|
الشاكي يحتاج مساعدتكم؟؟
السلام عليكم ورحمة الله كيفكم حبايبي جميع.. انتم طبعا قبل ما تكوني اعضاء مقربين ومحببين الى قلبي انا اعتبركم بمثابة الاخوة الي لذلك لا مانع من طلب مشورتكم وارائكم حتى لو كان الموضوع شبه شخصي طبعا اريد استشارتكم بشيء معين وهو.. "ولله الحمد تخرجت من الجامعة هذا العام وتعينت بمدينة الرياض.. واصلي من المدينة, اذ لا احد من اقاربي او معارفي موجودين هنا.. وعندما اتيت كانت الايام الاولى صعبه.. ولكن تجاوزتها وسكنت مع شباب من اهل المدينة ارسلني اليهم احد الاقارب.. ولكن اتى توجيهي الى مدرسة بغرب الرياض بعيد شوي عن مكان سكني.. تقريبا 45 كيلو.. فصرت كل يوم اروح واجي .... ممكن تكون هذه مشكلة عاديه وماهي صعبه بالحيل... لكن المشكلة هي في الناس الي انا معزب معاهم.. صراحة انا انسان لا ادخن ولا اشيش ولله الحمد. لكن الشقة كلها تقال مبخرة عود من الدخان.. وغير كذا احترامهم لانفسهم قليل واحيانا ولا يوجد اي تعاون بينا على القطة مثلا والطلعات.. وغير كذا عالريموت حرب يومية الي هوايته كوره والي هوايته افلام.. ممكن هذي مشكلة بكل العزب.. لكن صراحه انا بديت امل من المشوار كل يوم. ولما ارجع الناس الي معاي ما يحمسونك تقعد معاهم... فانا محتار بين حلين .. ياما اني اروح واسكن بجنب مدرستي ..بس راح اكون لحالي. او اني اضرب هالمشوار اليومي واعيش مع ناس ماني مرتاح لهم. عشان كذا قلت اطلب المشوره منكم.. عسى تفيدوني بآرائكم.. اسف على الاطالة... تحباتي للجميع |
|
الله يوفقك ياخوي
وانا اقول مادام انك مو من اهل الرياض وكل يوم تضرب مشوار 45 كيلو وفي النهايه ترجع عند ناس مثل ماتقول ليش ماتعززب في نفس المنطقه الي انت فيهاا وتريح نفسك وعندي معلومه عن الدخاان تراء ضرار الي يستنشقه اكبرر بكثير من الي يدخن مثل ماقلت لك حاول انك تكون لك ناس مثلك وتعــــزب معااهم والزم ماعليه الواحد راحته وصحته وهذا لي عندي انا اقوله تحـــــــــــــــــــياتي |
ياهلا فيك اخوى الشاكى ..والله يبعد عنك عن الدخان وغير وغير ومن ناحيت اصحابك هذولا >>تبي الجد او لد عمه اذ ماعملو لك حساب وغير وغير ومش متعونين اهم شي والاهم مصلحت نفسك ولاتجامل على حساب نفسك خيووو يعنى من بكره جمع عفشك الله لايهينك واقرب شقه قريبه لمدرستك خيوووووتوكل على ربك واصحابك عطهم اي عذر >>>هذا ري ولك الحريه لان من جد مايبغي لها حل ثالث انا اشوف المدرسه بعيد 45 كل يوم رايح جاي مأصريف وتعرف الرياض مايكفيه شي يعنى حياتك بالرياض صرف في صرف >>>والله يعينك ان شاء الله واهم شي راحت نفسك والله والمجامله شينه >>>>>>>>>>> دمت بود..فزوو |
.. الف مبروك التعيين .. مثل ماقالو الاخوان عزب بجنب مدرستك واكيد راح تتعرف على اهل المنطقة اللي فيها المدرسة ويمكن يكونوا احسن وافضل منهم الله يوفقك لاتـــوقـــــف |
هلا فيك اخي الكريم الشاكـــــــــي صحتك اولئ واهم من كل شي فالانسان بدونها لا يستطيع عمل اي شي اخي الغالي صار لي بالرياض شهر ونصف تقريبا ولدي اقارب ولكن نفس الوضع يعني اللي اجلس معاه الدخان ما يطفي ابد لذلك قررت ان اسكن بشقه لوحدي اطلع وارجع علي راحتي واهم شي اني مرتاح نفسيااا نصيحتي لك / صحتك اهم من كل شي توكل علي الله اذا كنت مقتدر ماديا واسكن لوحدك من اجلك انت فالانسان ليه يتعب ويتغرب ماهو عشان يمتع نفسه لك مني كل التقدير والله يوفقك ياااااااارب اخوك الممدوح |
