|
كـــــاركتير عن بعض الخليجيات ( ابغى التعليق عليه وخاصه من قبل البنات )
http://www.aseer-uae.com/vb/attachment.php?postid=7012
اضغط على الرابط اللي فوق لترى الكاركتير انتوا شفتوا الكراكتير طبعا و طبعا مثل ما تعرفون هذا واضح للعيان انه حاصل في وقتنا هذا والحين بكثره انا اقولك عن تجربتي وانا في بريطانيا انا شفت امهات واخوات اصحاب ليا كانوا يدرسون معي في السعوديه لا والمصيبه يوم شافني الولد غطى وجهه لانه خجلان اني اعرفه واعرف انه امه واخته كل واحده ماشيه بالجينز الضيق والشعر المفكوك صراحه انا احتقرته لانه اذا كنت تستحي يا اخي ليه ما تمنعهم والا لنا عيب وللغرب عادي انا ابغى اعرف راي اعضاء المنتدى بالكاركتير هذا وابغى اسال البنات ليه هذي الحركه تحصل منكم هل وصل بكم الحد الى الاستخفاف بالحجاب والعباءه الى هذه الدرجه وممكن اعرف الاسباب لهذي الظاهره؟ لانه بصراحه حقدي يزداد يوم بعد يوم كل ما اشوف بنت عربيه تمشي باللبس اللي قد يثير اي اجنبي ما يفكر الا بشهوته انتم بتقولون متحامل على البنات انا اقول صح انه الغلط موجود من جهه الرجال لكن انتي يا بنت الاسلام وين اسلامك؟ والا العباءه والحجاب صارت شئ تعودوا عليه ولا احسستوا بقيمته مع تحيات الفارس |
والله يالفارس أنك %100
صحيح الكلام اللي قاله الفارس بحكم تجربتي والله الله علي حديقة (الهايدبارك) ياليت السالفه علي العبات وبس والله ياشباب عرض أزياء علي الملابس الداخليه كأنها تقولك البنت الخليجيه هناك شوفوني أنا أوضح وعندك مجمع (الويت ليز) لالالالا هاذا عاد يبيله جلسه وشارع (أجور رود) يسلام سلم أخوي الفارس والله هاذي كلها نقص وضعف في الوازع الديني في البنات اللي هناك بس في سؤال وينكم يارجال وين العادات والتقاليد,, أقول الحمدالله علي ستر أهلنا ولاحولا ولاقوة الابالله أخوكم/ كـــــــــــــــل الحـــــــــــــب
|
اهلين الفارس00000000
بصراحه الاغلبيه كذا بس مو الكل000000000 وهذا يدل على قله الايمان في قلوبهم0000000 مايدرون ان ربهم في السعوديه هو ربهم في اي مكان ثاني00000 بس وين بيروحون من سؤاله عزوجل0000 مشمور يالفارس على غيرتك لبنات المسلمين0000 والشكوى لله الله يهدينا ويعافينا00000000 تحياتي لك |
بارك الله فيك يالفارس
الحمد لله انه باقي رجال غيورين
على بنات الاسلام وهذا يدل على انسانيتك لاننا نري كثير من الرجال والله انه جسد بلا روح لا يخاف ولا يغار وانما ما يهمه الا هندمه وشخصيته وجاذبيته اما غيرته على اخته او زوجته فلا وعندما تقول له لماذا لا تستر اهلك يقول لك هذه رجعيه والمراه يجب ان تعيش في حريه والا نكون ظالمين لها والله والله انه الظلم الحقيقي ان تخون امانتك التى امنك الله عليها وانتى اخيه احذري ولا تغتري بالمدنيه الزائفه فان ربك هنا هو ربك هناك مطلع عليكى علم بكل ما تفعلينه فاحسنى النيه ولا تجعلى الله اهون الناظرين اليكى وتقبل تحياتى الفارس اختك وعود |
مشكورين والله على الردود والتفاعل
وانشاء الله نقدر نفتح ونلين قلوب غافله مع تحيات الفارس |
تحياتي لك والله يكثر من امثالك وانا بعد اقول الحمد لله ان في شباب بعدهم يغيرون على اخواتهم وزوجاتهم
والله يستر علينا وعليكم00 تحياتي صدى |
اخي العزيز الفارس
كلامك كله حاصل وواقعي واتمنى لك التوفيق والسداد وبصراحة تشدني مواضيعك فلك منى اجمل الامنيات |
للأسف .. هذا واقع ملموس ...
