|
وش تقولين في النت يابنت ......للبنات فقط
وش تقولين في النت يابنت ......للبنات فقط تجردا من كل العادات والتقاليد وبدون فلسفه زايده يعني نبي اجوبه عفويه صادقه بدون تطرق للظروف الاجتماعيه او غيرها والافضل الدخول باسماء جديده موضوعي بعد سنوات النت الاولى يابنت وش تقولين في هالكلام -- مافيه بنت الان في النت الا وتكلم شاب او اكثر -- مافيه بنت في النت والا تغير اسلوبها وتعاملها فيما يخص المشاعر والعاطفه والحب والاحلام الورديه -- مافيه بنت في النت الا وانكوت من كاذب او كاذبه -- مافيه بنت في النت وادمنت عليه الا جاب لها المشاكل خاصه المتزوجه -- مافيه بنت في النت وتعودت تكلم شباب صار ذوقها في اختيار الزوج المناسب لها صعب جدا بل من المستحيل -- مافيه بنت في النت وبعدين تزوجت الا تذمرت وخاصه من تعامل زوجها العاطفي -- مافيه بنت عالنت الا وتجرات على الكذب -- مافيه بنت عالنت الا وانغزلت عن اهلها واقاربها -- مافيه بنت اعطوها اهلها حريتها المطلقه على النت الا وضاعت -- مافيه بنت اعطت لنفسها المجال للكلام بالشات والكلام مع الشباب الا وكان مصيرها .... -- مافيه بنت تتميلح وتحط بروفايلات وصور الا وتكلم شباب ومع الوقت تضيع -- مافيه بنت ادمن بالنت الا كان على حساب جلوسها مع امها ومعرفه ابسط امور دينها لايجيني احد ويقول الشباب وينهم كلامنا الان عن البنات اي بنت لها فتره بالنت ياليت تجاوب وبكل صراحه رجاء وبتجرد عن كاتب هالكلام هذي مجرد افكار نبي نناقشها صحيح ان فيها شوي مبالغه لكن لها واقعها ورجاء بدون اي ردود اسائه حول هذه الافكار ومدى صحتها كالقول بانها افكار شاذه ومبالغ فيها وغير صحيحه لا يجيني احد ويقول الكلام نفسه على الجوال والحياه العامه مو مجال نقاشنا كلامنا عن النت بس نبي تفاعل حلو ولو رد واحد شكرا للجميع واعتذر لكم عن اي زلل او خلل وننتظر منكم الصواب |
مرحبآ أخوي
مشكلة أن البنت دومآ هي اللي تتحآسب والولد لا منزه عن الخطآ ومآحد يحآسبه طيب انا الحين ومن دون فلسفه برد بكل أمآنه وصرآحه وفوقي خالقي اللذي يشهد بذلك بس قبل لاتعم كل البنآت -- مافيه بنت الان في النت الا وتكلم شاب او اكثر كلن يرآ الناس بعين طبعه طيب احنا هنآ الحين وقدآ بعض وبالمنتدى اي نتكلم لكن امام الجميع وفي حدود الأدب والأخوه لكن تقول مآفيه بنت الا وتكلم شآب لايحق لك أن ترمي كل البنآت بهذه الكلمه -- مافيه بنت في النت والا تغير اسلوبها وتعاملها فيما يخص المشاعر والعاطفه والحب والاحلام الورديه في بنآت كذآ وانا معك وتستحضرني قصص كثير بس مآبي أطول عليك وكم بنت ردعت الشباب عن فعل المنكر في النت على فكره في بنات فيهم الخير والبركه صحيح ان الشر يعم والخير يخص بس لا يحق القذف والرمي والحكم على كل البنات كذآ -- مافيه بنت في النت الا وانكوت من كاذب او كاذبه اممممممممم هنآ أي وانا معك في هالنقطه وأبصم لك بالمليووووون -- مافيه بنت في النت وادمنت عليه الا جاب لها المشاكل خاصه المتزوجه الحمدالله مو متزوجه والحمدالله مآفي مشآكل ان كنت أستخدم النت وأهلي يحضروني ويرآقبوني -- مافيه بنت في النت وتعودت تكلم شباب صار ذوقها في اختيار الزوج المناسب لها صعب جدا بل من المستحيل لحظه انا شوي قهرتني كلمة مآفي بنت <<<< أحس انك تعم كل البنات نرجع للسؤال مو شرط وكم بنت تبي تتزوج وربي يستر علسها حتى اللي كانت تكلم عندي نموذج لبنت بالجامعه تكلم وتقول تحب هالشخص ان تزوجته كان بها ان ماتزوجته الله يوفقه واي وآحد بيطق الباب بتزوجه -- مافيه بنت في النت وبعدين تزوجت الا تذمرت وخاصه من تعامل زوجها العاطفي لا في بنآت كثير تزوجو وكآنو يستخدمون النت بطريقه سليمه وعآيشين مثل السمنه عالعسل -- مافيه بنت عالنت الا وتجرات على الكذب هنآ معك بالنقطه