|
اشين احساس حسّيته في حياتي ..................... لاتشابه نور الصبح مع ظلمة الليل اصبح الرجاء قدام عيني فتاتي ..................... وانمحا في بطــون بقعـا والغرابيل والله يالولا سجدتي في صلاتي ..................... فــاض الصبــر منّي وانهـك الحيل ::: المـــــــــــدى ::: |
ليت القرب على الكيـف واطيعك ,,,,,,,,,,,,,,,,, وتهنى عيـوني بشــوف غاليها وهني من غسل فنجالك ربيـعك ,,,,,,,,,,,,,,,,, قاعد قبالك والمشاعر مرضيها ::: المـــــــــــدى ::: |
كيف الحال ؟ والترحال وقلوب ٍ نمنّيها عسى الروح ياروحي خفّت من معنّيها جيتك عقب البطى / رســول ٍ ومرسال سلام من قلب مشتاق جروحه مجلّيها ::: المــــــــدى ::: |
غديت ياذا القدر لعبة ٍ في زمانك ــــــــــــــــــــــــــــــــــــــــ بعثرت تفاصيله واتعبت عقله الهادي ::: المـــــــــدى ::: |
صندوق ٍ مدري بوسط مكنونه ,,,,,,,,,,,,,,,,,,,, مفتاحه عسير ٍ ولااقدر القاه ياكثر مااتعبنـي مخفـي مزونه ,,,,,,,,,,,,,,,,,,,, يدري بضعفي/ مااقدر اقواه ::: المـــــــــدى ::: |
ياشـــوق/ ليه علينا تغلاّ؟ ,,,,,,,,,,,,,,,,,,,,, ولاّ لقيت في المحبّه بدالي ! كثير من هو تغلا / تخلاّ ,,,,,,,,,,,,,,,,,,,,, ولالقـى عقــب فيّه اظلالي الله اكبر ليه علينا تعلاّ ؟ ,,,,,,,,,,,,,,,,,,,,, الكبر صفة عزيز الجلالي انشهد حبّك فيني استحلاّ ,,,,,,,,,,,,,,,,,,,,, واكتمل باالشعور اكتمالي ::: المـــــــــدى ::: |
جيتك نصف روح / يانصفي الباقي ...................... ودروب اللقــاء معك كثرت عوايقها ليتك تنزع غرس ٍ بوسط الاعماقي ...................... جروح المشاعر حيل ماعدت طايقها رسمت اسمك على بيض الاوراقي ....................... ورسمت قلبـي حولها وانت خارقها سقتني لــدروب العشّــاق انسياقي ....................... وكنت احســب اني قاوية ٍ طوارقها ::: المـــــــــدى ::: |
لانهيــت القلب , للعقــل ماطــاع ...................... ياخــوفي انّه عن الــراس مفلوت الحـال ضــامي / والحيــل ملتاع ...................... والـزمــن حــرّم علينا لذة القــوت دخيل الله ياوقتي لاتزيد الاوجاع ...................... ماابي ارجي بسبّتك لحـظة الموت ::: المــــــــــدى ::: |
http://upload.al-wed.com/uploader/up...1276688507.jpg
هذا البيت اسوقه قدام عينك سياق ,,,,,,,,,,,,,,,,,,,,,,,, البيت اللي خشير ٍ مابينك وبيني مرسول من قلب مشتاق لمشتاق ,,,,,,,,,,,,,,,,,,,,,,,, لعل صداه من حناياك يداويني ::: المـــــــــدى ::: |
ياليت عيني عنك غضّت ولدّت ,,,,,,,,,,,,,,,,,,,,,,, والـــروح والدمع والشــوق مقفين بين الحيّين حسّيت بسبّتك ميّت ,,,,,,,,,,,,,,,,,,,,,,,, والمشاعر على لاماك ذابله للحين ::: المــــــــــدى ::: |
من أنا ؟؟ تنهات أنين ,,, ام غربة غريب باارض مجهولة ,,, ام عطش الثرى ,,, ولهثات روح ,,, بخيمتي الباليه ... او من اثار جسد ,, أكل عليه الزمن وشرب .. ام نظرةٌ حزينه , لهيهات الأمل .. >> المــــــــــــــــدى << |
والّلي خلقني / عيون الشوق متعبها ,,,,,,,,,,,,,,,,,,,,,,,,, بليتنا بهوى روحك ياابن الناس! لاصار في بعدك / مشـاعرنا معذّبها! ,,,,,,,,,,,,,,,,,,,,,,,,, ياكيف ابقربك / يكون الاحساس! غربل الله عدوّك / هجوسي مغربلها ,,,,,,,,,,,,,,,,,,,,,,,,,, وصــدق الغلا معك / هدّ الانفاس والله ماكنت ادري / ولاكنت حاسبها ,,,,,,,,,,,,,,,,,,,,,,,,,, تسقيني من كاس حبّك بلا قياس ::: المـــــــــــدى ::: |
