منتديات الـــود - مَآغير أنَآظر في آلخلآيق تسلّي ~ والله أعلمْ عنْ خآفقِيْ ' وِش مزآجـه

لمن اصير فآضيه احب اسولف كثير
وبمآ انوو بالبيت لحالي مافيه احد
فبسولف هنا والي يبي يسمع والي مايبي

يسكر عيونه^_^ ضللو قبل الفيس وتعرفون

الأربعا كنت معززومه بالجامعه بمكتب الدكتوره حقتي
<<من قدي اخس ^_^

طبعاً هي ارسلت لي على الأيميل تبعي وقالت
انها زعلانه مني :(
وانا ماشفت الأأيميل الا قبل يومين
لأني هلأيام مره مشغوله كثير كثير
ومافتحت البريد تبعي يوم جا الثلاثا الليل
الا اشووف البريد واشوف مسجها ومره تفشلت
من دكتورتي المهم قلت ياملاك مالك الا بوكرآ
تروحين وتعتذرين منها بسبب قطاعتك لها

على اساس انو بروح لها الأربعا بس كان
عندي محاضره وانشغلت فقلت قبل نهاية الدوام
بمر عليها وانا طالعه للمحاضره الى الدكتوره قدامي
وانا وين اودي وجهي صار الوآآآن وقتها
وتناظرني بنظرة عتب احس اني كرهة نفسسي
فقالت
د/ كذا ياملاك كذا اشوفك صدفه
انا انواع ابو التضييع/ لا دكتوره وقسم مشغوله بس
د/ لا بس ولا شي انتيتعرفين معزتك وغلاتك بس ماتدقين ولاتسلمين افا بس افا

وانا حسيت اني بصيح مع اضحك << وشلون مادري
^_^

قلت لها ابشري بالي يرضيك دكتوره بس
اعذريني وتعرفيني بعد يعني قالو لك صاحباتي عني

اني انحرج كثير وخصوصاً انك دكتوره وانا طالبه

فقالت لي/ دكتورتك بالقاعه هنا صاحبتك واختك
انا انواع ابو الأأحراج فقالت شوفي تبين تراضيني

قلت / ابد تم قولي ولك الي تبين
قالت مريني عالمكتب تقهوي وجيبي لي كيكه ^_^
وأرضى

انا طبعاً الأربعا بالجامعه من وين اجيب كيكه
واستحيت بعد اروح لمكتبها ومكتبها عند الرعب
وكيلة القسم ياربي وش هالموقف
المهم اروح لم صاحبتي واقولها السالفه تنقذني
وتقول خلينا نروح للكوفي حق الجامعه
اكيد عندهم لو تشيييز كيك
ونروح ولا في شي خلاص نهاية الدوام
فقلت بروح لهاواعتذر وبس وبعدين اجيب لها كيكه
ولا اي هديه يوم رحت الا اشوفها
قالت تفضلي وادخل الا فيه صاحبتها
عاد شكلي وانا طالبه وهم دكتورات
وانا جالسه اتقهوى معهم ياسلام بس
طبعاً معاي صاحبتي يوم دخلنا وتصب قهوه
وتمدها لي وانا اقول
لا مره شكرآ ماأشرب قهوه
قالت: موب على كيفك
قلت لها: وربي وربي ماشرب قهوه ابد
حسيت اني زودتها وكل مره ازعلها
بس وش اسوي ماحب اجامل ولا اعرف احياناً اتصرف
سولفنا شوي وضحكنا شوي
ثمن قالت الدكتوره الي معاها ماعرفتينا
انا وقتها خلاص انواع ابو الأحراج

قالت الدكتوره

قمة هالبنت وش اوصف لك وش اخلي
من جد درست بس ماشفت مثلها

الدكتوره تناظرني تقول ملاك لاتنتفخين
وانا وقتها خلاص مت ضحك
وقلت مع السلامه شكلها ناويه علي هالدكتوره
وسلمت وقضبت الباب
بس رجعنا البيت ارسلت انا ودي اعرف
وشوله تستحين صيري زي صاحبتك عادي

عاد انا امي وابوي استحي منهم تبيني ماأستحي منها

^_^

خلصت الي مكان يبي يشوف ترآي
خلصت فتحو عيونكم

مـلاك الشوق