ذي 70 % -- مافيه بنت عالنت الا وانغزلت عن اهلها واقاربها لا لا لا الحمدالله انا <<< وأعوذ بالله من كلمة انا أستخدم النت قدآم أهلي وأقآربي والكل يعرف ولله الحمد -- مافيه بنت اعطوها اهلها حريتها المطلقه على النت الا وضاعت لاتعم لو سمحت مو كل البنات ضآآعو اللي تبي تضيع واللهي لو مآخذت الحريه في أي شي وربي بتضيع -- مافيه بنت اعطت لنفسها المجال للكلام بالشات والكلام مع الشباب الا وكان مصيرها .... اللي تبي الشي هذآ هي اللي بتدور عليه ومو كل البنات يدخلون النت عشان الشاة طيب اللي مآحملت برآمج الجآفآ عشان تمنع نفسها ن\من الخطآ والشيطآن واللي ماتعرف وشلوون تستخدم الدردشه وتقضي أشغالها ودرستها وبحوثها كل شي له سلبيات وأيجيابيات ليش نقول ان البنت تستخدم السلبيات أكثر -- مافيه بنت تتميلح وتحط بروفايلات وصور الا وتكلم شباب ومع الوقت تضيع هذي مآدخلت مزآجي قصة البروفآيل بس مو شرط تحكم على كل بنت عندها بروفايل تكلم ان بعض الظن أثم -- مافيه بنت ادمن بالنت الا كان على حساب جلوسها مع امها ومعرفه ابسط امور دينها بالعكس النت أبدآ مايلهيني عن الدين وطآعة الوآلدين أذآ قمت بوآجبآتي أجلس عالنت أشكر لك موضوعك أخي بس أرجع وأقول لاتعم لأن كثر مآفيه بنآت فيهم الشر الا ان فيه بينات فيهم الخير مـ الشوق ـلاك |
اهلين وسهلين نورتي الموضوع والله الموضوع من زمان ودي اطرحه يعني لازم الواحد يكون بنت عشان يعطونه اشراف وسوبر بشات واحد مقهور ماعطوه اشراف<<<< :al-wed: والله الصراحه والجد اني غيور على البنات بالنت بس احس المساله زادت بقوه والعالم ماترحم سي يا |
اقتباس:
|
وراك حاقد علينا الله يصلحك :biggrin: كل ذا عشان سوبر او مشرف شوف اخوي مثل مافيه صالح اكيد فيه طالح يعني احنا ماننظر للحياه بنظره سوداويه ونوجه اصابع الآتهام على البنت اللي تستخدم النت انها راح تنحرف او منحرفه ..ياخي اللي يبي الصياعه لو تحطه بقفص راح يخرب وياما تحت السواهي دواهي :Rolleyes: وانت جالس مافيه بنت مافي بنت << احسك تكتبها وانت مقهور :biggrin: الله يهدي الجميع لك تحيتي |
كان ودي تبعد التعميم اللي في موضوعك علشان يصير احلى:Rolleyes: واثق الخطى يمشي ملكا اخوي أنا بنت ولله الحمد كل اللي ذكرته بعيد كل البعد مني وانا ادخل النت عند اهلي وادخل المنتديات اللي مسجله فيها وكمان قدامهم لدرجة انا مسجله في منتدى انا واخوي هو مشرف فيه وانا باقي عضو متميز فيه وللمعلوميه بعد هو اللي يسوي لي التواقيع:biggrin: على فكره فيه ناس مايعرفون شي اسمه نت ولاكمبيوتر بس يغلطون اتمنى عرفت انا وش اقصد:Rolleyes: تقبل مروري اخوي.... |
\\\
دائم اقول : النت ...قد يصبح نعمه او نقمه.. والنت يحتاج الى عقول راقيه .... تجيد فن استخدام النت في الخير... تجيد فن استخدام النت في نشر ابداااع قلم رائع... تجيد فنون في الحروف ..في كل المجالات...والاماكن... النت يحتاج من كل الطرفين ... عقول لها تفكير الى البعيد وحكم فى بعض الامور... وعدم ترك كل الاعضاء تدخل الى حياتك الحقيقه ...وبعثره اسرار ايامك... سوى من البنات او الشباب... النت عالم من الخيال ..فلا نجعل له عالم من الواقع في ايامنا... لهذا ...لو نجيد فن استخدام النت ... لما اصبح هناك تفكير شارد..وشرف منهان ..واوقات ضايعه بدون جدوى.. لهذا ..اقول : لكل الفتيات..والشباب نحن من نستطيع ان نبعثر حياتنا.... ونحن من يستطيع ان نجعل لنا مبادى لا تتغير مهما مر الايام والسنين... واجعل النت سوى ذكريات وصفحات منسيه... وحروف قد نندم اشد الندم....او قد نبتسم بسعاده لذالك... فلا نجعل النت في حياتنا سبب في ظهور مشاكل نحن من يزرع ونحن من يحصد...تلك المشاكل... وانا على يقين بان البعض من الفتيات ... لا مثيل لها حين استخدمت النت في ابداااع ... لا الى الهاويه لا نهايه لها.. ولكل فتاه....لا نجعل قلوبنا هى التى تتحكم في عقولنا ... بل عقولنا التى تتحكم في قلوبنا... وفى النت اختى فلنجعل عباره ((....عقل بدون تواجد القلب...)) \\\ اسال الله لنا ولكم السعاده في الدنيا والاخره وموضوع رائع بالتوفيق للكل \\\ |
