بعض اعضاء منتدى الود يقضون الإجازه...
 

كان قرار الرحله من الآنسه( انا مرزوقه )حيث قررت قضاء الإجازه فوق قمة جبل ايفرست,,لكن (بدون زعل) استطول المشوار و اقترح التخييم عند بحيره...<<<<<لانه على حسب علمي يعرف يسوق التوبيس احسن من الطياره.

ومن ابرز من شارك في هذه الرحله (انا مرزوقه-نواره-الدانه-شمس الجنوب -امير الظلام-بدون زعل-الكينج الخفي-المشهور-فجل-همسات-صادق الود)
......... اتمنى محد يزعل مني........


كان الإتفاق هو اللقاء عند الباص بالقرب من سوبر ماركت المرزوق<<<<ما يقرب لمرزوقه ,,حيث كان سائق الباص( بدون )ولما جى الوقت المحدد للإنطلاق كانت الأخت (همسات) ماتزال في سابع نومه..لين مادقت عليها (الدانه) وصحتها من النوم..وبسب حضرتها تأخر الموعد المحدد لإنطلاق الباص لا والمشكله قعدت (نواره) نص ساعه تأكل السلاحف لا يموتوا من الجوع(اذا ما ماتوا من كثرة الأكل)...

المهم..لما وصلت (همسات) حطت اغراضها بالشنطه ومشى الباص,, وبعد ربع ساعه ماشفنا إلا (انا مرزوقه)قاعده تصارخ..الكل خاف حتى (امير الظلام) مسكين خاف ونط وقال:من فاز!!(الله يسامحك مرزوقه)كان مسكين يحلم بمباراة..المهم طلعت (انا مرزوقه )نسيانه كريم الوقايه من الشمس بس ووعدتها (شمس الجنوب) انها تعطيها من كريمها على شرط انها ماتخلصه..

وتقريبا بنص الطريق وقف الباص,,قامت (نواره )تتفقد (بدون) وإلا هو في سابع نومه(صاعقه ماصارت ذي)..وماكان في حل غير ان واحد من الشباب اللي معانا ياخذ مكانه ..

اخذ (فجل)يسوق الباص(بعد ماكسرنا بخاطره) ويراقع بنا يمين ويسار(لكن مشى الحال)حتى ان تسريحة (الدانه) اختربت(قاعده من الصبح عليها)...

وبعد طول انتظار وصل الباص الى البحيره..كل وحده من البنات نزلت وهي تمشي وتصقع من رجة الباص اللي سواها(فجل)قال (الكينج الخفي)....(شمس الجنوب .و.المشهور )وين الخيام؟؟
(المشهور):اي خيام مو انتي اللي قلتي بتجيبي!!..وتطاقو مع بعض قامت( نواره)وفكتهم وقترحت حل وهو.......

النومه على الأرض في البرد والكل وافق مع نغمات عود (صادق الود)..لا وطبعا حضرة (الكينج )يصارخ معصب(بدل اغنية ماقبل النوم)ليش ماقلتوا لي ان هنا مافي كهربا حق السوني!!

وفي الصباح الباكر كانوا الأولاد يصطادوا سمك حق الغدى والبنات يشووه ..ولما نضج..(همسات) طبعا لازم تخرب الموضوع ماتحب السمك..وع إلا تبي (امير الظلام.. و..صادق الود)يجيبوا لها خضار وفواكه وهم يقولون لهامافي يابنت الحلال الاغصب(راسها يابس)

وبعد ماحصلوا اللي تبيه بالدقه ..انتيهنا من الغدى (ويافرحه ماتمت)بعد ما تعودنا على المكان (مرزوقه )يبست راسها إلا تبي تروح البيت(وحشها النت..يمكن)..وخلتنا نرجع واحنا كنا مستانسين..

اوه صح نسيت (فجل)..كان طول الوقت نايم في الشنطه<<<لانه قبل الرحله سهران امه تقوله نم ترى ماتستانس وهو عنيد..

المهم..وطبعا خلينا (بدون)نايم<<<شكله سهران مع( فجل )
عند البحيره (لين ماتجي جرافه تشيله) ورجعنا كل واحد بيته ..


