|
أدخــــــلو وأقـــــرأو قــــصه مـــــــؤثره وغـــــــــــريبه لفتاة عايشتها بنفسي
بسم الله الرحمن الرحيم إمتداد لمواضيعي السابقه وإضافه من مواضيعي القادمه المتخصصه بالمرأة وحقوقها ومالها وماعليها أقدم لكم أخواتي قبل أخواني هذه القصه التي حدثت معي شخصياَ وعشت فصولها من البدايه للنهايه .قبل الدخول في تفاصيل القصه أحب أن أذكر بأن الغرض من هذة القصه المعقده والمتشربكه هو العظه والعبره وحرصاَ مني على أن تعتبر الفتيات من هذة القصه سأقوم بفــلتره بعض العبارات التي دارت بيني وبين الفتاة صاحبه القصه وسأقوم أيضاَ بأخفاء بعض الشخصيات وكل هذا لكي لا يكون هناك عذر لحذف هذه القصه نبدأ القصه وراح أخلي سردها بالعاميه عشان تكون طبيعيه في يوم من الايام قابلت بنت على الماسنجر تكلمت معها وقلت لها الكلمه هذي(أنتي جهازك رايح فيها) قالت ايه رايح فيها مثل راعيته قلت يؤ ليش تقولين كذا قالت انا رايحها فيها وانا فيني وفيني المهم قلت يبه الواحد مايتكلم عن نفسه كذا .قابلتها اليوم الثاني وبنفس الكلمه قالتها قلت انا بسمعك قصيده عشان تعرفين كيف تتكلمين على نفسك المهم دقت علي البنت وسمعتها القصيده بعدين قلت لها شفيك انتي؟ ليش تتكلمين عن نفسك كذا؟ قالت انا مافيه شي ماسويته! قلت مثل شنو؟ قالت خمر شربت مخدرات استخدمت طلعات استراحات مع شباب حفلات عند ..............، أنا طبعاً انصدمت ماتوقت بنت تسوي كل هذا. والبنت كان باين عليها الندم وانها تبي تتوب لكن تبي احد يوقف معها ،قلت طيب ليش ماتخلين هالخرابيط ؟ قالت مااقدر انا اروح انا وخمس بنات عند ............ ونرقص ونسكر والا.......... كل شوي ياخذ بنت ويدخل معها داخل ويطلع بعدين ياخذ الثانيه وعلى هالموال.وكان فيه وحده من ذوات البشرة السودا تشتغل (تصطاد البنات) عند الا......... وأعذروني لوضع النقاط خشيه وجود مبرر للحذف ذات البشره السودا هذي شاذة وتحب البنت هذي صاحبه القصه وملبستها دبله على اساس انها خاطبتها ومستحيل تتمنى ان البنت هذي تتوب لانها بتتركها المهم في يوم رجعو من الحفله وكان الا......... مثقل على البنت بالاهانات وكثرة الطلبات المهينه وكانت الي موصلتها البيت ذات البشرة السودا(وللمعلوميه ذات البشرة السودا تدرس في جامعه الملك سعود بالرياض وتصطاد البنات من الجامعه لهذا ال..........) المهم البنت انهارت على ذات البشرة السودا وقالت انتي حقيره وأ.......... احقر منك وانا ماابي اجي مره ثانيه هنا انا بتوب خلاص .طبعاً ذات البشرة السودا ماتبي البنت تروح وتخليها لانها تحبها وعلى قولتها خاطبتها راحت قالت ل......... فلانه قالت عنك كذا وكذا ال.......... طبعاً هاج وماج واتصل على البنت الي بسميها انا (شوق ) وهو ماهو اسمها الحقيقي لانها حلفتني مااذكر اسمها وقال لها حرفيا(شوفي ان ماجيتي الخميس الجاي صورك وأفلام عند امك وابوك) طبعاَ البنت شسوت راح اكمل لكم بالجزء الثاني لان القصه طويله وفيها أحداث خياليه وغير متوقعه أرجو من الأخوه عدم الرد لحين الانتهاء من القصه |