أولا الف مبروك التعيين وانشاء الله منها للأعلى وكراي شخصي أنا افضل أنك تكون قريب من دراستك أحسن ولو سكنت بلحالك على الأقل ما راح أحد يظايقك بشيئ لانك مع الوقت ممكن تخسر ربعك بسبب المضايقات الى انت تواجها |
هلا وغلا باخووي الغالي
في البدايه احب ابارك لك التعين والله يوفقك اللي باشوره عليك مثل ماقالوا الاخوان شوف لك شقه او غرفه في البدايه قريبه من مدرستك ابرك لك من المشاوير ومن الناس اللي انت عندهم وللامانه اخوي باختصار اشتر راحتك حتى لو كلفك ذلك مبلغ مادي وصعب ظروفك شوي عليك اهم شيء الراحه . والنصيحه الثانيه قدم على نقل بعد سنه متى ماصار يحق لك تنقل وانقل لبلدتك عند اهلك والله مافيه احلى من نعمه مثل كذا . انقل وتوكل على الله وتذكر دائما من ترك شيء لله عوضه الله بخير ماااجد |
|
أخي الشاكي كان الله في عونك وضعك صعب ومحرج وهذه من مساؤ العزوبيه والسكن مع أكثر من شخص بالنسبه لي أنا اشاطر المشرف القدير الممدوح الرأي. وصدقني .. مجرد السكن لوحدك ستجد من يطرق الباب ويرغب السكن معاك وهنا عليك الأختيار ... وحاول يكون سكنك قريب من منطقه فيها الخدمات التي يحتاجها العزوبي .. وأتمنى لك التوفيق |
السلام عليكم ورحمة الله وبركاته اول شئ وانا اختك ..الف مبروك على التعيين والله يعطيك خيرها ويكفيك شرها ثاني شئ في هالوقت تجنب كثير من الناس افضل من معاشرتهم وبيني وبينك كفاية غثا الغربة ماهو كمان حراق الدم وهلاك الصحة اسكن لوحدك افضل كثير ثالثا : ماشاء الله توظفت خلاص كمل دينك وتزوج وخلي الاهل يشوفون لك بنت حلال تستقر نفسيا معها وتحصل اللي يخفف عنك عناء وهم تعب الوظيفة والغربة وادعو الله العلي القدير ان يرزقك وأخوي .. بنات الحلال اللاتي يعصمونكم ..ويعينوكم على طاعة الله ..فيكن نعم الزوجات ..ويرزقكم الذرية الصاحة اللهم آآآآآمين يااارب أختك ..أسيرة الود |
السلام عليكم اول شي أخوي الشاكي أبارك لك وثاني شي الله يوفقك ويسهل أمورك وثالث شي أنا أتفق مع الاخوان بانك تطلع في سكن لحالك وتكون قريب من موقع دراستك وصحتك فوق كل شي وان شاالله ربي بيعوضك بالصحبة اللي تتمناها وموفق ان شاالله تحياتي |
اخوي الشاكي
( القناعه كنز لا يفنى ) دايم حطها في بالك انا مثل حالك اروح مع عيلخالي وعددهم 5 اشخاص يدخنو ويعسلوا وحاولو انهم يخلوني اعسل لاكن ماقدروا فقلي واحد منهم احسدك على قناعتك فدايم الشيء الي مقتنع فيه سويه وانظر الى سلبياته وايجابياته وتقبل ردي اخوك الفارس الومنسي |
اول شئ مبرووك التعيين
وثاني شئ اذا مانت مرتاح معاهم اطلع وتوكل علي الله ورح لمكان قريب من مدرستك وترا مو ضروري تسكن مع ناس من نفس مدينتك يمكن تتعرف علي شباب جدد زملاء بالمدرسة من خارج الرياض عزاب وتنسجم معاهم وتسكن معاهم.......؟ يعني اول خطوة الهروب من هالوكر خخخخخخخ وبعدين ربك يسهلهااااا والراحة من هالمشوار 45 كيلو ترا فرصة بالتوفيق |
|
احبابي
اشكركم جميعا علة التفاعل والرد فعلا انا كنت ناوي الذهاب لكن قلت اسمع ارائكم فماخاب من استشار ومن بكره بتوكل على الله ودور شقة لحالي الف شكر لكم جميع وتحياتي |
الف مبروك عالتعيين يالشاكي واحسن ماسويت والله وفعلا قراراك صائب انشاء الله , وربنا بيعوضك افضل واحسن منهم انشاء الله . نتمنالك التوفيق في حياتك العلميه والعمليه .
