|
عفــــــوا الدخــــــول بالـــــزي السعـــــودي فقــــط ! ! ! للنقــاش
عفــــــوا الدخـــــول بالـــــزي السعـــودي فقــــط ! ! !
في يوم من الأيام قرروا أهلي كشتة لاحد المنتزهات طبعا عشان ننبسط ونرفه عن أنفسنا وجهزنا كل شي للطلعة والوناسة ثم توكلنا على الله وطلعنا وصلنا المنتزه وللمعلومية كان ذلك في الرياض وأتجهنا للثمامة وقصدنا واحد من المنتزهات ولما وقفنا عشان ندفع فلوس الدخول وقف الحارس وطالع بالسيارة وقال لأخوي عفوا ممنوع الدخول بغير الزي السعودي يعني ((( الثــوب ))) ! ! ! :wed a3: :a066: :wed a3: المقصـــود في البداية شفنا هذي اللافتات وكانت بس موضوعة بدون تطبيق ثم منعوا التجول والمشي لكل شاب مالبس الثوب ثم صاروا يطالعون في السيارة وش لابس إذا كان بنطلون منعوه من الدخول! ! ! أولا وش الحكمة من منع لبس البنطلون للشاب؟؟؟ ثانيا هل اصبحنا نتحكم حتى في لبس الرجال! ! ! ثالثا الشاب قصد منتزه وهذا المنتزه يحتوي على خيـــول دبـــابــــات عربيـــات غيـــر لعب الكـــورة للشبــاب وهو يتنزهون هل سيساعد الثوب الشباب على أخذ حريتهم كاملة! ! ! أحنا معهم بأن الزي السعودي ماله مثيل بس عند التنزه فالرجال حــــر في لبسه مو يفرض عليه! ! ! موضوع أثار تعجبي بصراحة يعني منعوا أخوي من الدخول هل أن احنا بندخل ونخلي أخونا برا! ! ! أو نجلس برا قدام السيارات وقدام كل من راح وجاء! ! ! ولا نرجع للبيت! ! ! وعلى فكرة أنا أتفق معهم في المنع ولكن بمنع لبس التشبه بالكفار ((( النقا على قولتهم ))) آرائــكـــــــم في الموضــــوع |
إذا أرادوا فعلا أن يمنعوا الشباب من إرتداء البنطال لابد أن يعرفوا متى يمنعوا ومتى يسمحوا بــ هذا البنطال .
فعلا في في الأشهر الماضية ولأشهر الحالية أصبحنا نرى شباب لابسين بناطيل لكن أشك أنهم لابسينها فعلا سرنا نرى مناظر الله يعلم بيها ((اكيد شفتيها )) <<<<< هؤلاء الذين يقل لهم عفــــــــوا الدخــــــــول بالزي السعودي فقط !! ولكن سؤال كيف يمنع الشباب من الدخول بالبنطال وهم يعلمون أن داخل المنتزه هناك أماكن ترفيه لاتنفع أن يلعب بها الأولاد إلا بالبنطال ؟؟ <<< وين صاحب المنتزه ووين عقله لمن نزل هذا القرار؟؟ |
يعني أنت مثلي برايي
لباس التشبه بالكفار هو اللي يمنعونه لكن اللباس العادي ! ! ! شي عجيب الف شكر على مرورك اختك ليــــــــــــان |
اللي أعرفه انه ممنوع دخول الدوائر الحكوميه والبنوك والمكتبات العامه الا بالزي السعودي
أقصد ثوب على الاقل ... ولبس البنطلون ليس تقليد للكفار وتشبه بهم الا اذا كان فيه رسومات وموديلات غريبه وأما المنتزهات والاماكن الترفيهيه يكون لبس البطلون او الزي الرياضي أفضل وممنوع الدخول وماتذكرينه في المنتزه فأنا لست من الرياض ... واول مره أسمع عن هذا ... كل الشكر ليان وأنشاله دخلتوا ؟؟ |
