|
.... كامري + سكسوكه + N70 + عطر + عشاء = ؟ ؟ ؟
لــزمـان : يوم الأربعـاء التـاسـعه مسـاءا ً .... المكــان : الريـاض .... تعريـف لمن تـدور حـوله القضـيه الأســم : بـدر عمر بـدر : 23 مهنة بدر : طـالب جامعي كامري بدر : اللـون اســود الموديـل 2006 طريقة الدفـع : اقسـاط على (ظهـر) ابو بـدر عـداد البنزين: تحت الـــ e والجـيب مافـيه الا الرخصـه وريـاليـن مـوقع السيـاره وصـاحبها: امـام صـراف بنك سـامبـا (الأمريكي سابقـا ً ) ينتـظر وصـول دوره لـكي (يشـفط ) مكـافـأته الجــامعيـة التي تقـدر بـ 834 و 60 هلله . بدر وكامري بدر وبطاقة صراف بدر امام الصـرافه اللي بتنـشفط منـها 800 ريـال (كـاش منـي) انشفطـت مكـافأة بدر من بطاقة صراف بدر بـــ يـد بدر . (غمـض فتـح) واذا بـ بدر امـام محطـه الوقود بدر : صديق عبي بنزين فـُــل . صديق : اوكى (مع هزة رأس تقلـيــديـه). وبعـد مرور دقيقـه و7 ثانيه امتلء خـزان الوقـود والمـقابل 36 ريـال 800 - 36 = 764 ريال بعـد محـطة الـوقود (فتح غمض) واذا بـ بدر وكامري بدر امـام (التلمـيع السـاطـع) 45 دقيـقه بعد التلمـيع السـاطع كامري تلمـع بدر يدفـع 764 - 150 = 614 ريال انتهـينـا من كامري بـدر سكسوكـة بـدر : الزمـان : الساعه العاشـره والنصـف مساءا . المكان : تقـاطع شـارع التحليـه مـع شارع التخصصـي بالتحـديد حلاق (هوليـوود) بدر للــ حلاق : حبيب ألبي ابيك تـدلعنـي عندي موعد مهم الليله . الحلاق لـ بدر : تكرم عينك مدام انتا بــ تـدفع احنا نـلمـع . غمض عين سكر عين 150 ريـال لـ حبيب ألب بـدر .. يعني 614 - 150 = 464 ريال سكسوكه عجــــــيبه جهاز بدر ( n70بدر) : الزمـان : الساعه الحاديه عشر مساءا ً المكان : محـل همســات للأتصـالات - المرسـلات بـدر يبي يستـبدل N70 بـدر بجهاز ثاني N70 بـدر سعـره بـ 1100 ريال والجـهاز اللي يبـي يستـبدل فيه .. سـعره 1440ريـال يعني بـدر لازم يـدفع 340 ريـال فرق السعـر .... ودفـــع يعنـي 464 - 340 = 124 ريال غريــب هـ البــدر ... عـطر بــدر : الزمــان : الساعه الحاديه عشر وخمسه واربعون دقيقه مساءا ً المكـان : الرواد للمستـلزمـات الرجـاليه - طريق العروبــه وبعـد محـاولات لشراء العطـر المفضـل تم اختيـار عـطر بـ مبلـغ 120 ريـال . نرجـع للحـاسبه ونقـول 124 - 120 = 4 ريـال فقط عجــب عجــــــاب عشــاء بـدر : الزمــان : السـاعه الثانيه عشــر منتـصف الليــل . المكـان : بوفـيـه بجــانـب البيـــت باقـي المكـافـأة 4 ريـال و ريـالين في جيب بـدر هذي 6 ريال وعشاء بـدر ثنـين شـاورمـا و واحـد بيبـسي بـ 5 ريال وريــال حطـه في جيبــه للـيوم الأسـود . بالعـافـيه يابــدر ولاتنســى تسمــي - هذه الشخـصـيه الـدرامـيه هـل هـي فـعـلا ً تـوجـد فـي مجتمعـنـا ؟؟ -هـل تصــرفـه بـهذه الطــريقــه السبــب فيـه الأتكاليــه وعـدم تحمـل المســؤوليـة ؟؟ ام هــي قــاعــدة ((حـلال عمــك لا يهــمك )) ؟؟ ام لأن المـال المصــروف ليــس من مجهـــوده ؟؟ - اذا وصـــل الــشــاب الـى هـذا العمــر هـل من المعـقــول ان لا يكــون لـديـــه تـفـكــيـر عـقـلانـي نوعــا ً مـاا ؟؟ هل فعلا مصروف الشاب لايكفيه ؟ ويطير من يده بهذه السرعه ؟ هل متطلبات المعيشه (في الحياة العزوبيه) تستلزم صرف الكثير ؟- ماهـو رأيـك في النـوع الـذي يركـض وراء اعتـقــاد (( عيش يومك وربك يحـلهـا )) ؟؟ |
هذه الشخصية موجوده وبكثرة
ناس يعيشون يومهم ليس مسئوليين عن أحد فماذا تتوقعين منهم ؟؟ |
نشفـــ ريقــــي وأنا أقررأ |
بنت الشمال
لايكون تقصدني!!!! هههههههههههه اتفق معك فيما طرحت والله مسكل مسَكل//يعني على قولة الهندي مشاكل مشكله اعتقد مايعتمد على المكأفأه البسيطه لكن الحمدلله نأخذ مكأفأه وندرس ونتعلم غيرنا يتعلم ويتغرب ويدفع من جيبه لكن اقوول: القناعة كنز لايفنى تحياتي |
هلا وغلا بنت الشـــمآل طبـعاً انـأ شدني اسـم الموضوع صراحةً الشي الثــآني النـآس تختلف بأطباعهم والنوع هذا يعني نقول مستقر بمدينة الريـاض فما بالكـ باللي متغرب ويسوي مثل مايسوى بدر ..!!! يعني نعيش بالدونيا ونشوف اشكال والوان من الأطباع ولا نستغرب ابداً يعطيك العافيه بنت الشمـآل سلطــــآن القصيم |
يعطيك العافيه رووبـــــي |
مشكووووووووووووور وانا اقرا متحمممممسهـ
ههههههههههههههههههههه مع تحياتي فـرفـوشـهـ |
،؛، هنالك منهم أحمق من بدر ويجيك ثالث يوم بالشهر تكفى عطني سلف طيب وين فلوسك مكافتك بكل برود صرفتها ياخوك ماتكفي ولنا عوده للأجابه على الاسئله ،؛، بنت الشمال يع ــطيك الف ع ــافيهـ ع ـلى الاختيار الراقي دام تواج ــدك ونشاطك الر ائع ــين ،؛، لك كل الاحترام |
صراااااااااااحه موضوع في محله
فيه ناس زي كذا وفيه ناس غير الله يصلح الجميع واحب اقول خبي قرشك الابيض الى يومك الاسود |
بسم الله الرحمن الرحيم .. اول شي أشكر الأخت بنت الشمال على هذا الطرح الممتع .. (( أحمد الله على كل حال .. و أنني لا اعتمد على المكافأت الجامعيه )) و انا لاحظت من كل الردود أنكم قااابيت على الطلاب الجامعيين .. و أن المكافأه ما تقعد معهم .. لكن أنا أبقول شي .. قال تعالى : (( و جعلناكم أمة وسطاً )) أنا راح أكون وسط .. ما بين (( بدر )) و ما بين (( الطالب الجامعي المثالي )) أول شي خلوني أذكر لكم قصص بحكم أني طالب جامعي و أعايش مع الطلاب و أعاصر حالاتهم الي غيري ما يعاصرها .. القصة الأولى : طالب .. بجامعة الملك عبدالعزيز .. بالسكن الجامعي .. من خارج