|
وش تسوي في مثل هالحاله ؟
شخص تجمعك فيه الظروف ,جيره ,عمل, قرابه وتلقاه انسان
طيب وصادق ويظهر لك محبته واحترامه واهتمامه .. وشوي شوي تزيد المسأله عن حدها لدرجة انه يبديك على نفسه ويتفانا في عطاه معاك ومحبته واهتمامه ويبيك تبادله نفس الشي ويبدا يحاصرك بهالحب والاهتمام يبي يعرف كل تفاصيل حياتك ويتدخل فيها ويبي وين ماتروح يكون معك ويلازمك اطول وقت ممكن .. المشكله لو ماكنت تقدر تبادله الاهتمام او مع كل طيبته ومحبته ما قدرت تحبه مثل ما يحبك وضقت من محاصرته لك وش تسوي ؟ كيف تقدر تحل هالمسأله بدون ماتقسى عليه وتجرحه ؟ |
بسمة شقا
في مثل هذي الحاله أنا مضطر إني أواجهه وأصارحه بالحقيقه فإذا كانت نيته طيبه راح أسأله عن سبب الحب والإهتمام الزايد ومسألة تعلقه بي مثل ظلي . لأنه في بعض الناس لما يعجب بشخص معين يعتبره قدوه له و يحاول إنه يتواجد معاه في كل مكان ويسوي مثله . لكن في بعض الناس نيتهم سيئه ( بوجهين ) يدعي الإهتمام بيك و الحب الزايد عشان يتطفل على حياتك ومعفة تفاصيلها و يتدخل فيها عشان يهدمها هذا رأيي باموضوع وأرجو إني أفدتك وما طولت في الموضوع يعطيك العافيه في إنتظار المزيد و الجديد في المستقبل رائف |
هلا وغلا
بسمة شقا من وجهة نظري ان الانسان الاخر واقصد الطرف الاخر الذي يُجعب به او الذي يهتم به الطرف الثاني يعرف ويميز حقيقة هذا الشعور والمحبة والاهتمام الزائد فهو يستطيع تحديد ان كانت لاغراض شخصية او كانت لاغراض دنئية اوكانت محبة في الله او كانت تطفل وعندها تحكم انت ان كنت تريد الاستمرار في هذه الصداقة او المحبة او تنسحب بهدوء تام وباي طريقة سواء تجرح مشاعره او لا ،، |
مشكلتـــك أعانــــــي منهــــا
أنــــا بعـــــد لكن مع إختلاف بسيـــط بصراحة أنا كل اللي سويته لو أنسأل مااجاوب على طووول وأحيانا ماأرد على السؤال الا بعد ساعة أو أكثر ويعني مثل كذا محاولاتي وان شاالله يفيدوني الأعضاء أكثر أختكم ليــــــان |
أخ رائف ، الأخ البركان مشكوين على الردود وممنونه لكم
بس اذا كنت متأكد من صفاء نيته وصدقه ماتكون قسوه انك تقول له انا طفشت منك وانت تضايقني؟ ليونه حبيبتي مشكوره على الرد بس طريقتك ماتحل المشكله بالكامل اتمنى نلقى حل |
بسمة شقا
ياليت توضح لنا هل انت ولد ولا بنت وهل هالشخص ولد ولا بنت حطنا في الصوره عشان نعطيك راينا والراي اولاً واخيراً لك انت بالتأكيد ^_^ |
اخوي نجداوي انا بنت والطرف الثاني بعد بنت
لكن الوضع بنفس الصعوبه سواء كان الطرف الثاني ولد أو بنت كيف توصل له احساسك بدون ما تجرحه ؟ |
اخت بسمه
اعتقد انه مو المشكله في الانسانه الثانيه وطريقة اهتمامها بس المشكله تكمن ان انتي ما ودك تخسرين الانسانه هذي وفي نفس الوقت فيه في داخلك انسانه مو مضمون استمرارها معك بس انتي ودك تضمنين احد الطرفين ولو ان عشمك انك ما تخسرين الاول هذا تحليل0000 الشي الثاني بالنسبه للي مهتمه فيك اذا انك برضه ما ودك تواصلين معها ولا ودك تجرحينها فاعتقد ان البرود معها في التعامل وعدم ابراز مبررات كافيه لجفاك لها وانه هذي طريقتك في التعامل مع الناس وكل الناس عندك سوا وتتركين للوقت يبين لها انك ماعندك استعداد تسايرينها افضل من انك تواجهينها بكلمه تصدمينها فيك كونها اهتمت بشخصك او اعجبت بك واتمنى لك التوفيق انشالله تحياتي |
