بكــــل الــــــــود http://www.kawakb.com/gal/3/324.gif أخــــــــــــــو كـــــــــــــمـ ][`~*¤!||!¤*~`][ أهـــ( 1 )ـــم ][`~*¤!||!¤*~`][ |
بارك الله فيك اخي الشاكي على الطرح المميز بصراحة التعليم في المملكة العربية السعودية مأساة على الطالب والمعلم في آن واحد من جهة المعلم سحبت منه صلاحيات كثيرة وأنا ماأقصد بالصلاحيات يعني الضرب لا وألف لا المعلم بإمكانه أن يفرض شخصيته على الطلاب والمدرسة أجمع وهذا يعود لأسلوبه وتعامله مع الجميع. كثير من المعلمين الآن سلبت حقوقهم وبالأخص المعلمات (المستويات) وهذا يؤثر على أداء المعلم -المعلمه بشكل مباشر في السابق كان أولياء الأمور متعاونين جدا مع المعلمين ويحرصون ويدركون أن تعاونهم مع المدرسة والمعلمين راح ينصب على أبنائهم ويعود بنتائج ايجابية أما الآن بكل بساطة الا من رحم الله ومهما تكلمت ماراح أحصي لك السلبيات من جهة الطالب كثير من طلابنا ينقصهم الوعي والحرص على المستقبل وهذا يعود لأسباب كثيرة على قول المثل الصاحب ساحب للمجتمع دور في ذلك وكذلك الاعلام وللأسف نحن كعرب لانهتم بهذا الجانب اطلاقا سلوك بعض الطلبة المشاغبين يحتاج الى توظيف ويجب على المعلمين اكتشاف موهبة كل طالب وللأسرة دور في ذلك أيضا لأن العقاب الصارم لايحد من ذلك ولايجدي نفعا بالنسبة للمناهج في المرحلة الثانوية والجامعية كثير من المواد والحشو لدرجة أن الطالب مايمديه يحك شعر راسه !!!!! لماذا هذا التعقيد وبعد مايتخرج الطالب ويتوظف ينصدم بأن كل الحشو اللي اجتهد وثابر وسهر الليالي عليه لاينفعه في المرحلة العملية!!!! نطالب بفتح مجال الخصخصة ومايمنع نسوي استبيان في المرحلة الثانوية نكتشف من خلالها نكتشف ميول الطالب وقدراته آ سف للإطاله ولكن الموضوع يحتاج لكثير من النقاش يعطيك العافية ونطمح للمزيد من المواضيع المتميزة مع أطيب تحية |
هذا الموضوع مهم لما له من علا قه بمستقبل الاجيال القادمه
بالنسبة لاسباب فشل الطالب في لمدرسة فبرأيي السبب الرأيسي هو الاستاذ او المعلمة فمهما كانت الام مراقبة لأبنائها في الدراسة بدون جهد المعلمة وامانتها لن يكون هناك طالب مجتهد الا في احيان قليلة جدا لن الطالب او الطالبه يتاثر بمعلمه |
اهلاااا الشاااااااااكي
كيف الحال (( الزميل )) الحقيقة مشرفنا بالاستحقاق سلمت ولاهنت فوق ماحنا متفاعلين ومتحمسين للمشاركة زادنا حمااااس . اصبحوا الطلاااب يابيض يااسود انت تكلمت عن فئة وكلامك وصفهم وانا ساتكلم عن الفئة الاخري.. من باب ( انظر الي النصف المملؤ من الكااس) هم يحبون التعليم ويحترمون المدرسين وطلاب مثاليين ووو ( كل شئ ايجايبي) قلت هذا الكلاام من باب الانصااف للغير المشكله لايوجد في طلابنا حل وسط اسود أو ابيض ...........! ومن تكلمت عنهم ليس هم الذين تمردوا بل اولياء الامور الذين جعلوهم هكذاااا ليس تعاميم الوزارة من فسدهم وجعلهم يتمردون هي جملة غابت واختفت من بين فكي اولياء الامور وهي ( لكـــــــــــــــم اللحم ولنا العظم) هي سبب كل الذي يحدث ولو عادت انتهي تمرد الطلاااب فهم من دمر اولادهم فليتحملوا العواقب نحن مجرد موظفين وعاملين نعمل ماعلينا بقدر مانستطيع من تعليم اساسي وثانوي كالتوجية والارشاد والنصح وليس باليد حيلــــــــــــــــــــــــــــــــــــــــه يعطيك العافية الشاااكي ......... |
