|
فتـاة سعوديه تستغييث ؟!!!
تقول : سيدي خادم الحرمين الشريفين.. أنا أريد ان أقود ,أنا الارمله التي أرفض إجباري على استضافة رجل غريب في منزلي فقط لأتمكن من الذهاب لعملي أو لحاجات أطفالي.
أنا الفتاة الجامعيه التي أرفض أن ينفرد السائق بي كل صباح في طريق الجامعه أنا الأم التي يموت طفلها بين يديها بحرارته المرتفعه فقط لأن لا أحد هناك... :899: ماأدري فيه أحد ييأيد كلامها ..؟؟!! ماخذين التغيرات اللي حصلت عندنا بعين الاعتبار.. يعني اتوقع لو صار وصدر امر انها تسوق.. كل المحطات.. متسعوده ولو حصل يشيلون الاشاره ويحطون بدالها واحد عاادي ما في مانع .. ينظم السير اقول ويا كثر الاقاويل والله يعين ويكتب لنا اللي فيه الخير ... |
بنت سدير شكرا على الموضوع الرائع
لكن ان تقود الفتاة فهنالك الكثير مما يتعارض مع ديننا الاسلامي لا اقصد تحريم قيادة الفتاة بل ما سيببه من فتن للمسلمين والمسلمات صحيح ان بدايتها ستكون القيادة للنساء اللواتي يحتجن لكن ماذا بعد ذلك...........؟؟؟ ستصبح النظره لقيادة المرأة شي طبيعي وذلك سوف يؤدي الى..... ابو فلان مشغول ومايقدر ياخذ بنته للمدرسه ومايرضى ان بنته تروح وتجي وحدها مع السواق فيريح راسه ويشتريلها سياره عشان تروح وتجي وماراح احد يعارضه ولا يرده ليه....؟؟ لانه اصبح شيء عادي ان نرى نساء يقدن سيارات وبعد فتره تجي فلانه .... يبه شوف علانه عندها سياره وانا لا ونحن اقدر منهم ماديا. تنتشر الظاهره الي ماحد حسب لها حساب@@@@@ البنت :يبا البنات اليوم طالعين البر في جمعة بنات وابي اروح معاهم الاب : ماني فاضي اوديكي ( طبعا اكيد اخوانها مشغولين او ماعندها ) البنت : طيب اروح انا بسيارتي. الاب : راحت روحك. البنت: الي تشوفه يبا. خلف الكواليس البنت : يمه كلمي ابوي واقنعيه تراها جمعة بنات وحيجي الجمعه صاحباتي من الثانويه الي لي ماشفتهم . الام : ياابو محمد ليه ماتخلي البنت تروح لصاحبتها؟ الاب : وين تروح يا ام محمد الله يهديكي. الام : ياابومحمد انت تدري ان من جات الاجازه واحنا في البيت محبوسين خلي البنت تفرح شوي بنجاحها. الاب بعد طول صمت : زين مايخالف بس خلها تاخذ اختها معها. ----------------------- وعاد انتو وشطارتكم كملوا القصه وشوفوا ايش تعتقدوا حتكون المصايب الي بعد كدا واسف على الاطاله توتوالحب |
اقول بلا كلام فاضي قيادة المراة للسيارة في السعودية مستحيل
|
والله ديننا وعقيدتنا تحتم علينا بانة فكرة ان المراءة تقود غيرموضع للنقاش بناءا على
العادات والتقاليد لكن في الوقت نفسة اذا تغيرت عقليات شبابنا ممكن يكون هناك تبادل في الراى والرى الاخر الف شكر على الطرح تحياتي الزرد |
اذا تغيرت عقليات شبابنا ممكن
يكون هناك تبادل في الراى والرى الاخر تذكر اخي الزرد ان : المال السايب يعلم السرقه |
لا هنت .. تو تو الحب وفعلاَ هذا اللي بيصير ..
بس يلفون ويدورون حول هالموضوع والله يستر.. بس سمعت انهم انهو النقاش فيه وملف وسكروه.. |
لا هنت .. سيد
اذا هي علىآ مستحيل كلنا نقولها مو بس انت.. نبي من يسمع بس .. |
عقيدتنا.. وعاداتنا.. وتقاليدنا.. كلها ضد سواقة المرأه.. والراي اذا صار منك وفيك ما منه خوف تقدر ترد عليه وتفهمه ويفهمك لكن الخوف من الاراء الدخيله..
لا هنت الزرد |
الله يعطيك العافية
بس سواقة لا لا لا تحياتي |
|
لاهنت كريزي... واذا هي على كلمة ( لا) كلنا بصوت واحد بنقولها
|
والله اذا تبي الصدز ماجد... عندي مفاسدها طاغيه على مصالحها والله الواحد يخاف على عمرهـ ومثل ما قال توتو الحب المال السايب يعلم السرقه..
