|
*·~-.¸¸,.-~*ديــوانيـــــة شبـــــــاب الـــــــود*·~-.¸¸,.-~*10-1-1429هـ
/ \ السلام عليكم ورحمة الله وبركاته ،،، صبـاحـ \ مـســاء الورد على ابضايات الـــــــود،، بما انا فتحنا هالديوانيه وكان هدفنا طرح سؤال كل جمعة لتتناقشوا في الامور اللي تهم الشباب من جميع النواحي،،، اليوم راح نسولف عن موضوع يخص الشباب السعوديين حيل وسالفتنا اليوم هي ( قطة الاستراحه او الشقه ) طبعا كل الشباب يكون لهم استراحه او شقه يستأجرونهم عشان يقضون فيها وقتهم بعد الدوام ويسهرون بها وقت الويك اند .. . اسألتي: وش ردة فعلك اذا ارغموك الشله انك تدفع القطه معاهم بالاستراحه او بالشقه والكل عارف انك ماتجيها دايم ؟ وش بتسوي اذا كان فيه واحد يقرب لواحد من شلتكم ويجي يوميا يوميا وهو مايحط ولا ريال ؟ هل تعتبر ان الجمعه دايم بالشقه او بالاستراحه روتين ممل او حاجه ممتعه ؟ واصحاب الشان لهم حرية السوالف بديوانيتهم يعني احنا فتحنا لكم المجال للسواليف بهالموضوع وانتم جاوبوا على الاسئله وحاولوا تحلون مشاكلها واذا فيه نقطه احنا غفلنا عنها تقدرون تحطونها وتتناقشون بها ملاحظه: / \ بما اني انا ونسايمـ ليل بنوتات والديوانيه شبابيه راح نخلي النطاق مفتوح بس للشباب واحنا راح نراقب عن بعد .. اي مشاركه لاي بنوته راح تحذف |
اشكر كلا من روبي ونسوووومه ع الديوانية الرائعة التي تتناول كل مايخص الشباب
موضوع رائع الا وهو قطة الاستراحة والشقق وش ردة فعلك اذا ارغموك الشله انك تدفع القطه معاهم بالاستراحه او بالشقه والكل عارف انك ماتجيها دايم ؟ الصراحة لازم يكون هنالك قطة وليس هنالك من يرغمك ع القطة كل وله مزاج يبي استراحة وجمعه شباب يقط مايبي لانشوفة بالاستراحة هههههههه ولا بعد الي تقهر اذا صار واحد يجي للاستراحة وهو ماقط معانا تشوفون انواع القز فيه لين يقوم ههههههههههه وانا الصراحة مع اصحابي في الاستراحة قاط معهم بس اجيهم يعني فترة مابعد المغرب الى فترة النوم احيانا وش بتسوي اذا كان فيه واحد يقرب لواحد من شلتكم ويجي يوميا يوميا وهو مايحط ولا ريال ؟ والله احراج انسحب من القطة ههههههههه لا عادي عندي انا بس يمكن عند غيري يخربها معه ههههه هل تعتبر ان الجمعه دايم بالشقه او بالاستراحه روتين ممل او حاجه ممتعه ؟ الا طفش لان يعني يوم السبت دوامات ولازم الواحد ينام بدري احسن يوم يوم الخميس فلة ويوم الاربعاء الا وش احسن لعبة موجودة في الاستراحة او الشقة نلعبها احنا الصراحة نلعب بلاستيشن و كرة قدم واحيانا نلعب مصارعة تصفيق مع بعض ههههههههههه تسلموووووووووووووون يا احلى ثنائي في المنتدى والله لايفرق بينكم ارق التحية لكما |
~*¤ô§ô¤*~*¤ô§ô¤*~~*¤ô§ô¤*~*¤ô§ô¤*~ |
الموضوع مستمر اسبوع اخر
|
