,’

تدري إنّك لانثـرتْ الليـل وامطـار الهَقـاوي
.. .. .. .. .. أنتثـر كلّـي فـي كلّـك واتحـرّا راحتينِـك
أكتب لْـعينـك حكايـا واتجسّـد بـالْحكـاوي
.. .. .. .. .. واتخبّى فـي الدّفاتـر قصّـةٍ تسْألـك وينـك؟
أسكن بـوجـه المرايـا واتلهّـف للخطـاوي
.. .. .. .. .. والثمك وجهٍ طفولـي لـو تِناظرهـا بـعينـك
تدري احساسي بدونك باردٍ موحـشْ خـلاوي
.. .. .. .. .. وانْ قلبي مِثل صحرا تنتظـر ماطـر حنينـك
كلها خطوات خَجْلى لِعْنُبـو هـاكْ الرجـاوي
.. .. .. .. .. يِحتريها دربْ ظامـي بيـن خطواتـي وبينـك
أرتِمي كلّي بـقلبـك كـان تِزْهَمْنـي ونـاوي
.. .. .. .. .. وارمي احساس التّـردد واتمـدّدْ فـي يِدينـك
إنت بسْ قِلّي [ احبك ] واكسِرْ احساس الحياوي
.. .. .. .. .. وَقْتَها عاتِبْ كُفوفٍ ماارْتِمَـتْ فـي راحتينـك


,’

,’

ولازلت رغم اللي جرى منه وانقـال
.. .. .. .. يحـرّم تمـس هدومـي الا هدومـه
ويحرم على جسمـي يغطيـه رجـال
.. .. .. .. غيره ، ونفسي في وعدهـا جزومـه


,’