|
تكفوون اسمعو قصتي والله اني اعاني
السلام عليكم
اعضاء منتدى الود جميعا اسمعو قصتي تكفون وحكمو وياليت تساعدوني انا شفت خطيبتي شوفة شرعية ولاقدرت املك عليها او اعقد عليها والسبب اني عسكري حسبت ماسمعت من قوانين انه ممنوع العسكري يتزوج خليجية طيب انا وش اسوي ابي \ اكمل نص ديني على سنة الله ورسولة من شفتها الشوفة ماقدرت الا اتزوجها ابي مساعدتكم انا حبيتها والله متخيل بدونها وابيها بالحلال مو بالحرام |
ابي اضيف لكم شي مهم نسيت اقولها
البنت عايشة هنا بالسعودية ووالدة هنا بعد بالسعودية ولهم اكثر من سنين عايشين فيها بس ابي اتزوجها ماقدرت |
ابيها بالحلال ........ وإن شاء الله تأخذها بالحلال
اخي الكريم بالنسبة للعسكريين وحسب معلوماتي . بأن العسكري من الصعب الزواج من غير السعودية وذالك لاسباب وظعوها ولاة الامر اطال الله اعمرهم للمصلحة العامة . ولاكن اخي الكريم لايوجد هناك حل سوى واحد . في نظري . وهو ان تقوم بالذهاب الى وزير الداخلية او من ينوب عنه وشرح معاناتك له واصطحاب الاوارق المطلوبة . هذا اجتهاد مني تقبلي مروري واحترامي وتقديري |
خوي تقدر تقدم طلب لوزارة الداخليه
وعلى حد ماعرف انه هناك حل واحد فقط وهذا واحد من الجماعه سواه وهو صعب ايضا ان الزوجه تاخذ الجنسية السعودية وبكذا تتزوجها غير كذا الله يعينك امنى اكون افتدك تحياتي |
رغم أني عسكري أنا أيضآ لكن لا أعرف لك حلآ
وأن كنت أعتقد أن الخليجيين لاينطبق عليهم هذا الشرط الله يعينك |
اخي الكريم...
قدم طلب لولاة الأمور واطرح عليهم الموضوع..وان شالله ماراح يقصرون معااك وشووف ربي يفتحها لك ان شالله ويسهلها عليك يارب... تحياتي صووت |
|
أخوي أنا أعرف شخص شبيه لقضيتك
والحل اللي استخدمه معاملة تمشي فيها بوزارة الداخلية على طلب الزاج من الغير السعودية وراح يقولوا لك راجعنا بعد شهر أو شهرين وإنشاالله ما تطول وبإذن الله ربي يوفقك |
يابابا دور لك واسطه أنا أعرف واحد ظابط ومتزوج وحده مغربيه من جد حبكت على خليجيه أقولك ترا مالك غير الواسطه والله يوفقك آمين
مع تحياتي |
اقتباس:
اخوي الكريم اشكر ردك لي وانا مقدم معروض وكتبتة وان شاءالله اقدمة لولاة الامر مع الاوراق واتمنى يسمح لي بالموافقة اطال الله بعمره دعواتكم |
اقتباس:
يعني احلاهم مر الله يكون بعوني والله سمعت ان التجنيس صعب بعد بحكم ماتنطبق عليهم الشروط يارب وفقني يارب شكرا لك اخوي على الرد |
اقتباس:
حبيس المشاعر انا بعد سمعت ان الخليجين ماتنطبق عليهم الشروط ولكن مادري كيف اتأكد مشكور اخوي على الرد بمشكلتي |
اقتباس:
ربي يسهلها يارب مشكورة على مرورك |
اقتباس:
اولا انا ليست لدي خبرة بالمجال العسكري كثيرة بحكم اني لسى جديد على كل القنوانين والانسان ليس بعالم وبالنسبة انه ممنوع الزواج من المراءة بالخارج اتوقع انه ممنوع ولكن المولودة هنا وساكنة وعايشة بالسعودية اكثر من عشرين سنة توقعت انه ليس بممنوع او عادي الزواج منها ولكن الله يكون بعوني ويصبرني لذلك انا طلبت من اهلي بالذهاب لعائلتهم ومقابلة والدتهم وشافو البنت واعجبو بها وذهبت بوالدي لخطبتها منهم فوافقو وقررت ان انظر اليها نظرة شرعية ولما رأيتها زاد تعلقي بها وناسبتها وناسبتني بالشكل وقررت الموافقة بي وقررت ان اعقد عليها ولكن فوجئت بالنظام مايسمح كوني عسكري والله اني افكر كيف اتزوجها ليل ونهار والله يصبرني بس اما بالنسبة اني افصل من العمل او اتقاعد انا فكرت بالفصل صراحة ولكن خوفي من اهلها يرفضون لاني بدون عمل اكون ولادخل مادي والتقاعد انا حديث بالعسكرية مستحيل اتقاعد لاني لسى شباب بالنسبة للزواج المسيار وانه حلال وليس بممنوع ممكن فرضا هي توافق ولاكن اهلها لا اتوقع بيسمحون لي بتلك الزواج ااااااااه بس انا افصل واشتغل اي شغلة بس انا اخذت قرض مالي كبير حق زواجي منها واسظل مطالب عند البنك لكي اسدد والله مشكلة انا اقع فيها اتمنى اني اجد حل يارب انا والله اني جاد ونيتي احصن نفسي ياخوي وبالحلال وناوي اسلك الطرق السليمة الي قانونية ولكن باصبر حتى لو اموت مشكور على ايجاد لي بعض الحلول ويعطيك العافية |
اقتباس:
اسطورة الرياض الله يسمع منك يارب ويوفقك يارب خلها تروح شهرين و ثلاث بس انا ابي املك عليها لو اتزوجها بعد ثلاث سنوات مو مشكلة اخاف تروح مني وانا ابيها شكرا على ردك يارب |
هلا بك اخوي
والله يعينك ويصبرك واعتقد انك لو تقدمت بطلب مقابلة ابو متعب حفظه الله او طلبت مقابلة ولي العهد او الأمير سلمان وشرحت لهم معاناتك بصدق ماراح يقصرون ويـــاك واتمنى لك التوفيق والسعااده ياارب ت ح ي ا ت يے |
عندي بعض الحلول اتمنى تعجبك
-- مراجعه مكاتب المحاماه ربما تجد عندهم مخرجا ( خاصة مع التسهيلات الاخيره في الجنسيه ) -- أن تبحث عن وظيفه مدنيه من الان وانت على راس العمل حتى تجد وتترك وظيفتك او تحاول بتقاعد -- اذا كان بينكم صلة قرابه قد تسطيع ان تحصل على جنسيه لها وحاول -- تتزوج شرعا وسرا ( ومعك فرصه حتى يكبر ابنائكم انشاء الله ويدخلون المدرسه وهنا تبدأ المشكله ( ايضا تواجه مشكله السفر للخارج وهذا لايهم لانك عسكري اصلا ) الله يوفقك وثق تماما تماما انك لن تتزوج الا الزوجه التى كتبها الله لك ولعل في الامر خير وحياك |
اقتباس:
والله يسمع منك يارب |
اقتباس:
ان شاء الله سوف اقدم معروض واقدمة للملك عبدلله حفظة الله ورعاه وسوف اشرح له معناتي والله يكتب الي فيه الخير يارب مشكور اخوي حالي الذوووق على دعواتك والله يوفقك |
اقتباس:
مكتب الماحاماة وش وظيفتة بالضبط ومافهمت ليش اراجع لمكتب حق المحاماه بالنسبة اني اجنسها انا البنت مو بذمتي والله لحد الان ولكن ان شاءالله اذا تزوجتها راح اجنسها رغم ان الجنسية صعبة بالنسبة للعمل المدني ياليت القى والله ولكن انا عندي قرض حق مهر البنت مستخرجة من البنك الله يخليك اخوي على مداخلتك ودعواتك لي |