|
صبااح الخير << جاايه متأخره خخخخخخخخخخخخخخ ع البركه التعيين و ان شاء الله نقول لك ع البركه الشقه الجديده وبما انك قررت تنتقل لشقه جديده لازم تعزمناا كلنا عندك امن اكبر عضوو الي اخر واحد مسجل << بتتعبه خخخخخخخخ مسيوو بالتوفيق ان شاء الله ومن الحين نقول لك منزل الهنا ياارب . |
السلام عليكم ‘‘ الشاكي ‘ مبارك عليك التعين ( عقبال المستوى الخامس لو معلم ) :biggrin: وأكتفي هنا بقول الشافعي رحمة الله عليه وعلى أموات المسلمين إذا حار أمرك في حاجتين ولم تدري حيث الخطا والصواب فخالف هواك فإن الهوى .. يقود النفوس إلا ما يعاب .. ( عقبال العودة للمدينة سالما مظفر ) تحية عطرة ‘‘ |
السلام عليكم اخوي الشاكي اعانك ربي على مبتلاك :wed36: اسمع مشورتي < وش عنده المستشار< :wed36: انا من رايي انك اول شي تصلي صلاة استخارة ثم تم تقول دعاء الإستخارة وهو كالأتي (عَنْ جَابِرٍ رضي الله عنه قَالَ : كَانَ رَسُولُ اللَّهِ صلى الله عليه وسلم يُعَلِّمُنَا الاسْتِخَارَةَ فِي الأُمُورِ كُلِّهَا كَمَا يُعَلِّمُنَا السُّورَةَ مِنْ الْقُرْآنِ يَقُولُ : إذَا هَمَّ أَحَدُكُمْ بِالأَمْرِ فَلْيَرْكَعْ رَكْعَتَيْنِ مِنْ غَيْرِ الْفَرِيضَةِ ثُمَّ لِيَقُلْ : ( اللَّهُمَّ إنِّي أَسْتَخِيرُكَ بِعِلْمِكَ , وَأَسْتَقْدِرُكَ بِقُدْرَتِكَ , وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ , وَتَعْلَمُ وَلا أَعْلَمُ , وَأَنْتَ عَلامُ الْغُيُوبِ , اللَّهُمَّ إنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) خَيْرٌ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ , اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) شَرٌّ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ ارْضِنِي بِهِ . وَيُسَمِّي حَاجَتَهُ ) وَفِي رواية ( ثُمَّ رَضِّنِي بِهِ( رَوَاهُ الْبُخَارِيُّ (1166) < لو اني مكانك كان نقلت لغرب الرياض ولا اقعد في مبخرة دخان على قولك ؟ ومع الزمن بتلقى منهو ينفعلك في ذيك المنطقه صحيح انهم قشران اللي في غرب الرياض بس الله يعينك ؟ يارب تنقل للمدينة ؟ |
اولا مبروك التخرج والتعيين
بأختصار نصيحتى المتواضعه : السكن مع زملاء لك بالمدرسه او معلمين بالقرب من المدرسه افضل بالتوفيق |
السلام عليكم اخوي انا مع كل الي قالوه الاعضاء من اولهم الى اخر واحد ونصيحة لوجة الله انقل ضيقة البيت ولا ضيقة الصدر وان كان عن السكن لوحدك صدقني تبي تلقى زملاء عيال حلال مثل حالتك من مناطق اخرى تبي تستانس معهم وانت منت اول واحد ولا اخر واحد يطلع من ديرتة في ناس ما وصل العشرين طالعين بعثات دراسة شف حالهم يعني مو بس اختلاف الاماكن الا اختلاف الاماكن واللغات والتقاليد والجو وكل شئ يعني حياته مسكين فوق تحت وبعد كذا تلقاه ما شاء الله علية تاقلم مع الوضع ومستانس يا اخوي هذي نصيحتي والحل بيدك |
بسم الله الرحمن الرحيم والله أنا رأيي أنك تبعد عنهم ... وغير كذا تقول مبخرة بالله كيف بتدرس وكيف بتدرس أيام الإختبارات . والله صعبة .,.,., أنا أقول أبعد عنهم أحسلك وأريحلك .... ويمكن أنت تكون سبب في هدايتهم من الدخان وأخوانه ... و أول وأخيرا الله يعينك منهم الله يعطيك ألف عاااافية تقبل مروري.... فرااااااااااغ |
المكان الذي ترتاح فيه
اذهب اليه وعلي قولة المثل ( حط فلوسك بالشمس واقعد بالظلال ) |
| الساعة الآن 01:05 AM. |
