منتديات الـــود - انواع الشباب في اغلب البلاد العربيه........ لايفوتكم

السلام عليكم
اليوم جايبلكم موضوع انشاء الله يعجبكم

أنواع الشباب .. في أغلب البلاد العربية

وبالتحديد دول الخليج

1-نوع لاهي بالكره وكل يوم عنده لعب ويطلب احدث انواع احذية الرياضه
من الانترنت ويكون متعصب على نادي اوروبي

2- نوع توه مطلع اجازه سياقه وتشوفه راكب سيارة الوالد المهم سيارة يسوقها ويلزق عليها لزقة انيرجي يعني انا كووول وغالبا ما يخاف من
الدوريات من يصيدوووه

3- نوع مافي معرض بارض المعارض الا تشوفه موجود يحوووس فيه ويموت على التلزق بالبنات ولي شافه احد من اهله هناك قاله والله جاي اشتري كتاكيت ملونه حق العيال.......نصااااااااااب

4- نوع بوهبه يوم شاريله طراد يوم يشتغل بالعقار ويوم يدخل شركة بزنس
ويوم يدخل النت ويوم يطير حمام ولا يطيح في قهوه مع ربع جدد......الله يرحم بحاله

5- نوع هوايته شي اسمه قز تلاقيه كل شوي عنده موتر جديد والولد ساكب
ذيك السكبه والبنات يستخفون عليه ولما يشيكون على سيارته يطلع
مأجرها من محل اجار سيارات

6- نوع حده كافي خيره شر الناس وتلاقيه مايطلع من بيتهم الا حق الدوام
بس وبالليل يقعد بالقهوه مع واحد من ربعه ليه قاعدين مادري...
والتلفزيون ليلحين عرب سات بعد

7- نوع يجمعله معاش كم شهر وياخذ اجازه عشان يسافر تايلند ولا
المغرب وتكون خرابيطه كلها بره الديره ولي رجع قالوا فلان والنعم ...
والحين هابين في كرواتيا وصربيا حق الرخص

8- نوع غرامه انه يتعرف على البنت ويجذب عليها انا ولد فلان الفلاني وعندي سياره اخر موديل بس بعتها واخر شي يطلع موشيء ..
الله المستعان

9- نوع مايطلع من بيتهم تلاقيه 24 ساعة طايحله انترنت وينام لي شق
النور وكل همه يرقم بنات ولا يشتري عود ويدندن في البال توك والبنات
الللللللله بعد بعد غن وتتولع فيه البنت بس مو راضي يوريها شكله

10- نوع كل مره ياخذ قرض ويسدد فيه قرضه القديم بحجة انه يبي يسوي
مشروع واخر شي طاق التذكره وطاير وطارت الفلوس وطار المشروع

12- نوع يموت على ملاحق البنات ومتعته لما البنت تطيح فيه سب وتلعن
ابو خامسه والحبيب مبطل الكشره ويتضحك كنه يقول لها بعد سبيني ....
وين كرامتك طال عمرك !!!

13- نوع لي صك عمره 40 لبسلك ذاك القميص والبنطلون والكاب عشان
يخش الصلعه وشال الشنب وصبغ الزلف ويتفرفر من كافيه لي كافيه
... ياخي مايصير تاخذ زمانك وزمان غيرك

ههههههههه موضوع عجبني ان شاءالله يعجبكم تقبل تحياتي الــمــهــاجـــــر