في انتظار الجزء الثاني
تحياتي لك ايها المبدع طلال التركي |
في انتظـــــــــار البقـــة الباقـــية .. شاكر لك .. دمــــت بـــــــود .. |
تكمله الجزء الثاني عندما قال لها ال....... هذا الكلام خافت البنت انو ابوها او امها يدرون عن الموضوع فقالت شوق رحت لهم على وجهي الخميس. المهم قلت لها شوفي لا اتصلت عليك ذات البشره السوداء قولي لها ان فيني فشل كلوي وأبكي يمكن يرحمونك ويخلونك بحالك.. المهم انقطعت شهر تقريباً بعد شهر قابلتها قلت هاه بشري شسويتي قالت دقت علي ذات البشره السوداء وقلت لها الكلام هذا وانا اصيح سكرت مني ودقت على امي وقالت سلامات شفيها شوق الأم عمتها قالت بسم الله على بنتي مافيها الا العافيه تقول ودرو اني اكذب وجروني على وجهي.سألتها سؤال قلت (أنتي عذراء) قالت ايه لا تخاف علي قلت ياشوق انحاشي قبل يروح هالشي الباقي لك . وجلست اقنع فيها تنحاش بالباقي المتبقي من شرفها المهم قالت انا بسحب نفسي منهم وحده وحده عشان مايحسون فيني ولا يفكرون فيني. انقطعت البنت مره ثانيه تقريبا شهر بعد شهر دقت وهي تبكي تبكي بكائ عنيف وأنا اقول لها شفيك شفيك مو قادره تتكلم انا حسيت شنو صار قلت لها. صار الي كنت احذرك منه وقتها اجهشت بالبكاء فعرفت الموضوع الموضوع ان (ال........ انتهك شرفها) بعد ماتمالكت نفسها قالت الحقير وهو بنتهك شرفي بكل عنف وقسوه يقول لي (هذا عشان ماتنسيني طول حياتك) ؟! تخيلو ؟؟ المهم البنت تقول انا الحين اخاف اكون حامل ماخذه اختبار حمل من الصيدليه تقول لو اطلع حامل بنتحر ومدري شنو المهم انا كنت منصدم اكثر من البنت تقريبا ومو عارف شنو اقولها واهدي فيها واقول ان شالله مافيه شي المهم بعد اسبوع اتصلت قلت هاه بشري؟ قالت لا الحمد لله نتايج الاختبار مافيه حمل ! المهم بعد أسبوعين دقت وهي تبكي تبكي نفس بكائها الأول فحسيت انو فيه شي تدرون شنو طلع (طلعت حامل) حامل سفاح من شخص لا يخاف الله همه الوحيد اشباع غرائزه.. طبعاً أنا كنت احس نفسي عاجز قدام المصائب الي تتعرض لها البنت هذي مااقدر اقول لها شنو تسوي المهم تدرون شنو سوت البنت بموضوع حملها راح اقوله لكم بالجزء الثالث من قصه معاناه شوق وأرجع أذكر أن القصه هذي مو للأثاره بل للعبر والعبره بالنهايه أنشالله |
شد حيلك ولاتتأخر بالجزء الثاني
|
ماأدري وش أقول
ننتظر الجزأ الثالــث |
شوقتناااا مبدعناا نتظر الــجــزاء تحمست
|