هلا فيك اخوي سلمت ولا هنت مشرفنا الغالي شكلك دخلت بتشبها بينا ههههههههههههههه حياك وبياك يالغالي صراحة اتمنى اشوف ردود افعال كثيرة حتى لو خلفتنا بالراي نتناقش وناخذ ونعطي فيها وهذا هو المقصد منور تحياتي |
هلا فيك اخوي اهم واحد اشكر لك تواجدك وخير الكلام ماقل ودل تمنيت ان تسهب في ردك كي نستفيد من ارائك مقدر واحيي فيك رقيك تحياتي |
هلا فيك اخوي الحرمان صراحة كلام جدا رائع وبالصميييييييييييييييييم لكن مين يسمع لا تحرمنا تواصلك وتفاعلك تحياتي |
قف للمعلم ووفه التبجيلا .... الخ
اين نحن في هذا الوقت من تلك المقوله مدخل |
هلا فيك اختي بنت الشمال اشكر لك تواجدك وردك طبعا هذا وجهة نظرك احترمها واقدرها ولا اخفيك ان (بعض),, المعلمين والمعلمات لا يؤدون الامانة كما هو مطلوب لكن الاكثر والغالب يبذلون جهود مضاعفه ويتعبون تعب ماحد يحس فيه الا الي جرب لكن وش الفايده تتعب معاهم وتشرح وتقطع نفسك ومن البكرة تسأل ولا احد يجاوب واالادهى والامر ان الكثير من الطلاب يحط الكتب وما يرتب الجدول غير الصبح قبل يروح المدرسة يعني معقول هذا ذنب المعمل؟؟ وين الاهل ؟؟ عالعموم احتلاف بالراي لا يفسد للود قضية تحياتي |
يـــــــــــــعـــــــــطــــــــــيكــــــــــ الـــــــــــــعــــــــــــافـــــــــــــيه،،،،، ،،،،،،
/ \ / \ روووبـــــــــــــي |
هلا فيك اخيو المحتار طبعا هذا رايك ووجهة نظرك احترماه ولها كل التقدير لو اني اختلف معك بان الوزارة لا يد لها بما حدث تعاميمها وانظمتها جعلت الطالب لا يخاف من المعلم خصوصا ان اكر مجتمعنا هم من البادية ولا ينفع معهم الا الشدة في احيان كثيرة وهذا شي كل المعلمين يعرفونه حتى الذين ل ايستخدمون العصا وغيره عالعموم اشكر مرورك يالغالي تحياتي |
هههههههههههههههههههههههههههههه>>يحليه ذا السودانى اجل خايف اخ يبطنى على العموم يا استاذنا القدير أحلى >>عنقليز مشاء الله عليك انا اذا رب رزقنى وانت درست عيالي يوووووويلك تذبحهم او توقفهم برى هههههههههههه>>ايه ماقلنا شي مدرس على عينى بس تضرب العيال لا والف ا خخخخخخ لا من جد أخوى والله اسف على المدرسين لانهم من جد صعه يربون عيال الناس بذات اذا جاك واحد ماتبرى ويقل أدبه وغير وغير ويحطك في نهايه بوجه المدفع والمدرس عا>>>مصدق من كم يوم جالسه من جد انا وبنات عمى وكل وحده تقول مواقف من ناحيت المدرسات وكيف يتعامل مع الطالبات بس من جد اخوى وربي لقيت فرررررررق كثير من كم سنه كيف نتعامل مع المدرسه بحترم ومافي رفع صوت وغير ... واللحين يمالك من المدرسه مافي مدرسه أخوى في مدرسات اعجاب >>مدرسه تحب فلانه والمدرسه الثانى مادري وش عنده وغير وغير ..عشان كذا قل اهتمام البنت للتعليم واحترامهن للمعلمات ..