|
واحد كسول ....جداً راح للحلاق وجلس على الكرسي منزل راسه .....
قال له الحلاق ...شعر ولا دقن ...قال الكسول دقن ...قال له الحلاق ارفع راسك.... قال الكسول لا خليه شعر |
الكرز .. واحد وعشرين حبة .... رفرف الغصن .. واورق عندليبه
افتحو للشبابيك المحبة .... واصدحو بالهلاهيل الرطيبه غافل الشمع في عيده تنبه .... راح ياخذ من الظلما نصيبه طفل من عادته يكسر العبه ... وش عليه ان كسر خاطر حبيبه سنة من سننه المستحبة .... يترك قلوب عشّاقه عطيبه ضاع من قال انا من قال انا ضايع بحبه ... والله ان الدلاله ضيعتي به قبلة الله عليه ... شلون ربه .... خالق بيسمه يوم يحكيبه لو مكنته .. تغافلته ( بحبّه) .. .. مير هو شايف فالامر ريبه محسن الظن في ريح تهبه .... يحسن الظن في مثلي .. مصيه (المسبّه) به الطرف (المسبه) .... ما سوى طرفه الساهي يعيبه ( عجزت مرايته فيه اتشبه .... حاولت فيه ما قدرت تجيبه ) ضامر.. مثل رجل براس قبّه .... ينفح ( بغيمتين الصدر) طيبه بعد هذا .. وش اللي ينكتب به ... قبل هذا .. وش اللي ينقري به منبع النهر .. والنهر.. ومصبه .... مشرق النور.. والنور.. ومغيبه ان بغى .. يسلب الرمّان لبّه ..... وان بغى .. صابت النعناع خيبه وان حلا اللعب والميدان طبّه ..... مالك الا تقول الله حسيبه والله ان القلوب المستتبه ..... تصطفق .. تقل ناهبها نهيبه ياهل العرف ما قبله يجبه .... كيف أجل بالحشا مركي صليبة الكرز واحد .. ومليون أحبه .... من هنا لين سكره وحليبه .. |
لم يَعُد ثمّةَ أطلال لكي نبكي عليها.
كيف تبكي أمَّةٌ أخَذوا منها المدامعْ؟؟ |
الله الله يا عنودٍ لا تروح و لاتجيني كلما حاولت ابانساها تعود بشكل ثاني ادري اني ماصغرت بعينها وادري تبيني لكن تمرّ بظروفٍ عاصيتها وتعصاني تنتظرني وانتظرها والهوى جرحه مكيني بس مدري ويش تاليها وانا همي براني الغلاء في قلبها وانا الغلاء بيّح كنيني والله اني ماتولعت بسواها في كياني يارسول الشوق وصلها كلامي ياضنيني قلها اني ماقدرت انسى محبتها ثواني اتذكرها بقلبي واتخيلها بعيني صورةٍ تعرض بعيني من مكان اليا مكاني واتذكر صوتها الرنان والوجه الحسيني واتذكرها ترحبّي بعد ماجيت عاني فاتنتني بالمحبه والمحبه من سنيني صارلي عامين مع عامين مع عامين اعاني من هواها من غلاهامن غرامٍ مبتليني اشهد اني في هوى محبوبتي ربي بلاني إيه صارت من غلاها كل لحظه تحتويني وصْرت انادي باسمها واترجمه باحلى المعاني الهنوف اللي تحدى المترفات بكل زيني زينها يظهر لخلق الله خفا و الا بياني ثغرها فيه البَردْ منظوم حوله جمرتيني وجهها كنّه قمر ليلين مع خمس وثماني والعيون وساع واوصافٍ تسرّ الناظريني والجدايل سود ممزوجه بلون الزعفراني جسمها رشيق