|
~*¤ô§ô¤*~*¤ô§ô¤*~ دردشة رمضانية خفيفة ~*¤ô§ô¤*~*¤ô§ô¤*~
دردشة رمضانية خفيفة
تقبل الله منا ومنكم الصيام والقيام هذه جلسة رمضانية نتبادل فيها ذكرياتنا الرمضانية متى بدأت الصوم ( السن ) : أول شخص هنأته برمضان : اكلتك المفضلة : ( سؤال للرجال ) طبخة تجيدها : ( سؤال للبنات ) طبخة لا تجيدينها : موقف رمضاني طريف : كيف العمل ( أو الدراسة ) في رمضان : شيء تكرهه في عادات الناس في رمضان : وشيء تحبه اخوكم الهدار : |
متى بدأت الصوم ( السن ) : عمري 9 سنوات
أول شخص هنأته برمضان : صديقي اكلتك المفضلة : الكنافة ( سؤال للرجال ) طبخة تجيدها : الكبسة ( سؤال للبنات ) طبخة لا تجيدينها : موقف رمضاني طريف :عزمنا واحد على الفطور وضيعنا البيت كيف العمل ( أو الدراسة ) في رمضان : متعب شيء تكرهه في عادات الناس في رمضان السهر وشيء تحبه الافطارات الاجتماعية اخوكم الهدار |
صمت وانااا بصف سادس
احلا اكله السمبووسه |
حلو موضوعك يالغالي
|
يعطيك العافيه اخوي الهدار....والله موضوع حلو وغير عن كل المواضيع
متى بدأت الصوم ( السن ) : عمري 10 سنين أول شخص هنأته برمضان :أبوي اكلتك المفضلة : ورق العنب ( سؤال للرجال ) طبخة تجيدها : ( سؤال للبنات ) طبخة لا تجيدينها :امممم ..ماأظن فيه شيء ماشي حالي الحمدالله موقف رمضاني طريف :مافي بالي شيء الان كيف العمل ( أو الدراسة ) في رمضان : تعب جدا جدا جدا شيء تكرهه في عادات الناس في رمضان ..ولا مسلسله تفوتهم متابعين من الدرجه الاولى وشيء تحبه ..يوم نجتمع على وقت الفطور والسحور دمت بحفظ الرحمن أختك:القلاده |
يعطيك الـــ1000ــــــــــف عافيه ......؟؟؟
جـــ1/ والله ناسي .......؟؟ جــــ2/ بعد قلبي.........؟؟ جــــ3/ بطاطس مقلي...؟؟؟ جـــ4/ ماعرف ولا شي ...؟؟؟ جـــ5/ ؟؟؟؟؟؟؟؟ جــــ6/ اول ايام رمضان الظهر صار علينا حادث انا ثنين من ربعي.؟ جـــ7/ تعب طفش ملل مالها داعي ....؟؟؟ جـــ8/ههه عد وغلط..؟؟؟ جـــ9/.....؟؟....؟؟؟..؟؟ مع تحياتي مــــــــــشاكـــــــــــــس |
اول شيء الهدار اهنيك على الدردشة الحلوة دي
بالنسبة لاجوبتي انا متى بدأت الصوم ( السن ) : ما افتكر مرررررة انا ضعيف الذاكرة ترا مرة أول شخص هنأته برمضان : امي بعدين صاحبي بعدين ستي اكلتك المفضلة : الفووول ( سؤال للرجال ) طبخة تجيدها : ما اعرف اطبخ ولا حاجة انا ههههههه موقف رمضاني طريف : مرة في الجامعة السنة مو الماضية اللي قبلها كنا نستنا واحد من الشباب عشان نفطر فكنا مشغولين عليه وقلنا فينو دا فينو دا الا واحد من الشباب قال شكلو صار عليه حادث قلنالو فاول خير المهم الا شوية اتصلت على صاحبي وقلي انا سويت حادث ههه بس الحمد لله كان حادث مرة بسيط كيف العمل ( أو الدراسة ) في رمضان : والله عايدي بس اهم شيء انو ما يكون فيلو اختبارات شيء تكرهه في عادات الناس في رمضان : النووم في النهار وعدم استغلال رمضان كويس بمعنى الكلمة تسلم مرة تانية خلينا نشوفك |
متى بدأت الصوم ( السن ) :
أعتقد في سادس أبتدائي أول شخص هنأته برمضان : أبـــوي وأمـــي اكلتك المفضلة : ورق العنـــب وصينيـــة البطاطس من يــدي ( سؤال للبنات ) طبخة لا تجيدينها : يعني الأكلات الشعبية وغيرها مقدور عليــه موقف رمضاني طريف : بصراحة مافي بالي شي كيف العمل ( أو الدراسة ) في رمضان : جدا سيـــــئ شيء تكرهه في عادات الناس في رمضان الأهتمام بالمسلسلات وشيء تحبه جمعـــة أهلــي مشكوووور أخوي الهـــدار أختك ليــان المملوحه. . . |
