|
دعوه للشعراء فقط 000
السلام عليكم ورحمة الله وبركاتة
مساء الشعر أتيت وفي جعبتي هذا الموضوع والذي أتمنى أن يكون فيه الفائده والمتعه.. إخوتي هذه المشاركه لشعراء قلوب أو لمتذوقي الشعر والذين أنتظر مشاركاتهم بفارغ الصبر .. في هذا الموضوع بودي طرح أسأله يجيب عليها الشعراء من نظمهم حيث أُريد أن أقف على شواطيء إبداعهم.. وأُبحرعبرحروفهم العذبة .. وكلي أمل بأن أجد التفاعل من شعراءنا المبدعين *** فكرة الموضوع تدور حول أسأله يجيب عليها الشاعر ببيت أو بيتين من نظم الشاعر نفسه أتمنى أن تعجبكم هذه الفكره البسيطه ... نبدأ وبالله التوفيق... 1-من أنت ؟ 2-من حبيبك؟ 3-ماذا أعطتك الدنيا؟ 4-مارأيك بالناس في الوقت الحالي؟ 5-ماهو حلمك؟ 6-هل مات الأمل لديك؟ 7-من صديقك؟ 8-من عدوك؟ 9-عرف الكلمات التاليه:- الشووق الخيانه الوفاء الجرح العطاء الحزن الإبتسامه *** إلى لقاء الحرف ولكم التحيه،، "مـنـقـووول |
موضوع رائع أترك الشعراء يجااووبون شكرا |
1-من أنت ؟
واحد لابغيته وقت الشدايد لقيته=يقوم بالواجب وقت الشدايد مابه طلب وإلا وانا لبيته = افدي الصاحب الغالي بكل السواعد 2-من حبيبك؟
اللي كل العرب تطريه = واللي بحلات القمر ينطرابه لايمكن تزاعله ولاتخليه = احبه واعشقه واموت بترابه 3-ماذا أعطتك الدنيا؟
كل شئ خير وصلني = إلا وصال الحبيب اللي تمنيته كل شخص بخيري عرفني = إلا حبيبي راح ولالقيته 4-مارأيك بالناس في الوقت الحالي؟
اللي يعشق ويهيم في الهوا = واللي قبله حجر مايعرف الرحمة والاصابع يالغالي ماهي سوا = والدنيا ياصاحبي نصيب وقسمة 5-ماهو حلمك؟
وصال وقرب من هويته = طول العمر يكون وياي هو الوحيد اللي تمنيته = ولاتمين غيره بطول ممشاي 6-هل مات الأمل لديك؟
الامل موجود لو شفت الظلايم = ولو تنقلب الايه يامحبوب الحق يظهر بعد كل الجرايم = وماتشرق الشمس إلا بعد الغروب 7-من صديقك؟
من لي المقدار عنده في كل لحظة = من حشمني ورفع من قدري اللي نعرف طيبه ولانعرف غدره = اللي لامن ضافت الدنيا فهمني 8-من عدوك؟
اللي تركني وقت حاجة = ومن لعب ضدي على حبلين 9-واللي رفقته دايم سماجه = ولايجيك إلا بوجهين شكرا لك اخوي العزيز اتمنى اني كنت موفق تقبل تحياتي ،،ـ،، |
من انت؟
انا الذي مبداي روس المراقيب.......ماأرضى بغيرالنايفات الطوالي من حبيبك؟ حبيبي رسول الخلق مني له التسليم..........عدد ماتهب الريح وتسيرالأنسامي ماذا أعطتك الدنيا؟ أعطتني الدنياهل الطيب والناموس.........ونعمل بها خيرالعمل للولي المعبود مارأيك بالناس في الوقت الحاضر؟ اليوم كل الناس في خيروإنعامي............ولكن عن الماضي بهم فرق وخلافي ماهوحلمك؟ وحلمي رضاربي وجنه بها الأنهار............وتوفيق رب العرش في إقفاي وإقبالي هل مات الأمل لديك؟ لامايموت الأمل لوجارت الصكات...................مادام الفرج عند الذي يعلم الغيبي من صديقك؟ صديقي الذي يصدق بظاهر وفي خافيه.........يدلك دروب الخير في كل منهالي من عدوك؟ عدوي هو الشيطان لابارك الله فيه..........أناأعوذ به من واحد قادر عالي عرف الكلمات الآتيه الشوق مشاعرخفيه كل واحد وعنده شوق..........وكلايسيّر شوق في درب يعرفها الخيانه طبيعه ذميمه تنسقي من ضمير مات.........عسى الله يشفي الخوان فيه الطب عجزاني الوفاء طبيعه لأهل العز والطيب واهل الكار........وياسعد من حظه مع ناس وافيني الجرح الجرح ماهو جرح يظهرعلى الانظار.........وأصعب منه جرح المشاعر والإحساسي العطاء هوالجودوالإكرام جوده من الموجود.......وهذي طبيعه للعرب من ماضي الأيامي الحزن حزن المشاعرضروري لجل مانفرح..........فلولا الحزن ماشفت لأهل الفرح طاري الإبتسامه دلاله على قلب نظيف من الأحقاد..........تذوب معها الفوارق بين الأشهادي الطلحي2000 |
