|
ضيف الاسبوع ( رسالة عاجلة إلى المشرف مازن ) للأهمية
السلام عليكم ورحمة الله وبركاته
في فكرة شفتها في احدى المنتديات واعجبتني ودي أنفذها في منتدنا الغالي الفكرة أبساطه مثلا نختار عضو ونبدأ بطرح الاسئلة عليه بدون تعمد الاحراج في طرح الاسئلة على العضو وايضاً الصراحة من جانب العضو في الاجابات فعلى سبيل المثال نختار الاخت جورية الود ويبدأ جميع الاعضاء والمشرفين في طرح الاسئلة ونستمر معها لمدة اسبوع فمثلا لو بدأنا الليلة ( وياليت ) نستمر معها الى يوم الاحد المقبل ان شاء الله ومن ثم هي تختر المشرف او العضو اللي تبي توهقه بعدها و نفس الطريقه على العضو اللي تختاره نبقى معه اسبوع ثم يختار اللي بعده وهكذا.. ولا يحق لاي عضو او مشرف المشاركة اكثر من مرة واحدة ولك الحق في هذه المرة انت تطرح الاسئلة اللتي تريد وياليت مشرفنا العزيز الاستاذ ( مازن ) يبدأ بختيار الضحية الاولى اسف قصدي الضيف الاول لهذا الاسبوع والفائدة من هذه الفكره هي التعارف بين الاعضاء والمشرفين وزيادة الود فيما بينهم وتآلف القلوب . أرجو ان الفكرة تكون وصلت وأي استفسار أنا حاضر تحياتي |
السلام عليكم ورحمة الله وبركاته
شكرا لك حياتي نجد على هالمشاركه الحلوة والتي اتمنى من الجميع يشارك ويتقيد بالقوانين اللي حطيتها انت بخصوص هذه الفكره
بالنسبه لضيف الاول اكيد صاحب الفكره هو أنت حياتي نجد يالله ننتظر اسئله الجميع لحياتي نجد :) |
مشكووووووووووووووووور اخوي مازن
بس ان اللي سويتها وطحت فيها صدق من حفر حفرة لاخيه وقع فيها على عموم انا جاهز للاسئلة تحياتي |
تكفون الله الله بالاسئلة السهلة ولا تنسون بيجي دوركم
|
يا هلا حياك الرحمن أخي الكريم حياتي نجد بصراحه فكرتك جدا رائعه
والحمدلله إنها صارت علي راسك أول واحد وراح أبدأ بالأسئله إن شاء الله :) وأتمني أنها تكون خفيفة الظل عليك 1- ما هي طموحاتك ؟ 2- كم عمرك ؟ 3- مؤهلك الدراسي؟ 4- كيف عرفت الود ؟ 5- من هو قدوتك بالحياة ؟ 6- حكمة ترددها علي طول ؟ 7- من من الأعضاء تحب قراءة مواضيعه ؟ 8- ما رأيك بمنتدي الود بدون مجامله ؟ 9- شنو امنيتك تبيها تتحقق بالود؟ 10- اكلتك المفضله؟ وأسفه للإطالة. تحياتي لك |
حياتي نجد
حياتي نجد موضوع حلوووووووو بس اصبر خلي افكر بأسئلة من المنهج000
<00000 مسوي فيها مدرس:D 1-اسمك بالكامل- عمرك- فين تدرس؟ 2- سيارتك- كم تصرف في اليوم - فين تتعشا كل يوم؟ :D باقي لسا 3- موقف حصل لك أدمع عينيك؟ 4- موقف حصل لك جعلك تضحك في كل مرة تتذكرة؟ 5- لحظة تتمنى رجوعها؟ 6- لحظة لاتتمنا إعادتها؟ بس خلاص واللة لو ابغا اسئلك يمكن اجلس الين الصباح 0000 بس يلة ابغا اخلي الأعضاء التانين يمتحنوك باسئلتهم000 ياللة باااااايو |
أول مرة ماودي اقول مشكووووووورة على مشاركتك
عشرة اسئلة هين يجي دورك وحياك اختي جورية 1- طموحاتي أن أواصل دراساتي العليا 2- 24 سنة 3- بكالوريوس 4- بالصدفه أثناء البحث عن المنتديات المتميزة والاعضاء المتميزين لإغ عجبني وقمت بالتسجيل فيه وتجاهل باقي المنتديات 5- الرسول صلى الله عليه وسلم 6- قلي من تصاحب أقل لك من انت 7- جميع الاعضاء وخاصه الموضوع المتميز لاي عضو اقوم بقراءته 8- قد تكون شهادتي مجروحه فيه بما أني أحد أعضائه ولكن والحق يقال أنه من افضل المنتديات على الاطلاق وهذا هو رأيي المتواضع 9-والله أمنيتي واللي ابيها تتحقق ان شاء الله أن يحقق هذا المنتدى المركز الاو ضمن سباق افضل المنتديات 10_ مكرونه بالبشميل وووه وهقتيني ما بغيت اخلص مو مصبرني الا ان دورك في الطريق هين تحياتي |
