|
العالمي يهزم الأهلي بثلاثية أشـكال وألـوان والزعيم يخسرامام نجران
هاهو العالمي يعود ويخطف اول ثلاث نقاط من امام الأهلي بثلاثية نظيفة بقيادة ايلتون عندما صنع هدفين وسجل الثالث كأروع اهداف هذا الموسم,,, سجل الأهداف احمد المبارك وعواد العتيبي وايلتون... الف مبروك لجماهير العالمي... بينما خسر الهلال امام نجران بهدفين مقابل هدف سجل لنجران جمعان سعيد واليامي وللهلال الصويلح... الهلال قدم مستوى جيد ولكن الحظ والعارضه لم يخدماه من جديد... نعم هدف نجران الأول تسلل ولكن ليس هذا عذر لنجوم الزعيم,,, |
السلام عليكم ورحمة الله وبركاته
الله يعطيك الف عافيه أخوي تذكرني على التغطيه المميزة منك الف مبرووك للجماهير العالمي وهاردلك للقلعه والف مبروك للنجران وبا التوفيق للزعيم با المباريات المتبقيه تسلم يمينك يا الغلا |
هلا وغلا طلال التركي,,, كل الشكر لمرورك الكريم,,, |
مبروك للنصر وهاردلك للأهلي !!! ومبروك لنجران وهاردلك للزعيم اللي أضاع فرص أشكال وأنواع !!! ويعطيك العافيه على التغطيه تذكرني |
السلام عليكم ورحمة الله وبركاتة هاهو العالمي يعود ليضع البسمه علي محيا جماهيره الحمد لله هذا الانتصار وعيديه مقبوله من العالمي وهارد لك للاهلي والهلال ومبرووك للعالمي ونجران تقديري لك الممدوح |
الف مبروك للعالمي ونجران ,,, وهارد لك للزعيم والاهلي ,,, الهلال تكرر معه سيناريو العوارض ,,, والاهلي منذ ان رحل المدرب نيبوشا والاعب كايو وهو في ازمه ,,, يسلموو ع الطرح ,, |
السلام عليكم ورحمة الله وبركاته
في البدايه .... ابارك للجماهير النصراويه على هذا الفوز ورجعة الروح للفريق الاصفر انا قلتلك اخوي تذكرني انا متفائل بالنصر بانه سيعود .... وهاهو العالمي يستعيد نغمة العالمي يستعيد الروح . وهاردلك للجماهير الهلاليه الهلال قدم مستوى جيد جدا خاصه ان المباراه اتت بعد اسيا وانتم تعرفون حال الهلال وبعض المشاكل مع الاعبين ولكن انا مستغرب من العوارض ثلاث مبارايت اغلب الفرص عواض ؟؟؟؟؟؟؟؟؟؟؟ وكن قدر الله وماشاء فعل الشمري 2007 |
هلا و غلا تذكرني الف شكر لك على نتائج الفرق التي اقيمت مباريتها مساء الامس،، الف مبروك لنجران النقاط الثلاث الغالية كثيرا خاصة انها من امام الزعيم،،، الف مبروك للنصر الفوز والتميز واللاعب الرائع الاجنبي (ايلتون) المبدع ،،، واخر الاخبار التي وصلت بعد نهاية مبارة الاهلي والنصر ،،،، الغاء عقد المدرب بوكير وتكليف يوسف عنبر مدربا للفريق حتى الانتهاء من التعاقد مع مدرب اجنبي للفريق وتم القرار بامر رئيس النادي احمد المرزوقي بعد التشاور مع رئيس هيئة اعضاء شرف النادي الاهلي الامير / عبدالله بن فيصل وعضو الشرف الاهلاوي الامير / خالد بن عبدالله،،، |
الف مبروك للنصراوين لعباً ونتيجه ,, وبدأت بصمات التون والمدرب والتشكيله تظهر ونتمنى ان تدوم الروح هكذا وهارد لك للهلالين ,,, الهدف الاول تسلل والثاني مشكوك فيه بس مو عذر ... يعني الحظ مالعب معهم لكن بداية الدوري لازم اخطاء. يسلموا ع التغطيه تحياتي سلطه |
الف الف مبرووووووووووووووك للعالمي أعتبرها عيديه واروع عيديه بعد ان شاء الله القادم يكون أفضل مشكووور اخوي تذكرني عالتغطيه |
مبرووك للعالمي ونجران
وهارد لك للاهلي والهلال |
للكلمه الحلوه معني فماابلك بهدية تهديها
تسعد قلب راعيها ,, |
مبروك لنصر وهاردلك,,,,,,,,للهلال,,,,,,,,الأهلي
|
والله زمان يانصر أيه هذا العالمي ولا بلاش أبداع عزفه المكير الصغير أيلتون بـ أوتار احمد و عواد أبدع سعد وعزف هدف العالمي الثالث للمكير ايلتون المبدع والذي يعد أفضل وأحسن الاهداف بالدوري السعودي لحتى الان ماشاء الله تبارك الله عاد النصر وان شاء الله سائرون على خط الانتصارات يارب ولحصد النقاط وتحليلي للآعبيين كالتالي .. محمد شريفي [ أنت مبدع وحامي العرين النصراوي لكن نرد الافضل ] حمد الصقور [ قالها رؤوف خليف مع حمد صقور لاتلف ولاتدور وانا اشهد انه ماكذب ] أحمد البحري [ يلوموني فيك يا وزير الدفاااع سر ونحن خلفك يالوزير ] ابراهيم شراحيلي [ نجم قاادم لاعب يلعب بروح رياضيه لاعب كبير ربي يوفقك ونتظر المزيد ] مشعل المطيري[ لسى الحكم عليك بدري لأنك صغير ولكن قدامك مستقبل كبير ان شاء الله ] فهد الزهراني [ كنت من اشد المعارضين قبل بداية الموسم عن صفقتك وكنت أقول أنك فاشل وطلع العكس صحيح أنت طلعت قدام الكل ودخلت الملعب لترد على المعارضين وتورينآ مستواك الجميل والان اتمنى من الاداره النصراوي شراء عقدك يابطل بالتوفيق لك يامبدع ] عبد الله الموسى [ من مبارات لمبارات نحس انك تفاهمت مع فهد وتبدع كل مره آلمستقبل قدامك ] أيلتون [ لاتعليق لأنك نجم المبارات أستاذ بالملعب الله يوفقك ] احمد المباراك [ واااه يا احمد يلوموني بحبك أنت مبدع واصل ابداعك ودام عطائك لنآدي النصر ربي يوفقك يالغالي ويعطيك الصحه والعافيه ] عواد العتيبي [ قالها عبد الله الحربي ماخاب من اعطاك رقم 9 ] سعد الحارثي [ أنت غير أنت لحالك رغم أنك لم تسجل ولكن صنعت وشفنا تحركاتك بالملعب وكيف تجر لآعبون الاهلي أنت غيرررر وكل مره بقول أنت غير ياقمر ] واما التبديل .. عصام المرداسي [ بروز مبارات الشباب فقط والبقيه خمسه من عشره يعني نتمنى تطوير مستواك ] محمد الشهراني [ مبدع ولاعب حماسي تنقصه اتااحة الفرصه سر ايها المبدع ] ريان بلال [ رغم أنك لم تشارك الا اخر ربع سااعه الا انك ابدعت فيها ونتظر المزيد ] أخوي تذكرني آسف على الاطـااله وبالتوفيق لنادي النصر وللجميع تحياتي لـ شخصك الكريم سعد |
| الساعة الآن 02:22 AM. |