الجزء الثالث قبل أن اكمل احب ان اذكر ياأخوان ان القصد من وراء هذة القصه العبره وليس الاثاره والله من وراء القصد شسوت شوق بموضوع حملها راحت شوق لصديقتها تشتغل في احد البنوك وكلمت واحد كانت تعرفه ويعشقها وقالت له السالفه شسوى الولد جاب وحده تكرونيه وعملت فيها شي وقف نمو الجنين ووقف الحمل.. كانت تكلمني شوق وهي على السرير كأنها وحده تحتضر من الشي الي سوته لها التكرونيه(افريقيه)جلست اسبوع على الفراش في بيت صديقتها من التعب والاّلام بعد اسبوع رجعت بيت امها لاحضو اسبوع نايمه برا البيت بدون محد يحس فيها !! كلمتها بيوم قلت انتي شسالفتك ليش كذا قالت انا بقولك سالفتي ...أنا اّخر العنقود ودلوعت ابوي مدللني دلال مافيه بنت تدلعت مثله. تقول كانت عندي صديقتي الروح بالروح من يوم كنا صغار كانت تنام عندي يوم وانام عندها يوم تقول كبرنا صرنا بالمتسوطه وكان عند صديقتي اخو خفيف دم كان يلعبنا كان بالثانوي هو. ويودينا الملاهي لما صرنا بالثانوي تقول قال الولد لاخته الي هي خويتي الروح بالروح قوليلها اني احبها وابي اكلمها قالت البنت لشوق قالت شوق لا ابوي مايرضى اسوي هالحركات (لاحظو البنت كانت ماتسترجي تكلم ولد بالتلفون وكيف صارت بعدين) قالت طيب ضيفيه بالماسنجر قالت اوكيه اضافته اسبوع بعدين قالت انا ماارضى اخون ابوي واهلي وحذفته وقالت للبنت اذا اخوك يحبني خليه يجي يخطبني .المهم كان ابوها رجل اعمال يسافر بالثلاث شهور الاربع واذا سافر باليوم يتصل عليها ثلاث مرات من زود الدلال والحب .مره سافر تقول ثلاث شهور ولا دق ولا اتصل ولا شي تقول انا ضاق صدري وفكرنا ان ابوي صار له شي بعد ثلاث شهور فتح باب البيت الا ابوهم داخل عليهم لكن مو وحده معاه شخص راح اقولكم منهو الشخص بالجزء الرابع.. ومو قصدي اسوي اثاره لكن طول الكتابه بيمللكم |
قلم رصاص
شوقتنا كثييييير والله يكون في عونها |
السلام عليكم
يعطيك الف عافيه ما قصرت الطير الهلالي |
يعطيك الف عافيه وما قصرت يا المبدع
. . عبوس نصر11وي |
يارجل نشفت دمنا والله اندمجت مع القصه
يعطيك العافييه وجزاك الله اف خير |
الجزء الرابع من القصه لما رجع ابوها من السفر ماكان وحده كان معه وحده مغربيه قالو من هذي هذي زوجتي!!؟؟ طبعاَ الأبو صار يسب ويلعن في الي بالبيت كلهم من قبل مايدخل من باب البيت ويسب في شوق الي هي دلوعته تقول شوق وانصدمت صدمه قويه وهذي اول صدمه بحياتي ابوي الي كان مدلعني يقولي هالكلام ويصرخ بوجهي كان شي غير عادي عندها تقول تأثرت نفسياً. المغربيه سحرت ابوها شوي سحرت الام وصار هواش بين ابوها وامها بالبيت صار البيت مشاكل في مشاكل وهي تعاني المر والامرين من كلام ابوها الجارح الام طلعت من البيت وراحت بيت اهلها بهالفتره تقدم لها اخو صديقتها وبالموت وافق أبوها وجلسو 9 شهور متمليكن جهزو البيت وأخر أسبوع من ال9 شهور هذي باقي غرفه النوم بس وباقي اسبوع على الزواج تقول طلع واحد من اّخر العائله وقال شلون تزوجون هذا هذا مو أصيل ومو قبيلي ومن هالكلام واحنا قبايل؟! تقول ابوي ثار جنونه وحلف الا اتطلق وحبسني بالغرفه لا جوال لا تلفون عشان مااكلم زوجي والرجال رفض يطلق جلس شهر بعد ماأيس من شوفه البنت قال اوكيه بطلقها بس اشوفها قبل..