شكرا لك اخي حياتي نجد والله يستر وقتها
:) يالله يا أعضاء وينكم همتكم بالاسئله تحياتي لك |
1- وش تشجع .؟
ههههههههههههههه رياضي .. 2- من هو اقرب الناس الى قلبك .؟ 3- انسان او انسانه غاليه فقدتهم .؟ وشكرا اخوي ... علىالموضوع الجميل ... |
حياتي نجد
عندي سؤال واحد بس مابي أكثر عليك لآن هذا أول يوم لي في المنتدى وأول تعرف سؤالى مو صعب ولا سهل حيرتك صح مو مهم المهم السؤال هو موقف لن ينسى أبدا مفرح ومحزن ؟ وأسف على التطويل أختك النورس |
هلابك زيزو هين اراويك على ذا الحشره
بالنسبه للاسم نتجاوز عنه لان الكثير مارح يتجاوب لكن أبقلك كنيتي وهي من أحب الاسماء الى قلبي وهو أبو فهد العمر 24 سنه تخرجت الله يعينكم ياللي باقي تدرسوا 2- لكزس اصرف كثير والله اتعشا احيانا في البيت و وغالبا خارج البيت 3- دمعت عيني عند وفاة جدي رحمة الله عليه 4- عندما كنت في الابتدائية كان يسألنا استاذ الرياضيات واللي ما يعرف يوقفه طبعا انا كنت احد الواقفين وبجانبي زميلي ايضا واقف فضربني المدرس ولم يضرب زميلي يعني ممكن يكون نساه او تناساه طبعا انا تناسيت الم الضرب واخذت افكر ليه ما ضربه وهو مثلي ما جاوب فرفعت يدي للاستاذ فأ وقفني بزعمه اني أبجاوب فإذا بي أشر على زميلي بأنه لم يضربه فقال لي حاضر حضربه ولكن اخذ يكمل الدرس فرفعت مرة اخرى وقلته له نفس الكلام قال لي ماأ لن طيب ولكن أخذ يكمل الدرس وانا بدت تاكل وتشرب معاي وانا ارفع مره ثالثه وهو يجي منفعل ويعطيه عصيتين زي وهو يطالع في ويقول أهو ارتحت دلوأتي وانا اطالع في خوي وارسم ابتسامة ثعلب مكار انتصر ولما انتهت الحصة شال خوي طاولته وبعد عني راح في الجهه الثانية وندمت وحاولت أرضيه واجيبه يمي ورفض عشان علمت عليه فلما اذكر هالموقف اضحك من قلب واقول سبحان الله الاطفال ليه دايم يحبون يعلمون على بعض 5- أيام الثانوية العامة أفضل ايام عمري 6- عندما أعدت في الصف الثالث ثانوي وندمت على العادة يجي دورك لا انشف ريقك تحياتي |
مشكور اخوي امير الحب
هه هذي الاسئلة الزينه
1- النصر السعودي 2- أمي 3- جدي لاني كنت قريب منه تحياتي |
هلابك اخوي النورس
وياهلا ومرحب فيك في منتدى الود
ونبغى نقرأ مشاركاتك الجديده ومشكور على هالسؤال الخفيف بدت تزين والله الاسئلة من صبر نال الخبر المفرح قبولي في الكلية الخبر المحزن ما نرى ونسمع من تقتيل للاطفال الفلسطينين على ايدي الصهاينه لعنهم الله تحياتي |
ياهلا وسهلا بحياتي نجد
والله نور المنتدى بوجودكم وحياك الله معنا وبالنسبة للاسئلة : 1- ماسبب اختيار الاسم حياتي نجد؟ 2- اجمل موضوع قراته في المنتدى؟ 3- اسعد ايام مرت في حياتك ؟ وجعل ايامك وليليك ولحظاتك اسعد االلحظات............... اطيب تحياتي |
يا هلا بحياتي
وتحياتي على هل فكره اسالتي 1- ما هو رايك في العميد اذا كنت نصراوي 2- هل كنت تتوقيع ان يخرج الهلال على يد النصر 3- عضو في المنتدى تفضل قراءة مواضيعه اكثر من غيره 3- اكثر الاقسام التي تشارك فيها وتفضلها 4- نصيحه تود توجيهها للاعضاء واخرى للمشرفين وتقبل تحياتي |
أهلين اخوي بقايا جروح
والله ينور طريقك سبب اختيار الاسم لحبي لنجد وربى نجد 2- والله المواضيع المتميزة اللي قريتها كثيرة جداً 3-أسعد أيام عمري أيام الثانوية العامة أيام لا تنسى ومشكوور اخوي بقايا جروح تحياتي |