هلا وغلا
ليان بصراحة مر معي هذا الموقف وانا شاهد اثبات على ذلك وفي احد المنتزهات في الثمامة تم منع الذي لايرتدي الزي السعودي الكامل او الثوب!! شي مستغرب بكل صراحة !!! كان من المفتروض تطبيقه في الاسواق العامة وتطبيقة في الجامعات والمدارس والكليات التي نشاهد البعض فيها باسخف الملابس التي تشعر بالضيقه عندما تشاهد من يلبسها والله ان هناك بعض الشباب يرتدي ملابس مخزيه ومخزية ومخزينة قد يتبادر لذهنه انها الموضه وان الناس سوف يعجبون بها ولكن العكس صحيح فلا يجد الا الاستخفاف به وبلبسه الفاضح الذي اساء لنفسه به،، عموما نعود لسالفة المنتزه اتمنى ان تغير ادارة المنتزهات هذا الشرط الغير مقنع ابدا فالمنتزة غير فهو مكان للراحة والاستجمام وليس مكان عام!! يعني ماقدرنا في الاماكن العامة تطبقه نطبقة في المنتزهات!! غريب والله،، مشكور ليان على الموضوع،، |
أهلين أخوي اليزيد
واحنا ماقلنا شي في أماكن العمل الثوب افضل لكن المنتزهات! ! ! وفعلا صايرة في الرياض أنا بس أبس أعرف وش الحكمة من هالقرار السخيــف! ! ! ! ! ولا والله مادخلنا المنتزه وشكرا على مرورك أخوي أختك ليــــــــــــان |
البركان
أولا أشكرك على إبداء رأيك ومع رايك بأنهم يمنعون اللباس المخل والنقا لكن العادي مالهم حق ابد يعني المهم أماكن العمل هي اللي تكون بالزي السعودي ماأدري من السبب في وضع القرار السخيف هذا وشكرا لك مرة ثانية أختك ليـــــــــــــان |
اممممم
هاذي السالفه عاد هي اللي فاقعه كبدي بالذات انا من الشرقيه والحمد لله هالهرطقه هاذي ماقد واجهتها الا مره بس http://www.asmilies.com/smiliespic/crazy/007.gif مره رحت مراجع لعيادة حكوميه ( طبعا مراجع ومعاي اخوي الصغير ) واتفاجأت ان السكيورتي يقولي ماتدخل الا بالزي الرسمي ؟؟؟؟ طبعا هاذي قمة ( اسمحولي اقولها ) الغباء !!!! يعني مااتعالج الا وانا لابس ثووووووووووب !!! بصراحه القانون هذا قانون عقيم جدا وللاسف ان الناس اللي تطلع مثل هالقوانين يسمع لكلامهم ويطبق !!!!! يعني بالله عليكي اخوك رايح يستانس ولا رايح يترزز بالثوب والشماغ !! للاسف عندنا في بلدنا عقليات جدا عقيمه ومتحجره وللاسف انا سمعت انه الاسواق برضو لازم شماغ وثوب والمشكله ان لبسنا لهم الزي السعودي وكشخنا قالو ذا جاي يغازل لاتدخلونه :b085: اممممممم الظاهر يبوننا نلبس بشوت بعد اذا بغيت اشتري لبن وجرايد !!!!!! انا مدري ليش يحبون يتحكمون بالشعب !!!!! الامور هاذي اكثر ماتصدر بالرياض لانه اللي يطلعون زي هالقرارت ناس عندهم علم كبير ولكن للاسف عقلية ( قواطي ) ولهم مساندة كبيرة ياليت والله يثقفون ويطلعون للعالم ويصير عندهم شوي فليكسيبلتي وافهم يافهيم |
