يابحر




يابحر .. فيني من الحزن .. كثر مافيك ..
من حزن .. وأوجاع .. وغياب .. وغرايب !!

لا تلومني إذ شــفتني .. دايم أجيـــك ..
ولا شفتني دايــــــــم .. على الشــط ..ذايب !!

حزني كبير .. أكبر من حدود .. شاطيك ..
وأقسى من جروح الزمان .. العطايــــــب !!
وإن كان تنشدني فأنا .. مقدر أخــــفيك ..
دايــــم اظن .. ويطلع الظــن .. خايــــب !!
في هالزمن .. أقرب حبايبك .. يشقيك ..ألين تدفع في غــــلاه .. الضـــــــرايب !!
من بعد هذا .. يبتعد عنك .. ويجفيك ..
ماكنه .. بجنبك .. قضى الوقت .. طايب !!

وإلا.. الخوي اللي توقعت .. يفــديك ..
يفديك عمره .. لاغدت بك .. نشايب !!

صد .. وتصدد .. مايبي ..سمع .. طاريك ..
وياما .. أنت ..دونه ..اتعبتك .. الطلايب !!
لاتقول لي .. بدري .. وتوك .. ويمديك ..
وتعال.. وأسمع باقي الهرج .. صــايــب !!

خلك بحالك .. وأطلب الرب.. يهديك ..
ولاتنشد اللي غاب .. وين انت .. غــــايب!!
وإن شفتني غايب .. عن حدود ..شاطيك..
أعرف تراني .. تحت ذيك .. النصـــايب !!

وأعرف تراني .. دايم إن ضقت .. بـآ جيك ..
لأني .. أنا ..والموج.. صرنا ..حبـــــايب !!