|
شكرا لمن دعاني واليكم قصيدتي اشجع رجل
السلام عليكم ورحمة الله وبركاته
اخوكم الشاعر/ محمد بن فطيس اتشرف بالانضمام اليكم بناء على دعوة شخص عزيز جدا وله مني كل الاحترام والتقدير وحيث ان هذا الموقع يمثل الوجه الحضاري لدولتي قطر التي من الله عليها بنعم منها نعمة العقول المستنيرة التي تصنع الاجيال واستبيحكم عذرا فأن التقصير وارد ولكن لي اطلاله علي منتداكم تحقيقا لرغبة من دعاني وان لم تكن اسبوعيا فهي انشالله دورية ولكم تقديري واهدائي : الله يجازي مـن يسـوي سواتـك ... وبذنوب من سوى سواتك يجازيـك مشيت درب الثقـل وتحـب ذاتـك ... ماتـدري انـه للمهالـك يـوديـك غـرك جمالـك ياخسـاره حلاتـك ... ماتدري ان ماغير طبعـك يحليـك بتقـول زينـك يشفـع لسيـآتـك ... الحسن ماهو عن وفا الحب يعفيـك لوالتواضع والوفـا مـن سماتـك ... بعت الحبايب كلهم ديـن واشريـك لكـن عجـزت اغيـرك ياجراتـك ... على الغياب اللي بلا عـذر ينجيـك خطاي في توضيح وشـي غلاتـك ... وخطاك في توضيح وشـو تغليـك وشلون توصيني وتنسـا وصاتـك ... وتصد عن صوتـن تقطـع يناديـك مافاتـك التجريـح والعـذر فاتـك ... وتبغي الراي الحيل ماعـاد يمديـك صحيح احبك بس هـاذي جزاتـك ... بعلمـك درس يفيـدك ويحيـيـك تدري وش ابيض من خفوقك عباتك ... وتدري وش اللي غرني نظرتي فيك ادري بتستغـرب تصبـر وجاتـك ... قصيدة مـن واحـد كـان يبغيـك وتبغي تناظر وانت عايش مماتـك ... شف وحدتك والناس تجلس حواليك وتبغي تشوف اشجع رجل في حياتك ... شفني وانا راحل على كثر ماغليـك |
[BLINK]
بصراحه ماني مصدقه لي عوده بعد ماااتأكد علشان اقوم بواجب الترحيب والضيافه على اصولها :wed8000: [/BLINK] |
والله حتى أنا ماني مصدق
يارب يكون صح محمد بن فطيس |
أولاَ
أرحب بالضيف الجديد واحييه بتحية أهل الاسلام السلام عليكم ورحمة الله وبركاته ثانيا القصيده جميله وأكثرمن رائعه لماتحتوي عليه من الصورالبلاغيه مثل غلاتك وتغليك وماتبرزمن أهمية للتواضع والوفاء تلك المحاسن التي حث عليها الشرع واستحسنها العرف وان وجودها في المعشوق كافً يسمح لعاشقه ببيع الخلايق وشراْه أن كانت تلك القصيده من ابن فطيس فقد فرض نفسه بماقدم من درر وان كان غيره فهو شاعر يستحق أن يشادبه وفي الختام اشكرصاحب تلك القصيده الرائعه والدرة الفاتنه على ماقدم وتقبلوا ودي وتحياتي صافي الوداد |
السلام عليكم ورحمة الله وبركاته اذا صحيح انت الشاعر شاعر المليون ابن افطيس :al-55: :al-71: :al-39: يا هلا و الله و مسهلا أسفرت وأنورت بمقدم أخونا ابن افطيس المتعة و الفائدة عنواننا فمرحباً بك بيننا بانتظار نزف قلمـك أخي الفاضل.. دمت بخير |
لكم مع الادارة لقاء :) اخوكم محمد بن حمد بن فطيس
|
ارجو التوضيح من الأدارة علشان نتحزم ونرحب بالضيف
انا عندي ايميل محمد بن فطيس ولاهو اللي موضوع اخوي بعدين موبايل محمد مقفل من شهر،اتأكد ولي عودة بأذن الله هنا خطأ.......وخطاك في توضيح وشـو تغليـك؟؟؟؟؟؟؟؟؟؟؟ |
اشكرك اخووووي عالقصيده الجميله وفعلا هي قصيده جميله ومرحبااا بك بين اهلك واسك بغض النظر عمن كنت .
