آه من قلبي اللي فيه مثل السعير=عقب مريت دار غاب سكانها
وآه من طرف أمسى عقب خله سهير=ونفس من عقب فقده زادت احزانها
وآه من طيرلج الصوت عند الغدير=زلزل الروح لين إختل ميزانها
وإن بغيت أتحرك ماقويت المسير=تضرب خيول هاجوسي بميدانها
مثل طيرجناحه مايشيله يطير=وإلادار هديمه طاحت أركانها
أوصويب ورى الغاره وجرحه خطير=والعدو مركز البندق ونيشانها
أو وحيد من الأقراب ماله نصير=حدّه الوقت والدنيا وأزمانها
وإلاغصن تلوفه ريح صبح وعصير=أوغريب تمنى الدار وأوطانها
عقب فرقى خفيف الظل قلبي حسير=صرت في شان وأهل الدار في شانها
يانسيم البوادي لو تكرم تسير =خذ رساله وهذا وصف عنوانها
تلتقيهابوادي فيه من كل خير=والبساتين مالت يانع أغصانها
والزهور النديّه فاح منها العبير=كل زهره تناجي سايرأخوانها
تلتقي الزين قله يالرسول البشير=القصيده بعدكم ضاعت أوزانها
قول صاحبك عقبك بين برد وهجير=ميرعهد الوفا والود ماخانها
حافظ الود غيرك مابقلبه خشير=وأنت للنفس مشهاها وسلطانها
خابر إنك عن الزينات ياشوق غير=وخابرإنك من الأنداد ريحانها
منتظر عودة الغيّاب مهما يصير=هم دوى للقلوب وكل سلوانها

المشاركة الأصلية كتبت بواسطة عزتي هي راس مالي مثـل طيرجناحـه مايشيلـه يطيـر....وإلادار هديمـه طاحـت أركانـهـا أوصويب ورى الغاره وجرحه خطير...والعـدو مركـز البنـدق ونيشانهـا أو وحيد من الأقراب مالـه نصيـر...حـدّه الوقـت والدنيـا وأزمانـهـا وإلاغصن تلوفه ريح صبح وعصير...أوغريـب تمنـى الـدار وأوطانهـا الطلحي.... الله عليك... شهادة حق ... انت مبدع ... ابهرني جمال التشبيه في هذه القصيده..... لله درك ودر بوحك ايها الشامخ..... صح لسانك ملايين يالذيب... لاعدمنا هذه الروعه....