فتحت لي باب الهوى ياشوق ,,,,,,,,,,,,,,, واجبرتني غصب عني بدخوله أسرتني معك واحكمت الطوق ,,,,,,,,,,,,,,, وضمنت قلــبي /بعرضـه وطوله هذا الرجاء ؟ ياراعي الـذوق ,,,,,,,,,,,,,,, تغيـب / وتــزوّد علينا الحموله المـــــــــــــدى |
يادنيــــــــــا ,,, يادنيا الدنيّه ,, ياخبث احبال صيدك كــــم غـــريتي بزيفـــك ,, راس عاقــــل قليل من هو ســلم / من كيد كيــــدك وكثير من فجعتيه / يوم ٍ لك جامل المــــــــــــدى ,,, |
ياعقارب الساعه ليتك ترجعين ..................... هو بس الرجاء منك نص ساعه ليتك تفهمين العلم او تحسّين ..................... غالينا في المحبّه باعــد اشراعه اللقــاء بيننا ميّت ٍ لهاالحين ..................... وفرقا الخل دمــع العين ماطـاعه ::: المــــــــــدى ::: |
عطيتك /ولاذخرت عنك بعطاي ,,,,,,,,,,,,,,,,, ورهنت لك قلبي وعقلي وطموحي ماهقيت إن الهجــر يصبح جزاي ,,,,,,,,,,,,,,,,, سامحــك ربّي /كيف ذبحـت روحي لاردتك الايام / واشتقت لاماي ,,,,,,,,,,,,,,,,, لاتظني على خـبرك ان كان توحي المــــــــــــدى ,,,, |
دقة ساعة الفرقى / وحان ترحالي ................... واللحظه اللي مابغيتها / حلّت دقايقها |
خذيتي / ولاعطيتنا قهرتينا / مانصفتينا آآآه منك ياالدنيا الله يكفيني بلاك كيف تسقيني ؟ من ظماك من ظماك ؟؟؟؟ |
زاد الشوق فيني / رغم اجتهادي ............... اقنّع القلــب يرجع عن خضوعه شيّ ٍ داخل الروح ماهو بعادي ............... لاطـرا طاري الفرقا همّ ٍ يلوعه اموت /ولالخلّي اوضح مـرادي ............... واموت لانوى الخافق رجوعه المــــــــــــــدى ,,,, |
الحب اللي براسي توّي ماطحنته ................ والحلم اللي بغيناه / مكسور ٍ رحاه آآه من قلب ٍ قهروه / ماقهرته ............... لاماتت عزوم الطيّب / وش جداه؟ المـــــــــــــــدى ,,, |
رغم الخطاء بحقي / اقول مسموح ................. لاتحسب بقلب المدى غيظٍ يشيل طلبــت البعــد ؟/ ولبّيت بوضوح ................. ولّا المعـــزّه بيننا / ماتبغـــى دليل المــــــــــــــــــدى ,,,, |
تعديل
زاد الشوق فيني / رغـم اجتهادي ................ اقنّع القلـب / يرجع عن خضوعه شيّ ٍ داخل الروح/ ماهو بعادي ................ لاطــرا طاري الفـرقى هم ّ ٍ يلوعه امـــوت / مااوضح لخلي مرادي! ................ واموت / لانوى الخافق رجوعه! المـــــــــــدى ,,,, |
ألا ياحظ الصخر / كيف قاسي ! .................. رغم سموم الدهر /يبقى في صموده الا ليتني مثله / وميّت احساسي ..................لامن نهرني الوقت/أغدي بجموده المـــــــــــــــــدى ,,,, |
بيحـــول علينا الحـــول ياخلّي .............. والكــــل منّـا/ رهين ٍ في محلّه آآه منك ياروح الروح ياللي .............. حطيت بالنحـــر سبعين علّه اخلفت العقل وش حصلّي ؟ .............. وين السهود اللي علينا مظلّه اعتقني / وانا اخدمك باللي .............. مايشبع خفوقــك دقه وجلّه المـــــــــــــــدى ,,,, |
الله عليك يانجـــــــد ياكم اغليك ياحلو ترابك /والبــــدر بلياليك والله ماارضى لغير ديارك ديار وعروق قلبي متعلقه في بواديك المـــــــــــــــــــدى ,,,,, |
القلب ادماه الوقت ياسعود ............... والدمــــع / بيّــــح بمكنــــونه الحال ياخوي صــار مقرود ............... وردى الحـظ زوّد طعـــونه كيف الـردي يطلـب الجود؟ ...............والروح لعيون الخل مرهونه حلم ٍ بنيته ماعـــاد مشيود .............. قــــدّام عيني/ قامـوا يهدّونه المـــــــــــــــــدى ,,,, |