مرحبا والله اختي ليان
صدقتي والله بكلامك وبقولك حاجـة صارت لي قبل ست اشهور كنت في الدوام وطلعت مستاذن لان بروح المحكمـه اسوي شهـادهـ ويوم جيت عند القاضي قال شهـادتك ماتقبل الحين رح بدل وبعدين تعاااال انا انصدمت وقلت له توني مستاذن من الدوام , وصيغة عملي تطلب مني لبس البدله هذي معن شكلهـا انيق وعدل بس النظـام في المحكمـة يقول ( الزي السعودي ) وتعطل الشغل ورجعت والله العظيم يوم ثاني ولبست ورحت له طيب وش فيها دامني ساتر عورتي وش يمنع بلبسي هـذا كل اللي بقوله انظمـة للاسف اسميها تخلف او يحبون يمشون انظمـه تثبت لشخصيتهم الخاصه مشكورهـ اختي ليان المملوحـة واسف على الاطــاله تقبلي خالص تحياتي لك اخوكـ / أخذيني مابيني |
مرحبا اختي ليان اول شيء باهنيك على الاشراف >>>>>>>> بدري وتو الناس ياخوي <<<<<<<< مسكين كان مشغول شغلا مبرحا وبالنسبه للموضوع بصراحه شيء غريب يعني اول مرره ادري انه فيه احد له شغل بلبس الرجال لكن اذا كان فعلا صحيح فأظن ان الي مسوي النتزه واحد متعصب او انه ماسكه معاه غلط لان الثوب يخلي الواحد مربط لايقدر يسوي حركات وتحركات وغير كذا ااقل شيء بيوسخه..لكن البس الرياضي او الجنتله عاادي تكرف فيها الين ماتطلع ريحتها ههههههههههه لكن بجد شيء غريب ........ الثوب والشماغ يكون بالاماكن الرسميه وهذي سووها قبل كم سنه ماتدخل دائرة حكوميه الا بالزي الكامل وهذا معقول...لكن اذا باطلع مع اهلي وببتمشى معاهم وباطق الثوب والشماغ وماباقي غير البشت ؟؟ لا والله اجلس ببيتي احسن شاكر لك عالموضوع واسف عالتطويل تحياتي |
مرحبا اختي ليان اول شيء باهنيك على الاشراف >>>>>>>> بدري وتو الناس ياخوي <<<<<<<< مسكين كان مشغول شغلا مبرحا وبالنسبه للموضوع بصراحه شيء غريب يعني اول مرره ادري انه فيه احد له شغل بلبس الرجال لكن اذا كان فعلا صحيح فأظن ان الي مسوي النتزه واحد متعصب او انه ماسكه معاه غلط لان الثوب يخلي الواحد مربط لايقدر يسوي حركات وتحركات وغير كذا ااقل شيء بيوسخه..لكن البس الرياضي او الجنتله عاادي تكرف فيها الين ماتطلع ريحتها ههههههههههه لكن بجد شيء غريب ........ الثوب والشماغ يكون بالاماكن الرسميه وهذي سووها قبل كم سنه ماتدخل دائرة حكوميه الا بالزي الكامل وهذا معقول...لكن اذا باطلع مع اهلي وببتمشى معاهم وباطق الثوب والشماغ وماباقي غير البشت ؟؟ لا والله اجلس ببيتي احسن شاكر لك عالموضوع واسف عالاطاله تحياتي |
دقتي بكلامك ليان المملوحه