لا ناحل كثير و لا متيني إيتمايل وان مشت يشبه لعود الخيزراني ويش اعدّ اوويش اخلي جوهرٍ كله ثميني دامها لي وافيه فاناشهد ان الله عطاني انتظر وقت الفرج واقول ياربي تعيني ليش تقسي يازماني ليش تقسي يازماني يازماني حبها زايد وهمي معتريني بس اظنك مثل ما قالوا زمانٍ قلّباني دام هالحلوه تبيني ياعساها تهتنيني وياعسانا نلتقي بعد الفراق اللي حداني لين اشوف المترفه من بعد غيبتها تجيني ثم تعرْ ف اني وفي( ن ) ماختلفت بشكل ثاني |
هل تتذكرنا المرايا
حين نغيبُ عنها ..؟!! |
((الألفيه)) الف أقسم بالذي ميزك واعطاك الحلا=ان حبك قد سكن في القلب يازايد حلاك باء بذكر الهاشمي المختار ذي نوره ملاء=كل ارجاء الارض ان حبك ملكني ياملاك تاء تملّكني وزاد الحب ذي له والغلا= لا يهمك من يحاول ينتقص شئ من غلاك ثاء ثبت حبك ولايمكن أنا لك قول لا = بعد ماقد بان لي حبك وبيّن لي ولاك جيم جاملني بنظره وأبتسامه أو هلا=كل مامريت وأن صديت معناه الهلاك حاء حفرت أسمك بوسط القلب ياريم الفلا=والحشا مسكنك مهما سرت تمرح في فلاك خا ء خسرت اشياء اللين الغيم يالبدر انجلا=وشع نورك في حياتي احمدالله ذي جلاك دال داو الجرح ابيمناك بايزول البلا=حط يدك في يديني جعل ربي مابلاك زا زين الطبع انته بس ترفق بي دلا= لانني باكون يالمحبوب لك زادك وماك سين سلام للي في فوادي قدره اعتلا=حياتي ياحبيبي ماتحتمل لحظة جفاك شين شبيت الشعر واشعلت له شعلة ولى= شليت كل همه معي حامل رسائله إل هناك صاد صادتني عيون الريم والقلب إصطلى=أرحم الواله وفي نيران صدّه ماصلاك ضاد ضاق الكون بي والصدر بالهم إمتلى= مايفرج كربة العاشق سوى وصل الملاك طاء طيب القلب ما له شبيه بين الملا "=" من زود طيبك قلبي هجرني وجاك ظاء ظلام الليل من طلّتك ياروحي إنجلى=صورّك ربك لنا بالزين ياالحالي جلاك العين عانيت العذاب والقلب اصطلى = من نار حبك ارحمني يا ملاك غين غالي ماأحد والله مثلك في الغلا=يشهد الله لي على حبك ولاأخفي غلاك فاء فاقد لاحساسه وخفوقه بالحب انبلى = كنوز الكون كله ما تسوى رضاك قاف قلت القلب بايسلاه لكن ماسلا=كيف يسلا من عشق حسنك وعايش عاسلاك كاف كامل والكمال لله في علاه = لو يذبحوني ما أرضى سواك لام لو اقول ولا اقول لكم بلا=حبك وراضي ما جرالي من قداك ميم ما دريت بحالي وشلون قلبي غلى = بنار حبك حبيبي ويش بلاك نون نويت الفراق ولا خشمك علا = في السما عالي مصيرك للهلاك هاءهالك فاني انت وكل الملا = مصير الحق يبين والقبر مثواك الواو ورب الكون الله هو ذي جعل= المحبه وسط القلب وزيد في غلاك ياء ياحبيب القلب اهلاً بك هلاً والله هلا=عيد لي البسمه يمكن بايعود الوقت ذاك |
لم يعد يذكرني منذ اختلقنا أحد غير الطريق!
