|
الهلال والتحكيم
السلام عليكم ورحمة الله وبركاته
كيف الحال انشالله الجميع يكون بخير جاتني صوره على الايميل وبصراحه صوره اثتبتتلي حب الحكام الشديد لنادي الهلال وهذا شي معرف من زمان ياريت تشوفون الصوره وتعطوني رايك http://www.6rb4up.com/uploads/738cddb1b4.bmp وياريت من كل هلالي انه مايزعل وياخذ الوضع بروحي رياضيه:biggrin: تقبلو تحياتي دنيا ومن يدري؟؟؟ عاشق النصر |
لعيون ابو نايف انا نصرواي يا شيخ فعلا الهلال التحكيم معه ولا تزعل.
بس يخوي وراكم على الهلال. هل يعني الحكام يتعمدون مجاملته .. كم فريق يستفيد من تحكيم حتى بالاجنبي يا اخي كم مره فاز الهلال. يا اخي اسلوبك فرض احترامك عندي وعند غيري.. والهلال صدقني يا كثر جماهيريته ماهو بحاجة اي انسان يتعاطف معه ولكن . دايما . الكبير محارب صدقني.. على البركه الفوز على القادسيه وجماهيركم تستاهل وفيه.. رمزت لحرف حرماني على صدر الألم ليتك تحس بلوعة المجروح يوم انك تجاهلته.. اخوك : هجير الشتاء. |
هههههههههههههههه
جبت الدليل وش نسوي الحكاام يحبو الهلال يعطيك العااافيه |
اخوي هجير الشتاء
انا معك انو فرق تستفيد من الحكام بس مو يوصلو للهلال الهلال يوم يباري النصر وهو المنافس الاول له يدخل وهو واثق انو بيفوز بكم مساعده من الحكام ياخي كم مره انضلمنا كم مره الاهللي انضلم وكم مره الاتحاد انضلم وغيرهم من فرق ياخي والله حرام وانا بالنسبه لي لو لو النصر لعب مع الهلال ما اتابع المباراه عشان ما ارفع ضغطي على الفاضي |
اسيره يسلموو على مرورك
بس هذا دليل انو الهلال ما يفوز الا بمساعدت الحكام |
والله صدقت وهذا انا شفتها في موقع الاتي هذي الصورة
ونحنا كلنا رمز لنا ابو خالد ( عبدالرحمن بن سعود)رحمة الله والهلال نادرا مايفوز بي جدارة واغرب شي حتا المبارة التي جمعتهم بالاتي الهدف الثاني مليون بالمية مو هدف لمن نقول كذا يقولو شوفو برنامج صافرة بالقناة السعودية الرياضية اصلا عبدالرحمن بن سعود قال هذا برنامج هلالي والي داعمة هلال بس احس شي نعمل كاسين كاس للهلال وكاس لي بقية الفرق والله كلامك عسل يابو خالد ياهلال فوزو بي جدارة هذا مو كرهنا فيكم بس صدق الهلال فريق التحكيم وشكرا لك علي وضوعك العسل ولا احد يزعل مني |
ههههههههههههههههههههههههههههههههههههههههههههه
بالله هذا دليل حاط صورة عداد الحب وهو عارف إنه لعب عيال ويقول دليل!!!! وش ذنب الهلال إذا الحكام هم اللي يغلطون يعني علطول قلتوا الهلال يفوز بالتحكيم ولا بس تبغون تغطون على هزايمكم بإن الهلال يفوز بالتحكيم . وبالنسبة لعاشق النمور (وحاط علامة إستفهام )أنا موافق على اقتراحك نسوي كاسين كاس للي يفوز في البطولة بجدارة زي الهلال والكاس الثاني نشتريه من محل أبو ريالين نخلي باقي الفرق تتقاسمه وقولوا على الزعيم اللي تبغون لكن بيبقى الهلال زعيمكم وحارق دمكم. وما حد يزعل مني |
اول شي وش الاخبار يادنيا من زمان عنك
ثاني شي والله بنتعب لو نجلس نعد اخطاء الحكام ضد الهلال واخرها اللي قبل يومين هدف محمد الشلهوب اللي الغوه بعذر التسلل |
