|
مسائكم جنه قطافها دانيه
عذرا لكتابتي في الرد السابق فقد كانت ناقصه وقد كنت على عجله من امري |
بين الحين والحين اجدني أشتاق ألي
شعور غريب أليس كذلك في كل يوم يمر علي اتعلم شيء جديد دروس الحياه جمّا والفطين منا من يستفيد للصداقه في عالمي عنوان اخر فهي عربون قوي يصعب علي التخلي عنه ولكن كما قال لي بعض الأصحاب انتي مختلفه اعلم ذلك واعلم مدى اختلافي وتميزي فعلاقاتي مع احابائي ليس مبنيه على مصلحه او وقت وأرحل حدث معي امر تيقنت بعده بأن الصديق الذي بمنزلة الأخ يختلف عن صديق فقط لكل احد مفهومه الخاص ولي مفاهيمي الخاصه لاأحب ان اعتذر مادمت لم اخطأ في حق احد وان رحل عني البعض فرصيدي مليء بالصداقات ولاأحتاج لأحد فهناك الكثير هم من يحتاجونني كثير من امثل لهم الحياه الكثير من لايستطيعون العيش من دوني حصل لي موقف بين اسوار الجامعه وبحكيها بالعامي عشان ماتقيدني الفصحى اخاف بعض الألفاظ ماعرف اكتبها بالفصحى ^_^ طبعاً حصلت مشاده كلاميه بين صديقتين بالقروب في الجامعه وصارت بينهم مشكله فوحده منهم زعلت على الكل وسبت وشتمت طيب انتي زعلتي مع وحده الباقي وش دخلهم مر اليوم عادي ومعاد شفت البنت من بكره كنت جالسه وأقرآ كتاب على بال ماتبدى المحاضره دخلت ولا سلمت ولا تكلمت وجلست طبعاً انا عادي ولا كأني شفت احد كملت اقرأ كتاب عصبت هي يعني هي كانت تبي أسألها شفيك ليش معصبه يعني غلطانه وتبين نصالحك مثلاً المهم شافتني مالقيتها بال قامت ودفت الكرسي وطلعت وهي معصبه لأني دايم انا احب اسأل البنات لمن اشوف وحده تعبانه فيها شي المهم جا عقب وصارت تناظر نظرات مالها داعي ولمن تدخل القاعه تجي تجلس بدون سلام ولا كلام تبي احد يراضيها طبعا فأرسلت لي رساله مثل الي تقول وتعاتب وترمي كلام انو للأسف انا انصدمت من صديقات وان خساره الوقت الي عطيتهم وان وان انا وقتها ضحكت مررره مرره دخلت من بكره الا هي جايه بدري قبلي وجالسه مديت يدي سلمت عاد هي ابتسمت تحسب بجي أجلس جمبها أراضيها رحت جلست قدامها فتحت مصحفي جلست احفظ قرآن لأن عندي اختبار رجعت عصبت وطلعت من القاعه وهي مره اكثر شي معصبه وانا برود يصيبني مو لشيء بس لأن الحمدالله ماغلطت ولا سويت شي غلط بدأت المحاظره دخلت الدكتوره فجأه الكل ساكت قالت تعالي ملاك انا ناظرتها مثل الي خير وش تبين وبنفس الوقت خفت انو وش تبي فيني الدكتوره والقاعه 130 بنت مافي الا انا جيت عندها واحس كل البنات يناظروني قالت ابي تحضرين البنات والي ماتسمعين صوتها وهي تقول نعم غيبيها بديت اقول الأسماء لمن وصلت اسم البنت الي هي زعلانه قلت أسمها وجن جنونها يعني هي تقول انو تدرين انو انا جايه وش له تقولين اسمي حضري وبس ارتفع ضغطها وانا من جوا نفسي فيني الضحكه لمن جلست يقولون صاحباتي انو ترا هي عصبت تقول تستهبل ولا تستهبل ليش تقول اسمي طبعاً هي لمن الحين زعلانه واذا ارسلت رساله للي عندي بالجوال تحاول تتكلم ترد تبي انو اكلمها بس ماتعرف انو انا عنيده وخصوصاً في هذي الأمور لأني تعلمت مادمت ماأخطأت في حق احد مستحيل اعتذر ولوكنت مخطئه ماأنتظر احد يقولي أروح لحالي وهي تعرف انها غلطانه تدرون ليش لأني اشوفها كم مره تحاول تكلمني تحاول تتقرب ومن هنا اقول لها لست انا التي سأخسرك بل انتي من خسرتني لأنك لاتعرفي معنى