وفقك الله
اخي ابيها بالحلال ليس ممنوع قطعا زواج العسكري بالاجنبية ولكن فيه صعوبة 000حاول والله يعينك وربما كونها تعيش في السعودية يسهل الموافقة وإذا لم تستطع فليست نهاية الدنيا وستجد من بنات الوطن ما يعجبك وربما أكثر وفقك الله وسترك اخوكم الهدار |
ابيها بالحلال
ربنا يوفقك وماتدري يمكن في الامر خيره والله يكتب الي فيه الخير |
بسم الله الرحمن الرحيم
اخي الكريم ابيها بالحلال بادخل في الموضوع على طول اذا كنت تريد الزواج فأعقد النيه وتوكل على الله وتزوج بها او بغيرها والذي يقول لك قدم على وزير الداخليه او علىالملك عبدالله حفظهما الله ممنوع الزواج من اجنبيه او خليجيه للمواطن السعودي بصفة عامه الى في حدود ضيقة ولضروف معينه ولايحتاج ان اعطيك مثل فما بالك بالموظف المدني والاشد منه العسكري والتي من ضمن الشروط قبوله كعسكري سواء ان كان فرد او ضابط انه ممنوع من الزواج من اجنبيه باي حال من الاحوال واذا اكتشف انه متزوج من اجنبيه فانه يفصل ويحرم من جميع حقوقه فيأخي الكريم اعد التفكير جيدا وأعده مرارا وتكرارا بان ماتريده متعارض مع مستقبلك الوظيفي الذي انت عليه الان وسائر عليه والذي كثير من الشباب يتمنون الحصول على وظيفه مثلها لكثرة البطاله المنتشرة بين الشباب الذين يحملون شهاده اعلى من شهادتك من حملة الجامعة والماجستير ولم يحصلوا على مثل وظيفتك حتى لو كانت اصغر رتبه عسكريه اتترك كل هذا بعد ان تعبت للحصول على هذه الوظيفه والتي اتوقع انك لم تحصل عليها بسهوله وقد يكون هناك من ساعدك بالحصول عليها وتعب من اجلك اتترك كل هذا لماذا لاجل فتاه رائيتها واعجبت فيها وترغب في الزواج منها والنظام لايسمح لك بذلك فما هذا الانكساروما هذا الضعف منك كرجل يعتمد عليك الوطن في حمياته والذود دونه وانت لم تستطع ان تحكم عقلك وتختار فتاه غيرها وتتزوج بها اذا اردت الزواج هذه نصيحتي اليك مع امنياتي ان تحكم عقلك قبل هذه المشاعر الوقتيه التي ستزول مع الوقت والانسان ماسمي انسان الى وهو كثير النسيان فحكم عقلك قبل قلبك والا فستخسر وظيفتك ومستقبلك ونفسك وبهذا تخسر من تحب أخي الكريم الواقع دائم مر أعذرني |
أبيها بالحلال
والله ماعندي شيء غير ربي يجمعكم بالحلال وييسر اموركم وبأذن الله اني ادعيلكم بالتوفيق تقبل ودي أختك جروح القصيد ،،،، |
اقتباس:
الله يسمع منك وتسهل اموري كلها يارب انا سمعت ان مسألتي سهلة اكبركونها مولودةهنا بالسعودية وعايشة فيها ولكن بالنسبة لبنات وطني والله فيهم الخير والبركة بس هاذا حظي وقلبي يقول لا هالبنت بس مادري ليش والله يكتب الي فيه الخير ثق اني مااتخيل اتزوج غيرها ولااتوقع اتزوج غيرها اشكرك على مرورك الكريم والله يحفظك يارب من كل \مكروة |
اقتباس:
صدقني يمكن خيرة لي لو اتزوجها رغم كل الصعوبات الي امامي رغم انها زواج شرعي بس مايصعب المهمة وظيفتي الي انا فيها والله سمع منك يرب واشكر لك جزيل الشكر تواجدك وردك |
