|
موضــوع للنقـــاش وينتشـــر فــي منطقـــة نجـــــد! ! !
السلام عليكم ورحمة الله وبركاته
اخواني واخواتي اعضــاء المنتدى عندي موضوع للنقــاش وهو للشبـــاب وللبنــــات وان شاالله القى التفاعل انا اتعجــب من بعض الشباب اذا بغـــى الزواج أنــه يشتـــرط شــروط غريبــــه مثـــل دورولي بنت الحلال والعاقلةوالمزيونه و و و و الـــخ ويجي الشرط الغريب اللي هو :confused: تـــرا مابـــي بنــت من القصيــــم! ! ! أو ولا من الحوطــــه ! ! ! أو ولا من سديــــر! ! ! ونفس الشي الأهـــل لمــا يتقدم لهم شــاب قبل كل شي يســألون الأهـــل هو من ويــــن من الحريـــق مانبيـــه! ! ! أو من حايـــل مانبيــه! ! ! :confused: ولا بعد مايسمعون مواصفات الرجــال ويعجبهـــا يسألون هو من ويـــن يقولون مثلا من الجنوب! ! ! ترد وتقول لا والله مانــزوج من الجنــوب! ! ! :confused: أنـــا ودي أعـــرف ليـــــه؟؟؟ يعني يا نــــاس كلنـــــا من دولـــه وحـــدة وكلنــــا عاداتنـــا وتقاليدنــــا مثــل بعض حتى لو كانت أطبــاع البنت تختلــف عن الرجـــال بإذن الله راح تتغير بعــد الزواج لأن الزوجة تتأثر بطبــع زوجها في الغالــب وانا ملاحظة ان الشي هذا منتشر في منطقــة نجــد بالذات ودي القى الردود من الأعضــــاء واعرف السبب اللي يخلي بعض النـــاس يشترطون مثل هالشــروط اتمنــــى التفاعـــل من الجميــــع :cool: أختكم ليــان الملموحه. . . |
تسلمين على طرحك الجريء
بس هذا شي طبيعي ولا اظنه راح يتغير الا بتغير الزمن لأنه ببساااطه مماثل ل 110 و 220 كل ناااسو للي في مقااامهم انا ما اعيبب ناس وارفع قدر نااس بس هذي افكاار المجتمع ماهو انا ولا غيري يغيرها بيوم وليله يعني ببسااطه اغلب افراااد المجتمع مرتااحين لاكن ما اقول الا الله المستعاان مشكوره مره ثانيه وتقبلي تحياااتي |
مشكورة اختي ليان على الموضوع واكيد هاذي عاداتنا وتقاليدنا ومافي احد منى يقدر يغيره او يتمنى شي اساسي اننا نرض للامر الواقع ومشكورة مرة ثانية اختك:عسل شمر
|
هلا وغلا مشرفتنا وأختي الغاليه,,, ليان المملوحه,,, موضوع واقعي يلامس مشاكل شباب وبنات كثير يطلق عليهم ضحايا العادات والتقاليد,,, هذه العادات والتقاليد لاتقتصر على نجد كذلك عندنا بالحجاز قبايل بها هذه العادات وبالجنوب كذلك وبالشمال,, مع أن كلامنا ونقاشنا ماراح يغيير شي من عاداتهم الا أنه راح نحاول أننا نتنقاش فيه بجديه أكثر,,يامعارضين لها او مؤيديين,, الرسول عليه الصلاة والسلام قال:"إذا أتاكم من ترضون دينه وخلقه فزوجوه إلا تفعلوا تكن فتنة في الأرض وفساد عريض". وهذه العادات والتقاليد أنا أرى أن أضرارها أكثر من نفعها وبحاول أختصر وأوضح قصدي: أضرارها التي أقصدها أولا اذا كانت هذه القبيله لاتزوج بناتها ألا من أبناء قبيلتها وترفض أي شاب يتقدم لبناتهم من أي قبيله أخرى,, في هذه الحاله أنا أرى انه لامفر من الأمراض الوراثيه التي سوف تلحق بأبنائهم مستقبلا,, في حالات الطلاق مع ان الطلاق مرفوض عند بعضهم وعلى الفتاة أن ترضى بقسمتها مع رجل لم تتأقلم مع العيش معه فقط لانه أبن قبيلتها والطلاق محرم بينهم كما يرون ,, هنا ظلم لهذه الفتاة والرجل لديهم يتزوج عليها ولا أحد يلومه لأن من حقه أن يتزوج لكن الفتاة ليس من حقها طلب الطلاق حتى أذا هي كارهه لهذا الزوج,,, وفي الحالات المستعصيه أذا حدث طلاق فهذا سوف ينتج منه وجود مشاكل ومشاحنات بين أفراد القبيله وأنقسام,,, أتمنى أكون وفقت بذكر الأضرار الناتجه عن هذه العادات والتقاليد التي لاوجود لها بالدين ,,, وكذلك لاننسى حال الشاب الذي اراد فتاة ذات خلق ودين بالحلال ورفض فقط لانه ليس من قبيلتها وكذلك حال الفتاة التي تمنت شاب ملتزم زوج لها وأب لأبنائها ورفض لأنه أيضا ليس من قبيلتها لأن فعلا كما ذكر الرسول الكريم عليه الصلاة والسلام أن لم يفعلوا ويزوجوهم ستكون فتنه بالأرض وهذا ماينتج عن عدم تزويج الشباب والبنات الا بشروط لا وجود لها بالدين ونحن نسمع ونرى عن حال الشباب والبنات هذه الأيام كيف أصبح وتأخر بالزواج نتيجه شروط وعقبات تضع بطريقهم,, على كل أتمنى أن الأجيال القادمه لهذه القبائل ان يكونوا متفتحين اكثر وواعين أكثر وتتلاشى هذه العاده لأن هناك عادات كثيره في القبائل نتشرف بها وبذكرها ولانستغني عنها وعن موروثها,, ولك مني أحلى تحيهـ :love: |
