|
انــا راســــي كما الصــخـــره
( قصيدة على عجل وعلى الكيبورد - اعتذر إن بدت بها ملاحظات )
انا راسي=كما الصخره
انا راسي كما الصخرة . وانا عندي يهد جبال=انا من عام حذرتك على القسوه تحديني انا ياما نصحتك مير مايقنعك علم رجال=إلين اليوم جربتي عجزتي إنك ترديني علامك مافهمتي القول علم(ن) كل يوم انقال=كلام(ن) كثر ماقلته ولكن مافهمتيني انا ياما صبرت وكنت امدد في هواك حبال=انا كم مرة(ن) جربت اغظ الطرف تعميني بقالي حاجتين اثنين . عجره او اشيل عقال=اعلمكي غرامي كيف اهدد كان تعصيني أحدك في غرامي حــَــد اعلمك الهوى بخبال=اجننكي إلين يصير غصبه عنك تـَـرْضيني صبرت وصارت ايامي لياليها سنين طوال=مشيت الدرب لك ضامي ولاظنيت تسقيني وبدلتي حياتي غير وصار الحال غير الحال=قلت ارجوك يكفي جرح وفوق الجرح زدتيني عرفت الحل وين القاه . كل عقده لها حـلّال=قويت اني اقول القول اقول اليوم حليني نويت اليوم انا برحل وسميني انا الرحال=نويت انهيك غصبه عنك غصبه قبل تنهيني خلاص ايامنا راحت وراح القرب حتى وصال=حتى شوفتك مبغى ولا ابغى فيوم تلقيني خلاص انسي هذاك الوقت وقت ونحسبه جمــّــال=وقت ونحسبه طرقي مصيرك يوم تنسيني |
نايف الشريف
صح لسانك وعلا شانك شاعر مميز ومتمكن مبدع وقدير تقبل مني تحيه وتقدير يالغالي |
نايف الشريف
صح لساانك مليوون 00 شاعرمميز ومتمكن لاهنت أستاذي 00 وتقبل مروري دمت بوود |
اقتباس:
مرحباً اخي الحبيب معدي المراقيب امنيتي ان تكون القصيدة المرتجله نالت على إستحسانك رأيك مهم وزيارتك الاهم لك كل الشكر واتقدير تقبل تحياتي |
اقتباس:
اخي الحبيب في الله إحساس شاعر السلام عليكم ورحمة الله وبركاته اشكرك على زيارتك كلماتك اسعدتني وبها قلدتني وسام افتخر به املي الا تحرمني إطلالتك لك تحياتي وتقديري |
نايف الشريف صح لساااانك ولا هنت ... مبدع كعاااادتك دمت بود |
اقتباس:
صح بدنك اخي الحبيب راعي العلياء اشكرك على زيارتك ودائما اترقبها بحق يسعدني كثيراً مشاهدتك بين زوار القصيدة تقديري واحترامي لك |
اقتباس:
جبال تشم بالدنيا ولا تدري السما تختال =كثير الي رقوا مره ولا شفت التعب فيني ! كثير اللي تمنوا شي لا ياصف ولا ينقال = وانا ما اذكر طلبت إلا جفن لا غبت يرثيني ! على الرمضا هجير ادمى قدم حافي نفته ظلال = ظلام اللي وطى روحي قبل ما اعيشه بعيني تصدق ما بقى بالعمر عمر ولا بقايا اطلال = بقت صرخة وسط صدري تمور وترجف ايديني انا كمني عشان اقدر ازيح من الملام جبال = وانا قلبي مثل عش الحمامه ما يزكيني [align=right]نايف الشريف ‘ صحت بلاعيمك تحيه عطره [/CENTER]‘‘‘ |
اقتباس:
جبال الشم ترضيني . تزفه قول؟ دق طبال=انا قلته حكي مكتوب لو تقريه تقريني تصك الباب انا زيده على الصكه احط اقفال=اصكه لين مايفتح حدوده بينك وبيني سماك وغيــّــمت عني وحايل دون شوفي خيال=انا ما شفت غير اللي نوى بالروح يفديني انا ما اهتم للهرجه انا رجل(ن) وادير اعمال=انا رجل الفعل دايم واشوفك ماعرفتيني احب القول له فعله واحب إن الفعل ينشال=احب اللي بدا بالفعل لا تممه يشفيني كلام وماملا عيني واشوفه خارج الإرسال=علم(ن) مايجيب الفود حتى مايعشيني انا جوالي إرساله ترى مافيه استقبال=انا اغطي كلام اللي نوى عقبي يغطيني اعرف القول لا قلته واجيب العيد في شوال=انا ما ني عقب غيري يـعـيــّــد ثم يمديني هجير الشتاء صح لسانك الف ماشاء الله بارك الله قمت الإبداع والتألق ومني مجرد مجاراة لا اكثر تحياتي وتقديري |
بقالي حاجتين اثنيـن . عجـره او اشيـل عقـال اعلمكـي غرامـي كيـف اهــدد كــان تعصيـنـي ياي يقاسي انت >>> فيا عجر وفيها عقال اي حب هذا مدري وش هههههههههههههههه من جد القصيده رائعه واستمتعت فيها بس فيها بالفعل راس يابس وعنيد>>>> مودتي |
| الساعة الآن 11:57 PM. |