|
حوار بيني وبين الفار !!!
في ليلة من الليالي
كنت جاي من السفر وكان تعب العالم كله فيني فتحت باب شقتي وماوى عزوبيتي دخلت الشقه (من طول الغيبات جاب الغنايم) بسم الله الرحمن الرحيم اناظر يمين..شمال احدبشقتي مين؟ انا هنا يالوح تحت اناظر الا هو الفار قلت له نعم وش تبي قال الحين لو تتزوج مو احسن لك من هالمرمطه والروحه والجيه قلت ترى ماني رايق لك تعباااااان وابي انام خذ بعضك وضف وجهك دور على مكان غير هذا المهم تركت الفار قلت خلني اريح فغرفة الجلوس شوي فتحت TV وصرت اقلب في هالقنوات المهم (طمر) الفار على الرسيفر وغير القناة على الاخبارية قمت غيرت على قناة الموسيقى هو يغير وانا اغبر قلت العن ابليس وبطل هالحركات حطيت على قناة الموسيقى وكانت نانسي عجرم تغني قال الفار اما ذي صاروووووووخ شوف الوجه والقوام قلت ماتحتاج شهادتك يابو الشباب قال تصدق انها زيكم يالبشر في هالزمان الا من رحم الله قلت نعم!!! قال اللي سمعت شوف مااحلاها وعلى ماقيل من برى الله الله ومن جوه يعلم الله قلت ترى لسانك طال قال هات سجارة وخلك من لساني قلت اقول مافيه المهم نقز الفار على البكت وولع سيجاره وحط رجل على رجل قال زعلت لما شبهتكم بنانسي سكت انا قال بس معي حق اذكر زمااااااااان لما كنت عايش مع ابوي الفار العود في الديرة طيبة الناس...وقلوبهم على بعض قلت اقول انطم ياحكيم زمانك ماني فايق لك قال شوف لنا قناة اخبارية خلنا نشوف العالم وش صاير فيه والا مالك مزاج تشوف اللي صاير فيكم يالعرب من (شارونوه) قلت احترم نفسك والزم لسانك الشرهه علي اللي ماجبت غرى والا سم يآخذ عمرك ويرحني قام الفار يضحك ههههههههههههههههههههههههههه لو فيك خير انت وعيال عمك العرب حطيتوا الغرى لشارون والا سممتوه وهو له خمسين سنه عاثي فيكم قفلت معي واخذت الطفايه قلت والله لتسكت لتضلي على وجهك قال تدري خلنا نطلع من السياسة مامن وراها الا وجع الراس قلت لا والله الا انت واشكالك اللي توجعون الراس قال وش اخبار حبيبة الماضي ( سعاد ) وين دناياها...تسال والا معطيتك اشكل قلت شي مايخصك قال لا بجد وش اخبارها كنت ليلتها مهموم وعلى قد التعب اللي فيني زاد الفار همي بسؤاله سكت وهو ساكت وكنت اقول في نفسي ياولد فضفض للفار دام هالزمن مافيه احد تشكي له همك المهم قلت وش رايك في الحب هالايام قال اي حب جعلك سالم الحب( ده كان زماااااااان) تصدق حبيت لي فاره من كل قلبي عطيتها كل الحب والحنان اللي كانت اي فاره تتمناه كنت ابديها على نفسي في كل شئ حتى قطع الخبز كنت اجيبها الى حدها آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآه كنت صادق وكنت ناوي اخطبها ناظرت الا والفار دموعه على خده المهم صعب علي قلت يابن الحلال وسع صدرك قمت واعطيته سيجاره قلت كمل قال في يوم كنت جايب لها خبز ويوم حطيته الا وهي تقول لي خذ خبزك ولو سمحت لعاد تجي هالمكان اللي بينا انتهى انصدمت بغى يجيني جلطه قمت ورحت ذيك الليله وقررت اراقب البيت ابي اشوف وش السالفه فجأة الا وذاك الفار جايب قطعة حلا وباين عليه ولد نعمة مو زيي شكله عايش في بيت اغنياء المهم حط الحلا وسلم عليها قدامي قلت في نفسي اذبحه....المهم تراجعت وعرفت ان هالدنيا مصالح ومظاهر وقررت ماعاد احب المهم كان الفار شكله يكسر الخاطر ودموعه منهمره على خده قلت يابن الحلال تلقى غيرها واحسن منها قال المهمم ماقلت لي وش اخبار (سعاد) قلت تزوجت من سنه ابوها جبرها على ولد عمها وخلتني مع ذكراها ليل نهار قال بصراحة ماحاولت تحب وحده ثانيه قلت توك تقول(الحب دا كان زمااااان) قال اي والله تصدق كل شئ زمان كان اجمل من وقتنا هذا العولمة ذبحتكم انتوا يالبشر صار الجار مايسير على الجار والاخ مايسأل عن اخوه وكلمتكم صارت اشهر من نار على علم (مايمديني مستعجل...