الله يهدينا ويسترنا .. في الدنيا والأخرة .. |
تحياتي لك اخي الفارس
|
السلام عليكم ورحمة الله وبركاته
لله درك كم تثيرمواضيعك في النفس من تساؤلات ,, وكم تبعث فيها من آهات وحسرات للأسف هذا حال الكثيرات من بنات الإسلام ... في بلدها ,, مغطاة ,, مستترة ,, مؤدبة,, لا ترى لها ظفرا ,, ولا تسمع لها همسا ,, وحين تخرج من نطاق بلدها ,, تخرج من نطاق الإسلام ,, تنسلخ من عباءتها وكأنها شيء مقزز قد تاقت نفسها للتخلص منه ,, تخلع حجابها الذي لطالما سترها عن الأعين وحماها من الذئاب,, لكن بالطبع ذلك لا ينطبق على الكل ,, فمن تقوم بمثل هذه التصرفات تكون في الأصل رافضة للحجاب ,, كارهة للستر ,, ترى فيه قيدا وعبودية ,, بينما هو عفة وحرية ,, تسعى خلف الحضارة الغربية وما اوهموها بأنه المدنية ,, بينما هو تخلف ورجعية ,, تظلم نفسها ,, وتخسر حيائها ,, ولأجل ماذا ؟؟ مالذي سيختلف لو أنها سافرت بحجابها .. هل هذا الحجاب يمنعها من التمتع ؟؟ هل يحرمها من شيء ؟؟ لا والله بالعكس ,, انه حماية لها من كل باغ أثيم ,, لكنها لا تعمى الأعين ,, بل تعمى القلوب ,, يمكن فعلا نقول انك متحامل على البنات ,, بس للاسف وللأسف مئة مرة ,, كلامك ينطبق على كثير من بنات جنسنا ,, وعلى بعض من يحيطون بنا, لكن ذلك لا يمنع ان منا من تدرك ان في حيائها سعادتها وفي عبائتها حريتها وفي قرارها في بيتها راحتها ,, كنت اعتقد ان من تسافر تخلع غطائها فقط ,, ولم اتوقع ان الفتاة السعودية حين تسافر تتخلص من العباءة ككل ؟؟ << ما عمرها طلعت خارج المملكة ولا شافت اللي يسونه البنات هناك ,, لكن كما أسمع من صديقاتي وبعض قريباتي ــ للأسف ــ فإنهن حين يسافرن فإنهن يكشفن الوجه وكنت انكر ذلك واستعظمه ,, ولكن حين قرأت مقالتك ,, قلت في نفسي من رأى مصائب الناس هانت على نفسه مصيبته ,, ترى أين هذه الفتاة من القران ,, هل تناست دينها وسنة نبيها عليه السلام ,, ام هل تجاهلت حيائها ,, هل هانت عليها نفسها لدرجة ان تعرض جسدها امام الناس ,, وكانها تقول انظروا إلي ؟؟ بل أين غيرة الرجل ,, أين الذود عن الشرف والعرض ,, هل ماتت الغيرة في قلوب الرجال ؟؟ واختنق الحياء في نفوس النساء ؟؟ اللهم استر عوراتنا وآمن روعاتنا واحفظنا يا أرحم الراحمين اشكرك اخي الفارس على هذه الكلمات ,, ولعل الله ان يعم بها الفائدة ,, واعذرني لإطالتي ,, بارك الله فيك وردك لأهلك سالما غانما ,, |
والله شئ يقهر
اخوي الفارس جبت الموضوع اللي يقهر والله الواحد لما يسافر الى لندن وباريس وماربيا والقاهرة وحتى بيروووووت يطق من القهر والقضية مو قضيه اسلام وبس القضية قضية اخلاق وعقل يعني انا لو مقتنع انه اختي او اهلي عموما يطلعوا كاشفين ما انتظر حتى اسافر واخليهم يسووووا كذا اخليهم يكشفوا هنا بالسعودية ولكن ما اكذب على نفسي وكأنني عندي مرض انفصام الشخصية .
وانا حصلتلي قصة قبل سنة وانا طالع لاحد الدول الاوربية (باريس) ركب جنبي واحد رجل وقوووور وكبير بالسن وقعدنا طول الرحلة نسولف وكان ورانا بنتين لابسين الله لاوريكم ولا اليسا في اغنية بتغيب ... وانا كنت اقوول في نفسي وش هالبنات اللي ما عندهم رجال يربونهم واشوا اني استحيت من اللي جنبي ولا قلتلوة اللي في نفسي ... المهم يوم وصلنا باريس اللي الشايب اللي جنبي يقول للبنات اللي ورانا (يلا حبيباتي عشان ننزل) اثرهم بنات الخاسي اللي جنبي وقلت اشوا ما قلت اللي في نفسي ... ويوم مانزلنا واحنا عند (customs ) الا هو يقلي خذ ارقام تليفون شقتي في باريس وتعال نسولف انا وياك لانه انا اطفش لوحدي وسألته قلت وبناتك قال من يوم نوصل ماعد اشوووفهم؟؟؟؟؟ والا اني افهق واقوووووول بسلامتهم وين ويقوولي طوووووول وقتهم داجين مع صاحباتهم اما في باريس ولا في كان وانا اقول ونعم فيك وف بناتك واقول في نفسي (الله يخسيك يالخاسي ) |
تسلم لي يافارس على هالموضوع اللي فعلا نشوفه من سنين مو من
