|
مو من قبيلتك تخطبها ؟؟؟
ظاهره منتشره بمجتمعنا ولا تخفى على احد .......... الولد ماله الا بنت عمه ,,,,,,,, والبنت كذلك طيب اذا مالها عيال عم ,,,,,,,, لابد من نفس القبيله,,,, او نفس المنطقه عن نفسي اقول...... بنت عمي ماتهنا لي وبنت خالي ماهي ببالي ( علما ان امي من قبيله و ابوي من قبيله اخرى ) وكثير ما اتعرض لاستغراب اصدقائي اذا شافوا عيال خالي معاي وعرفتهم عليهم.... هل في هالموضوع عيب ...او غلط... وعلى فكره تراي استفدت من هالشغله كثير ,,,,,,, صرت بين قبيلتين ... عمامي يفزعون ....وخوالي يفزعون .... ... وقت الحاجه . |
وانا افزع يافهد لو بغيت ههههههههه
مشكور على الموضوع الرائع ..فعلا هذي الظاهرة موجودة الى الآن بس بنسبة قليلة عن اول اساسا ماكان لازم ولا حتى مشروع بأنظمة القبيلة والدليل امك وابوك الله يخليهم لك...بالنسبة لي قبيلتنا متفتحين من هالناحية والحمدلله يعني البنت لو خطبها واحد من برا القبيلة والبنت موافقة ماعندهم مانع بس شرط ان يكون قبيلي طبعا... بس انا اتوقع لاننا حنا البدو تعودنا على سوالف الحمية وانه هذا من لحمي ودمي وعلى قولتهم( ولد عمك إن ماحبك رحمك) الاهل متفهمين لأبعد الحدود بس يبيلهم شوية اقناع وبعدين انت ماعندك مشكلة من هذي الناحية لانهم هم اساسا مختلفين بالقبايل...تحياتي للوالد والوالدة... |
موضوع عاوز مناقشة
|
شكرا (مطفوقه بثقل) على مرورك وابداء رايك
اخوي (دامبيش) شكرا لك |
يعطيك العافيه اخوي على الاستفسار الجميل
وقال الله عزوجل في محكم تنزيله انا جعلناكم شعوبا وقبائل لتعارفوا.. والالفه تحصل بعد التعارف وهذا شيء لاغبار عليه وقضيه الالزام ببنت العم او ولد العم شيء طبعا خطاء وانتهاء مع انتهاء اصحابه من الجهله وانا ارى ذالك واضحا جليا في احوال الناس وخير مثال لك اسرتـك التـي تتـكوٍن من قبـيلـتـين فبارك الله لك في واللديك 0..ولاحرمك مـن رضـاهـمـ..0ياقـرٍة اّعيـنـهـم اخـوٍكـ/ راّكـان.بنـ..0تـرٍكـي ..0 الخـالّدي..0 |
أتوقع ان هذه المشكلة التي كنا
نعاني منها جميعاً أصبحت تتذاوب بين اكثر القبائل افضل من السااااابق يعني تقدر تأخذ من قبيلة غير قبيلتك ولكن بعض القبائل لا زالة متشدده مشكوور يا أخي الفاااضل على موضوك الجميل ودمت بخير أخــــوك خــــيال نــــجد |
الله يبارك بعمرك اخوي راكان واشكرك على مرورك
مشكور على المرور ( خيال نجد) |
مشكور اخوي ماقصرت والله يعطيك العافيه على الموضوع المهم
فعلا رغم التطور مازالت في عادات وتقاليد هي غلط وماهي صحيحه ورغم مجبورين نتبعها \\ لان هذي عادات وليس لها اصلا في الدين لنفرض ان البنت ماتبي ول عمها ولاينا سبها عضب تتزوج وتظل طول عمرها تعيسه والله حرام حمدالله ان ماعندي ولد عم اتمنى لك دوم التقدم والابداع اختك كلي انووووووووووووووووووووووووووووثه |
مشكور اخوي ماقصرت والله يعطيك العافيه على الموضوع المهم
فعلا رغم التطور مازالت في عادات وتقاليد هي غلط وماهي صحيحه ورغم مجبورين نتبعها \\ لان هذي عادات وليس لها اصلا في الدين لنفرض ان البنت ماتبي ولد عمها ولاينا سبها غصب تتزوج وتظل طول عمرها تعيسه والله حرام حمدالله ان ماعندي ولد عم اتمنى لك دوم التقدم والابداع اختك كلي انووووووووووووووووووووووووووووثه |
العيب ليس في زواج القرايب أو الزواج من نفس القبيلة
العيب في إجبار الشاب أو الشابة على زواج غير متراضيين عليه أنا كنت افكر زمان إني آخذ من برا العيلة .. لكني الآن افكر وبجدية إني آخذ وحدة من بنات خيلاني .. مقنص عليها وقاعد اشيك على طباعها وتصرفاتها .. بدون تجسس .. وبدون مصخرة لكني اتصيد .. وشي لك وشي عليك |
| الساعة الآن 10:29 PM. |