غباااااااااااااء واحد من الردود الي بهاذا الموضوع رايح عياده يودي اخوه الصغير ويقول له ماتدخل الا بثوب ياخي لو صار لاخوي شي مثلا من يتحمل المسئوليه |
ليان الف شكر على الطرح الرااائع منك
با الحقيقه قرار غير من نوعه كيف ةيمنع شاب مع اهلة بان ينزل او يتركهم معقوله... هذا القرااار من الاخطاء الاداريه اللتي تدل على عمق والضعف من قبل ادارة المنتزة فكيف نلزم أحدهم بلبس ملابس كامله يعني الزي الرسمي يمكن داخل دائرة حكوميه وانتم ماتدرون ..... يبي العائله ترووحلهاا كانت راحت مع السوق وخله السواق يلبس زي سعودي بعد علشان تكتمل المهزله أختى ليان قراار سخيف كما ذكرتي ولكن من المسوال عن هذا القراار اليست ادارة المنتزة توصل اني اجيب اهلى ويمنعوني وين نرووح نجلس برى المنتزة؟؟؟؟؟ من جد شر البليه ما يضحك نرجو من ادارة المنتدي ان تعيد النظر بهذاا القراار الجاف هذي ليست دائرة حكوميه علشان تلزم الناس با الزي فهناك الالعاب لايمكن للشخص أن يمارسهاا با الزي لان تؤدي الى شل حركته با الكامل غريب جداا نعم راايت وشفت بنفسي ولكن اقول أن الافضل للاشخاص يبطلون يروووح حتى ترى الادارة أن قراارهاا عقيم جدا الف الف شكر ليان طرح ولا اروووع تحياتي لك طلال التركي |
اقتباس:
مشكووور اخوي على مرورك وفعلا كلامك من اللي مطلع القرارات السخيفة هذي واللي مالها اساس من الصحة أختك ليــــــــــــــان |
اقتباس:
حتى عند القضاة لازم ثوب! ! ! الى متى بتستمر مثل هالقرارات التافهه وتنفذ بعد يا ليت كبار المسؤلين ينظرون بالمسألة ويشوفون حل مشكوووور اخوي أختك ليــــــــــــــان |
اقتباس:
الشاكي أولا الحمدالله على السلامة وثانيا الله يبارك فيك وثالثا ردك حلو بس ماادري من المسؤول وإيش الحل |
اقتباس:
والله أنك صادق أخوي لو صار شي للطفل أو للمريض اللي معي من يتحمل المسؤولية! ! ! يا ليت أعرف بس من حاط هالقرار الغبي أختك ليـــــــــــان |
اقتباس:
أهلين أخوي طلال وكلامك درر بس ماتظن أن في أحد فرض على إدارة المنتزهات هالقرار لان كل المنتزهات حاطة القرار هذا وغير ردود اخوانا اللي قبل اللي حتى بالمستشفى لازم ثوب! ! ! بصراحة المفروض على كبار المسؤلين يشوفون المسألة ويحلونها لان مالها اساس ولا فوائد مافيها الا الضرر وبس اللهم الفايدة الوحيدة لو كان لبس النقا غيره لا أختك ليــــــــــــــــان |
انا اللي اعرفه بان يمنع الدخول بالزي غير الرسمي ولكن في المنتزهات المفروض ان الواحد يكون له الحرية الشخصية في كل شئ والثوب مايساعد فل لعب الكرة والفروسية وغيرها....لذا المفروض مايدققون في الامور هاذي ال في الدوائر الحكومية فهذا لازم...
