خذني من الويكند ودي ارتبط فيك =واحد مراهق ما لقى من يضــفه
إن كان تبغاني وانا ميّت ارثـيك =الله رزقني من اول الوقت عـفه !
استسمحك يا لهفة الشوق ما ابيك =الصمت طـوّل واكثر البوح خـفّه

من يباري صرختي قبل السكوت ؟=من يلبيني ومن يوله علي ؟
وكني ادري.. ما بقى غير الخفوت =شمعدان..، وظلمة الحجرة هلي !

لا تــقول إنســاك لأني ما نســيت = أي همسة من شفاتك قلتها
يا حبيبي لا انصدمت ولا شكيت = بس كافي من جروحي صمتها
والله إني ما نسيتك ما حيــيت = لو ليــالي غيبتك طــوّلتـــها
من متى حاكوك عني واغتنيت = والشــرايح من متى قفـلتها

صباحك يا صباح السبت حزين وحالتي حاله=ياليت الجامعه تدري وشنهي سبة غيــابي
اســامر قلبي السافر واشيل من الوجع خاله =على خد الوجـع تكبر قبل لا تكبر ثيـــابي
حبيبي لو طغى كف الوجع واحتدمت اغلاله=انا ما كنت اخيل الدمع قبل ما تهدأ اعصابي
اتمتم بالعـوض واصبر على ريقه وفنجـاله =وانا ادري لو تسالمت الضياع اموت واشقى بي

توديع الأحبــاب مثل الموت له سكــره =ادمى جروحي وشق الصدر منيــّا
والقلب طيــر وضلوع الآدمي وكره = لا شاقه الطلع لا سلــم ولا حيــــّا
مصير الأحــزان تنساني وتفتكره = ما كل الأيام بيض وسمحة محيـــّا
قل غيرها ما انت لا مجبر ولا مكره = لا صار ماهي غلا مابي لك حميــّا
لو في يدي شي ما قلت الوعد بكره =حزمت حدب الضلوع وقلت لك هيّا
لو كل غالي يجي دايم على ذكره =ما صرت اشوفك هناااك وحبك هنيـّا
ياليتني لا بغيت اكره قدرت اكره =ما كان قلبي ليا جيت اكرهك عيــــّا
ما دامك معيف رح لكن على فكره = ما قلت لي ليه دمعك سال منيــّا

يا دمــوع العــين والعبــره قـهر = إنثري لي دمع لو باقي سجين
وارحمي مغــلوب مضنيه السهر= دمعتك غفران عن مر السنين
ادري إنه لا تحدر لك نهر = لو تجف البيــد ما تنــظر لعين
الصبر سلوان والدمعه مهــر = لا طلبتي من زمانك تجهــلين
وإن لمحك انسان والخافي ظهر= قولي إن دمعي على الغايب حنين