السلام عليكم و رحمة الله و بركاته ألف شكر لما نسوووومهـ و روبي على هالتميز في اختيار المواضيع التي نتناقش فيها . نرجع لمحور حديثنا << و الله و صررت مثقف ياولد هههههههه وش ردة فعلك اذا ارغموك الشله انك تدفع القطه معاهم بالاستراحه او بالشقه والكل عارف انك ماتجيها دايم ؟ بالنسبة لهالنقطة و الحق يقال أني إذا كنت مع الشباب داخل في القطة لازم أدفعها لأنه مو ذنبهم أني ما أجي لها دايم إذا ما أبغى أدفع لا أدخل بالأساس . و هذي محل خلاف في كثير من الإستراحات و منها استراحتي لكن و لله الحمد اتفقنا على أن اللي ما يبي يدفع لا يكون معه مفتاح الإستراحه . بس يسير علينا إذا كنا موجودين و نسحب منه المفتاح و مو ذنبنا أن الشخص يدخل معانا الإستراحه و لا يجي و بعدين يقول ما أبغى أدفع . وش بتسوي اذا كان فيه واحد يقرب لواحد من شلتكم ويجي يوميا يوميا وهو مايحط ولا ريال ؟ و الله يا خواتي هالموضوع حساس بالمرة لأنك تخاف تتكلم و تخسر صاحبكم قريب هالغثيث . لكن اللي سويته أنا مع واحد مثل هذا أني كلمت قريبه و قلت هالرجل تراهـ صار منا و فينا و قلتله لازم يدفع معنا قيمة ( الشاهي و السكر و الغاز ... إلخ ) بس بدون أن يدفع معانا أجار الإستراحه . يعني يدفع قيمة ما يشرب و ياكل بس ما يدخل معانا في الإستراحه و لا يكون معه مفتاح . هل تعتبر ان الجمعه دايم بالشقه او بالاستراحه روتين ممل او حاجه ممتعه ؟ بالعكس أنا أشوف أن هاليوم هو اليوم اللي نجتمع في بالاستراحه لأننا بالإستراحه تقريبا لا نرى بعضنا في غير هاليوم . بسبب تفرقنا لأنه منا من يشتغل في العاصمة بالرياض و لا يأتي إلا بالويك إند واحد من الشباب يجي الإربعاء لأنه مدرس . و الثاني يجي الخميس بالليل و يرجع الجمعه بالليل لأنه موضف قطاع خاص . و اثلاثة منا في نفس المدينة ( الزلفي ) ( ملاحظة الزلفي تبعد عن الرياض 300 كم باتجاه القصيم ) يعني جمعتنا غالبا ما تكون الخميس و الجمعة بالذات . و بالنسبة للعب فو ملك الألعاب ( البلايستيشن ) كرة قدم تحدي و تنافس يكون أحيانا فيه تحدي بين اثنين على أن الخاسر يعينا هههههههههههه:biggrin: و في الأخير أشكركما مرة أخرى على هالموضوع و شكر خاص لروبي على الدعوة للمرور هنا . لكن المنتدى هاليومين مدري ايش فيه ؟ ذبحني لين قدرت اخش هنا و أشارك . تحياتي لكم . |
الــســلام عـــليــكــم << كيفكم ياشباب واش اخباركم زمااااااان والله . لاحد يقوم من مكانه كلن يستريح حلفت عليكم والله ههههههههههه <<< لاحد يضحك عادي واحد داخل ديوانيه ربعه يعني تبوه يخش ويقول هاااااي ؟ غير يطردوه يقولوا بيجيب لهم الشبهه . :biggrin: أولا نشكر مشرفاتنا المميزات دائما روبي % نسووومه على مجهوداتهم الحلوة ومواضيعهم الرائعه والشكر زايد حبتين لمن اعلمنا بالموضوع يعني وارسلنا الرابط لأن مثل ماتعرفوا المنتدى له كم يوم بردان والدخول صاير شوي صعب يعني والواحد ماعنده كل المستجدات . بالنسبه لموضوع الديوانيه او الاستراحه اعتقد انها منتشره جدا الان بين الشباب ويعني هي اعتبرها حلوة يجتمعوا فيها الشباب ويضيعوا فيها اوقاتهم بدل الجلوس بالشوارع واذية خلق الله . لكن بالنسبه لي انا مالي فيها صراحه ولاني مشارك في اي استراحه ولا اي شقه شبابيه يعني ..... . يعني الناس اجناس واذاوق مختلفه . طبعا راح اجاوب عالاسئله لو يعني كنت مشارك في استراحه راح اكتب اجوبتي وكيف راح اسوي وقتها . وش ردة فعلك اذا ارغموك الشله انك تدفع القطه معاهم بالاستراحه او بالشقه والكل عارف انك ماتجيها دايم ؟ اعتقد ان الاغلب ماراح يسوي مشكله يعني عادي بدفع , ولو حتى يمكن ما اجي الا مره وحده بالسنه كلها المهم اني لما اجي ماحد يطالع فيني نظرات غريبه وكلهم يبون يقولولي لو تدفع يكون احسن يعني افضل اني ادفع حفاظا على ماء الوجه يعني . وش بتسوي اذا كان فيه واحد يقرب لواحد من شلتكم ويجي يوميا يوميا وهو مايحط ولا ريال ؟ انا شخصيا راح اسوي ولا كأني اشوفه ماعلي منه اخلي اي احد يكلمه ولو طولها يعني وصار كل يوم يجي اكيد بنرسله واحد من الشباب يكلمه والا يكلم قريبه يعني يشوفله حل مايصير نصرف عالناس احنا ببلاش يجي ياكل ويشرب ويجلس وكلو على حسابنا احنا . حراااااام . هل تعتبر ان الجمعه دايم بالشقه او بالاستراحه روتين ممل او حاجه ممتعه ؟ بالنسبه لي اعتقد لو زادت عن حدها وصارت كل يوم كل يوم اكيد بيصير فيه ملل وعلى حسب مانسمع انه فيه ناس تحسه من اول كاره بيتهم ماصدق دخل مع الشباب ودفع خلاص تجي اي وقت تلاقيه منسدح مسكين يايتفرج والا نااايم والا واقف مع البلكونه يدور احد ينشر غسيل والاشي هههههه<<< فالاسكندريه الاخ:biggrin: . بس يعني حلوة تكون كل شهر ووالا فالشهر مرتين او ثلاث يجتمعوا فيها الشباب ويسهرو وينبسطو يعني . وهي عموما والله احسن بكثير من الجمعات بالشارع ومضايقة الناس والجيران . اخيرا يسلموووو لصاحبات الموضوع على موضوعهم المميز ولكم منا المتابعه انشاء الله . وسلمت اياديكم والله <:biggrin:<لو بس تسمحولنا ندش ديوانيه الصبايا نشوف ايش عندهم اخاف يتكلمو علينا واحنا ماندري ؟ ؟ ناوي يتنكر ويلبس عبايه ويمركم هناك تروا ..انتبهو بس . خربها فالاخر ههههههههه تشاو. |
موضوع جميع ورائع روبي لي عوده بأذن الله |
اشكر كلا من روبي ونسوووومه ع الديوانية الرائعة التي تتناول كل مايخص الشباب موضوع رائع الا وهو قطة الاستراحة والشقق وش ردة فعلك اذا ارغموك الشله انك تدفع القطه معاهم بالاستراحه او بالشقه والكل عارف انك ماتجيها دايم ؟ والله صارت معي لاني ماجي الاستراحه الا ايام الويكند بعد مو كل اسبوع في الاول كنت اقط معاهم عادي مايهمني بس بعدين غيرنا الاستراحه وماعجبتني بصراحه ومعاد لي نفس اجلس فيها يعني بالعربي وحيشه ههههههههههههههههه جاء وقت التجديد واحرجوني الا اقط معاهم علما اني المفروض ما اقط معاهم لاني ماجلس فيها مثلهم المهم اني انحرجت وقطيت بس تصدقون لي الحين مايقارب الشهرين من جددنا وللحين ماطبيتها خلاص النفس طابت بعد قطه والاستراحه نص استواء مايصير ..... :::::::::::::::::::::::::::::::::::::::::::::::::: :::::::::::::::::::::::::::::: وش بتسوي اذا كان فيه واحد يقرب لواحد من شلتكم ويجي يوميا يوميا وهو مايحط ولا ريال ؟ بالنسبه لي والله عادي قط ماقط مايهمني اهم شي عندي يكون مهضوم اولا يعني مو غثه حكي كثير ونصب كثير وماعنده ماعند جدتي بعدين اتوطا في بطنه وفي بطن ولد عمه ههههههههههههههههههه اخس ياقرنديزر :::::::::::::::::::::::::::::::::::::::::::::::::: :::::::::::::::::::::::::::::: هل تعتبر ان الجمعه دايم بالشقه او بالاستراحه روتين ممل او حاجه ممتعه ؟ والله بالصراحه ممل للغايه :::::::::::::::::::::::::::::::::::::::::::::::::: :::::::::::::::::::::::::::::: الا وش احسن لعبة موجودة في الاستراحة او الشقة نلعبها احسن لعبه بصراحه البلي ستيشن بعدها البلوت اشكركم كثير الشكر ع مجهوداتكم في سبيل التميز في منتدانا الغالي الشكر والتقدير لكل من اختي نسايم ليل وروبي ع الدعوه والشكر لي ع القبول تحياتي ،،،،، كايدهم |
اشكرك اختي روبي على الموضوع والفكرة اللي نادر ما نشوف مواضيع مشابهه له وما ابي اكثر كلام ادخل على طول بالاسئلة ااول شئ اذا كان مثل ما تقولون انا ما اروح لهم الى من كل فترة الى فترة ليش ادفع انا مني مجبور على هذا الشئ وما اعتقد ان في احد يبي يجبرني على الهذا الشئ لان الحمدلله تقريبا كل اللي اعرفهم عالم واعيه ومتفهمه واذا ما فهم يزعل بكفيه واذا بغيت اروح ابي ادق عليهم واستاذن منهم وطبعا راح اعطيهم حق هذا اليوم طبعا في البداية بيكون مرحب فيه مره مرتين ثلاث اربع بعدها بدون اي احراج ابي اقوله قطتك ما عجبه الوضع يطلع برا بدون اي زعل <<<<<<<< ما عنده لف ودوران بالوجه يعني وش ذنب اللي دفع قطه وهذا جا ببلاش وش الفرق بينهم والحق الحق وبالنسبة للسؤال الثالث: طبعا مثل ما يقولون كثر السلام يقلل المعرفة يعني هي حلاتها مره كل اربع شهور يعني انا اذكر طلعت انا وعيال الجامعه وكان منهم ارجوك اعفيني واخوي كلي احساس والله ما اذكر انه مرت علينا دقيقتين بدون ضحك لدرجة واحنا على الغدا محد تغدا من سواليفي انا وكلي احساس بلاي ستيشن وكورة وسباحة وشغلنا المسجل ووهاتك رقص وبلوت وطائرة واي شئ يخطر في بالكم والحين العيال يكلموني يقولون شف لنا استراحة ثانية وان شاء الله الاسبوع الجاي على خير واللي يبي يجي الله يحييه |
وش ردة فعلك اذا ارغموك الشله انك تدفع القطه معاهم بالاستراحه او بالشقه والكل عارف انك ماتجيها دايم ؟ انا انسان احب طلعات الشباب وقطاتهم بذات اذا كنا مجموعه كبيره بس يوم الاربعاء والخميس واحياننا تصير لنا هبقات ونسافر شرما او ضباء او حقل حسب الوقت وعادي ادفع لهم القطة وش بتسوي اذا كان فيه واحد يقرب لواحد من شلتكم ويجي يوميا يوميا وهو مايحط ولا ريال ؟ اذا واحد ولا اثنين ما تاثر لان القطة مدفوعه مدفوعه واكيد عنده دم واحساس لازم يحس بهذا الشي هل تعتبر ان الجمعه دايم بالشقه او بالاستراحه روتين ممل او حاجه ممتعه ؟ اذا كانت يوميا اكيد بتصير روتين ممل اما اذا اسبوعيه فاعتقد لا وبالنسبة للالعاب الي نلعبها تركس طرنيب شطرنج طائرة ملاحظة الفصفص لابد من وجوده والى المزاج يخرب واشكر روبي ونسايم على الموضوع الرائع واقول لهم دائما للافضل الفارس الرومنسي |
| الساعة الآن 12:51 AM. |