والى اللقاء
في رحله قادمه

مره ثانيه لحد يزعل مني...





.......تحياااااااااااتي...... :p ;) :p ;)

ههههههههههههههههههاااااااااااااااااي حلوه منك الدانه
هذي احلى رحله للاعضاء منتدى الود
واحلى حاااااجه
خلينا (بدون)نايم<<<شكله سهران مع( فجل )
عند البحيره (لين ماتجي جرافه تشيله) ورجعنا كل واحد بيته
هههههههههههههههههههههههاااااااااااااااااي
يا حبهم للسهر بدون زعل وفجل
ويعطيك الف عاافيه اخت الدانه على هذي الرحله المضحكه

وتقبلي تحياتي

بااااااااايااات على وزن هااااايااات

اهلين ...بكيفي ...
 

انشاء الله بتكون انت معنا في الرحله الجايه

اخاف نخليك هنا ولا هنا بس انت نم زين ولا عليك .....ههههههههه

........تحياااااااتي....... :p ;) :p ;)

هههههههههههههههههههههههههههه
 

[c]** والله ذاك اليوم ارتجيت رج ماقد احد صارله زي ماصر لي الله يرج العدو ذا فجل رجنا رجه انشاءالله الرحله الجايه بيكون السايق بكيفي وبيكون نايم زين وانشاءالله مايصير اللي صار**[/c]

[c]واقل للي بيركبون معانا ماينسون اللي يبونه انا طبعا عن نفسي بيجب اللاب توب حقي وقصتي المفضله وبس [/c]


[c]تحياتي :[/c]

[c]*نوارة*[/c]

مرررررررررحبا..نواره..
 

ذاك اليوم الكل صار مرتج ..فجل..ما خل احد صاحي

اقول ..نواره..خلاص بحجزلك مقعد معنا بس هاه مو تعطلينا من الحين

حطي لسلاحفك اكل يا عيوني ok.

هههههههههههههههههههههههههههه:D :D :D


...........تحياااااااااتي........ :p ;) :p ;)

ههههههههههههه
 

هههههههه رحلة ولا بعدها رحلة :D
تسلمي اختي الدانة على هذه الرحلة :)
[gl]&ولكي تحياتي&[/gl]

ههههههههههه زين الدانه تامرين امر
 

[c]خلاص ولاتزعلون راح اعطيها الاكل حقها وبعدين شفتكم ماجيتوا بدري لاني انا اول من طب في الباص صليت الفجر وركبت وشفتكم ماجيتوا قلت بااعطيها اكلها[/c]

[c]تحياتي :[/c]

[c]*نوارة*[/c]

كخخخخخخخخخخ وشدعوى الدانة !! جايبتني سواق لكم في المهمات الصعبة لما ينام بدون ... كومندوز يعني .. وتحشون فيني بعد :mad: بس بسيطة .... مردودة ... الشرهة علي أنا اللي ما فحطتبكم ليما تنقلبون عشان تعرفون ان الله حق

بكيفي ... تدري ليش سهرانين عند البحيرة ؟؟!!! قاعدين نصيد ضفادع لحصة العلوم السنة الجاية :D <--- ما قد شاف بحيرة في عمره كله الله يخلف عليه كخخخخخخخخخخخخخ

وانتي نواروه ... المرة الجاية الله يسلمتس ماراح ناخذتس معنا اصلاً عشان تعرفين وشو الرج اللي على اصوله !!! وخلي بكيفي ينفعتس :D



واذا يبستي راستس يا الدانة مرة ثانية وتنعفقتي وقلتي ما اكل السمك وما اكل هذا ولا اكل هذا ... ترا مهنا الا ضفادع نشويها لتس وتاكلينها .. ترا محدن رايح يدورلتس بردقان ولا تفاح ... كلي من السمك احسنلتس ....