|
اخوي الهدار ماشاء الله عليك دايما افكارك حلوه ومتجدده :love: متى بدأت الصوم ( السن ) بدأت اصوم وعمري 10 تقريبا أول شخص هنأته برمضان : زميلاتي في المدرسه وأمي اكلتك المفضلة : البيتزا + السلطات ( سؤال للبنات ) طبخة لا تجيدينها : بصراحه ماأعرف اسوي الكبسه :frown: موقف رمضاني طريف : كنا عازمين أرحامنا برمضان على الفطور ، المهم جوا الناس وأكلوا وانبسطوا وقبل مايسروا زهمتني الوالده ( كنت في الابتدائي أيامها ) قالت تعالي سلمي عليهم قبل مايمشوا ، ومن كثر البلاهه بدل ماأقول للحرمه مع السلامه قلت لها كيف حالك :frown: + :biggrin: وجلست تضحك وانا صارت رقبتي قد السمسمه من الخجل :biggrin: كيف العمل ( أو الدراسة ) في رمضان : صحيح متعبه بس افضل من النوم والفرجه على التلفزيون شيء تكرهه في عادات الناس في رمضان : كثرة الخروج للسووق والنوم وشيء تحبه : العزايم بالذات بين الاقارب . تسلم يمينك الهدار والله يعطيك العافيه :love: |
حقيقة 000 لقد شرفتمونا اخواني اخواتي
بمشاركتكم اللطيفة ، لكم مني صادق التقدير والاحترام اخوكم الهدار يحييكم ويقدر مروركم وتشريفكم وتقبل الله منا ومنكم الصيام والقيام |
مساءاالخير للجميع متى بدأت الصوم ( السن ) : 11 سنه أول شخص هنأته برمضان 0 والله ياااخي بيني وبينك كنا اول صغار ولا كنا نعرف التهاني والحركات والضمات اكلتك المفضلة الدجاج المشوووي وبعض الحركات طبخة تجيدها بعض من اشكال الحلا كريم كرملا والحركات والفلات موقف رمضاني طريف كنت صغير وبعض الاحيان اتعب واشرب شوي موية واكمل صيامي مااادري صغير وجاهل كيف العمل ( أو الدراسة ) في رمضان : علي ايام البرد كان فله وبس الحين والله شوي تعب وطفششششش شيء تكرهه في عادات الناس في رمضان في ايام العشر الاواخر في رمضان بعض الناس يلهون في الاسواق ورفع اصوات الاغاني ويتركون قيام الليل وطلب ماعند الله 0 الله يثبتنا ويهدي الي في بالــــــــي وشيء تحبه كل شي في رمضان حلووووووو تحياتي لكم ل ي ل المشاعر |
ل ي ل المشاعر
شكرا مرورك وتسجيل هالمشاركة خفيفة الظل اخوك الهدار |
مشرفنا القدير ,, الهدار ,, دردشه راااائعه وحلوووووه ,,, متى بدأت الصوم ( السن ) : الصراحه ماأذكر زين بس كانت بدايتي وأنا بالأبتدائي متي بالظبط ماأذكر ,, أول شخص هنأته برمضان : الوالد والوالده طبعا ,, اكلتك المفضلة : ورق عنب ,, والمسقعه ,, من يدي طبعا,, ( سؤال للبنات ) طبخة لا تجيدينها : إللي أجهل مقاديرها ,, موقف رمضاني طريف : أذكر مره جيت من الكلية ومتحمسه أبي أساعد أمي بالمطبخ ,, وأنا اجهز معاها وكنت وقتها أبي أطبخ أكلة أخذت طريقتها من البنات ,, ماأدري عن نفسي وأنا واقفه أجهز إلا وأنا دايخه من تعب الصيام وكنت مواصلة مانمت بسبب الأختبار ,, طبعا كان موقف طريف بالنسبة لي ولاحق الحماس اللي كان فيني ,,:smile: كيف العمل ( أو الدراسة ) في رمضان : متعب طبعا شيء تكرهه في عادات الناس في رمضان : كثرة الأكل والنوم,, وشيء تحبه التواصل بين الأهل ولو أنها أصبحت قليلة ,, تقبل تحيتيـ:love: |
اختي الفاضلة