الصداقه الحقيقي فمهما بحثتي عنها لن تجدي احداً مثلي يطبقها لاأقولها غروراً ولكن هي شهادات موثقه من صديقات لأكثر من 16 سنه ومن اخوان لي ربيت معهم طول عمري عاشرت ناس حسبالي ان العشره معهم تدوم مادريت ان مفهوم العشره عندهم لعبة كراسي والخسران منهم يقوم هذه الأيام مشغوله كثير وماألقى وقت ادخل النت واذا دخلت يكون عشان واجبات بحوث للجامعه اعتذر عن غيابي وبعد مده عن منصب الأشراف فلربما هناك غيري يستحقه موفقين ولي عوده قريبه بأذن المولى |
:b100: مسائكم خير اكثر كلمه أرددها الحين اوف مليت تعبت متى اتخرج ويطيبون خاطري ويقولون هانت هانت خلاص بتتخرجين :al-wed: بصراحه ظغط مرره وصايره عصبيه لو احد بس يطلع للباب صوت وهو يدخل علي ياويله ومسكين وأرحمه والله يكون في عونه احط حرة الكتب الي قدامي فيه :biggrin: الله يسهلها من عنده يارب لبى جدتي الي تقول: لابوها من دراسه الي تسحب عيونتس وعقلتس اتركيها وانا امتس واذا رسبتي عااادي تنجحين السنه الجايه مهيب طايره الدراسه :tongue: اهم شي صحتس وانا امتس أستغفر الله الذي لا أله الا هو الحي القيوم وأتوب أليه |
http://upload.al-wed.com/uploader/up...1289556433.png
.......آهـ بودي لو أن اعود أدراجي أعود طفله خاليه صافية الذهن لاشيء يــــــؤرق تفكيري ولا يعكر مزاجي اعود طفــلــــه مكانها احضان امي همها اريد لعبــــــــــتي لاتعرف للحياه معنى حقيقي لاتغرها ملذات الحياه سوى حلوى تمتلكها ولعبه تقتنيها ليتني اعود ادراجي وأكون كما كنت طفله .... لن اتمنى وقتها ان اكبر وأشبه أمي بل سأتمنى ان أظل طول عمري طفله مـ الشوق ـلاك |
http://upload.al-wed.com/uploader/up...1289556982.png اخذت بعضاً مني ورحلت هناك لمكاني في تلك الحديقه الــتي طالما عشقت اجلس بين جنباتها اخذت بعضاً مني قبل شـــــروق الشمس ورحلت هناك لوحدي لاشيء معي سوى دفتري وقلمي وسجادتي وضعتها جانباً وتلحفت نفسي كي اهرب من لهيب ذلك البرد واخذتني سفن الشوق لمكان بعيد مكان اشعل نار الذكرى كي تقطع تفكيري .. أروى .. تقطع تفكيري بهمسها لكي تقول: أروى: صباح الخير على الناس الرايقه ملاك: صباحك ورد أروى: هالوقت وهالمكان وبذا البرد مجنونه انتي ملاك: تعودت وماحب اقطع عاده تعودت عليها الا لما اكون انا ابي أروى: قالت لي ساره بس ماصدقت توقعتك عنيده بس مو لهذي الدرجه ملاك بضحكه : ماشتفي شي :tongue: أروى ملاك : ............. رأت أروى شيء ما أحتضنه بيدي وكأنها لمحت ملامح تلك الصوره أروى: يارب وفي هالوقت من هاليوم المبارك وقبل لايرتفع اذان فجرك انك تقر عين ملاك بشوفة اخوها للأبد ومعاد يبعد عنها ويحفظه ربي لها ملاك : أمين يااااااارب بجد بس يبعد عني افقده أروى: الله يخليكم لبعض يارب اخاف اقولك حبيت خالد من كثر ماتحبينه ويذبحني زووجي ملاك : هههههههههههههههههههههه لا لا لاتحبين اخوي ممنوع لو سمحتي ترآ بعلم زوجك أروى: ملاك ممكن اقولك شي ملاك : أمري قولي بس لاتطولين ترآ اذا بدت تطلع الشمس بطردك او بقولك اسكتي ولا كلمه أحب اشوف الشمس وهي تطلع وانا ساكته اروى: خبله ملاك: بتقولين ولا روحي نامي احسن اروى: مادري احسك ياملاك من جوا فيك شي متحملته من سنين ملاك : ......... اروى: بجد بس تحبين تسكتين وبصراحه اغبطك لمن اسمع واشوف كل الي