مدينة جده .. يدرس معنا في كلية الهندسة .. عايش على الله ثم على المكافأة الجامعية .. الولد مكافح .. و الحياه تمرمر فيه ... القصة الثانية : طالب .. بجامعة الملك عبدالعزيز .. يقطن مدينة جده .. يدرس بالطب .. (( على وشك التخرج )) .. يعيل أهله (( الــــ 8 و الوالدين من المكافأه )) إضافه لدوام خارجي .. انا ذكرت هالحالتين .. علشان اقولكم ان فيه ناس عايشه على المكافأه .. خلوني أتطرق للموضوع .. المكافأه قيمتها (( 1000 )) لبض العلميه .. و (( 850 )) للكليات الأدبيه .. و لا تنسون .. تروح من كل طالب (( 10 )) ريال .. (( لصندوق الطالب )) (( .. الي ما ندري وين مكاانه .. و أيش هدفه ..)) المهم .. لو اعطيت (( أي بنت )) مكافأتي أول ما تنزل .. و قلت لها روحي السوق .. و اشتري حاجتك و رجعي الي يبقى .. كم بترجع لي ..؟؟؟؟ الأغلب ولا شي .. بتروح الـــ 1000 ريال كلها بــ (( بلوزتين .. و بنطلوون .. و ساعه .. و عطر .. و جزمه عجبتها )) يعني بالعربي .. ما عاد تكفي الألف بهاليومين .. لأن الدنيا ولعت ... و لو جينا نحسب .. كم (( 100 )) بالمكافأه .؟؟ نلاقيها 9 ميات .. و الــ 100 ما تكفي بطلعه وحده .. الحين البزر لا يجي يطلع مع زملائه يقول لأبوه عطني .. لا عطاه ابوه 50 .. قال بابا ما تكفي ... حتى الصغير مقتنع أن 100 ريال ما عاد تكفي .. ناهيك عن ان الطالب يكون بعيد عن أهله ... يعني بيدفع حق السكن .. و المصروف .. و الأكل .. و الأغراض و المستلزمات .. هذا طبعا غير أغراض الجامعة .. و متطلباتها .. لمن يجي دكتور يبي الكتاب الفلاني الي قيمته 200 ريال .. و الي ما يجيب الكتاب لا يحضر لي و يرسب بالماده ...؟؟ بهالحالات الي قلتها ... وش بيد الطالب ..؟؟ يسرق ..؟ يشحذ ..؟؟ طيب مو مشكله .. لو قلنا الطالب مثالي .. و يوفر المبلغ .. كثير تتأخر المكافأت .. و لا تنزل .. و يلطعون الطلاب بالأسبوع و الأسبوعين .. يعني الطالب الي عايش على المكافأه وش حيلته ..؟؟ يضرب الصرافه بيديه و رجوله علشان تنزل له المكافأه ..؟؟ المشكله .. مو مشكلة (( حماقة بدر )) .. المشكله (( أن الدنيا ولعت و غليت و المتطلبات زادت )) أنا مو معنى كلامي أني مع تصرف بدر .. بالعكس .. بدر تصرفه أرعن .. و جاهل .. و لا تهمه الدنيا .. بس انا أقول حتى لو أقتصد الطالب .. (( ما راح تكفي معه المكافأه )) .. و كل القصتين الي كتبتها .. و الحالات الي عرضتها .. حاصله .. و لناس أعرفهم .. تمام المعرفه .. و عندنا بالجامعة .. عسى الله يفك زنقتهم يارب .. و يوفقهم .. بالنهايه .. الشكر الأخت بنت الشمال .. على روعة طرحها .. و اتمنى انها تتقبل رأي بصدر رحب .. و ما تزعل مني .. تقبلوا تحياتي !ارجوك اعفيني! |
| الساعة الآن 09:33 PM. |