|
مرحبا بك يابن فطيس‘ أهو انت شاعر المليون ام لم تكن نرحب بك ايما كنت نرحب بك انت وبما ستضعة من مشاركات ستميزك قصائدك مثل ما ميزتك هناك مرحبا بكل ضيف مرحبا بكل من يدخل بيننا بكلمات متساويات بلا مجاملات الكل يستحق التراحيب ارحب بك الف ترحيب وصح لسانك على القصيدة أخوك رائد النايف |
http://www.21za.com/pic/welcome001_files/13.gif شاعرنا " حياك الله في منتدانا الراااااائع والقصيدة فعلآ لأبن فطيس وإذاأنت ابن فطيس نقول لك " صح لساااااااانك ولا هنت حللت أهلآ ووطئت سهلآ نتمنى منك المشاركة الفعالة والحضور المتميز الذي يشرفنا ويسعدنا دمت بخير لا عدمناك " *** |
ياهــــــــــــلا والله وإذا كنت ابن فطيس فانت على راسنا من فوق وحياك اللــــــــــــه ونتمنا إننا ماننحرم من جديدك
تحياتي إختك أحبك منذ مبطي |
شاكر لكم
شاكر لكم المرور الكريم وبالنسبه للاخ الذي تكلم عن الايميل لاهنت اخي اضفني على الايميل اللى عندك لي واللى اخره رقم ثمانيه :) وشاكر لكم جميعا
وانتظروا الجديد محمد بن حمد ابن فطيس المري |
انا بعد ماتاكدت بطريقتي انه ابن افطيس اقول ياحي والله الجزاااااااله يابن فطيس وارحب وهذا انا سجلت بالمنتدى لابحر معك في مركب الشعر
®§الجفوٍوٍل§® |
،،،،،،،،،،،،،،،،،،،،،،،،،،،،،،، |
انا اقول للمشرفين
قبل لا يحذفون كلامي اللي فوق لازم قبل تتصدون لمثل هذا الاشكال وان كنتم تريدون اكثر من دليل بأنه ليس ابن فطيس ( المعروف ) انا مستعد |
اقتباس:
|
عندك سلف خمسين
|
wed101
وبأهل قطر الطيبين |
\ / \ إبن فطيس ــــ/ مرحبا ومسهلا بِك وحياك الله بينا .../ وبالنسبه لنصك الشعري .. دائماً مايكون لحرفك مسارات ومدارات من الإبداع / تجسدها لنا المشاعر بأجمل مايكون من البوح والصور والجماليات مبهر يا أنت ... إلى أبعد مدى بإنتظار جديدك |
صح لسانك لاهنت على ما ابدعت يعطيك العافيه على الذوق الرفيع *هاجس الذكرى* |
السلام عليكم ورحمة الله وبركاته
أعضاء الود الكراام سبق التنبه اكثر من مرة ان اي شخص يدعي انه شخص مشهور مثل مافعل الاخ الكريم حيث وصلت لنا رساله من الاخ الشاعر الكبير ابن فطيس عن طريق شركه كويتيه معروووفه قمت با الاتصال بشاعرنا المعرف وابلغني شخصيا بـأنه لم يقم با التسجيل باي منتدي سواء الود او غيرهـ للتوضيح وتم طرد العضو المذكور وتم تثبيت الموضوع حتى يراة الجميع |
الموضوع من أساسه لا يحتاج لإثبات شخص ولكن أعجبتني مقدمته في قصيدته..
وأوجه له رساله: أنه عندي ورب البيت افضل من ابن فطيس لانه كان فكاهي حبتين وبالمناسبه كل عضو موجود هنا يستاهل أن تثتبت قصيدته إن كانت معقوله. خصوصا والقصائد المثبته نادرا ما تكون.. والشي الثاني كل عضو من أعضاء هالمنتدى يستحق الترحيب اكثر من غيره وهو في أمس الحاجه لهالشي... ثالثا . قصيدة الشاعر محمد إبن فطيس ( ماهو صاحبنا الغالي هذا) أشوف فيه قصائد لأعضاء احسن منها... أعتقد من الواجب خلق سياسه جديده في هالقسم وهو التركيز على عدد من الشعراء الجيدين وملاحظة قصائدهم بين فتره وأخرى وأي قصيده يكتبها هالعضو تثبت سواء لو كانت متفاوته الجمال عن سابقها . لان الإختيار كان نابع من قناعه فيه كشاعر. وانا اقترح يكون اول شخص ( غرام الشوق) دائما مشاراكته تكون في مستوى واحد من الجمال. وبهالطريقه نضمن أنه الشاعر الجيد سيرد على قصيدته أكبر قدر من الاعضاء لانه يعتبر رمز من رموز الشعراء بالقسم .زد على ذالك يكون فيه فارق ملموس بين الشخص المتواضع والجيد والجميل .. في الطرح. مجرد رأي ... وأشكر اخونا الغالي اللي حذفت عضويته وأتمنى له التوفيق ولكن اشوف ما يستشعر بالإطراء الغير مقصود للشخص ذاته أي بشر..ولو كتب قصيده متواضعه تكفيه كلمة ثناء وحده لشخصه.. |
اقتباس:
اشكرك على المداخله وكذلك أخى الكريم على الاقتراح اخى الكريم منتدي الود به شعراء مميزين سواء معروفين اوغير ذلك الهدف هو الارتقاء بمستوي الشعر للاعلاء مستوي وتوصيله الى جمميع انحاء العالم من خلال المنتديات ولاتخاف رااح تتغير اشياء من ضمنها اقتراحك |
| الساعة الآن 09:31 PM. |