لاهنت.. خيوو |
انا مع صرخات البنات المستغيثات
مع صرخات الموضفات التائهات مع الأمهات الباكيات كل شيء اله سلبيات وايجابيات!!!! وهذي البنت يتفرد فيها السائق الاجنبي ...عندكم الامر عااااادي!!!!!!!!!!! شيء غريب ان نقول لا للسواقة المراءة ؟؟؟؟ ولا لجلوسها بسيارتها بكرامتها وبدون منة اي احد عليها؟؟؟ ونعم لجلوسها مع شخص غريب بالسيارة كل يوم يوديها جامعتها ,عملها , مستشفى , وغيرررره كثيررررر ونعم للسائقين الأجانب وغير الأجانب اللذين نسمع عنهم كل يوم حوادث الها اول مالها أخر!!!! صدق اللي قال ((مايحس بالنار إلا رجل واطيهاااا)) مين قال ان السواقه بتسلب عفة البنت مين قال ان البنت بسواقتها بتتنازل عن دينها البنت اللي تبي تلتزم بعفتها وبحجابها بتلزم فيها بسيارتها وبدونها.... واللي ماتبي الستر ماتبيه بالسيارة وبدونها.......... ((الدين دين يسر مو دين عسر)) ....................... بنت سدير تسلمي عالموضوع الشيق وأتمنى ما أحد يزعله كلامي وعذراً على الإطاله ....... تحياتي همس الزهور |
ياناس ليش السعوديات يطالبون بالسواقة هو فية مكان اصلا حتى يسوقون الدنيا والشوارع مليانة سيارات كيف يبون يسوقون شكل المملكة بتسوي دور ثاني للحريم
|
|
ياناس ليش السعوديات يطالبون بالسواقة هو فية مكان اصلا حتى يسوقون الدنيا والشوارع مليانة سيارات كيف يبون يسوقون شكل المملكة بتسوي دور ثاني للحريم
|
همس .. خيتوو
نرى المصلحه العامه عنووني وقيادتنا للسياره مساوءها اكثر من مصالحها ومو معقوله تقعدين بدون محد يشوف لتس طلبااتس وين اهلتس وناستس < ناسك لا هنتي عنووني.. همس |
لا هنت وحيد.. علىآ طرح رآيك..
والكلام طال فيه ... بس ما انتهىىآ !! وجرأتي بطرحه من ناحيتي ما أسميها جرأه أبداء رآآي.. مثل جرأتك بطرح رآيك سوآء مؤيد والا معارض.. وسؤالك .. اجابته من طرحي للموضوع او من اسلوب طرحي له ..!!!!! مدري. وش الرابط بين طرحي للموضوع وبمنتدىأ وقوامي الأنثوي..؟؟؟!! لكن لكل فلسفه قائد .. |
ريماآس.. لا هنت أو ولا هنتي..
بتصير مراكب فضاائيه مو بس دور ثااني ... ما نقول الا الله يكتب اللي فيه الخير.. |
.
. صباح الخير للي عنده صباح / ومساء الخير للي باقي يعوم بالمساء بعد التحيه والسلام موضوع سياقة المرأه الكل يدرك من العنصر الاساسي لهذه القضيه ومن هو الذي يثير الجدال دائما في هذه القضية اخواني واخواتي تعلمون من هم العلمانيون لا اتهم احد بالعلمنه لكن اقول دعونا نشغلهم ولايشغلونا هم نعم نشغلهم بقضايا الامه الكبيره ولايشغلونا بقضية كهذه تافهه اخوتي واخواتي الكل يعرف محمد ال زلفه هو هنا العنصر الاساسي لاثارة الجدل والبربرة في هكذا موضوع ال زلفه اخوتي محمد عذره الوحيد عندما سُأل مالدافع لطلبك سياقة المرأه واصرارك عليها يقول للي ساله : " تصور الاحصائيات للعام السابق وش تقول , تقول انه 12 لقطيه حصيلت العام الفائت واكيد اسبابهم السواقين " طيب يامحمد ال زلفه برأيك لو سمحنا بسياقة المرأه السواقين بيروحون لا والله ماراحو والدليل شوف من سبقنا بالتجربه من الدول الخليجيه المجاوره شوف هل هم استغنوا عن خدمات السواقين ؟؟ وبعدين السواقين هم سبب في ال 12 لقيطه !!!!!! يعني لو راحو مثلا !! اتعتقد انه مراح نحصل اي لقيطه بعدين ؟؟؟؟؟؟؟؟؟ كلام لايقبله العقل ولا اريد التوضيح اكثر فاللبيب بالاشارة يفهم !! سواقة المراه بالسعوديه صعبه وثاني شي مرفوضه باعطيكم مثال وتصوروا مدى صعوبتها : نفرض انه يوم من الايام ساره ام لطفل وطفله وراحت قبل دوامها تودي ولدها مثلا وبعدين بتروح مدرستها وبنتها معاها تدرس بنفس المدرسه نتخيل هنا موقفين : الاول لو جات وماشيه بطريقها الا وهذا اللي يجها ويصدمها وش بتسوي وقتها والا نفرض انه ضرب عليها كفر بالله عليكم بتنزل تغير كفر ؟؟؟؟؟؟ ( ياعمي بيخرب المكياج وتقلب سودا ) المهم طولت بالهرجه وهي مايحتاج نطولها ومثل ماقلت خلونا نشغلهم بالامور الاكبر ولايشغلونا بتفاهاتهم !!! احترامي ,, آخر كلامي |
لا هنت.. صرخة ندم.. وهو الىآ الآن تحصيل أصواات لكن املنا بالله ثم بمليكناا خير..
|
.
