منتديات الـــود - مَآغير أنَآظر في آلخلآيق تسلّي ~ والله أعلمْ عنْ خآفقِيْ ' وِش مزآجـه

السلام عليكم ورحمة الله وبركاته

مساء الخير
شحالكم .. شخباركم ^_^

يارب كلكم بخير

صابني هدوء وسكون مادري وين جاني منه http://www.wlu7.com/vb/wlu-vvb/smilies/=1%20(97).gif

بلأمس< يارب وش ابي

طبعاً رحت بيت خوالي ومن زمان عنه والله لمن اروح هناك احس
وناسه بس عاد مو كل يوم بس يوم ^_^ نظامهم موب حلوو مره
او حلوو بس ماودك تعيشه كل يوم

لأن حكمتي بالحياه الواحد مايرتاح الى بيته
رحنا لمهم الظهر وناسه شوي الى انقلبوو علي
كانت بنت خالتي الشينه تناظر الكام تبعي ثم شهقت
احسب صار شي ولا أحد مات

قلت وش بتس
قالت : ملاك هذا ولد عمك
قلت : اي
قالت :ومين مصوره مع خالد
قلت : انا
قلت : وشوو وشوو وشووو<<<< عصبت علي الحين
قلت : انا وش فيك <<< ببرود اتكلم
بنت خالتي تناظر مامي تقول خالتي الحين بنتك ماتغطت عن ذآ
وكل خالتي ركزوو على بنت خالتي
مامي: لا ماتغطت
بنت خالتي: ملاك خير
انا: خير بوجهك ترآ توه بزر وبعدين هو الوحيد الي ماتغطيت عنه
واضغر مني بخمس سنوات وعايش معي من عرفت نفسي
نجلس مع بعض نطلع مع بعض وينام مع خالد ويقوم وكل شي
وابوي يقول لما يتخرج تغطي عنه
قالت : وابوك لين قالك ادخلي النار تدخلين <<< الحين شبت البنت ^_^
انا: وش فيك انتي ترآ توه بزر
قالت: وش الي بزر ترآه بثاني ثنوي

عاد انا انسانه ماحب احد يغصبني على شي احب اسوي الشي عن اقتناع
قلت لها: طيب الحين وش تبين
تناظر بنت خالتي امي وتقول: خالتي اضربيها اجلديها خير
انا : ههههههههههههههههههههههههههه
بنت خالتي : وش بك تضحكين
قلت: وليش تضربني بأي عصر احنا انا ماتعودت احد يضربني
ولو احد بينصحني ماحب هالطريقه
بنت خالتي: ملاك من جد خلاص تغطي
انا: طيب خلاص الحين ولا بعد شوي<<ارتفع ضغطها
قالت: بعلم خوالي عليك
قلت: يعني بخاف
بنت خالتي : لو اني امك علمتك
انا: اشوا انك موب امي واروح عند امي واحضنها <<< يوم بغت تقوم تضربني
بنت خالتي: خالتي ترى ماخربها الى انتي وأبوها
انا بديت اعصب: الي يسمعك يقول مرتكبه جريمه
ترآ هو ولد عمي وعايش معي وصغير وهو بمكانة خالد
ماننظر لبعض مثل نظرتك وتفكيرك وانا بتغطى عنه بمزاجي ماحد يفرض علي رايه

وطلعت من المجلس

الحين كلكم تقولوون ملاك انهبلت ^_^
بس يعني هو الوحيد من عيال عمي ماتغطيت عنه بحكم انه عايش معنا
وهو مثل اخوي الصغير صح انه موب اخوي وربي بيعاقبني بس تعودت كذا
وان شاءالله قريب بتغطى عنه طبعاً هذا كلامي لمرة خالي قالت بس شكله كبير ملاك

قلت لأنكم مو عايشين معه ولاتعرفونه انا ماأجلس معه الحين بس اذا بغيت منه شي
بطلب شي من برى يجيبه لي مره اذاكر له <<< ^_^
قالت مشاءالله عليك انا اعرفك انك بكل شي مشاءالله بس هنا استغربت

عاد مابغيت اطولها وهي قصيره قلت خلاص بس يجي بكره بطرده من البيت
وبقوله تغطيت عنك ارتحتي

مر امس ونمت عند خوالي واليوم بعد الصلاة رجعت البيت
الى ولد عمي جالس بالمجلس مع ابوي يفطر سلمت وتوني بطلع
التفت قلت شفت وش يقولوون قال وشو
قلت له << ولد عمي: خلاص يقولون لازم اتغطى عنك
ولد عمي يناظرني ويناظر ابوي: عمي لا <<ضحكت هنا
ابوي يناظر: قال خلاص صرت رجال لازم تتغطىى عنك
ولد عمي: بعدين من اسولف معه من يذاكر لي معاد اقدر اجي هنا عمي طلبتك لا
انا : طلعت وميته ضحك عليه رحمته ماأدري انظر له اخوي وهو مثل خيوو خالد
بس عاد هذا القدر لازم اتغطى وعصب علي وقال اوب على كيفك موب متغطيه

وش رايكم <<<< احس الحين الي يقروون كلامي يقولوون كلام ^_^

بس عاد ماعلي من احد كيفي :pipe:

يالله جمعه مباركه ولاتنسوون سورة الكهف

مـ الشوق ـلاك