8
8 اوافقك تماماً شوفي يابسمة شفا انا رايي لك من راي فارس بالضبط ، ( طبعاً في حالة الانسحاب دون ترك آثار ) يعني بدون ماتجرحينها . ولو اني حاس انها ماراح تفهم مهما حاولتي ، او اذا لاحظت جفاء منك بتحاول تكسب رضاك اكثر واكثر وبتقعد تمد لك حبال الحب ^_^ بس لو الامر يعنيني بيكون لي تصرف ثاني وراح اقوله لك ^_^ بيني وبينك فيه ناس غثيثين يعني تلاقينه يحس ويشعر بإنك مانت هاضمه او وجوده زي عدمه بالنسبه لك وفي نفس الوقت يصر على انه يتعمق في علاقته معك وكل ماحاولت تبتعد عنه ، حاول يتقرب لك اكثر في هالحاله مالي الا حل واحد وهو اني اقوله وبالخط العريض : ابتعد عني ماحبك وش تبيبي ^_^ |
الاخ فارس والاخ نجداوي شكرا لاهتمامكم
أخ فارس كلامك حلو مع ان الجزئيه الاولى مافهمتها بالضبط اذا كنت تقصد اني رافضتها لمجرد ان عندي صديقه ثانيه مكتفيه فيها ، ابدا انا افضل ان يكون لي الف صديقه بدل وحده وعموما انا ما احب اخسر اي صداقه حلوه لكن اللي بيروح من نفسه ماراح امسك فيه . أخ نجداوي اغنيتك بخليها الحل الاخير مع انها عاجبتني مررررررررره ^_^ |
والله بهالحاله ياقلبووو
بضطر اقوله بطريقه لبقه ومحترمه بدون مااجرحه واخلي السبب مثلا عشان يزيد الشوق ومشكوووره ياقلبووو |
هلا نسمه
تبين الصراحه انا اقول لا تفرطين فيها وانا من الناس الي اتمنى يكون لي احد صادق في احاسيسه بالشكل هذا الا اذا في تعاملها شي يدل على انه فيه شي من ورى العلاقه هذي فانا معى نجداوي اما اذا والله بس المشكله اكتفا ذاتي ولا ودك تواصلين معها لسبب انه ثقيلة طينه مثلا فانتي في الحاله هذي تخسرين سلاح لك ممكن تحتاجينه بعدين واذا والله شفتي انها لازقه مره ومو راضيه تفك فحوليها على اي وحده قريبه الى شخصك يمكن تنسلي عنك والا اقولك حوليها عليه هههههههههههه |
(بسم الله الرحمن الرحيم) (السلام عليكم ورحمة الله وبركاته) أختي الحبيبة الغالية: في البداية أوصيك إلى التوجه إلى الله سبحانه وتعالى بالدعاء....... (اللهم إن كانتي صحبتي لفلا نة خيراً لي في ديني ودنياي وآخرتي فيسرها لي وإن كانت صحبتها شراً لي فاصرفها عني واصرفني عنها...) وبعد ذلك أرجوا أن تقبلي مني ياعزيزتي رأيي ووجهة نظري وأنا لاأقولها من فراغ فإني ولله الحمد داعية وأحل مشاكل الناس ولي تجارب عديدة وناجحة بفضل الله... إن مثل هذه العلاقة تسمى إعجاب وتعلق بسبب فراغ عاطفي تعانيه تلك الفتاة وعلى الإنسان عموماً أن يحذر من تلك العلاقات التي عاينت ووقفت على بعض عواقبها فوجدتها والله وخيمة ومؤسفة للغاية.. حتى أن بعض الفتيات تمنين لو خسف الله بهن الأرض ولا أن تستمر الواحدة منهن مع مثل تلك الشخصيات وقد ندمن ندماً شديداً... فاحذري من تلك الفتاة ياأختاه ولا تفشي لها سراً أبداً واحذري ثم احذري ثم احذري... ((( اللهم إني قد بلغت اللهم فاشهد))) |
أخوي فارس هلا فيك مره ثانيه ويقول المثل المصري :
يابخت من وفق راسين بالحلال تعال اخطبها وخلها تلقى احد ثاني تلزق له بس هاه لا اشوفك جاي عندنا تدور حل عزيزتي سفينة الامل اشكرك جدا على احساسك الطيب وحرصك على منفعة غيرك بس أنا أأكد لك ان البنت فيها براءه ومهي من هالنوع هذا غير أني أنا فاهمه وواعيه لمثل هالامور |
| الساعة الآن 01:31 PM. |