عبث والليل ينسج من تباريح السهر /.. تعبير !
............ وانا /..... ماكني الا سطر فاضي وإنته القرطاس !

خذاني طيفك البارح /... على (حلمٍ بلا تفسير )
............ بقت بعض السوالف والعيون بحضنها /.... جلاّس

أحبك تعني إنت اللي مبروزني بلا /..... تصوير
............ أحبك /..... تعني إن الحب شوك وصدّك الغرّاس !

تجي نلبس غيوم ونفتّرش أحلامنا /...... ونطير
............ نطش /.... إفراقنا خلف الشفق ونداعب النسناس

لك الله من رحلت وكل شي فيني صحى /... بكيّر
............ دخليك /.... طف بُعدك وجه شوقي مالفاه إنعاس

وحيد /..... إتهزني ريح إنتظاري وأنثنى التفكير
............ قبل لاينكسر غصن المشاعر إنكسر بي /... ناس

أصحّي ضيقتي وألبس ملامح صدمتي /.. وآسير
............ على /..... قاع الشقا تلفحني العبره وانا حساس

ترفرف /.. عالي إمتوني ملامه والضلوع إتحير !
............ يوسوس لي عن ايامي بدونك /... بالحشا خنّاس

يبلل ذابل أطرافي سكون وحيره /....... وتأثير !
............ وأدور /. في شفاهي عن شفاه اليا حكت نبراس

متى كان الفرح يضوي دجى ليلي ( وحظي زير !
............تعثر من على صهوة جواده / وإنكسر به ساس )

خذتك اللامبالاةُ وسهرت إجمع لك /...... التبرير
............ سرى /... وقتي وانا في داخلي حيره بليا راس

تعبت آستنشق ايامي بدونك /..... وأمتلي تخدير
............آحسب /.... إليا تخدر كل مافيني يطيب الباس !

وانا كم قلت لك صدري حديقه وإختلاجي / بير !
............ نويت أزرع بها حلمي ولكن شف نبت لي فاس !

نثرت لشوفتك حفنة أماني وازهرت /..... نوّير
............تصدق /..... ماهقيت اللي نثرته بالجفا ينداس !

خنقني كف حزني وأرتفع صمتي امام /.... الغير
............ وسال /. إمن العيون أسراب جرح وآه ماتنقاس

صحيح إني أجوعك بس طبعي أكره /.... التبذير
............ تعال /.. وهات لي كاسة حنين وكسرتين انفاس

عشاني أوقد شموع التلاقي وإخمد /... التأخير
............ حزينه ساعتي /.. نامت على كوع الرجا والياس

انا فرصه /.. على درب العنا ضاعت من التقصير
............ وانا جملة حزن فاحت مآسي وإختنق /.. كرّاس

خذاني : عاشقٍ يقرع شعوره /..... للوفا سِكّير !
............ رماني /.. شاعرٍ خالط حروفه ثلج وسط الكاس

يطيح الشوف من محجر عيونه مالقى له /.. طير
............ تسلق به شحوب /.. ومد كفّه يقطف الـ لاباس

وش اقسى من يضم الخوف يدّه والحروف إتغير !
............ تشوفه يعجن اوهامه طفل /.. لعبوبته وسواس

أبد ماهو خطاه إنه دفن ضيمه /....... وقال بخير
............ خطاه إنه /. رضى يسقيك حِبه والعروق إيباس


رآقت لي بالحيل
عن اذنكم بطلع


مـ الشوق ـلاك

يُحدثوننّي عَن [ الحُزن ] فـ. أبتسِم ،
لا أحد تجرّع مرارة الحُزن و نخَر بِه مِثلِي !

يُحدثوننّي عَن [ الخَوف ] فـ. أبتسِم ،
لا أحد أرهقه الخَوف و شطرَهُ مِثلِي !

يُحدثوننّي عَن [ المَوت ] فـ. أبتسِم ،
لا أحد إبتاغهُ المَوت و صُدِمَ مِنهُ مِثلِي !

كلمات القصيده روووعه




الصدر ضايق والجفن سد عالي
يحبس وراه أسرار وأحزان ودموع


أجلس مع أخواني وكنّي لحالي
أتصنّع البسمات والقلب موجوع


وأنا كذا من سبعة ايام حالي
من بعد ذاك إللي هجرته من اسبوع


له أربع سنينٍ وهو راس مالي
ويمشي معي دايم على السمع والطوع


ياكان يعشقني ويعشق ظلالي
وياهو في موق العين والقلب مطبوع

أذكر مواقف بيننا في خيالي
ثم اتبسّم وأكتم الدمع واللوع

مليت من تمثيل دور المثالي
إللي يشوف الشوق والحب ممنوع

ياخوي أنا مانيب رجال آلي
هيكل من الفولاذ والصلب مصنوع

صحيح أكابر لو الأحزان فالي
وأتظاهر الشبعه وانا ميتٍ جوع

لكن إذا حنيت لأنسان غالي
طبعاً بحس بحالة الضيق والروع

تبغى الحقيقة عاد؟ ماكنت ابالي
كنت أحسب أنه يشبه الغير فالنوع

ويوم فقدته قلت شللي جرا لي؟
وقام الخفوق إيوّن وابصوت مسموع

وشفت الليالي غير ذيك الليالي
شفت المجرة لكن البدر منزوع

أحيان أعزز في لقاه إحتمالي
وأحيان احس أن الأمل صار مقطوع