صــــــــــــــــــح لـــــــســــــانــــــــــكـ
ســـلـــمـــت يــا الطلحي ودمــتـ بخير...,,, أخــــوك خـــيال نـــجد |
بحر الشوق/ انطرني / بأعود لك قريب إن ربك راد
|
موضوع جدا رائع بحر الشوق مبدع بطرحك
عبد العزيز9999 الطلحي 2000 رائع جدا ماسطرتوه صح لسانكم مليون لاهنتووووو ننتظر بقية شعراء الود لاعدمنااااااااااااااكمــــــ صمتها دمعه |
صمتها دمعه
شكرا لك على الرد الجميل وصح بدنك يالغالية تقبل عذب الاحترام |
من أنت// أنا الرعبوب/يا بحر/على شوقه/نسا الميعاد لو إن الأرض تنساني /ما ينساني عديل الروح من حبيبك// قسم بالله يا خلي//حبيب صدق//ما عنــــدي يكود أهلي وأكثر/شخص احبه حيل أهي امي ماذا اعطتك الدنيا// أعطتني الدنيا /هموم (ن) وأحزان لو الفرح يهرج//لقال أنت /مظلوم ما رأيك بالناس// الناس ماتو /والبقا فيهم اليـــــوم من فيه/لأجل اقول باقي ترى ناس ماهو حلمك// يالله/ حسن الخاتمه/ يا إلاهـــــــي حلمي/وطموحي/وشف بالي/وفكري من صديقك// صديقي / يا رفيقي /من يصدق قبل قلبي/يقول/ أدنى حقيقهـ من عدوك// عدوي /كل شخص /سل سيفهـ على وجهي/ بلا ذنب وخطيهــ عرف / الشوق// الشوق لامن راح شخص(ن) تـــعداك وتحس قلبك/راح/فأعرف ترىشوق الخيانه/////// إسمحلي اسكت /يا رفيقي /امانهـ ناظر/حروفي مبعثرهـ/من سببهـــا لو كانت الدنيا / بليا خيانــهــ...... ماكان/شفت العين/ تشكي هدبهـــا الوفاء// حب التوصل إلى القمـهــ يدفعك توفي ترى للناس ساعات يمكن انا اذمـهــ يوم المصالح لها أنجاس/ الجرح// إن كان غالي /لفا يمكـــ وخيب ظنونك بدون أعذار وتشوفه ابطى وهو ايهمكـ فأعرف ترى جرحكم قدصار العطا/// تعطى / بلا منه ولا دينهــــا أهو العطا عند الكرام الكرام الحزن// شي يعكر مزاجك/ يجعلك/ تشكي صورف الدهر يا جعل ربي يجنبنا الحزن / ويا الغبن والعنـــا الإبتسامهـــ// سر الحياهـ / ابتسامه يا بعد كلي يازينها لاغدت/ من قلب اهو صافي بحر الشوق/// حاولت اتنوع بين البحور اكثر لكن المعذره وانا اخوك الكمال لله شكرا على موضوعكـــ لكـــــــــــــــــشكري //الرعبوب |
حاولت ان اكون من المشاركين في هذا الطرح الجميل والفكره الرايعه وعسى ان يكون فيها بيت او بيتين يحوز على رضاكم تحياتي للجميع
1-من أنت ؟
2-من حبيبك؟
3-ماذا أعطتك الدنيا؟
4-مارأيك بالناس في الوقت الحالي؟
5-ماهو حلمك؟
6-هل مات الأمل لديك؟
7-من صديقك؟
8-من عدوك؟
9-عرف الكلمات التاليه:-
الشوق مالك كل روحاً لها روح يسمع لوامر مثل عبــداً لسيده
داراً بلا أركان وتـــــاليـــه بيطيح حتى ولو حاول بجهـــــده يعيده
قصرا كبيراً للكرامات مفـــــــتوح يبقى على مجــــــده سنين مديده
الجرح من خلاً لخله ومــــجروح مثل الذي في السجن مشدود قيده
عود ازرقً بالجمر طيب وبه فوح يفخر به الي بالعطاء ســار بيده
