|
اختلاف الوقت ...! صديقتي , تقول كل مرّه تكون باالسوق ينادونها ياخاله ... لو سمحتي ياخاله ,, شوي عن الطريق ياخاله .. تفضلي ياخاله .. والسبب .. ان عبايتها عباية راس اسلاميه فضفاضه ... قلت لها مو انتي لحالك انا ينادوني ياخاله بعد بسبب عباتي الاسلاميّه ...!! يمكن يلقى الشاب وحده لابسه عبائة كتف مخصّره ولثامه وموسّعه عينها ومركبه رموش , وطبعاً يحسبها شابّه فتيّه , ومادرى ان عمرها خمسين سنه او فوق الخمسين بعد ... اذكر وحده بكامل زينتها بااحد المولات , طبعاً من يشوف عيونها يقول ملكة جمال , وكانت متجهه لدورة المياه وكنت انا نفس الشي , وقفنا عند المغاسل لمّا نزلت حجابها ... ! استغفر الله ماابغى اعلّق عليها ...! يعني الهدرجه صارت عباية الراس خاصّه بس للعجز ....! والله انا افضّل انّي اكون عجوز بنظر الناس ارحم من اكون متبرجه بنظر خالقي سبحانه .... |
ويالله ياالمــدى خلاص .... اقلبي الصفحــه ,,, |
بوحك ينتشيني / وشوفك يكفّي ............................... عطر ٍ ناخذ من نسيمه هفاهيف شعوري معك مرتااااااااااح امتدفّي ................................ على وضح النقـا ربع ٍ مواليف مـــدى ,,, |
انت بس اللي ..... فهمت ..؟ فهمت احساسي وظمّيت معناي ! ............................... وزوّدت من شعور الحب رصيده ! تصدّق ..! احسّ انّك معي .. بداخلي وياي ................................ رغـم غيبتك عنّي .. وتاركني وحيده المــدى ,,, |
الحين فيه فيلم هندي على الـ mbc1 حاطته على الصامت , طبعاً كلنا عارفين سيناريوا الافلام الهنديّه على موال واحد ... قبل ماكنت افهم ليش يقولون للواحد اذا مافهم " إنت هندي ماتفهم ؟ " والان فهمت ...! باالهند يسمون السكر ملح ! باالهند المرأه هي التي تخطب الرجل ! باالهند المرأه هي التي تدفع المهر ! باالهند اكثر من اربعة الاف ديانه ! الهند اكثر دوله تمتلك ثروه حيوانيّه ولولا عبادتهم للبقر لاصبحت من الدول الغنيّه وغلبت حتى الدنمارك بهذه الثروه ..! فعلاً هنود ..!! |
الكوره ... بغيناها طرب ... صارت نشب ...! |
صلّيت الفجر , وطار النوم عني .... صار ابعد من السمـا ....! ابقعد هنا شوي ونشوف ماتجود به النفس لين يجي وقت الفطور ... يسعد صباحكم |
ذاك البحر / يصعب علينا عبوره ................................. ومن حاول عبوره / ماظنّي سلم ! |
وان ماقدرت ...؟ |
وان ماقدرت ياصاح / تراي معذوره ................................... مااحـد ٍ عانقه / ومن غدره سلم ! |
| الساعة الآن 04:26 AM. |