و تقول وافق ابوي وجانا البيت بالمجلس انا وهو وأبوي جاني وجلس عندي وأنا جالسه على الكنب وحط يده على ركبتي وقال انا وعدتك اني انسيك مشاكل اهلك كلها اختاري تبيني ولا تبين اهلك تقول ابوي لما شافني حنيت قال لو تروحين معه لا انتي بنتي ولا اعرفك تقول قلت لا أهلي تقول قام باسني على راسي وقال ان شالله ورقه طلاقك توصلك في البيت ،تقول وهذي الصدمه الثانيه خلال 9 شهور صدمتين قويه ابوها والشخص الي حبته من طفولتها اختفو من حياتها. تقول اخت زوجي خويتي الروح بالروح معي بالجامعه نفس القسم وصرت ماابي اشوفها عشان مااتذكر الرجال تقول نقلت قسم ثاني وطحت بشله (على كيف كيفك) حسب تعبيرها بنشوف بالجزء الخامس الشله الي على كيف كيفك شنو سوت بشوق |
هذي نتايج الزواج من الخارج
وسماع راي الناس عند تزويج البنات ننتظر الجزأ الخامس أخوي قلم رصاص أختك ليــــــان |
الجزء الخامس بعد مانقلت شوق للقسم الثاني من الجامعه وطاحت بالشله الي على كيف كيفك كان من ظمن الشله البنت ذات البشره السوداء الي ذكرناها فوق وحبت البنت واعجبت فيها المهم بدو يخربون البنت حبه حبه اول شي خلوها تكلم شباب بالتلفون شوي شوي تعالي حفله مسوينها بنات بس بعدين حفله فيها ولد واحد خوي وحده من البنات بعدين حفله فيها شباب شوي شوي صارو يخلونها تطلع مع شباب وخلاص صارت محترفه بهالشغله والبنت عندها قابليه للأنحراف لأنها محطمه نفسياً على قولتها تقول مره دقت علي خويتي وقالت روحي لفلان بشقته تقول دقيت عليه وكلمته وعرفت اسمه واني مااعرفه ورحت لشقته المهم لما رحت للشقه ضربت الباب فتحلي شخص مو الي كنت اكلمه تدرون من الي فتح لها الباب؟؟(زوجــــها الــي طلقها والي حبته من الصغر) عاد أنا نسيت أسألها هل هو مخطط لهالشغله سمع عنك وحب يتأكد او شنو ماادري بالظبط صراحه ..تقول تسمرت قدام الباب ماقدرت اتحرك تقول شدني من كتوفي ودخلني داخل الشقه وصار يهزء فيني ويقول وين الي كانت ماتبي تكلمني عشان ابوها وين الي كانت ماتبي تضيفني بالماسنجر اذا مو خايفه من ابوك الحين وينك عن ربك تقول وهو يهز فيني احس قلبي يتكسر قطعه قطعه شدني من يدي ووداني البيت ورماني عند الباب وهذي الصدمه الاخيره بالنسبه لي والقاظيه الشخص الي احبه ويحبني طحت من عينه تقول وبعدها صارت الدنيا مو فارقه معي صرت اشرب خمر عشان انسى وأكل حبوب هلوسه عشان انبسط وفعلا كانت تكلمني وهي متعاطيه شغله وتجلس تضحك وبعد زوال المفعول تجلس تبكي وتشكيلي المهم هذي طلعت الأسباب الي ادت لأنحراف البنت بعد ماانتهت مشكلتها مع الحمل جاء ابوها وقال لازم تتزوجين انتي انا بروح المغرب بستقر هناك ولازم ازوجك المهم زوجها ولد زميله ولد تافه وصايع على قولتها وقت الملكه كانت تقولي