الحزن هم وغم للقلب مفتــــــوح حتى ولو يحضر مع الناس عيده
اجمل تحيه تجعل القلب مــــرتاح تجعل صفا قلبك لحبــــــــــك بريده |
الرعبوب
صقر البروق صح لسانكم <<<<<<<< تتمنى انها شاعره عجبها الموضوع تحياتيـــــــــ لكمــــــــــــــ صمتــ دمعه ـــــــها |
مع التحيه للأخوان الذين شاركوا والذين ردوا
وين شعراء الود وين النشاما |
السلام عليكم ورحمة الله وبركاته
أخوي العزيز// بحر الشوق أشكرك على هذا الموضوع والفكره الرائعة والتي تجبر الواحد على المشاركه.. كما أشكر كل من شارك وأبدع في الإجابه على الأسئلة وهذه مشاركتي.. أرجوا أن تحوز على رضا الأخ الغالي// بحر الشوق والإخوه القرآء .................................................. ........................................ ((( مــن أنت ؟؟؟ ))))
انا اللي أستوطن بداخل ظلامه وإلتقى بالضي = بعد مــا دار في دنيــا كــثير الظلم معميها انا اللي حـارب بنفسه غزاة(ن) من بـلاد الغي = أنــا اللي ودّه بنفس(ن) تــعـلت عـن مغـوّيها ********************** ((( من حبيبك ؟؟ )))
هذاك اللي ليا من الزمان أظلم علي وجار = اجي لمه و فــ احضــانه يــضيع الهم والتفكير هــذاك اللي ألاقــي في محيـّـاته برود النار = وألاقي داخله صدق(ن) سما عن كلمة التزوير ********************** ((( مــاذا أعتطك الدنيــا ؟؟ )))
عطتني كل شي ولا خذيت إلا قـليل الشي = خــذيت اللي أبــي مـنها وبـــاقـيـها تعـايفـته عطتني وما خذيت إلا دلايل دلت إني حي = خذيت القــل وفــي نـفسي قـليلي ذا تكــاثرته ********************** ((( مارأيك بالناس في الوقت الحالي ؟؟ )))
قصيدة مبتديء بالشعر فيها الزين والمكسور = ولاكن كسرها غطا على جملة محسنها بــها معنى ولاكنه تخبط في ظلام ونور = بها أخطاء تتحسن و اخطا ما نـحــسّــنها ********************** ((( ماهو حلمك؟؟ )))
حلمي إن الأرض تسلم من دناسة كل غاوي = ومن سواد(ن) مكتسيها ظاهر(ن) وبشكل زايد حلمي إن الجرح الأعــظم فينا يلقــا له مداوي = حلمي إني لو اموت أمــوت لاكن مو مــحــايــد ********************** ((( هل مات الأمل لديك؟؟ )))
الأمــل عــندي مثل رجل(ن) تعــدى الأربعين = داخــله بــاقي شباب وخارجه لاح البياض قلت لامنّه مرض باقي على الموت إصبعين = وإن تعافا شفت في وجهه بهاء كــل الرياض ********************** ((( من صديقك ؟؟ )))
من سمع هــمّي وصدقني وشال أحمال جوفي = من فهمني من كتبني من جبر كسري وراف مــن يلاقي العذر فيني قبل لا أشــرح ظروفي = من يثبت قـالتي لا مـن طرى بالـفـكـرقــاف ********************** ((( من عدوك ؟؟ )))
صاحبٍ لا من ضحك وجه الزمان القاه حولي = وإن عــبس وقــتي تبخر وأمطر بأرض السعيد فــي ربـيعــك تــلتقــيه وكــنه إلا نبت حولي = وقــت ما تمطر ديــارك ينبت بطــلع(ن) جــديــد ********************** ((( عرف الكلمات التاليه:- ))) ((( الشووق )))
جمرةٍ في جوف حي(ن) كل مطفـيها تشبّه = ما يطفيها صبور وكل صبر(ن) محـرقـا حــرقـــها مــاظن لــه ترياق يشفيه ويطبّه = ولا يداوي حــرقها وإحــراقـها كـود اللقــا ********** ((( الخيانه )))