والمرة الجاية اقترح عليتس يا الدانة التالي :
1- عدم اخذ بدون معنا لكثرة نومه ( ما ادري سواق باص علي ايش ):D <--- مسوي نفسه ما نام في الشنطة كخخخخخخخخ
2- سحيلة ام الخلاقين محناب ماخذينها معنا عشان ما تزعجنا هي ونتها الله يرجها ولا نشرط عليها تجيب اللاب توب حقها وتفكنا :D
3- نواروه لازم ناخذها معنا ... عشان تفك الحوشات ... طالعة كنها امنا ( بسم الله عليها رحومة تأكل السلاحف كخخخخخخخ )
4-همسات نخليها ترقد المرة الجاية في الباص عشان ما تعطلنا وهي منجطلة نايمة في الصبح واحنا منطقين نستناها ... ولا ما ناخذها ابد :D
5-نجيب معنا كورة عشان نلعب ونوسع صدر أمير الظلام مسيكين كخخخخخخخخ
6-البطانيات والفرش والشاهي والقهوة حقت الطريق على المشهور عشان ثاني مرة يتأدب ولا ينسى يجيب الخيام معه ( اللي ناسي الخيام يعني مهوب ناسي البطانيات !!! اشك والله )
7-الكينج الخفي ... نجيبله ماطور معانا عشان يشغل سونيه الله يهديه ... ابلشنا هو وهالسوني ( طالع ياباني من تالي هالولد )
8-شي ضروري ناخذ معانا صادق الود .. لزوم الدندنة وسعة الصدر ونخلي سحيلة ترقص وتاخذلها شوط مع باقي البنات كخخخخخخخخخخ
9-وعشان ما نتعب من الطبخ والنفخ ونحدد المهمات لازم نعطي شمس الجنوب تدريبات في الطبخ قبل مانطس للرحلة الجاية ... عشان نحط مسألة الطبخ عليها .... طباختنا تصير وانواع الاكلات عاد كخخخخخخخخخ
10-اقترح نجيب العمدة الاجباري معانا عشان يحرسنا تالي هالليل بالغفر حقونه ولا شرايكم ... لازم عشان الثعابين والذيابة

بكيفي المره الجايه نأخذك معنا في رحلة الكشافه مول
صراحه كنا سهرانين عند البحيره انا وفجل نرجم في المويه حصى





الدانه انا سواق باص نايم انا لو اسوق فيكم بالباص كان مايرجع احد سالم اللي ناقص عين واللي ناقص رجل مره كنت اسوق بافجل ورجع لهله تقطيع سلطه .
ومرزوقه رجعت بدون قرون عشانها قبل الحادث كانت تطل مع الشبك تبع الباص وانقلب عليها كنت نايم وانا اسوق



والمفروض نواره نامت في بيتهم عشلن السلاحف ماتطير وتخليها

والدانه و مرزوقه من الطفاقه ركبو في الصندوق اي مع العفش ( باص ولا ونيت)
وتشوفون الرحله الثانيه اعملكم ايه يادانه
عدم اخذ فجل معنا عشان مايخرب مامعنا ثلاجه ههههههههههه سحيلة ام الخلاقين صراحه هي الصجه كل ساعه تقول وقفو راح الطريق كله وقفات

-همسات دايم تنام وتصيح ابي امي

المشهور والكنج الخفي والعمده الأجباري تابعين للحراسات والصيانه

جعلكم سالمين

طيب يافجل والدانه وعدكم عندي ( ما اخليكم تركبون عند الدريشه )

حدكم رحله انتم حدكم تركبون مع سواق في كرسيدا بكس :D



بااااااااااااااااااااااااااااااااااااااااااااااااا ااااااااااااااااااي

عندي سيكل جديد توني شاريه( معيد واكمل ونجح وشراء له ابوه سيكل)

الدانه ,فجل,بدون زعل

صدقوني والله انا الغلط من بسمه الجنوب هي

الي دقت على صدرها وقالت ازهلها يا المشهور الخيام على ويوم

توهقت قطتها براسي اه لونها قدامي لا توطاها :D

ومع كل التعطيلا ت التي حدثت والعفسه الى سواها سواقنا الا ان

الرحله كانت اكثر من رائعه يقولك لا ومسوي طيب السواق مودينا على المستشفا
على طول ماودانا بيوتنا والله لو درت الوالده ان سواقنا بدون مخلتني اروح الرحله لا كن انا قلت لها ان السواق فجل (يعني اصرف):p

ولكم تحياتي ويخليكم ربي