هذا الموضوع لا يوجد فقط في منطقة نجد
ولكنه منتشر في اغلب المناطق وبالذات عندنا في الجنوب عادات وتقاليد ما أنزل الله بها من سلطان البنت ما تخرج خارج القبيله... والافضل أن لا تتزوج الى من ابناء عمها وهناك من يرغم بنته على ولد عمها بحجة (( ولد عمك اولى من الغريب ) والرسول عليه الصلاة والسلام قال (( اياكم وزواج الاقارب )) وكان يحذر من هذاالزواج.. لما فيه من مخاوف كبيره من تفشي بعض الامراض الوراثيه.. وما فيه من اسباب لقطيعة الرحم بسبب المشاكل العائليه التي تنشأ غالباًبعد هذا الزواج.. واهم من هذا كله إن الزواج من قبيله اخرى فيه فرصه كبيره لزيادة العلاقات الاجتماعيه بين الناس وتوسعها وترابط الناس مع بعضهم (( وجعلناكم شعوبا وقبائل لتعارفوا إن أكرمكم عند الله اتقاكم )) شكرك لك اختي الغاليه ليان وننتظر المزيد من ابداعاتك اختك مزايا |
مشكوره الاخت ليان على طرحك الموضوع وستحق النقاش الحين الحمدلله الناس بدأو يستوعبون ومو كل الناس ملتزمين بالعادات القبليه المتحجرة اللي البنت لولد عمها --- وهكذا
طيب تعرفون وش الغرض من هذه العادات الخرافيه؟ عندي لكم الجواب بعضهم يبررون الموقف ويقولون عشان نحافظ على انساب القبيله عشان يكون التزام اكثر بالعادات والتقاليد عشان ثوبهم مو زي ثوبنا والمثل يقول ( ارقع ثوبك من نفس القماش ) وش رايكم بصراحه ---------- صح----ولا--------------غلط هذا عندنا بقبائل السعوديه وليس الكل0 و كماقال رسول الله صلى الله عليه وسلم ( اذا اتاكم من ترضون دينه وخلقه فزوجوه) - ( ولا فرق بين عجمي ولا عربي ولا ابيض ولا اسود الا بالتقوى وان اكرمكم عند الله اتقاكم) بس السؤال هنا؟؟؟؟؟؟؟؟؟؟؟؟؟؟؟ س/هل ترضى العائله السعوديه بزواج ابنتها او ولدها من الاجنبي او الاجنبيه من خارج السعوديه؟ يرجى الربط بين هذا السؤال وموضوع الاخت ليان المملوحه بدون احداث مقارنات على الموضوعين لمعرفة الجواب0000 اذا جاوبتم على السؤال بالتعرقون الرد على موضوع الاخت ليان خير الكلام ماقل ودل وتقبلوا تحياتي اخوكم /|؛¤ّ,¸¸,ّ¤؛|هــــــــاوي|؛¤ّ,¸¸,ّ¤؛|. |
أخوي Browning
اخوي انت ذكرت ان هذا الموضوع مشابه لـ 110 و 220 لا أخوي ولا أوافقك الرأي ابـــدا أنا أقصد اختلاف المناطق وليس اختلاف الأنســـاب فالفرق منطقه وليس أصل في النسب يعني شاب يعيش في نفس منطقة الفتاة التي يريدها زوجة له ولا يعيبه شي غير انه من أجداده كانوا منطقة أخرى فهل هذا سبب للرفض! ! ! ! !ّ وشكـــرا لك |
عســل شمــر
هذا الموضوع لا يتحدث عن العادات والتقاليد انما يتحدث عن اختلاف المناطق وهذه ليست عادة في المملكه العربيه السعوديه :confused: انما هو شرط غريب من بعــــض العوائل سواء كانت 110 أو 220 وشكـــرا لك أختك ليــان المملوحه. . . |
مملكــة الليــل
ردك كان شامــل لكل شي الله يعطيك العافيه ويهدي النــاس ياااارب |
مزايا
مشكووره على ردك هذه عادات بعض النــاس وليس الجميــع والله يهديهــم يااااارب وعقبال مايكونون الناس اكبر من كذا ويتفهمون وشكــرا لك أختك ليــان المملوحه. . . |
أخوي هاوي
اشكرك على ردك وانا أول من بيجاوب على سؤالك نعم هنــاك من يرضى بتزويج بنته من خارج المملكه وهناك كثير من بنات السعوديه من تزوجت من الكويت والإمارات والبحرين وقطـــر وغيرها من دول الخليــج لأن دول الخليج مقاربة لنا ببعــــض العادات ولكــن اذا كان جواب الأهل هو الرفض فالسبــب يعود أنه من دولة أخـــرة ولن يرون ابنتهم الا كل فترة طويلــــه وهذا السبب لكن نريد معرفة السبب في الرفض من شاب سعودي يعيش في نفس المنطقه ولكن اصله من منطقة اخرى ؟؟؟؟؟؟؟؟؟؟؟؟؟؟؟؟؟ اتمنى اني كفيت ووفهمتك :cool: أختك ليــان المملوحه. . . |
ليان المملوحه ....