عنه ان فيه وفيه (قلت ياشوق تتوقعين الله بيرزقك ولد حلال وانتي تسوين كل الي تسوين) المهم بختصر مابين السطور تزوجت وانقطعت تقريبا ثلاث شهور بعد ثلاث شهور دقت علي هاه شسويتي قالت سافرنا ماليزيا على طول بعد الزواج تقول اول يوم أو ثاني يوم بزواجنا بالفندق وصلنا بالليل الساعه 11 تقول نزل ومارجع لي الا الساعه 2 بالليل وهو سكران ومعه ثلاث بنات ؟!؟! تخيلو حظ البنت من المصايب تقول دخلت وقفلت على نفسي الغرفه وجلست وتهاوشت معه من بكره ورجعنا المهم وطلقها .. مره وهي تكلمني كانت عصبيه مره ودقت عليها وحده قالت برد على فلانه قلت ليش قالت ابيها وهي معصبه وتصرخ اول مره تسويها قلت ليييييه قالت باخذ منها بودره اطقها أبر ؟؟!! وشي الأبر وشنو سالفتها راح نعرف بالجزء السادس والأخير من القصه |
والله شوقتنا اكثر واكثر
الله يهديها |
أخيراَ الجزء السادس والأخير من القصه بعد ماقالت لي انها تستخدم ابر وهي ماتعرف شنو الماده الي تستخدمها هروين كوكايين المهم انه سم الله لا يبلانا فيه طبعاً انا هنا انصدمت من قوه المرحله الي وصلت لها قلت لها انتي مجنونه؟! انتي عارفه شنو نهايتك الحين انتي وصلتي العن مراحل المخدرات خلاص انتي نهايتك في غرفه والابره بيدك او حمام عزكم الله وجلست انصح انصح فيها قالت لي انا احسن من غيري انا اضرب ابرتين باليوم فيه بنات كل ساعتين ابره ؟!تخيلو كيف الوضع بالسعوديه عندنا واصل واحنا ماندري!! بس نحب نحط راسنا بالرمل ونتغاظى عن مناقشه مثل هالمواضيع ،المهم صارحت واحد من اخوياي بالموضوع قال اسمع خلاص اقطع علاقتك فيها ولا تكلمها بكره يحصلونها ميته ويحصلون رقمك بجوالها ويدقون عليك تعال وتدخل بسين وجيم انا اقتنعت بس قلت بسوي اّخر محاوله معها كلمتها وقلت اسمعي شوق ابيك تروحين تسجيلات اسلاميه وتكلميني من هناك وتعطيني الموجود بالتسجيلات المهم راحت وكلمت الي بالتسجيلات وقلت له عطها شريط فلان وفلان وفلان وأغلبها تتكلم عن المخدرات وبعضها عن الفتاة والتذكير بالاخره ومؤثره جداً ، وبعدها خلاص قطعت اتصالاتي فيها.. بعد اربع شهور تقريباً جاتني رساله بالايميل نصها : مرحبا عبد العزيز كيف حالك أنا صراحه أحب اشكرك أنك أنتشلتني من عالم الضياع أنا شوق أنا ابشرك تبت وعقلت وصليت وبكيت وأنا أصلي والفضل بعد الله لك أنا عمري ماراح أنسى وقفتك معي وأدعي لك ليل نهار أنا الحين تغيرت بطلت كل شي كنت تعرفه عني صرت أصلي وأبكي وأطلب الله يغفر لي ويسامحني وكل هذا بعد فضل الله يرجع لك ولنصايحك لي .....هذا ماحضرني من نص رسالتهالكنها كانت طويله وانا كنت اقرأ الرساله كانت دموعي تفيض على الكيبورد من شده الدهشه والتأثر والفرح في نفس الوقت .....