أهلين اخوي قط مستهتر
1- العميد كان السنة اللي راح فريق مرعب بسرجيو والسنة ذي الاقوى على الاطلاق بوجود سرجيو وببيتو في الهجوم وقي الوسط نور وبابا نجيدا فريق النجوم 2-كنت أتوقع لسبب بسيط ان النصر صاحب مواقف مماثلة واخرج الهلال واحرمه كذا بطولة 3- كما قلت سابقا الموضوع المتميز يشدني أياً كان كاتبه 4- المنتدى الاسلامي 5- للاعضاء وللمشرفين النصيحة إخلاص العمل لوجه الله تعالى ومشكور ولك تحياتي |
السلام عليكم ورحمة الله وبركاته
هانحنا نعود معكم مرة اخرى في برنامج ضيف الاسبوع في ورطة وطبعا الضيف ذا هو عارف نفسه سامعني هاه هى الاخت (جورية الود) هين هالحين اراويك الاسئلة السنعه ويالله يامشرفين وياعضاء منتدى الود تكفون الله الله بالاسئلة اللي تنشف الريق ( لا تصدقون عاد ) ترى بيجي دوركم وياويلكم وراح ابدأ انا الاسئلة هاه جاهزة جورية الود ( يانا ناويلك نيه ) 1- مؤهلك الدراسي 2- متى دمعت عيناك 3- موقف محرج تعرضت له 4- ماهي افضل مراحل حياتك 5- ماذا يعني لك بكاء طفل 6- موضوع اعجبك ؟ وماذا برأيك ينقص منتدى الود 7- هل انت مع صدقات النت أوضد 8-ماذا يغضب جورية الود؟ وماذا تكره؟ 9- أكلتك المفضله ؟ وشرابك المفضل 10- ثلاث باقات ورد لمن تهديها ؟ شفتي كيف الاسئلة سهلة مشكلتي أن قلبي طيب تحياتي |
هلاااااااا جورية الود
يعني الدور هالأسبوع عليكِ هاه
ياللة أبد أ بطرح الأسئلة 000 مابغا كلام أصبري0000 ايوة ياللة : 1- ماهي أحلامك و أهدافك في الإنترنت ؟ 2-أذكري لنا أحد أحلامك التي تحققت ؟ 3-عضو تسعدين بالحديث معاه وأخر يزعجك وأخر تكنين لة كل الأحترام؟ 4- موقف طريف حصلك؟ واخر محرج؟ 5-اية نسيت عمرك كم؟ 6-ماهو رأيك بالحب؟ <000000 جاي دورك ياخبل رايح ينشفون ريقك000 :rolleyes: |
جورية الود وينك ............ كل هالغيبة عشان جا دورك في الاسئلة
لودرينا أن هالبرنامج بي هججك ما خترناك خلاص ردي ونختر عضو ثاني يالله ابسطي أكيد كأني اشوفك ونتي قاعده تقري نختار عضو ثاني ضحكة وفرحه غامرة تحياتي |
هلا والله بمشرفتنا الغاليه
وحياتي نجد ما طلبت شي وانا اخوك ندخل في الموضوع على طول السؤال الاول :ماهو أكبر همك؟؟ السؤال الثاني:أذا افترضنا أنه أتت إليكي سفريه إلى الخارج فما هو أول مايخطر في بالك؟وما هو الشيء الذي لا يمكن أن تنسي أن تأخذيه معك؟ السؤال الثالث:المواضيع التي تكتبيها أو تنقليها الى المنتدى هل هي تمثل رأيك أوتتفقي مع ما تتضمنه؟أم إنها لمجرد المشاركة؟ السؤال الرابع:إذا إنتقدك شخص في موضوع ما فما أول مايخطر ببالك للرد عليه؟ السؤال الخامس:ما رأيك في الأحداث التي تجري الأن في عالمنا الإسلامي والعربي؟وما هي وجهة نظرك في أنسب طريقة لوضع حل لها؟ السؤال السادس:ما رأيك في أعضاء المنتدى؟وهل تتوقعين لمنتدانا الإستمراريه؟وإذا كنتي صاحبة المنتدى فماهو أول تعديل تتخذيه لتطوير المنتدى للأفضل؟ السؤال السابع:ماهي مقاييس الذكاء عندك؟وماهي الطرق التي بها تحكمي على الشخص بالسلب أو الإيجاب؟ السؤال الثامن:ماهي نصيحتك لبني جنسك من النساء؟وما رأيك في وضعهم الأن؟ السؤال التاسع:ما رأيك في الوضع الاقتصادي للدول العربية؟وهل هناك خطة ما للإرتقاء نحو الأفضل؟ السؤال العاشر : هل ستدعين على مشهور ;) .....؟؟!!!!! |
| الساعة الآن 03:12 PM. |