.... مرة أخرى على شباكنا نبكي ولا شي سوى الريح وحبات من الثلج على القلب وحزن مثل أسواق العراق |
طاء طيب القلب ما له شبيه بين الملا "=" من زود طيبك قلبي هجرني وجاك
|
يالحر هي طايره بشكـال وأنواعـي أنته فهيـم وفهيـم الفهـم أيساويهـا ماجيتك إلا بعد ماظاقـت أوساعـي عندي وصيـه أبـا تفهـم معانيهـا ودي تقرب وتنصتلـي بالاسماعـي وأن طالت السالفه مابـاك تشكيهـا ربي بلاني بحب أنسـان ماطاعـي من زود حبي يقوم الشعـر يبكيهـا أن كان علمي وصلك أرجوك لاداعي مظمونها خطوتـن زادت خطاويهـا لاتفشي السر وتزود لـي أوجاعـي مثلك يطبب جروح القلـب يشفيهـا أن كان نفسك تلوم الحـب ياساعـي شكرن وشكرن ترى ماعاد لي فيهـا وان كان قلبك على هالحب جواعـي أنا أشهد أني وصلت ولـك معاليهـا حبه ترى زارعه مابين ألاظلاعـي ليته يشوف المحبـه كيـف نسقيهـا الصاحب اللي يخل القلـب لواعـي قلـه يشيـل الحواجـز لايخليـهـا لوزاد ثقله تـرى باقـول طماعـي هذي وصاتي ولـه تكفـى توديهـا |
البارحة جاني من الحب مرسال
من عقب مابيني وبينه خصيمة وانا ترى في الحب مانيب فعال ولا بعد ولع بقلبي هشيمة ولا بعد غنيت في ساعة وصال ولا ذقت الفراق وجحيمه ولا جرى دمعي على الخد همال ولا بعد جربت مر الهزيمة حتى وردني تالي الليل جوال وانا على شاهي وبسكوت ديمة الرقم بايخ لكن الصوت قتال مثل صوت المذيعة حليمة قالت مساء الخير ياطيب الفال قلت ارحبي ترحيبة مستديمة بالعود والصفري ودلة وفنجال واجبك يابنت الأصول الكريمة ردت بضحكة وقالت وش الحال؟ قلت أشهد ان الحال عقبك سقيمة قالت وهي تضحك مثل الأطفال وانا بعد بدونك كني يتيـــمة من يوم قالتها تزلزت زلزال من فجعتي كني مسوي جريمة قلت ارفعي صوتك ترى مابه ارسال كذاب لكن المصيبة عظيمـــــة قالت أقول ترى هرجنا طال ممكن تصاحبني تراني وسيـــمة واسمي الحقيقي أول حرفه الدال لكن يسموني البنات الزعيمــــة صحيح احب الفخفخة واعشق المال لكن تراني طاهرة مستقيمـــــة ماعندي مغازل ولا لعب عيال ماعندي إلا في الشرف والحشيمة بس الصراحة قلبي لشوفتك مال واصبحت وحدك جالس في صميمه فكر بعقلك واترك القيل والقال واحذر تطيع أهل العقول العقيمـــة وارسل علي الحين500ريـــال اشحن بها جوال اختي غنيمــــــة أو طقم غالي فيه خاتم وسلسال أروح به في عرس ولا عزيمــــــة قلت الحقيقة مانيب رجل أعمـــال ولا ني تاجر والموارد عديمـــــــة أنا الصراحة شبه عطال بطـــــال وعلاقتي بالفقر جداً حميـــمــــــة والرتب الله يرحم الحــــال مازال محدود والمصروف رب عليمه والدين باالآلاف والبنك شغال ياكل فلوسي بالربا والظليمه والسوق طايح والغلا ضيق البال والموت والله صاير أكبر غنيمه قالت تحمل بس والحمل ينشال خلك شديد البأس صلب العزيمه ياخي تصرف جعلك تصير نشال أهم شي ان النوايا سليـــــــمة لابد تفهمني على كل الحوال مادمت من أهل العقول الفهيمه قلت والله إني فاهم اللي على البال لكن ترى هذي علينا قديمـــــــه يابنت هذا صاير اليوم موال للي تبي تلعب على ابن اللئيمه يابنت ماتدرين كم فيه محتال يلعب على الحبلين وانتي غشيمه يابنت كم من جاهله دمعها سال من عقب ماجات العواقب وخيمه والبنت لأقفى عرضها بيد الأنذال والله مايبقالها أي قيمــــــــــة قالت تبي ولا فخلك على جال ماهوب ناقصني نصايح حكيمه عز الله انك لللأسف منت رجال وانك قليل الذوق ومافيك شيمه يلعن أبو اللي مايسطرك بنعال حتى يعلمك الغزل يابهيمــــه (تفو)عليك وصكت الخط في الحال مدري(تفو)هي مدح ولا شتيمه |
| الساعة الآن 01:43 PM. |