جديد..وانا على كثر سفراتي شفت العجب من البنات الخليجيات اول من تطير الطياره شالو العبايه وقبل الهبوط راحو الحمام وغيرو الملابس الى بنطلونات جينز والشعر كشه ( على الموضه ) وانا ماالوم البنات لان امهاتهم اسرع منهم بالدخول للحمام وبالتبديل ..يعني خوش ام وكفو قدوه للبنت..لا وتلاقيهم بالديسكو والحفلات ..اللهم يستر عليهم ويكبر عقولهم |
مشكورين على الردود والتواصل الدايم
زمشكورين على اعطاء الاسباب التي ادت الى هذا العمل مع تحيات الفارس |
الفارس
الرابط ماطلع عندي ارسله على الفاكس لو سمحت :)
ككككككككككككككككككككك لا صدقت طلع ونص ولو انه ماطلع انتحر انا اصلا ادور النشبه بالضحك على البنات دورة واللخين لما يكون فيه رابط يخليني اكركر على مزاجي ههههههههههههههههه رحت الى ثلاث مقاهي كلووووووو على شان افتح هذا الرابط بس لما شفته ((( تحسرت ))) افففففففففف بس لو ادل هذا المطار الفارس تدري ايش اسوي اسرق العبايات والنقابات واوديهن الى سوق المستعمل (((((( كركركركركركر)))))) استربح من واهن وانت لا يكون سبقتني عليهن ((( اقول دلني على المطار وابشر بسعدك النص بالنص يا الشريطي ))) خخخخخخخخخخخخخخخخخخخخخخخخخخ الله لا يبلانا انا اهلي من سنه الى سنه يسيرون على جيرانا هالمرة تبيهم يسافرون (( امعصي )) جزاك الله الف خير اخوك شبيه الفحم |
مشكور يالفارس على الموضوع الحساس
وماعليش على التأخير.. وبعدين مو بس هذه الظاهره متواجده هناك حتى هنا عندنا في السعوديه خصوصاً في( نجمه) اللي هي مليانه بالأجانب ،، فالبنات عندنا ينتهزون روحتهم لنجمه عشان يتحررون كأنهم مش موجودين في بلدهم وهي في الأصل جزء من البلد .......... الله يهدينا ويهديهم ان شاء الله..... تحيــــــــــــاتي ريووووووووووووووفه... |
السلاااااام عليكم .....
وانما الصراحه معك احتقر البنات الي كذا... لانهم ماعندهم دين ولاحياء... كان ماعرفوا ان في رب يشوفهم... ماقول الاالله يستر علي جميع بنات الاسلااام ومع السلاااامه:) :) |
مشكورين على الردود
ومشكورين على الكلام الحلووو والاراء الاحلى وانشاءالله نفيد ونستفيد مع تحيات الفارس |
الفارس...لاشكر على واجب
كل شيء الا انت ونبغي مواضيع احلى واحلى نحن بالانتظار دوم مو يوم |
يسلمووووووووووووووو
خيوووووو على الموووووضوع الاكثر من رائع,,,,,,
بصراحة شىء يحز في النفس فعلا .......... ذكرتني في واحدة فلسطينية تقولي انها مرة تعرضت لاغتصااب والسبب انها رفضت انها تخلع حجابها وكانت تقولي افضل الموووت على ان اخلع حجااااابي....... والله شي يحسر وبناتنا يخلعوووونه بملىء ارادتهم ....... مع ارق واعذب تحية لموووووووووسة |
أنا أحييك على هذا الموضوع00000
وبصراحه هذا انشوفه في كل مكان حتى في المجمعات وفي هذا الوقت البنات ما همهم غير العبايه الكتف 0000 وترى هذا واقع مؤسف جدا0000 |
:) مرحبا....
والله انت تعرف يا خوي حال الدنيا الحين ، والكل في باله أنه كل ما يسونه الأجانب وهو الصح لكن للأسف نسوا دينهم وأخلاقهم وركضوا وراء الضياع ما أقول غير الله يهديهم ويصلح بالهم، وبعد ما يصير ياخوي أنه لازم نلبس لبسنا اللي نلبسه في بلادنا مثلا إذا لبسنا عباية وشيلة الكل بيلتفت حقنا والكل بيطالعنا وبدل لا يغضون البصر بيمعنونه ، وعلشان جيه لازم نلبس لباس قريب من لبسهم بس يكون هاللباس متوافر فيه كل الشروط الإسلامية من إحتشام وغيرها........ وطبعا اللي يحس أنه مسلم صدق يكون هالشيء جدام ربه موب جدام الناس لأنه الله اللي بيحاسبه موب الناس ، وما أحد بينفعه في هالدنيا غير نفسه ودينه ، وماأقول غير الله كريم ويهدي من عباده من يشاء....... ومع السلامة والسموحة إذا غلطنا أو قصرنا في حقكم.. :D أختكم .. الفقيرة إلى الله .. سارق النوم:o |
اخوي الفارس ..
يعطيك العافية ..
تحياتي لك .. ;) |
مشكورين على الردود والتواصل
حمدالله انه في ناس واعيين ، والله و اعجبتوني مشكورين يالغاليين وبيضتوا الوجه مع تحيات الفارس |
| الساعة الآن 01:57 PM. |