حوالينك يحبونك حتى انا حبيتك كثير مره والله حتى قبل لاأجلس معك ولا أسولف ولمن ماترسلين لي على جوالي احس بكئابه وبس اسمع خبر عنك او سالفه وربي اطير من الفرح ملاك: تسلمين لي ترآ انا ما أقدر على هالكلام برفع خشمي عليك الحين ومعاد اكلمك اروى : لا بجد ملاك احساسي كذا لاتصرفين ملاك: اروى خليها بالقلب تجرح انا اكثر شي بالدنيا يهمني امي وأبوي واخواني ورضاهم وفرحهم يغنيني عن الدنيا كلها ومن فيها صمت سيطر على أروى جعلها تقول: ملاك أسفه اذا كنت ضيقة صدرك ويمكن انا توني غيريبه عليك بس يعلم ربي اني كأني أعرفك أحبك والله من كل قلبي ملاك: لا عادي وش دعوه وانتي غاليه على قلبي بس خلاص الشي الي مضى ماحب افتح اوراقه فخليني بوهم انو ناسيته افضل لي مر بي الوقت وأرتفع اذان الفجر وأستأذنتني أروى بأنها ستذهب للصلاة وتنام ومن بعدها أشرقت الشمس وأشرقت شمس الأمل في حياتي من جديد ولازلت أرسم للأمل في عالمي لوحات واخبئها حتى وأن خيبتني ولم ترسم الفرحه على ملامحي الحياه مليئه بما هو جميل وماهو سيء وبيدي انا ان ألتقط الجميل وأهمل السيء أن أردت ان اعيش كما أريد ربي أكتب لي ولأحبتي كل خير وأرزقنا رضاك والجنه اللهم تقبل عملنا واحفظ حجاج بيتك وسهل امرهم وتقبل حجهم مساء الغياب الذي سيخيم على مملكتي ولاأعلم متى وقت الرجوع مودتي لكم الشوق |
الريآض اليوم جوها غير جوها حب وشوارعها حنين
http://upload.al-wed.com/uploader/up...1289791576.jpg
ياااااااااااااااهـ كن هذا الصبح غير والله غير حتى شمسه وهي تشرق شفتها غير هذا يوم من العمر جديد يوم مختلف عن كل يوم هذا يوم بنرجع فيه منزهين وطاهرين من كل ذنب او خطأ هذا يوم انا شفته وهو يطلع وهو ينزل من جد يوم غير جالسه اتنفس هواه واسمع طيوره واستنشق شذاه اهـ بجد يوم غير والله غير جبت لوحه يملاها بياض وكتبت فيها اليوم هذا غير بنرجع من جديد بدون ذنب بدون اثم بدون حزن بدون هم رددو معي هذا اليوم بأذن الله يوم خير ويوم غير كل عام وانتم بخير وصحه وسعااااده كل عام وانتم الى الله اقرب الرياض اليوم جوها غير جوها حب وشوارعها حنين |
قريب بتشوفوني بدون لون ازرق بتشوفوني ملاك الشوق زمان يافن << برآآآ بصراحه منتدى الود منتداي المفضل وماعندي غيره وانا من قبل وانا اقول راح يكون اخر منتدى اسجل فيه واشارك فيه ولاتخافون ماراح ارووح << تناظر الي مبسوطين يحسبوني بترك الود *_* بس لانو ضغط وشغل وامور مخليتني مره مشغوله ماحب اكون مكلفه بشيء واهملهاشيل هم واتضايق واحس بأحساس مدري وشو:wed8000: الود سيضل فيه لي اخوان لي في الله اقدرهم واحترمهم واخوااات ربي ماااايرحمني منهم وفي ناس الله يسامحهم تدرون ليش لأنهم مايمثلون لي شي وكل كلامهم وكل هرجهم نقطه في بحر يعني ما تأثر فيه وعن نفسي وبهذا اليوم الفضيل الحمدالله ان بقلبي ماأحمل ولا شيء على احد الى كل خير لاتحسبوني بقول مع السلامه ترآ ماراح ادخل مره ثانيه لا ابداً أبداً كل ابو وقت وقت بطل وبجي وبشارك وبأكتب احبك منتدى الود احبك عبير الورد احبك ضوء القمر احبك شمس القوايل احبك ندوووو احبك مهاا احبك مياسه احبك مذهله يامذهله انتي اسم على مسمى احبكم بناات الود كلكم ولا خلا ولا عدم منكم مـ الشوق ـلاك |