. ولاهنتي بنت سدير واللي وصلني ان الموافقه تمت بس بشروط وسمعت من الشروط انها تكون سياقتها داخل المدينه وانه الا يقل عمرها عن 30 اذا عازبه او ارمله او تكون متزوجه انه ماتحط مكياج وشغلات تجميل انها تلتزم في لباسها ولاتخرج عن الشريعه في لباسها وجاني خبر يقول انهم قفلو على الموضوع والعلم عند الله احترامي .. آخر كلامي |
|
لا عدمناك.. صرخة ندم.. اللي سمعت انه ملف وسكروه..
وسمعت عن اللي فوق 30< بس اعتبرها بدايه لشي ماله نهايه.. وبالنهايه كلها ارآء واصوات .. والرآي الأخير لمجلس الشورىآ |
تسلم.. وحيد.. بس ما أظن انك ابخص مني بنفسي ..
وارجع اقول( لكل فلسفه قائد),, ولاهنت.. على تواصلك.. |
والله انا اتوقع إن سواقه البنات عادي مو ممنوع لكن البدو الشباب الفصعان إللي عندنا ماراحوا يخلون بناتنا بحالهم فعشان كذا السواقه عندنا ممنوعه للبنات وانا أايد هذا القرار
|
كل هالنقاش .. والموضوع عاادي.. لا هنت المسافر..
|
ليه دخلنا الحرام ب سواقة المرأه ( ولا ما فيه مسلمين الا في بلدنا )
سواقة المرأه ترفضها عاداتنا و تقاليدنا ..... مثل ما منعت ( العادات والتقاليد ) دراسة المرأه في عهد الملك سعود والملك فيصل ومنعوا عمل المرأه في أي مجال , حتى كمعلمه أو ممرضه . كانوا يحرمون عمل المرأه ودراستها ( ولم يقولون العادات تمنع ) كذلك يحصل الآن ....... بخصوص سواقة المرأه . ولكن سيأتي يوم يحكي ذلك الرافض لقيادة المرأه لأولاده ( كيف كان يرفض قيادة المرأه) كما يحكي أجدادنا لنا الآن عن تخلفاتهم السابقه .............. على العموم لن أسمح لمحارمي بالقيادة ( لأن العادات القبليه تحكمنا ) ولكن هناك من لا تحكمه هذه العادات ( فلماذا لا يأخذ حريته ) ( اعلموا ان الموضوع يخص فئات مختلفه من المجتمع السعودي ) ودمتم ....................... |
ليه حرمت < اعتقد أي شي فيه ضرر أو فيه مفاتن ومساوئ..على الانسان نفسه ..ما يقبلها عقله فما بالك بدينه ..
بعدين .. لا تقارن دراستها في مكان مخصص لها .. بسواقتها بمكان عام..! أما عن عملهاا في المستشفيات.. < دور بنات الحمايل بينهم تخلفاتهم ..!! < ليتنا بمثل بساطتهم وحسن نيتهم...... لكن دوام الحآل من المحآل.. واللي ما تحكمه عاداتنا وتقاليدنا ودينا قبل هذا كله .. يجرب برىآ < موآطنه غيورهـ وإذا سنحت الفرصه له وأخذ حريته مع مرور الوقت بيصير الأمر عاادي ..عند المؤيد مع تحفظه.. وعند المعرض مع إصرااره.. وهذا مالا نريد حصوله.. وأرجع وأقول كلهاا أراء وأصوات.. والأي الأول والأ خير لمجلس الشورىأ ... |
المعرض < المعارض.... الأي < الرأي..
|
أولا ديننا ما حرم قيادة المرأه وبالنسبه للمجتمع هناك شريحه من المجتمع يسوقون حريمهم والامر عادي مثل حريمنا حريم البدو( يعني البدو منفتحين اكثر مننا او ان قلوبهم انظف من قلوبنا ) وكذلك التاريخ يشهد بذلك واتوقع ان الامر راحة يكون عادي اذا صارت عندنا شويه مرونه ...
وسواء رضينا ولا انرضينا اتوقع ان المرأه راح تسوووووووووووووق ... وشكر... |
... ديننا.. حرم اللي يضرنا..
بعدين قرب لمحارم البدو .. شرط ما نشوف الا بالمريخ هذا ان رحموك وألا انت بخبر كاان.. ولاآ هنت... خان |
الرمله تتزوج
وكذلك المطلقه وغيرها يتزوجن وييسر أولياء المور الزواج ويصير عندها عائل تزوجو ياشباب وياشبات القطار يفوتكم تزوجو من رضيتم خلقه ودينه |
لآآآ هنت....... خلف
|
| الساعة الآن 06:17 PM. |