واشكرك ياخوي على طرحك هذا الموضوع.. |
اقتباس:
المهاجر أشكرك على إبداء وجهة نظرك لكن هذا الحاصل لكن ماذا نعمل لرد هذا القرار السخيف! ! ! أختك ليـــــــــــــان |
ليان المملوحة صاحبة القلم الحر المناقش للواقع الحاث على التغيير السليم الف شكر يالغالية على الطرح المهم وفعلا هذا القرار سخيف جدا والمفروض يتغير لأنه فعلا ماله داعي لبس الثوب في المنتزهات ويعني بهالقرار راح يمنعونهم من لبس البناطيل في غيرها ان لم يكن هناك اقتناع من نفس الشخص مستحيل يكون التغيير بهذا الشكل أسيرة الود |
اقتباس:
أشكرك أسيرة الود على مرورك المتواضع لصفحتي وكلامك في محله وعين العقل هم الحين مايدرون أنهم يضغطون على الشباب والمشاكل تزيد ماتنقص لو القرار فيه مصلحة ماقلنا شي لكن مثل قرار سخيف وتافه مثل هذا الله يعين بس أختك ليـــــــــــــان |
بصراحه شيء غريب جداً :wed a3:
أنا دايم ارووح المنتزهات اللي في الثمامه بدون ازي السعودي وما حصلي هذا الموقف ابداً .... أنا ما اكذبك بس انا اقول ان هذه القرار غير صحيح لكن كل شيء بـ الدنياء يصير ..أو شكل الحارس اللي كلم اخوك حاقد عليه :biggrin: عالعموم مشكوره على الموضوع اكثر من الرائع خــيّال نــــجد . |
اقتباس:
أهلين اخوي خيال نجد بصراحة غريبة كلامك مرررررة لأن الافتة موجودة وتقدر بما أنك شاب وتطلع دايم فأكيد بتروح الثمامة خذ لفة عند المنتزهات وراح تشوف الافتة وكم مرة صار الموقف مو مرة وحدة مرة من زمان بس كان أخوي لابس ثوب وأحنا نشوف اي شاب يمشي لابس بنطلون يوقفونه ويكلمونه ويختفي من بعدها الشاب حتى محلات الألعاب الرجال اللي فيها صاروا يلبسون ثياب والمرة هذي تجرأو وطالعوا بداخل السيارة وقالوا ممنوع الدخول لازم ثوب! ! ! مشكووور خيال نجد على مرورك ومن حظك محد قالك شي:biggrin: أختك ليـــــــــــــان |
عاددددددددددددي يستاهلون اكثر>>>>>>>ياااااااازين الشماااااااااااااااتة
|
التقيد بالزي اللائق وحسن الهيئة والتحلي بالآداب العامة لها مكانها ..
كما أن لكل مقام مقال ,, ولكل حادثة حديث .. أيضا لكل مكان هيئته ولبسه وزيه اللائق به يعني لو افترضنا لو ان لاعبي كرة القدم يلعبون بالثوب .. ماذا يقال عنهم .. وهل يستطيعون ان يلعبوا اصلا .. شيء غريب وقرار عجيب .. الشخص طالع يتنزه مو حاضر حفلة او مناسبة رسمية .. وش رايهم بالسباحة بالثوب والا بدون .. ؟ ليــــان المملوحة القرا غير عقلاني قلبا وقالباً .. ليس هناك مبرر له سوى تخلف إدارة المنتزه .. وعزائي لكل طلعة تطلعونها إلى الثمامة .. دمت بود |
اقتباس:
أخي أحبه حيل أستغرب من شماتتك على قرار سخيف مثل هذا! ! ! عموما شكرا لمرورك |
اقتباس:
أهلا بك اخي مثير وكلام صحيح 100% يعطيك العافية أختك ليــــــــــــــان |
بااااااااااااااااااااااااااااااااااك
أنا بصراحه تحمست اختي ليان لقيت الحل الحل عندي وانا بو هندي <<< خخخخخخخخخ عطيني اسم المنتزه واعتبري الموضوع انحل على يدي .. صدقيني وبعدين اقولكم وش سويت لهم ....,.... |
أهلين أخوي خيال نجد
مو المنتزة هذا لحاله اذا حط النظام هذا أغلب المنتزهات اللي بالثمامة الا منتزرة واحد هو اللي ماحط النظام هذا مشكووور أخوي أختك ليـــــــــــان |
عالعموم مشكوره على تجاوبك السريع معي
وانا ان شاء الله من بكره راح اتابع القضيه بنفسي .. قدر المستطاع وشكراً لك مرة اخرى |
يعطيك العافيه
بصراحه موقف واجد حلو واحسن شئ ترجعون للبيت وتكملون الجمعه والفرفشه في البيت باي |
مشكوور أخوي خيال نجد
ويعطيك الف عافية أختك ليــــــــان |
فتى الرياض
وجهة نظر ونحترمها اختك ليـــــــــان |
| الساعة الآن 12:44 AM. |