المهم بعد فتره طويله حصلتها على الماسنجر بأيميل جديد طلبت انها تكلمني عشان افهم شلون تابت لكنها رفضت قالت انا وعدت الله اني مااكلم شباب مره ثانيه وانت مهما كنت خلاص ماراح اكلمك! فرحت صراحه لانه دليل على انها تابت من جد قلت كيف تخلصتي من الادمان تقول بعد ماسمعت الاشرطه الي عطيتني كنت بحاجه لجرعه رحت لبيت عمي وانا في حاله لا وعي وهيجان لان جسمي بحاجه لجرعه مخدرات ومسكت عمي وقلت له السالفه من أولها لاّخرها يعني كل الي كتبته لكم فوق قالته لعمها؟! وقالت له ياتشوف لي حل يابطلع ولا راح تشوفوني مره ثانيه! تقول كنت اتوقع عمي خلاص بيذبحني تقول مسكني مع يدي وسحبني ودخلني غرفه وقفل علي ثلاث ايام تقول فضحتهم عند الجيران من الصراخ تقول لما تصفى جسمي من المخدرات وقفت معي بنت عمي لما اجتزت هذي المحنه ولا علمو ابوي وامي تقول وبعدها صار عمي وبنت عمي يهتمون فيني وتبت والحين البنت رجعت للجامعه ونقلت من جامعه الملك سعود وراحت جامعه ثانيه وتكمل دراستها وملتزمه وعايشه حيات أحسن من حياتها السابقه والله ستر عليها وتعيش حيات طبيعيه مثل اي فتاه لكن مع الكثير من الندم وبكذا أحبابي أنتهبت قصه الفتاة شوق التي يوجد الكثير من أمثالها في مجتمعنا وأرجو المعذره إذا فاتتني بعض الأمور بالقصه فلها سنه تقريباً وكما رأيتم أحداثها قويه وغريبه لا يتحملها عقلي بذاكرته |
أخواني أخواتي هذي القصه لم أسردها للتسليه او الأثاره لكن للأستفاده تلخص سبب انحراف الفتاة شوق تفكك أسري+صدمات عصبيه+ صدمات عاطفيه+رفقه سوء= إنحــــــــراف أرجو من الفتيات تجنب الرفقه السيئه وعدم استصغار بعض الأمور فقد تكبر وتستفحل ورساله للأم والأب أرجو حل خلافاتكم بعيد عن أولادكم لكي لا يتأثرون نفسياً رساله لرفيقات السوء ألا يكفيكم وزركم لتأخذو وزر غيركم العبره من هذه القصه أن الفتاه إذا قرأتها ستعرف ماذا حل بأحدى الفتيات عندما سلكت طريقاَ وعراَ وبدايت الكبائر بالصغائر.وسيعرف الأب والأم أن إثارت مشاكلهم الشخصيه امام أبنائهم يأثر في نفسية وسلوكيات أبنائهم.وستعرف رفيقه السوء أنها مذنبه فلماذا تتحمل ذنب غيرها وأرجو بدء الرد والتعليق على هذة القصه المؤثرة وفتح باب النقاش وأسأل الله ان يكون فيها عبره لمن يعتبر |
قلـــم رصـــاص
لا يسعني الا أن اشكرك على موقفك الرجولي الذي فعلته والله يكثر من أمثالك ويوفقك دنيا وآخرة وبالنسبة للتعليق أنت ذكرت الاسباب اللي تأدي للإنحراف على الأهل أن يكونوا قويين من غير عنـــف ولينين بدون ضعـــف وبالنسبة لصديقات السوء على الفتاة حالما تعلم بان هذه صديقة سوء عليها تركها في اسرع وقت دون أن تكبر قوة علاقة الصداقة والله يستر على بنات المسلمين واكرر الله يوفقك دنيا وآخرة أختك في الله ليــــــــــان |
اخي العزيز قلم رصاص
موقفك هذا لا يقفه الا الشهم وانت اثبت هنا انك شهم وابن شهم سلمك الله من كل سوء وانا برايي ان اغلب ما يحدث من حالات انحراف لدى الشباب(بنات او اولاد) يرجع سببه الى الجو العائلي فاكثر الاشخاص الذين يحصل معهم هذا تكون لديهم مشاكل كبيره وجو عائلي مظطرب سلمت يداك على هذه القصه ولك مني ارق المنا واطيب التحايا ودمت بكل ود اختك حسناءالود |