خنجر(ن) مــسمـوم في ظهر الصدوق ومقتله = بــه وفاته وإن تشــافا صــدفـةٍ يـبقى أثـــر كل زهر(ن) لو نبت به ماضي جرحه يذبله = وكل ما حاول يسوق الخطوه في جرحه عثر ********* ((( الوفـــاء )))
بذرةٍ لا اســقـيتها بــالود توصــل للسمــا = هي طريقك للبياض وهي سبيلك للوصول دونــها تبـقى فـ دونــك من ظلامك للعــما = دونـها تبـقى حــياتك من نــزول(ن) فـي نزول ********* ((( الــجـــرح )))
ناتج الفعل المخالف للتوقع والمراد = يبقى من وقعه في داخل نفسك إزعـاج وألم يعني بالعربي نتيجة رميةٍ تعني البعاد = أو بقايا من علاقه انت فيها من ظـ(و)ــلم ********** ((( الــعـطـــاء )))
فــعـل مــزنه تسقي الما لليـبـاس ولا تمنـّــه = مــا تنــدّم إن نبت أوما نبت زرعه وطال تنثر الما ما تحــسّــب قـطرها في كل دنـّه = وإن طــلبها كــل ماها ما تقول له ذا محـال ********** ((( الــحـــزن )))
ركــنك المظـلم وناتج فـقـد غالي = مــرّك اللي دونه ما تعرف حلا شاطي(ن) في داخلك عانق زوالي = ليــلك اللي من ضيا بـدره خلا ********** ((( الإبتســــامه )))
تعــابير السعــد داخلك/ تصويرك بــأبها لــون = مراسيم الزهر في لوحك الأبيض وتلوينه ضياك المشرق بوجهك/ مصابيح الضيا بالكون= لحنك اللي يحاول كل من حبك في تلحينه &&&&&&&&&&&&&&&&&&&&&&&&&&&&&&&&&&&&&&&&&&&&&&&&&& && &&&&&&&&&&&&&&&&&&&&&&&&&&&&&&&&&&&&&&&&&&&&&&&&&& && أكرر شكري وإمتناني على مثل هذا الموضوع الرائع ولكم أحلى تحيه أخوكم // (( الـبــــارود )) |
اشكركم شعراء الود
وفعلاااا موووضوع لابد ان يثبت ولي عوده ’’ |
1-من أنت ؟ أنــــــا حبيّب واقف الحـظ دوني....ساعة لقى المحبـــوب أكبر غنيمه 2-من حبيبك؟ مثل البدر تبـدي وضؤه حنوني....يخشى البدر منهــــا حياها وشيمه 3-ماذا أعطتك الدنيا؟ عطتني الدنيــــــــا حبيّب فتوني....عمري بدونه ياعــــرب لي هزيمه 4-مارأيك بالناس في الوقت الحالي؟ ناسٍ وتسلم يـاعسى ما تهـوني....لو العـرب تــالي تقـول القـديمــــه 5-ماهو حلمك؟ حلمي أشوف الزين لو طاوعوني....نظـره تسر العين منهــــا كريمـه 6-هل مات الأمل لديك؟ باقي الأمل ما مات لو قيدوني....مثل الشجر عالي يداعب نسيمـــــه 7-من صديقك؟ صديقي منهو للرجاجيل عوني....ياقف مواقيف الشرف والعزيمـــــــه 8-من عدوك؟ أنا عدوي إبليس واللّي قفوني....شر العـدو اللي جهنــم مقيمـــــــه 9-عرف الكلمات التاليه:- الشووق الشوق شوق العين زاد الشجوني....حبٍ بلا شـــوقٍ يفوق الجريمـــــه الخيانه فعـلٍ تحــلاّبـــــه ردي الظــنـوني....نفسـه خبيثه ويدّعي بالسليمــه الوفاء أجمل صفة ياناس ثم أعذروني....اللّي فقدها ليت وأمــــه عقيمـــــه الجرح صدمه تهز القلب مثل الطعوني....يبقى بـه العاشــق حياتة سقيمــــه العطاء مثل الوفـاء معنا ومقصد ولوني....ميــر العطـاء يالله علينـــا تديمـه الحزن بعض الحزن جرحٍ دواها الكفوني....وبعض الحزن يبدي قلوبٍ رحيمه الإبتسامه ضحكه خفيفه في هواها أذبحوني....أموت وأشوف الشفـــايف حليمـه السلام عليكم ورحمة الله وبركاته اخواني أعضاء ومشرفين المنتدأالعريق الحقيقه هذه أول مشاركة لي في المنتدأ وجميل بأن بدأت مشاركاتي بموضوع متميز جداً ودعوت في المنتدأ من قبل أخي الحبيب الطلحي 2000 مره أخرى تمنياتي لكم بالتوفيق والسداد وكل عام وأنتم بخير |
|
| الساعة الآن 02:45 PM. |
