يابو خالد درت بأجواء المدار = كوكب(ن) ‘ ظل بمداراته يدور!
يا صليب الشور نِعم المستشار= عندكم يلقى المعزّه من يزور
الوفاء والطيب لك رمز وشعار=وفرق شاسع ‘ بين ظلمى وبين نور
جيتكم على النقى ‘ وضح النهار=ولاني من اللي ‘ يجي خلف الظهور
والذي بأمره ‘ مرج بين البحار=ثم جعل ما بينهن حِجر امحجور
ما قصدت بجيّتي توليع نار= ولا نطقت بهرج كذب وهرج زور
لكن الحرْقه ‘ ورى نزع الستار=الحقايق ‘ ما احتملها بلا ظهور
واثق الخطوه مشى ‘ كلّه وقار=ومن ظلم ما ينفعه صوت(ن) جهور
الحياء ‘ يجذبك له شوف الخضار=تندفع له ‘ نفسك الثكلى بسرور!
والمحل ‘ يطنيك حتى وأنت مار=عنه تجلي ‘ لو كسى حالك فتور!
مدّة اليمنى مهي مثل اليسار=لو يقال اثنينهن ‘ ما به قصور
ما يخيب اللي ‘ تخيّر واستخار=وكل حيّن له ‘ احاسيس وشعور