من ضمن احد المواقف اللى ذكرت تقولي البنت مره رفعت صوتى على المدرسه قدم الطالبات>>من جد انهبلت انا فتحت عيونى قلت منتى صاحيه هذي مدرسه حطيها على راسك حرام جايه درس وتعلمكم واخر شي تلقي ذا التعامل يمه يمه منكم يبنات ليوم>> وغير وغير نهبلت والله من اشياء تقوله ماسويت ولاربعها قبل كنت اخاف واحترم المدرسه >>>>>>والله يعينكم والله يامدرسات ويامدرسين تواجهووووون شتاء الصعاب>> على العموم ادري قرقت واجد بس حبيت اشاركك لو القليل مودتـــــــــــــــــــي |
هلا فيك فزووو استغربت تأخرك عن موضوعي دايم تتواجدي وتنورينا بس يوم تقولين بنات اليوم... تعطيني انطباع انك شااااااااايبه ههههههههههههه والله كلامك جميل وبمحله شاكر لك تواصلك تحياتي |
النظرة السائده عننا نحن المعلمات من مجتمع نون النسوة الغير عاملات بأننا اسعد البشر حيث أن مهامنا فقط في القهوة والجمعه والوناسه وتغيير جو من البيت .... ولو أن أحدى المعلمات قالت تعبت قالولها من ايش يحضك ضحك ووناسه وأخر الشهر راتب حقيقةً راتب المعلم أو المعلمه في نظري أنا.. أننا محليلينه من كثر التعب والجهد المبذول والله أن أعود من العمل أغلب الأوقات وان لأرغب حتى في الكلام أو سماع الأصوات التي حولي من كثر الجهد والتعب وفي الأخير نتهم بالتقصير من المجتمع لأن الي يده في النار ليس بمثل الذي يده في الماء ..... أما بالنسبه للتعاميم حدث ولاحرج أخرها يطالبونا بصلاة الأستسقاء فاختلفت اللجنه الدينينه مع لجنة الأشراف في ذلك لأن أحدى الأستاذات استفت على ماتقول شيخ فلم يؤيد ذلك..هذا ألتعميم الي أنا ركزت عليه لان أصبح حوليه ضجه اما الباقي أضع خطوطي المعتاده على عجاله حتى لااهضم حق طالباتي في حصصهم.... وماتطرقت اليه القليل من معانة المعلمين من تعليم تصحيح تحليل مشاكل الطلبه والطالبات التقويم المستحدث وانشطته التي لاحصر لها الأنشطه المدرسيه وبعد ذلك تاتينا عينات سيئه في التربيه مع أسرة أيضاً مختله غير منظبطه والمطلوب التعليم التطوري كيف نحقق ذلك مع تلامذه سيئين ادباً وأخلاقاً...لابد أن تكون هناك روادع جزائيه غير الضرب للحد من ظاهرة سوء الأدب من قبل هؤلاء التلامذه وأسرهم الغير متجاوبين... شاكره لك هذا الطرح الفاعل والهادف ودمت في خير |
هلا فيك اختي بنت السحاب زمليتنا من الجنس الاخر كلامك جميل وفي محله لكن بيني وبينك الراتب الي محسودين عليه والله ماهو حقنا المشكلة انك تدرس اربع سنوات وتتخرج بشهادة بكالريوس وتكرف 24 حصة وتعب ذهني قبل يكون جسدي وبالاخر حاطينك على اقل من مستواك ليش حاطينا بالمستوى الثاني اوكي الحمد لله والشكر على كل شي بس الواقع يقول ان المعلم والمعلمه لما تدخل المدرسه وعارفين انهم ماهم ماخذين حقه ماراح يكون بقمة عطائة ولا نفسيته مرتاحه ابد نسمع دايم عن تعديل المستويات وغيره لكن كلام الليل يمحيه النهار تحياتي |
