منتديات الـــود - تخيلوا بنات 2010يخطبون الاولاد

تخيلوا بنات 2010يخطبون الاولاد ... لا يفوتكم

يعني تتفاجأ في يوم وانت قاعد تقرا كتاب رومانسي وأنواع الأحلام الورديه

(يااي) و سرحان في فارسة احلامك على السرير الابيض..

الا و امك داخلة عليك و توها جايه من بيت الجيران و تقولك: يا وليدي ودي اكلمك
في موضوع. .

ترد انت بكل خوف : خير أمي؟ ....

تقول امك: ترى يارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها وش رايك؟ ....

ثم تنزل انت راسك في الارض و تلعب باصبعك في شعرك (او شنبك)و ترد و انت

مستحي و خدودك حمرة (هذا اذا كنت محلق اللحية) و تقول: ....

الراي رايج والشور شورج ..
تقول امك: انا بصراحة ما اشوف في البنت شي. .

ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت ..

ولا عندها سوالف السفر و الخربطة و ما تشرب ولاتدخن و لا تروح مقاهي البنات. يعني بنت ما عليها كلام. .

تقول انت : بس أمي هي ما شافتني من اول. انا دايما متلثم بغترتي(والله عيب بس بكمل)
تقول امك: هي شافتك و انت نازل من باص المدرسة (الله واكبر يالروز رايز)...

بس ..و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه. (والله فشيلة بس بكمل)

و تراها هي و امها يايين يوم الخميس علشان يشوفونك..

تسال انت: انزين أمي أبوي شو رايه؟

تقول امك: ابوك ما يدري خليه حايس في المطبخ الله يعينه..

تقول انت :اللي تشوفينه أمي. .وتطلع امك من الغرفة

وتنط انت جدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع (ياعمري)

و تقول : اه اخيرا حسَت و خطبتني. ( لا لا لا والله ما يصير بس بكمل)

و قبل يوم الخميس تروح انت صالون رجالي و تكون مسوي حجز و تقعد و

تصبغ شعرك (هاي لايت) و تزين حواجبك و تشيل شعر يدك و رجلك بحلاوة و تطلع زي فلقة القمر

وتي البيت و تلبس الثوب اللي فصلته عند المصمم( عبده شولق) لثياب الاعراس و

الحفلات واللي فيه فتحة من عند الساق و فتحه في الظهر وسيور و ذاك

المكياج وذاك العطر اللي يشق الخشم و تنزل للصالة

ويقولك ابوك : يالله دخل العصير على خطيبتك ترى امك ذبحتنا تسال عنك
تقول انت بكل خجل: واي واي يا بوي انا استحي

ابوك يقولك وهو يطق على كتفك و يضحك يا ولد روح لعروسك إهئ إهئ
تقول انت: يا بوي دايما تحرجني انت واي واي

و تاخذ صينية العصير و تدخل المجلس اللي فيه البنت بكل نعومه ورقه ودلع

وأدب و تقول بصوت ناعم: احم احم الس سسسلام عليكم(صاير حكيم على غفلة)
ترد هي بعد ما وقفت و عليكم السلام ( و هي تناظر فيك و في كل قطعة فيك) ...
و تقولها تفضلي....
تقول هي: وش الاحلى العصير الاحمر و لا الاصفر؟ بزعمها تبي تلطف الجو معك <...تتلصق.
تقول انت: كله حلو
تقول هي: اكيد كله حلو لانك انت اللي مسويه

ثم تحط الصينية بسرعة و يدك على فمك و تضحك و تروح داخل بسرعة
ياربييييييييييييييه
الا اخوانك يستنونك و يقولون: ها وشلون شكلها

تقول انت: واي واي تهبل تهبل حلوة و دمها خفيف و ذوق اهههههااي
الا ابوك من المطبخ يلولش (يزغرط بالمصري)

لللللللوووولللللوووووشششششششش مبروك يا ولدي

الا بدخلة اختك الملقوفه من بره و حاطه عبايتها على كتفها و تقول : خير شو صاير!!
يقوله ابوك : قصري صوتك في وحده داخل خطبت اخوج ..

تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لالعن شكلها اللي يايه تخطب اخوي شباب آخر زمن
<<< والله وصرتم يالبنات تقولونها

الا بدخلة امك و تسطر اختك كف و تطلع اختك بالسيارة و تقحص و سير مقهى البنات <..تخيلوا عاد

و تمر الايام و انت تجهز ثوب العرس و الكوشة و بيت الزوجية و خلال هالفترة

تمرك زوجتك بالسيارة تتمشون و تحاول انها تمسك ايدك و انت مستحي ( ومن هناك ودك و بتموت) و شوي تحاول تبوسك و انت تقول لا لا عيب احد يشوفنا( يعني لو ماحد يشوفنا ترى عادي)
و يجي يوم العرس و تيلس انت على الكوشة و كل الشباب حواليك يرقصون و
يغنون على انغام طيران فرقة الرباش .وشوي الا العفسة قايمة : ترى العروس يايه

و ينطون الريايل و الشباب كلن يلبس غترته و يتلثم ..
و تدخل العروس مع امها و خواتها (خواتها يتميلون جدام الشباب ) و تيلس

العروس جدامك و ترفع الطرحة (طرحة البسام بصمة خمسة) و تقولك: الله صاير مثل القمر

ثم تلف ويهك وانت مستحي......
و يتم الزواج و بعد تسعة شهور الا انت تصرخ في الليل فيك الطلق
و يودونك المستشفى و تولد و تجيب توأم

وتطلع من المستشفى الى بيت اهلك علشان النفاس <....حركات
و تاخذها زوجتك فرصة و تسافر مع البنات و يهيصون قبل ما تخلص مدة نفاسك الله يساعدك

و ترجع لبيتك تربي عيالك و تطبخ الغدا لزوجتك

وتتخانقون ساعات و تنام و دمعتك على شنبك

ويزيد حدة الخلاف و تاخذ غترتك و عيالك و تروح بيت اهلك

و تصلح امك ما بينكم و ترجع الحياة مثل اول..

مع تحياتي [/font]