الحقيقة قصة غريبة ولكن؟؟؟؟؟؟؟؟؟؟؟؟؟؟؟؟؟؟؟؟؟ ننتضر الجزء الاخير وشوقتينا وقصدي واللة العبرة با لنها ية ويسلمووووووو
|
اقتباس:
شكراً سيدتي للدعوه الجميله وأعجبتني قويين من غير عنـــف ولينين بدون ضعـــف رائعه جدا دمتي لمن تحبين سيدتي |
اقتباس:
مرحباً سيدتي شكراً على المديح الذي لا أستحقه أبداً ابداً فلو كان صاحب اقسى قلب مكاني لفعل مافعلت فالمسأله إنسانيه لا تمت للرجوله ولا الشهامه بصله وكلامك صحيح سيدتي بالنسبه للجو العائلي أسعدني تواجدك دمتي بخير |
اقتباس:
مرحبا عزيزي القصه أنتهت الجزء الأخير بالصفحه التي قبل هذه |
قلم ( رصاص )
قصة محزنة بالفعل وموثرة ولكن الحمد لله على النهاية السعيدة التي حصلت لها لا اريد الخوض في تفاصيل وخاصة الاجزاء الاولى والثانية ولكن مااقول الا لعنة الله على كل من تسبب في ضياع فتاه وافقدها شرفها وعفتها وجزاك الله الف خير اخي العزيز قلم الرصاص على الموقف الرجولي لك في هذه القصة والذي قلما نجده اي والله قل وقل ونادر الوجود فكلمة رجل كثيرة هذه الايام ولكن من يطبق معنى الرجولة التي تحتوي عليه هذه الكلمة !!! ولكن الدنيا مازال فيها الخير من امثالك اخي العزيز،، مشكور على تفاصيل هالقصة التي ذكرت لنا ما لهدف من عرضها هنا واتمنى ان تكون عظة وعبرة فالنهاية المحزنة للفتاة تبدا من شي بسيط وبسيط جدا !!!! والنهاية تكون مؤلمة بالفعل،،،، شكرا مبدعنا قلم ( رصاص )لموضوعك المشوق الذي امتدت لعدة اجزاء والحمد لله على النهاية المفرحة بفضل الله ثم بفضل نصيحك ووقه عمها وابنته معها في محنتها وتقبل الله توبتها واتمنى لها الثبات ان شاء الله،، |
اخوي العزيز ,, قـــلم رصـــــاص
قصه مؤثره جداا بصراحه ما ادري وش اقولك يعني القصه محزنه والواحد يوقف قدامها بذهول بس موقفك كان رائع جدا ونبيل ياليت كل الشباب زيك وصدقني انا اللي ادعي لك مو بس هي الله يوفقك دنيا واخره على موقفك الرائع وعدم تخليك عنها ومساعدتك لها ,, والله يستر على الجميع بنات وشباب ويهديهم وانا من وجهة نظري ان رفقاء السوء هم اسباب الانحراف قبل كل شي الله يستر علينا تمنياتي لك بالتوفيق وتقبل تحيتـــــــــــــي |
اقتباس:
سيدي أسعدني تواجدك لكن ليتك ناقشت الموضوع بدل مدحك لي بمديح لا أستحقه فقد كتبت القصه لكي يتعض الغير ويتم النقاش في ظواهر تستشف من القصه أرجو من الأخوه صرف النظر عني والنقاش في صلب القصه او وضع الفتاه دون التطرق لمدحي أو شتمي كل الشكر لك سيدي على حضورك وتشريف الموضوع |
اقتباس:
شكراً للدعوع الجميله سيدتي أصاله وفعلاً رفقاء السوء لهم دور كبير في الأنحراف دمتي بخير |
| الساعة الآن 04:34 PM. |