http://upload.al-wed.com/uploader/up...1290089672.jpg هم هكذا في كل مساء نجدهم على رصيف الأنتظار ينتظرون بشوق منهم من حل لقائه بمحبيه ومنهم من لايزال على انتظار بموعد رحله قادمه من بعيد ولكنها قيد الأنتظار لم تصل بعد مساء الشوق |
مساء البرد والزكام والأنفلونزا الشينه :a014:
دخلت اليوم حسبالي خلاص مافيه لون ازرق اثاريهم مابعد شالوه قلت برسل لشمس بس خل اسولف هنا شوي واكتب ما في جعبتي ^_^ البرد حلو وأعشقه بس ماأحب التعب فيه بس بردنا مايلعب يدخل بالعظم ويكسره يخليك معاد ودك حتى تقوم من مكانك منعت الفجريه اطلع بالحوش وأجلس لأنو تعبانه بس ماأقدر احب الفجر خصوصا هذيك الأيام ماكنت اجلس يعني حر والشمس من 6 وهي حاره الشمس بس الحين لا الشمس ماتحتر الا ثمااان وش زينها تلين العظااام << عجوز *_* اه بس لبى الشتا وأيامه بس من دون مرض وتعب طبعاً قبل كم يوم كنت رايحه لخوالي فديتهم وانا رآجعه كنت اكلم على جوالي اخوي بالبلاك بيري شوي الا بابا يقول ياذا البلاك كسر لكم أرقابكم انتي واخوانك وش صار على خالد قلتي له لا يجي وان ابوك يقول سجل بمعهد وانا اقول اي اي قلت له اصلا قلت له حراام تجي بس كذا وماعندك وقت موب لازم تجي اجلس بس <<< ماتكذب على ابوها قال سلمي عليه وقولي له ينتبه على نفسه من البرد وأجازة الكرسميس يغتنمها بشي يفيده ماصار له شهر من راح وشوله يجي مره ثانيه << طبعا الوالد يتكلم بالمنطق وبالدراسه وانه ينفع نفسه بالشهر الي بيعطل فيه ويستفيد وانا لا منطق ولا شي معليش اخوي يجي اهم ان شاءالله بيمديه يدرس طبعا اقول لأخوي شف ابوي يقول لاتجي بس ماعليك انا اقولك تعال والله ان ماجيت وقسم ياويلك لاأنا اختك ولا اكلمك طبعاً هو يقول قولي له خير ان شاءالله بستخير وأشوف وانا اقوله وش الي تستخير موب بكيفيك بتجي غصب*_* طبعاً حجز التذاكر وكل شي وخططنا انو بيجي بس من دون احد لايدري وكأني انا ماأدري<< سبحان الله بريئه دايم وقلت له ياويلك تعلم اخوك طبعاً اخونا الكبير ^_^ ترآه بيكب عشانا عند ابوي وبيقوله عن خطتنا والوالد كل يوم يقول هاااه وش قال اخوك خلاص اقتنع وسجل في معهد وكنسل انه يجي وانا اقول اي اي يقول موب جاي يابابا اصلا انا قلت له استخر احسن لك ماله داعي تجي اسمع كلام بابا تراه يبي مصلحتك :a054::a054:<<< ماحب اكذب بس هذا كذب ابيض صح ولا لا *_* مـ الشوق ـلاك |
مسآآئي أفتقاد
http://upload.al-wed.com/uploader/up...1290698145.jpg
على غير عاده .. أحسست ان هذا اليوم مختلف أستيقضت ولكن بكسل وكأنني لا أود الخروج من غرفتي كرهت منزلي أحسست بأنني لا أود مغادرة غرفتي الا ريثما يعود سمعت صوته بلأمس يغادر وداخلي يصرخ بأنني سأشتاق لك أرجوك لاتبتعد فأنا لاأستطيع ولا أقوى على بعدك لاأحب وأكره يومي من دونك أرجوك لاتبتعد اعتدت ان ابدأ يومي به وان ارى وجه اعتدت ان يمر يومي دائماً ونغمات صوته لاتغيب عن مسامعي .. لكنني اليوم منذ صباحي وحتى ساعتي هذه أفتقده اشتقت له بجنون حتى غدائي لم أشتهيه فقد أعتدت ان اتناوله معه وانا امام عينه حاول الكثير منهم ان يخرجونني من غرفتي ولكن قلت لهم بأنني لاأحب المنزل بدونه وبدون أنفاسه لن اخرج حتى يعود والدي أشتاق أليك فلا تطيل الغياب اللهم احفظه في سفره وأعده لي سالماً من كل شر يآرب مساء الأفتقاد مـ الشوق ـلاك |
| الساعة الآن 08:04 PM. |