|
قصيده ام في ابنها قبل تنفيذ القصاص
هذه الأبيات قالتها الشاعرة عيده أم بدر المطيري الذي حكم على أبنها بالقصاص وقد تم تنفيذ القصاص يوم الخميس 22/3/1422هـ
تقول أم بدر قبل أربع سنوات كان أبني يدرس في الصف الثالث الأبتدائي في أحد مدارس حفر الباطن تقول حدثت مضاربة جماعيه بين طلاب المدرسه ونتج عن هذه وفات ابن خالها مفرج رحمة الله عليه وقد قالت القصيده تطلب من أهل الخير التوسط لدى خالها الذي ابنه قتل في تلك المضاربه وتطلب بأن يتنازل خالها عن القضيه عن ابنها بدر الذي ينتظر القصاص,,,,,وأسف على تطويل القصه بس لتعيشوا جو القصيده فقالت:: يالله يلي بــاب رحــمتك مفـــتوح وديم على طول المدا والليالـــي !!!!!!!!!!!!!!!! يالواحد المعبود ياخالق الروح علمك بحــالي كافــي عن سؤالـــي ارحــم يتيم بين الابواب مطروح نفـــسه تردد فيه الجـــسم وبــالـي !!!!!!!!!!!!!!! سر ياقلم وأكتب جوابي على اللوح وسطر بيوتين مثل نظم الريالي مدادها من عبرةً جالــها فوح من وهــجن بالقلب ضـــيق بحــالـــي !!!!!!!!!!!!!!! وبلغ سلامي حرب سالم ومــسروح من الخليج إلى اليمن والشمالي وأهل القصيم ونجد والواد ابو دوح والساحل الغربي وذيك التلالي !!!!!!!!!!!!!!! عيني تهل الدمــع والقلب مجروح مــير أفزعوا لــي كلكم ياخوالي الورع في ســـجن الحــفر وأمه تــنوح حــفيدكم يمكرمين العيالـي !!!!!!!!!!!!!! اتلى العهد به يوم شالوه مــسدوح وموثقن في محكــمات الحبالي والحكم صادر والقضاء يزق الروح وحان الوعــد ماباقي إلا ليالــي !!!!!!!!!!!!! والله لو إنه يــوم الأحــداث مذبوح لنســاه واصـبر عنه مع ماجرالي وونتي ياخال من داخل الروح ونت صــويبن طــاح والجـــــو خالي !!!!!!!!!!!! خلي العكفان الدناقــير مطروح في موقـــعن تقسى عليه الرمالي والعذر ماينفع ولاينفع النوح إن كان خالـــي ضاع فــيه المجـــالي !!!!!!!!!!!!!!! والخاتمه يأولاد ســالم ومــسروح ذبــحة بنا خــيكم عليكم وبالي واصل القضيه لعب ورعــان ومزوح ولوعاتــها تدور دور الاموالـــي !!!!!!!!!!!!!!! والعفو مابيـــن الأجـــاويد مـــمدوح ليـا عفو عن الحـمول الثقالي والصــبر باب لأهل الخــير مفتوح والله يحــب المحــسنين الرجالــي !!!!!!!!!!!!!!! من يفعل المعروف والبال مشروح جزاه عــند الله عزيــز الجلالـي هذا وصــلو عد بــراق يلوح علــى النـــبي اعـــداد وبــل الخيــالي وأتمنى التعليق على هذه القصيد مع العلم أنها لم تحرك مشاعر الخال بأي شئ وكيف إذ قست قلوبنا تكون كالحجر!!! وسلامتكم شـــــــــــاهر الســـــــــيف |
شاهر السيف يعطيك الف عافيه
فعلا قصيدة تثير الحجر فمابالك با لانسان ولكن زمننا علي قولة القايل ( اغبر ) وبعض الرجال ... تكفيه كلمة ( تكفي ) حتي تثيرالرجوله والشهامه عنده لكن الردي ردي والرجال ....... مخابر ....... وكلن له طبعه يكفي انه خالها ؟؟؟؟؟؟ الورع في ســـجن الحــفر وأمه تــنوح حــفيدكم يمكرمين العيالـي !!!!!!!!!!!!!! اتلى العهد به يوم شالوه مــسدوح وموثقن في محكــمات الحبالي اشكرك عابرة سبيل |
الله يعطيك العافيه
|
الله الله الله الله الله الله والله قصيده مؤثره جدا ما اقول الا الله يصبر امه ويكون بعونها |
سلمت يمينك اخي شاهر السيف على هذا الاختيار لهذه
القصه والقصيده المؤثر والله انها تهز مشاعر البعيد قبل القريب واما اقول الا الله يعوض هذه الام خير ان شاء الله يعطيك العافيه آخرة العنقود |
عابرةسبيل
اسعدنى هذا الحضور واول الظهور لبدر البدور . أبوها الله يعافيك. دبه تسوي رجيم يشرفني ان ارى اسمك الجميل في كل مشاركه والله لا يحرمنا من طلتك البهيه. آخرة العنقود شكرآ على الحضور وتشريفك المشاركه. تحياتي لكم جميعا شــــــــــــــــــاهر الســـــــــــــــــــيف |
روعه
قصيده رائعه جدا
لله يعطيك العافيه فتى بقيق |
قصيده مؤثره جدا
وشكرا اخي الكريم على النقل |
فتي بقيق
اشكرك على توقفك عند هذه المشاركه وتعليقك عليها وكذلك انت يا خالد الشايع. تحياتي شاهر السيف |
يعطيك الف عافيه اخوي والله قصديه روعه وموثره وما اقول الا الله يعين امه المسكينه ويعوضها خير انشاء الله ومشكور اخوي شاهر اخـــــ مشاري المهموم ــــــوك
|
| الساعة الآن 01:31 PM. |