(( لحظـــــــة المــــوت الرحيــــــل ))
 

	كل ما قلت الغياب .. قال قلبي مستحيل وكل ما قلت الجفا ... ردد احساسي مُحال كيف ابقوى غيبتك وانت لي صبح ( ن) وليل كيف اعاند ساعة اللقيا اذا صاحت تعال انا ادري به انتظارك قاتل (ن) ماهو بقتيل كنه الموت البطيئ .. ما اسميه اغتيال كم قسيت وكم اسامح كم ظلمت بلا دليل كم عشقت الآآآف غيري مابهم اية خصال كم سمعت لكل واشي كم صغيت لكل قيل ما كفاك اني لغيرك ما عطيته اي بال كم لفاني من عذابك لين اصبحت الذليل وكم تساميت بشعوري لين نلت الما ينال كم تدفق لك حنيني عذب صافي سلسبيل وكم تجرعته مرارك لين غصت به الحبال لك رضخت وراسي اللي كان صلب (ن) لك يميل تايه (ن) في وسط بحرك ما وطت رجلي رمال كنت لك زهرة خميله .. كنت لك نسمة عليل وكنت لي قيض (ن) حرقني ريح غبرا بالتلال ياشحيح (ن)في غرامك يابخيل (ن) يا بخيل وانا اجود من عطا لك دون منــَّه او سؤال يامن اشبه في المحبه بخطوة الشيخ العليل وانا ابه اشبه في غرامي خيل جامح ما يطال هو صحيح اني احبك .. ولحظة الموت الرحيل وهو اكيد اني في بعدك بنتهي مابه مجال لكن الموت بكرامه خير من عيش (ن) ذليل وهذا حبك ما اريده يا شبيه (ن) بالرجال

وسلامتكم

صح لساانك موال وعلا شانك

تحياتي لك
و
دمتي بود

الله الله عليك تسلم ايديك واناملك
اعجبني اعتزازك بنفسك.... وايضا رغم شموخك الا انك انحنيتي ... توافق جميل

لك رضخت وراسي اللي كان صلب (ن) لك يميل

تايه (ن) في وسط بحرك ما وطت رجلي رمال


التوفيق حليفك

الف صح لسانك ياشاعرتنا

وقصيده في غنى عن شهاتي

تحياتي لك

صح لسانك لاهنت

aljawwal

سلمت اخوي الجوال ولاهنت

وتحياتي ومودتي

اختك موال

لقيتها صدفه!!!!

مشكور اخوي ولاهنت ولاهان حضورك

سعيده بتواجدك

تحياتي

موال

حالي الذوق


ماخطيت يومن تسميت بهالاسم

من جد كلك ذوق

لاهنت وسلمت ولاعدمتك وانا اختك

تحياتي

موال

Mawwal
صح لسانك ،مليون ولا يوفون
قصيدة في قمة الروعة والجمال

احساس جميل،وتسلسل اجمل

بصراحة قصيدة ماعليها كلام
ومدري دايم احس ان قصايدك مواويل،واشد صوتي بموال

الله يعطيك العافية،،،
تقبلي مروري اختي النجمة Mawwal