دنيا ومن يدري . . ياخي أتمنى أواجه " نصراوي " شجاع ويقدر يواجه للأسف والله النصراويين يرددون ما قيل من عبدالرحمن بن سعود - رحمه الله - الهلال أكثر الأندية تضرراً من التحكيم .. والأدلة لديّ وأنا أعلنها هنا اتحد أي نصراوي يكون قد المسؤولية ويواجهني بـ التحدي !! وأكبر دليل ,, مباراة الأمس و " مطرف القحطاني نصراوي الميول " أنقذ النصر بـ إهداءه ضربة جزاء من ضروب الخيال , ولا تنسى ضربات الجزاء في بداية الموسم عموماً , الصورة هذي تثبت عليكم شيء آخر .. كنت أسمع مرة الشيخ الدكتور محمد العريفي يقول .. أن هذه النسب التي تنتشر في القنوات الغنائية .. نسبة الحب و ... و ... إلخ !! من الشعوذات أعوذ بالله والنصر جابها على نفسه " للأسف "! وشكراً |
ههههههههههههههههههههههههه
ترى ملينا واحنا نتكلم عن التحكيم بالأول كان التحكيم مع الهلال لكن الآن التحكيم زفت ( حط عليها عشره خطوط ) يعني كل الأنديه بلا استثناء متضرره من التحكيم وتسلم |
الهلال فريقي المفضل وهذا تلفزيون مجرد تخمين
اسف اذا ازعجتكم ولاكن لازم ادافع عن فريقي |
وبعدين ترى انك تعجبي دنيا ومن يدري (*_*)
|
هههههههههههه
من جدكم انتو جايبين لنا هذي الصوره وتقولون التحكيم معنا... جيبو لي صوره ومقطع فيديو يدل على هذا الشي وبعدين الحكام اغلطو يوم يومين ومسكتوها الهلال مع الحكام... لعب ورعان هو اسمحولي توقعت تفكيركم اعلى من كذا على العموم مشكور على الصورة |
الحين انتو علامكم اخذتو هذي الصوره بأهتمام
انسو سالفت الصوره ولا كأنها موجوده بس لا تنسو الظلم الي يواجه اي فريق كبير كان او توه يش حيله خلينا نقول ضعيف والله مافي فريق سلم من الهلال والتحكيم الي معه وبرد على شاب الرياض واقوله وش معنا الحكام يغلطو في مباريات الهلال ليش ماتقول الصدق وتقول الحكم يغلط لانه ياخذ شي عل كل غلطه ولا ماتقدر تتكلم |
خالد
انا اواجهك وبلي تبي واقولها قدامك وقدام اطنخ هلالي الهلال ما يفوز بجداره الهلال يفوز بمساعدت الحكام وانا ما ابغى اكون كذاب واقول كل المباريات لاكن المباريات المهمه والي تكون على النهائي وبالذات الي تكون مع النصر وبصراحه انا ما ادري انتي تبي تواجه نصراوي من اي ناحيه ولو تبي تواجهني انا حاظر انا من تبوك وساكن بالصالحيه خلف فندق العادل |
ههههههههههههههههه
حلوه ضي الليال لعب ورعان بس المفروض تشوفي كلام احسن من كذا وبعديم مين قالك انو الحكام غلطو مره لا مرتين الحكام مع الهلال يغلطو بكل مباراه وبالعكس هم ما يغلطو الا يتقصدو الغلط لاكن الي من جد يعصب الواحد انو كل هلالي يعرف كيف يفوز بس مو راضي يتكلم ويقول الهلال يفوز بالغشل ولا لايخالد |
كنق الود يسلمو اخوي تحت امرك بأي وقت
|
دنيا ومن يدري . . يالحبيب أقول أواجهك (( مثل المناظرة )) :Rolleyes: مو مطاق وأنا أخوك :biggrin: -- عموماً إذا تبغى تفتح جبهة تحدّي افتح قسم وأنا مستعد أجيب لك مجاملات لـ فريقكم من الحكام !! .. See You |
يخوي جاملتك وقلت لعل وعسى يكون ردك من باب تواضع مثلي وإلا وش حببني
فالنصر .. اي مباراه تقصد الأخيره .. هه ..المسأله نقطه من ستة وستين نقطه يعني لا تعذر اخوي شف ترتيب فريقك هل هو بالمقام الاول يبيض الوجه علشان تتعذر ليش تتعذر تعال هنا .. عندكم بطولات هه/ حلم هيضل يا صاحبي/ بعدين ما تشوف المباراه النهايه بالدوري 1415 اللي فزتو علينا فيها بالظلم سامي طلع من بداية المباراه ببركة لاعبينكم ولا فيه اي كرت ؟ وبمبارة عام 1411 اتوقع بصق ماجد عبدالله على شويش الثنيان والحكم ما قال شي؟ وعام 1417 طرد الحكم عمر المهنا من الهلال في مباريات المربع الذهبي السلومي ولعبنا بعشرة لاعبين ايام ماجد ومحيسن لاعبينكم المفضلين ورغم الظلم فزنا عليكم بثلاثيه تاريخيه احتفل فيها سامي الجابر على طريقته الخاصه وبنفس العام الحكم القدير عمر المهنا الغى هدف لخميس العويران طبعا سموه الناس / هدف النيه / بدون اي وجه حق؟ لاحظ مباريات خروج مغلوب رغم ظلمنا فيها ما اشتكينا بالتحكيم ليش تقولي ؟ لانه الهلال فريق كبير .. والدليل بعد ما اخذتو علينا الكاس بطرق غير مشروعه عام 1415 السنه اللي بعدها اخذه الهلال امام الأهلي بعقر دارهم وعام 1417 بالدوري رغم الظلم معكم بالمباراه الدوريه إلا إن الهلال تأهل لنهائي الكاس وطلعكم من المربع والسنه اللي بعدها جاب كأس الدوري من الأسطوري سامي وهدفه الخرافي وانتم علشان مباراه وخسارة نقطه من سته وستين نقطه بالدوري تلقون العلب الفارغه والجزم وما ادري شنو ... والهلال ما سواها يا أخي وهو يظلم من مباريات حاسمه ؟ تعرف ليش تشوف الهلال دائما يسانده التحكيم لأنك تشوف اخوي بعين وحده حاول حاول قد ما تقدر تفتح الثنتين وصدقني ساعتها بس راح تعرف الهلال وشلون الهلال اللي بطولاته بس الخارجيه يا للي تقول ان اغلب بطولاته بالتحكيم بس الخارجيه مساويه لبطولاتكم برمتها.... / لا تقول بعد تحكيم / يا اخي ورب البيت لو الهلال ابتعد عن البطولات سنتين متتابعه ما شجعت الهلال النصر غلطان اللي يقول فريق كبير كان فريق كبير بغابر الازمان.. اعتقد الشباب رابع الكبار وخامسهم الإتفاق اللي بثلاث سنوات ماضيه حقق بطولتين ولو كان فيه سادس اتوقع الوحده .. اتمنى انك تشوف حال فريقك حاليا بالدوري وحاول تقيس مستواه هل مستواه يأهل انه يكون مرشح لأي بطوله كانت.؟ وتأكد دائما انه النيه مطيه ..ومعلش لا تحاول تزعل هلالي لانها ردت الفعل راح تكون قويه عليك بغض النظر عن لغة الاحترام اللي اتوقعها ما تنفع ... دائما مبارياتكم مع القادسيه يشكون القدساوين منها ضربة جزاء ماهي صحيحه ومع الفيصلي امام جماهيركم ومبارة خروج مغلوب فازو عليكم رغم الظلم التحكيمي اللي تعرضو عليه ضربة جزاء وهدف صحيح مش محتسب لهم وضربة جزاء غير صحيحه احتسبها الحكم لكم. وبعد كل هذا تخسرون .. آخر مبدع نصرواي بعد الثلاثي كان الاعب الكبير إبراهيم ماطر وحاليا خليتوه أاوت النصر ونسقتوه يعني بدال ما تكرمونه بحفل اعتزال سددو اقل شي مبالغه المتبقيه ورواتبه الشهريه اللي شكاكم فيها للجنة الاحتراف.. اخوي العزيز تنتظر النصر يجيب بطوله..ردد معي ردد ( ياللللللليل مطولك) ومثل ما قال ابو نايف تجمل خفوقي حيل تسلح صبر ايوب ..؟ ومضه/ هذا الهلال وغيره اليوم من فيه ؟ من فيه غيره لأجل اعافه وابيعه؟ دام الولي كاتب له الفوز ياهيــــــه حكم الله اقوى نافذ ٍ بالوسيعـــــــه واللي بكى خله ..حذاري تـــداريه غير الهلالي شف دموعه / طبيعه |
هي هي هي هي هي هي
الزعيم عشق لاينتهي يابابا يعني عشان الزعيم دايم بطولات وتأهلات ودايماً فايز على أفلاقتكم وأحساً اللعيبه إللي مرو على السعوديه طلعوا من عنده زي يوسف الثنيان أفضل لاعب عرفه تاريخ السعوديه وزي سامي الجابر وألحين والشلهوب والقحطاني تبون تدورون أي تصريفه تدللون إن الزعيم غشاش قلتوا الحكام السعوديين مع الزعيم رحنا وجبنالكم أسبان وماليزيين ومن كل الدول بس الهلال كسر خشوم وتأهل ووصل وفاز ولعب دايماً غير الهلاليين مع أي فريق غير الهلال بس الزعيم فوق هههههههههههههههههههههههههههههههههههههههههه تحيـــــــــــ H . T . M . 15 ـــــاتي |
من هجير الشتاء ,,,,, إلى دنيا ومن يدري :ss33: |
| الساعة الآن 03:29 PM. |