هذه مشكله في كل مكان ... لكن المشكله ان الاهل هم اللي يعودوا البنت ... والافكار اللي رسخت في أذهان الناس ... ان قبيلتنا افضل من هذه القبيله وان وان وان ... كلام ما يغير بالمقادير ... وصحيح ان النسب مهم لكن مو بالدرجه اللي الحين صايره نسأل الله الهدايه للجميع ... تحياتي لك ولمواضيعك المهمه ... البـــــــــــــــــamـــــــــــــــــــدر |
أشكرك أخوي البــدر
لكن المشكلة بعد مو في اللي يعودون البنت حتى الشــاب ممكن يتعود على الشي هذا وذلك بأن يشترط مثل هذه الشروط وشكـــرا لك أختك ليــان الملموحه. . . |
اذا كانت الأسباب قبلية فهذا شي طبيعي ومثلما قال اخوي افكار مجتمع لا يمكن ان نغيرها ولكن تكون الأسباب حسب المناطق فهذه معلومة تُضاف إلى معلوماتي
لو قال الولد اللي من نجد:ـ (( ترا مابي بنت من الحجاز)) ما راح استغرب لأن هالشي معروف :no: ((ترا مابي بنت من الجنوب)) أيضاً لا استغرب شي معروف :no: اما وقد قُسمت مناطق نجد وأصبحت هنالك عنصرية فيما بينها ؟ استغرب هذا الشي :Rolleyes: قد لا يوفقني احد في تسمية هذه الظاهره بالعنصرية ولكن مالوصف اللائق لمثل هذه الظاهرة :cool: المعذرة إن كانت مداخلتي لا تمت للموضوع بصلة هذا إن كانت :pipe: تحياتي لك |
أخوي مجنون نوال
الموضوع لايمت بصلة للأسباب القبليه انما هو عن اختلاف المناطق عموما أنت جاوبت أنا أؤيدك اذا كان الزواج من الحجــاز لكن لماذا الشاب لايفكر بأن اهل الحجاز الأصليين لايختلفون عنا بالعادات والتقاليد انما من يختلف من هم من مخلفات الحجــاج والكل يعلم ذلك لكن أستغرب أخوي انك تقول الجنوب شي معروف هذا شي جديد! ! ! عموما شكــــرا لك أختك ليــان الملموحه. . . |
شكرنا اختي ليان
لكن لا اتوقع ان يتغير هذا الشي لان كل واحد من مجتمعنا له افكار وعادات وتقليد يمشون عليه اما وجهت نضري ان الانسان ما يعيبه الا سمعته وطاريه عند الناس ويعطيك الف عافيه |
مشكوور اخوي ديدو
لكن هل انت مقتنع أن اصلا الشي هذا عادات وتقاليد؟؟! ! ! الشي هذا تونا نسمع فيه قبل مانسمع الا 110 أو 220 اما المناطق هذي! ! ! شي غريـــب عموما شكــرا على مرورك أختك ليـان المملوحه. . . |
أرجــو المناقشة وإبــداء وجهة النظـــر
بعــد الــرد على الموضوع وشكـــرا للجميـــع |
مشرفتنا العزيزة
ليان المملوحة موضوع جدير بالنقاش وشرط الزواج من منطقة دون غيرها أرى أنها ــ مع وجودها ــ إلا أنها ذابت عند الكثير ونجد زوجات من القصيم ويتزوج من سدير وحايل من القصيم ولا نريد الدخول في خصوصيات اجتماعية قد تضايق وتثير بعض الفئات ولكن عموما صار فيه الآن انتشار أكثر ولك التحية والتقدير اختنا اخوك الهدار |
مشكوور أخوي الهــدار
على مرورك الكريــم أختك ليــان المملوحه. . . |
| الساعة الآن 04:03 AM. |