اقتباس:
وبالاخير الزواج قسمة ونصيب والله ثم والله اني ماكنت ابي هالبنت بس وش اسوي مو بيدي صرت افكر كثير فيها ماقدرت اركز صحيح اني توظفت بصعوبة ولكن القدر ومايسوي يمكن انا\مو\مكتوب لي هالوظيفة غيري احق منها وبعدين انا لو فصلت لو قدر الله من وظيفتي غيري ينتظرها\محتاج اكثر مني وبالاخير كلنا جنووود للوطن سواء عسكري او مدني وانا ماراح لوحدي اقدم او ازيد والله يحفظ بلادنا يارب من كل مكروة صدقني يااخي الكريم ني ماكنت ابي هالوضع الي انا فيه قابلت صعوبة من الاهل بالموافقة وبحب الخشوم وبالاتصالات وبالواسطات وافقو ولكن مازالت هناك صعوبات اكبر واكبر وبالنهاية نبي بالنظام مانبي نتعدى بغير النظام والله يوفقني يارب واشكر قلمك الصريح لانك كتبت لي بدون مجاملة ولاتعاطف تحياتي لك |
اقتباس:
والله يوفقك يارب ويحفظك ويخليك لاهلك ان شاءالله مرورك وربي يكفي لتعاطفك معي والله يصبرني يارب ويوفقني والجميع |
ماودي أحطمك
بس بقولك لايمكن الا ا ذا بوه واسطه قووووويه واذا ماعندك ردد ياليل مطولك الله يجمعكم على خير عاجلا غير اجل |
كلمة وحدة راح اقولك عليها اذا لك فيها نصيب راح تكون لك غصب عن الكل واذا مافيه نصيب لوتجتمع عندك مائة وسطه ماراح تكون لك وبعدين سبحان الله يمكن تكون شر وربي دفعه عنك ونصيحه صل الأستخاره والي فيه الخير يقدمة ربنا والله يكتب لك التوفيق وتقبل تحياتي |
[quote=صوت الغلا;1886506]اخي الكريم...
قدم طلب لولاة الأمور واطرح عليهم الموضوع..وان شالله ماراح يقصرون معااك وشووف ربي يفتحها لك ان شالله ويسهلها عليك يارب... تحياتي صووت وفقك الله |
اقتباس:
شكرا على مرورك وعلى دعوتك لي |
اقتباس:
والله يكتب الي فيه الخير ويقدمة يارب الله يوفقك يارب وجزاك الله خيرا |
[QUOTE=نصف الشمس;1891118]
اقتباس:
نصف الشمس ان شاءالله عزيزي اتقدم بالطلب وان شاءالله اموري تتسهل وشكرا لك والله يوفقك انت بعد |
اممممممممممممممممممممممممممممممممممم
انا اول مرة اسمع انه هذا الشي ممنوع.....لاني مو سعودية و ومع اني مقيمة بالكويت يعني ببلد خليجي بس اول مرة اسمع بهالموضوع...... بس حسب رأي عازف و الشاكي و الاخرين....اقوول مالك الا انك تعرض مشكلتك للمسؤول و تذكر اهم شي اياك تيأس اياك لانه دايما فيه امل... والله يوفقك و يجمعك معها على خير يااا رب Max |
وعسى أن تكرهو شي وهو خير لكم...
مع الأيام راح تنسى وانا اخوك وانشاء الله انك راح تشوف احسن منها وتحمد الله انك ما تملكت عليها.. يا كثر البنات ومثل ما قال الشاعر قد ينعم الله بالبلوى وإن عظمت ...ويبتلي الله بعض القوم بالنعم ِ تحيتي لك : اخوك هجير الشتاء |
من يجد لي على وظيفة لوجه الله انا راضي بها كلي اتربط بالفتاة
على ان تكون مدينة وليست عسكرية كلي امل بعد الله فيكم |
| الساعة الآن 07:49 AM. |