ممــــلكة اللــــيل ذكريات عطرة وكلمات جميلة خفيفة الظل من مشرفتنا النشيطة شكرا عليها اخوكم الهدار |
متى بدأت الصوم ( السن ) ? 9 سنوات أول شخص هنأته برمضان : صديقي خارج السعوديه اكلتك المفضلة : الشوربه ( سؤال للرجال ) طبخة تجيدها : الرز المندي وطبخ اللحم موقف رمضاني طريف : ؟؟؟؟؟؟؟ كيف العمل ( أو الدراسة ) في رمضان : قلق وطفش وبعدين ما كانه صار شهر عباده بسبة الدراسه شيء تكرهه في عادات الناس في رمضان : ان اغلب الشباب في رمضان تلاقيه ما يفارق الصلاة ولا القران واذا خلص رمضان اسال عليه السلامه وشيء تحبه احب مجالس الخير والذكر واحب الاجتماع بين اهلي واقاربي مشكوور اخوي الــهـــدار فــ الحقيقه موضوع اسعدني مرره وســامحني على تاخير بــهذا الرد وجــزاك الله خير احب ان اذكرك يا اخوي انك قلت بتثبيت موضوعي اللي انت عارفه ولا نفذته عاالعموم يعطيك الله العافيه مشكور مره اخرى أخــــوك خـــيال نــجد .,, |
متى بدأت الصوم ( السن ) :13سنه
أول شخص هنأته برمضان :اغلى انسانه في حياتي (ماما) اكلتك المفضلة :البيتزا....دجاج الباف باستري..فطاير اللبنه بالعسل.. ( سؤال للرجال ) طبخة تجيدها : ( سؤال للبنات ) طبخة لا تجيدينها....اكلات زمان التقليديه موقف رمضاني طريف : كثير جدا كيف العمل ( أو الدراسة ) في رمضان : متعب للغايه شيء تكرهه في عادات الناس في رمضان : الأكل الكثير بالليل وشيء تحبه ..التواصل بين الناس . شكرا لك أخي الهدار مع تحياتي أختك مزايا |
شكرا للهدار ....على المجهودات
متى بدأت الصوم ( السن ) : ما أدري بس أحس انه من زمــــــــــــــــــان أول شخص هنأته برمضان : واحد من العيال كلح اتصلي قبل شعبان يهنيني وهنيته اكلتك المفضلة : بالنسبه لي كل المأكولات <<<<<<< مقبره ما ترد ميت ( سؤال للرجال ) طبخة تجيدها : ( مرقوق - والكبسه - ) موقف رمضاني طريف : والله انا راعي مناكح واخبر مره ... عزمت واحد مهم والله ... في الاستراحه وجيت حطيت له السكر اللي يتحول لدوووود والادمي شرب شوي وبعدين ( .....وع..... ) و انضربت كيف العمل ( أو الدراسة ) في رمضان : مره حلو مع الاختلاط بالناس والشوفات الحلوه شيء تكرهه في عادات الناس في رمضان : اللي يتلثم وعلى باله ان الصيام لازم يكون سكوت ويمشي كأنه مريض وشيء تحبه الاكل ... لانه بصراحه الابداع ما اشوفه الا في رمضان وتحياتي ...للجميع وكل عام وانتم بخير |
شكرا اخي
خيال نجد على حضورك المشرف وحضورك لمجالس الذكر تؤجر عليه وفقك الله للخير اخوك الهدار |
اختنا الفاضلة
مزايـــــــا لا عدمنا مرورك وقوة حضورك وشهر رمضان شهر عمل وليس شهر أكل اخوك الهدار |
اهلا باطلالة
البـــــــــــدر اجابات جميلة فيها الطرافة وخفة الظل حياك صاحبنا ومرورك بموضوعنا شرفنا اخوك الهدار |
متى بدأت الصوم ( السن ) :11
أول شخص هنأته برمضان : امي وابي واخوتي اكلتك المفضلة : السلطات وورق العنب ( سؤال للبنات ) طبخة لا تجيدينها : الكبسة موقف رمضاني طريف : اني يوم كنت صغيرة اصوم نص يوم يعني انة تعويد كيف العمل ( أو الدراسة ) في رمضان :تعب شيء تكرهه في عادات الناس في رمضان :الاكل الزيادة عن حاجتة وشيء تحبه صلة الارحام مشكور اخو ي الهدار على الدردشة الطريفة |
|
| الساعة الآن 03:14 AM. |
