منتديات الـــود - سندريلا في ربوع القصيم.........

سلاموو كيف الحال << خير وش طاري

مابي اطول عليكم بس القصه تراث <<قالبتها قصيمي

<<وشفيهم القصمان احلا ناس << محد قال شي يالخبله

*<< ملاحظة هامة : .. الظاهر ان الموضوع طويل اشوي مهوب قوه وسع صدرك

.. افصل الاتصال اذا اشتراكك محدود الساعات >> احلى يا طعسه

** كان يامكان في قديم الزمان وفي سالف العصر والاوان.

** كان هناك فتاة تدعى رقية .. تتميز رقية بجمال أخاذ فهي الاقل شطوبا بين زميلاتها واهي

اكثرهم بياضا بالنسبة للركب واقلهم اصفرارا

بالنسبة للاسنان.

** كانت تعيش سعيدة في مزرعتهم

وفي يوم من الايام راحت أمها تبي تجيب العلف من المزرعة

حاولت حمل حزمة العلف .. عندما

رفعتها وجدت تحتها جنيا فبخ عليها الجني فخرت صريعه

على خشتها ......

** ماتت ام رقية .. وشعرت بحزن غامر ماتدري وش اتسوي .. فتصافقت بها الجدران ...

جاءابو رقية لمها وقال لرقية انا لازم اعرس .

رقية : على راحتك يبة.

ابوها ..خلاص انا باخذ لطيفة ارملة ابو سعد.

قالت يبه بس هاذيك قشرا.

ابوها .. لا هذي اشاعات وبناتها مريم ومزنة بيصيرون مثل خواتك.
رقية .. اللي تبي يبه
** تزوج ابو رقية وبعد شهر من فلة الحجاج بدات مرة ابوها وبناتها تقل خاتمتهم ويحسرون برقية.
ضاق صدر رقية وسكنوها في بيت الدرج .. والابو ماله سنع بينما لطيفة وبناتها ساكنين بأحسن غرفة والتي تطل على حوش البقر <<< حاسين الارتباط معهم.
** دارت الايام .. والى هكاليوم به حفلة في الخب الشمالي .. ..امسويها حاكم الخب من اجل انتقاء عروسا له.
** قعدت رقية تصيح ودها تروح .. ومرت ابوها صاكتن عليها

*اطلعوا للحفلة واتركوها ..

** يوم صار بالليل وتمر هذيك الفارة وتلحقها رقية بالنعلة تبي تكتلة

... اصرخت الفارة بقوة قائلة :
الفارة / اصبري وش بلاتس انتي ماتقرين قصص.

رقية / بلا قصص بلا هم هالحين البختس بهالنعله واطير راستس.

الفارة /وش بلاتس انا فارة متجنسة <<< يعني فيها جني من اهل الارض.

رقية / واذا صار يعني.

الفارة / انا راح اسوي لتس اللي تبين <<< اكيد لاحظتوا اللهجة.

رقية / وش بتسوين يعني

الفارة / مثل القصة اللي بالتلفزيون ابخليتس كشخة وتروحين للحفلة.

رقية / يالله ورين اذا انتي صادزة.

الفارة / طيب جيبي لي عنز واربع دجاج مندي << خطا مطبعي. .. وقرعة نجدي واوريتس.

راحت رقية وجابت لها كل اللي تبي.

الفارة /// شرم برم لاتو فاتو جرام سرام ... يوم صارة القرعة همر 2009 وصارة العنز شغالة..

وصارة حدى الدجاج سواق ... وباقي الدجاج مالهن سنع فاضبطوا عليهن كبسة وتعشوا .

افرحت رقية .. قالت الللللللله بس وشلون اروح وما عندي لبس.

قامت الفارة <<< نسينا انقول لكم ان الفارة تغير شكلها الى انسان ..

المهم قامت اسحرتها وحطت عليها ذاك اللبس :

التيور من آوت فيت <<< ماعليش دبة اشوي.

والجزمة من ميلانو.

والشنطة فندي <<< اصلية مو تقليد.

والبوك جفنشي <<<< ماعليش مو زي الشنطة هذا المتوفر باسواق الجن.

** افرحت رقية واركبت وراحت للحفلة.

>>> .... << تكفون عدوها ولاتدققون هالمرة.

** قالت الفارة لرقية اسمعي الساعه احدعش <<< على باله بيغير ... لازم ترجعين والا تراني

مانيب مسؤولتن عن اللي بيصير.

* * جت رقية للحفلة .. يوم الفتت نظر كل الموجودين ادحيم وعليان وعزيز والبرهم كلهم فقوا

اخششهم من الدهشه.

** الامير كان مستنزل <<< يطقون له طيران ...

قالت الجنية اللي مع ارقية للجني اللي في الامير : اطلع خل الامير يصحي

** نظر الامير الى رقية مدهوشا

ماهذا الجمال اللي يشق الجبهه

** تبوسمت رقية وقالت تسلم الله يخليك

الامير إحول وفقد التركيز.

قال ممكن ترقصين معي

رقية : واخزياة والناس وش يقولون.

الامير : تكفين تراها قصة لاتخربينها.

رقية خلاص تم.

** ارقصت رقية مع الامير ونست الوقت.

مادرت الا المباراة اللي بالتلفزيون قاضية .. درت انها تاخرت.

كانت الساعة العاشرة وثمان وخمسون دقيقة .. طيط ..عند الاشارة << عفوا نسينا.

*المهم...

انقزت رقية وراحت تركض واثرها لابسة الزبيرية حقت اخوها الصغير <<< انتبهوا للصغير... لان

الجزمة اللي جابتها الجنية لها ضيقة عليها.

اركضت رقية بالدرج .. وتنقطع الزبيرية وتطيح .. والامير يركض وراها ... تكرفس على جبهته

وماقدر يلحقها .. اخذ الزبيرية معه ورجع.

** رقية ارجعت لبيتهم وهي مبسوووووووطة.

الامير اعلن انه يبي يتزوج راعية الزبيرية ..

من بكرا انزلوا الحاشية يدورون راعية الزبيرية ... اكتشفوا ان نص هل الخب الشمالي تركب

عليهم اوالله البلشة <<< قالها الامير

معقول باتزوج خبي

جاب مستشاره وقال له وش الحل.

المستشار : ابد طال عمرك انشوف رجلين الحريم واللي مقاسها ست واربعين تراها هي

*** راحو يدورون ... اكتشفوا ان معظم بنات الديرة مقاسهن تسع واربعين وفوق.

** يوم اوصلوا بيت رقية .. صكت عليها مرت الابو في بيت الدرجة .. لم تسكت رقية فبدت تصارخ

وتصيح افتحوووووووووولي ..

سمعها خوي الامير <<< المستشار.

قال جيبوها

قالوا هذي خبلة

قال ماهو شغلكم جيبوها ..

** جت رقية والبست الزبيرية والاها قدها تمااااام ... فرح الخوي وراح وبشر الامير.

** تزوج الامير رقية .. وتهاوش معها عقب شهر وطلقها . <<< اوالله الخاتمة.

هههههههههههههه كيف مشوار رقيه << قصدي السندريلا هع هع هع