عندي شغل) وانتم ماعندكم الا الخراط قلت هذا حال الدنيا ياعزيزي الفار قال لاتعيب الدنيا العيب فيكم اغرتكم العولمة ومظاهره الكذابة وشعارتها ونستكم قيمكم وعاداتكم ومبادئكم تذكر زمان كانت الناس على قد حالها بس نفوسها نظيفه اما الحين الناس صايره فوووووووووووووووق ونظييييييييييييييييييييييييييفة بس من برا لملمت اغراضي ورحت سريري وانا اقول والله معك حق ياهالفار ابعاد فكر |
[align=justify]
ابع ــاد فكـــــر [/CENTER]. . . . . سج ــلنــــي حاظــــراً . . . . دمت ... |
هلا وغلا
نديمووو الووود شكراًعلى مرور الكرام ويبقى السؤال هل أتى الفأر على الجرح واستطاع أن يضعنا نحن البشر في قفص الاتهام؟؟؟؟؟؟ تحياتي ابعاد فكر |
روووووعه
اتمنى لك التوفيق اختك مزايا |
هام الرياض
رائع ماخطت الأنامل من تصوير راقي تقبل اعطر التحايا |
هلا وغلا
مزايا اسعدني مرورك والروعة لاتكتمل دونما حظوركم تقبلي شكري وفايق احترامي ابعاد فكر |
هههههههههههههههه
انا لا اضحك على الخاطرة ولكن شر البلية ما يضحك صدق الفار بقوله صرنا مظاهر خارجية والعولمه نستنا عاداتن وتقاليدنا والقيم الي تبرا عليها اهالينا سلمت يمناك اخوي |
أعذرنــــــــي لــــــ قــــــــد \ / جَ ــفّ الح ـــبر !! \ / سفير الحب |
هلا وغلا
عندليب اسعدني حظورك وتشريفك هذياني تقبل تحياتي وفايق احترامي ابعاد فكر |
خاطره رائعه وبها طرافه جميله
حوار مفيد وصاب الهدف 100% يسلموا ابعاد فكر على القلم الرائع سلالالالالالالالام اختك .. السنوره |
|
هلا وغلا
مطلوب اشكر لك مرورك الواعي وتشريفك صفحتي المتواضعه تقبل تحياتي وفايق احترامي ابعاد فكر |
هلا وغلا
سفير اسعدني تشريفك وعبر صمتك عن طيبك وصفاءك تقبل شكري على تشريفك لك فاااااائق الاحترام ابعاد فكر تقبل |
هلا وغلا
السنوره اسعدني حظورك الواعي وتشرفت الكلمات بمدى ادراكك تقبلي شكري على تشريفك لك فااااايق الاحترام ابعاد فكر |
هلا وغلا
برنسيسة الكلمة ونجد الدلع كلماتك وسام على صدري وتشريفك الواعي شرف لاحرفي لك الشكر والوفاء على تواصلك تقبلي تحياااااتي وفايق احترامي ابعاد فكر |
نعم اخي ابعاد
هذا هو رسم الكلمه ورسم الابداع على صفحات الود بقلم مبدع يستحق الشكر والتقدير احترامي لك |
السلام عليكم
أبعاد / / بين العصف ووالوصف / نجد .. فأر .. !! أو .. ( مرآه مكسوره ) تبين .. ولا نتبين .. خوفا من .. الانهزام .. / / صديقي ..( هات غبار الزمن ) وداريه على .. صفحات قادمه أنت تعلم .. وصفك قأنت أكبر من كلماتي المتواضعه وأعتذر عن تأخري .. سنتين أو أكثر |
بقايا الزمن المــــــُر ! لا تعليق ‘‘ |
هلا وغلا حروف عطرها اشكر تواجدك واتمنى ان لا ينقطع نور حظورك احترامي ابعاد فكر |
هلا وغلا البدر المهم ان نرى الملامح في تلك المرآة ولو كانت مكسورة وللعقل اضاءة الفأر دمت بخير اخي ابعاد فكر |
هلا وغلا هجير الشتاء وهي كذلك لمن كان في زمنها خلف السور وهنيئا لي بها...عندما يُـــتَعملَــــقُ عليها احترامي ابعاد فكر |
فنان يرسم بريشته معاناه فنان يعرف اين يكون للقلم معنى وحرف ابعاد فكر وهل للجمال مكان اخر غير متصفحك اختك نقطة العطر |
السلام عليكم ورحمة الله وبركاته مســــــــا-صبــــــــاح الخيــــــــر،،، *·~-.¸¸,.-~*سلمت اناملكـ*·~-.¸¸,.-~* مشكوووووور والله يعطيف الف عافيه!! بأنتظارجديدكـــ،، رووبـــــــــي |
| الساعة الآن 12:20 PM. |