http://filaty.com/i/907/70104/line7.gif الأجوبة على كل اسئلتك : لآ كلآم كذب ،، لأنك اعتمدت التعميم ،، و التعميم اسلوب خآطيء و الاجوبة بالتالي بتكون كلها نفي ،، يعني ما بيكون في نقآش ،، http://filaty.com/i/907/70104/line7.gif |
,, راح اقول رايي بكل صراحه,,بعيد عن المجاملات
-- مافيه بنت الان في النت الا وتكلم شاب او اكثر.. ممكن إني اكلم شاب بس مو أكثر من أخ,,,أحياناً يكون الشخص محتاج يتكلم يفضفض بس مو لاقي من يسمعه تتكلم مع الشاب كأخ..لاأكثر. -- مافيه بنت في النت والا تغير اسلوبها وتعاملها فيما يخص المشاعر والعاطفه والحب والاحلام الورديه.. لا اسلوبي ماغيره لاداخل انت ولاغيره..اسلوبي واحد في كل مكـــان,, -- مافيه بنت في النت الا وانكوت من كاذب او كاذبه؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ -- مافيه بنت في النت وادمنت عليه الا جاب لها المشاكل خاصه المتزوجه؟؟ لا الحمدلله انا اجلس عليه وقت طويل بس اتصفح مواقع تنفعني مو تضرني...أكثر وقتي هنا بالمنتدى. -- مافيه بنت في النت وتعودت تكلم شباب صار ذوقها في اختيار الزوج المناسب لها صعب جدا بل من المستحيل. لا ليه نربط شباب انت..برجال الي جاي يتقدملي..بعدين الشباب الشكال الوان بجلس اقرر مين يناسبني.. أهم شي الدين..الصلاح..طاعه الوالدين,,إذاكانت الصفات فيه راح اتزوجه حتى لو كان شين؟!!! -- مافيه بنت في النت وبعدين تزوجت الا تذمرت وخاصه من تعامل زوجها العاطفي... مع إحترامي..إذا البنت راح تقارن بي الشباب الي تعرفت عليهم بانت بزوجه,,ماتنفع تكون زوجه ام..؟! -- مافيه بنت عالنت الا وتجرات على الكذب... يمكن في اوقات نضطر اننا نكذب..بعدين ممكن تكون اسئله شخصيه مابي اجوب عليها.. -- مافيه بنت عالنت الا وانغزلت عن اهلها واقاربها.. لا مو الكل..أنـــاعانيت الكثيررر بس مانعزلت عن أهلي بالعكس أحاول أبدا صفحه جديد انسى الماضي.. أحاول ابدا حياه جديده حلوهــ,,الله يعين. -- مافيه بنت اعطوها اهلها حريتها المطلقه على النت الا وضاعت.. لا بالعكس..انا ماخيب ضن أمي فيني,,أمشي ورا أحاسيسي مشاعري.. -- مافيه بنت اعطت لنفسها المجال للكلام بالشات والكلام مع الشباب الا وكان مصيرها .... شوف اخوي..إذا البنت عطت الولد كل حياته خلته كل شي بدنياه,,صار هو كل تفكيره..أكيـــــــد راح تضيع.. بس لو العلاقه عاديه مافيها اي نوع من الشيطانيه,,راح تكون مرتـــــــاحه. -- مافيه بنت تتميلح وتحط بروفايلات وصور الا وتكلم شباب ومع الوقت تضيع .. الصوور,,ليه هي حطت صورتها ليه تبدا بالمشاكل..الوحده تحفظ نفسه ماراح تضيع. -- مافيه بنت ادمن بالنت الا كان على حساب جلوسها مع امها ومعرفه ابسط امور دينها .. الأدماان مشكله,,البنت المفروض ماتخلي انت كل حياته تقابله كل الوقت لا,,لازم تحدد وقت ل نت.. لهله.. ولا رااااح تضيع,, بس البنت مو هي الي تتحمل المسوليه وحدها..لأن اذيب البشري هو الي ساعدها عطاها الحب,,الحنان..الهفه ,,الشوق,, لو الشاب يرفض اي بنت تطلب منه التعرف الصداقه,,كان ماصار المشاكل الي حنى فيها. بس للأسف الشاب يشارك ب نفس الشي..بنهايه يقولو البنت,,,,,,البنت,,,,,,,,, الولد ولا كئنه مسوي شي,, ماقول غير حسبي الله على كل شاب سحب البنت لين ماطحت فريسه بين يديه,, تقبل مروري خــــــــــآلـــــــص ودي,, رهـــــــــــــــوفـــــــــــــــه.. |
شكرا للجميع على المشاركه
|
| الساعة الآن 12:57 AM. |