حتى تعيش سليما ورأسك خاليا وقد اديت الأمانة أمسك جدولك ودرس درسك واجتهد في عملك بما تستطيع وقع على التعاميم ولا تتعب نفسك ب ليه ولا تنس توقيع الانصراف ونفذ ما تستطيع فهذا المطلوب منك وعليه يعطونك راتب تعيش به ولن تستطيع تغيير الادارة التعليمية وفكرها من أعلى راس للمدير وأنا متأكد فإن الادارة التعليمية أو ما يسمونها التربوية لا تعرف ماذا تريد وماهو المطلوب وكيف ينفذ فكل يوم نظام وطبيعي نشاهد التذمر من الطلاب ومشاكساتهم فهل يعقل أن تسمر طفل 7 حصص ( كلها حشو ) على مقعد ومدرس بعد مدرس يلقي وتريده يجلس ساكن إذا أردنا أن نربي صح 000هات فلوس 000 وغير المباني وحولها لمباني مدرسية تلبي حاجات الطالب التربوية من نشاطات مختلفة ومعامل وووو لا سجون ولسان الحال قيد المدرس وارميه في مدرسة معوقة واطلب منه جيلا صالحا هؤلاء الطلاب هم رجال ونساء المستقبل 0000فما ظنكم يكون شكلهم كلالالالالالالام كثييييير 0000لكن سأقف حتى لا اخرج عن الخط شكرا اخونا الفاضل الشاكي اخوكم الهدار |
هلا فيك اخوي الهدار
اشكر لك مرورك وتبقى هي وجهة نظرك لها كل الحب والاحترام تحياتي |
> الفرق بين الدول النامية .. والدول المتقدمة هو .. القدرة على ايجاد الحلول .. وعنصر التنظيم لتنفيذ هذه الحلول اعتقد لو جمعنا عينة الاكثر عدلا وانصافا من المدرسين .. وعينة .. للاكثر عدلا وانصافا من الطلاب لكل ٌ.. وجه اصبع الاتهام للاخر واتخيل .. سيكون كلاهما على حق كما هو الحال لمعاناة التخبط في التربية والتعليم المسها الى حد كبير .. في جميع القطاعات .. وجوانب حياتنا الصحة .. المرور .. الاسكان، .. الى اخر القائمة .. وحدث ولا حرج وبرائي .. مكمن المشكلة هو في الادارة .. ( متمثلة هنا بالوزارات المعنية .. ووزرائها ) الادارة، .. التي تحسن تشخيص المشاكل وطرح الحلول الى حد كبير .. مشوارنا مع التنمية .. اثبت ان .. لا يكفي حصول ابناء هذا البلد على اعلى الشهادات .. ليضمن لنا - في اقل تقدير - مجارة ركب الحضارة نحن بحاجة ملحة الى .. الاستعانة بخبرات اجنبية .. تساعدنا وضع اقدامنا على المسار الصحيح - ولا اقصد هنا خبرات دول عالم ثالث، .. ففاقد الشئ لايعطيه - والالتزام .. بنصح المشورة الاستشارية لهذه الخبرات .. يعني ماهو بس نجيبهم .. يدرسوا لنا، .. وبعدين دراساتهم نحطها زينة على الارفف والامثلة الناجحة لمن سبقونا شاخصة امامنا .. كما في .. ماليزيا .. والامارات، .. على سبيل المثال اما دكاترتنا هذول اللي المشخصين بعبيهم .. ورا مكابتهم في الادورا العليا ومحسوبين كخبراء واستشاريين .. وكل سنة .. يطلعوا بافكار يجربوها على الطلبة .. وكانهم فيران تجارب المعمل يبغى لهم #&@%$*\ .. عفوا، .. اقصد احالة للتقاعد : ) .. ودي وتحياتي |
هلا فيك اخوي الصدق منجاة
كلام اكثر من رائع يعطيك الف عافية تحياتي |
والله العيب موفي المدرسين العيب بصراحة في تربية الأهل اللأبناء لان الأب مايقدر المعلم وابنة عنده في القمة ما أحد يدوس له على طرف وحتى اذا حاول المعلم يتخذ اجرى ضد قلة ادب الطالب واحترامة اشتكى ابو الطالب وصارت سالفة ولذلك ياخذ المعلم المثل (الباب اللي يجي منه الريح سده واستريح ) معلمة
وشكرا ياالشاكي على الموضوع الجميل |
| الساعة الآن 07:31 PM. |