|
صدقينـي لـو أبيّـن لك غـــــلاك ما تصدق اذنك اللي تسمعـــه
طـال عمـري أو قصـر محدٍ سـواك يفرح بشـوقٍ فـؤادي يـجمعـــه بادلي قـلـبـي شعـوره في هـواك حسّـسيـه إنك معه يا مطمعــه |
ما أعتقـــد إن فيـه بالدنيا مـلاك تشبـه لزولك تـصـور بأجمعـــه
حــار تفـكـيــر المـولـع في رضــاك مستريـح البال لا صرتـي معـه من سبب صدّك معرض للهـلاك ناجي دمـوعٍ عيونـي تدمعـــه |
بـهـديـك أنا عمـرٍ ولا كـل الأعـمــار يفنى القلـم قبله وتفنى الصحايـف
غيبـي وشيبي واتركي كل ما صــار يبـقى جمـالك في قـصيـدي طرايـف خل الكواكب من سنا نـورك تـغــار ولا تـلحـقـي نفسك هموم وحسايف |
من غلاك أفتخر بك وأعمل المستحيـل لو أعاني حياتي خلّ يعشـق خليـلــه
ما عـرفت المـذلــة لا ولا أنت ذلـيـــل عزة النفس فينا يا حبيبـي حصيـلــه سالت دموع عينك وأنا دمعي يسيـل حزني اللي ملكني والليالي طويـلــه وقتـي اللي طلبته مَنّ وأثره بـخـيـل شحّ وقتـي ودبر ما عـطاني قليلــه |
أنا لي صاحبٍ خـدّه ورى الشيلـه كما البــرّاق بعرض المزنة اللي مثـل شمس الظهر بارقــها
خـلـقـها اللـه وزيّن خـلـقـها وأخـلاقها الخــلاّق قـليـلٍ جنـسها فـي جيـلـها سبـحان خـالقــها لـهـا عيـنٍ إليا لـدّت بها تـذبـح بـها العـــشّاق بها وصـفٍ من عنـق المــها هـو طول عـاتـقــها |
غيـرك كـثيـر المـلا عندي ولا أبيــها ما أشوف غير أنت بين الناس قدامي
محبتـي كيـف ما تـدرك مـعانيــــها يا نشـوة الحـب حبـك مصدر إلهامـي ما يسعـد العيـن غيـر عيون غاليــها أحـلف لك إني لشوفـك دايـمٍ ظامـي هايم مـطاف العيـون الشـوق يحييـها شوفـك علشان حبـك والغلا سامـي |
يا غـريبٍ عـن عيـونـي من تكـون أنت كــل الزيـن كـمّل صــورتـك
منك أنا برسم عـلى حرفـي فنون والفنـون أشكـال وفنـك قـبـلـتك |
جاز لي وصفـك وأنا اللي ما أمـون بـس تـقـبّــل ما كتبتـه فـدوتـك
|
|
لا شافتك عيني تدمع من فرح
|
| الساعة الآن 06:42 PM. |