جعل الظروف اللي خذتك عنا تجيبك ................... وترحــم خفـــوق ٍبفارغ الصـــبر يرجيك الا ليتني ظروفك / وتسقيني بطيبك ................... والاليتك تشوف الحال لاجاء طاريك المـــــــــــــــــدى ,,,, |
طلعت في الدنيــــا / وهي ماانصفتني .................... لاتزيــــد علي الوجع / وتجي بصفّها كنت احسب للصراحه يمين ٍ حمتني .................... ماهقيت بيــــوم ٍ / تصفعني بكفّها المـــــــــــــــــــــدى ,,,,, |
يامهتوي دنياك؟ قلّي وش هويت ! ..................... ياصغر عقلك ! وياكبـــــر زيفهــا بيتك منهـــدم / مهمــا فيهـــا بنيت .................... واللقمه اللي طابت يوم/ تتعيفها احتريت شوفها / ولّا مااحتريت .................... ياقسي بردها / وياحـــرّ صيفها! المـــــــــــــــدى ,,, |
الله يعقل غيبتك ياراع المواجيب .................. ياللي حفيتوا الروح من هواكم هواً حشى لله ماهو على العيب .................. ولانوينا فيه نقرب من مداكم غير مهرة طيب ٍ عانقـــت ذيب .................. ولقمة ٍ تعشيناها من قــراكم ألا يامشطب القلب تشطيب .................. ماواحد ٍ غيرك حلّ بحشاكم علّقت الشوق فينا باالمناسيب .................. وخلّيتنا ماندري وش بلاكم شفّنا شوفكم / قبل لانغيب ................. وقبل لايكتمل البدر بسماكم المـــــــــــــــدى ,,,, |
طلبت اللي كل الخلق يرجيه ـــــــــــــــــــــــــــــــــــــــــــ مـــــنزل كتــابه / وشــــارع السنّه لاكفّنوا الجسد واللحد حواليه ـــــــــــــــــــــــــــــــــــــــــــ يثبّت جوابي / ويكتب لي الجنّه المـــــــــــدى ,,, |
لاصرت تتروح / قلّي وين اروح ! ................... وسبب وجودي ياالغلا كلّه عشانك علّمتني كيف هو الشوق بوضوح ................... وحفرت اسمك بقلبي وانت بمكانك ! المــــــــــــــــــــدى ,,,, |
وش مصيره ,,,, قلبي المهظوم ياصاحبي وش مصيره ؟ .................... ولّا جرحي عندك اصبح شي عادي ؟ لاتقول/ يابنت كل شي ّ ٍ بخيره ..! .................... والمكتوب من الله ماملكناه باالايادي بعد ماخذيت قلبي وبيدك تديره ..! .................... ماعــــدنا نهمّـــك ابحياتــــك ياودادي ولّا تبي منّي الهجر ونفضها سيره ..! .................... واذبح خفوق ٍ دوم باسمك ينـــــادي المــــــــــــــدى ,,,, |
أحد ٍ عانق الظلمى واحد ٍ عانق النور .................. وانا اللي دمـــــع العـــين غــــارق ٍ باالصنــاديق داخل النحر ظو وباقي الحال مقهور .................. وحلو الكــــرى افهقــــه ردى الوقــــت تفهيــــق وش تالي غبر الايام والرجا المثبور .................. وش تالي مسايس البشر ؟ والمحاجـــر محاريق كنت ارجي الغيـث واتاريه مقبور .................. وكنت احسبن لي مع الفرج عهود مواثيق ..! المـــــــــــــــدى ,,, |
البيت لاغاب عن شوفنا اجواده ................. لاعاد به مقيال ولاعاد به مباتي طفينا النــار عقبه وادمعنا رماده ................. وانشهـد انّا عقبه صايبنا شتاتي مايسيل السيل لاانقطع مداده ................ ولايطعم الجايع من البقايا فتاتي المـــــــــــــــــدى ,,,, |
تعال وشوف / كيف الحال من دونك..؟ .................... على كـثر الخلـــق / كنّي ياالغظــي لحــالي خاف الله فينا / وارحم شوق مفتونك .................... انا لاصرت من غيرك / وش اللي بقالي ..؟ المـــــــــــــــــدى ,,,, |
وش قصدك ؟ يوم تزيد في البعد عنّا ..................... ولّا تبي تختـــبر ياالغظـــي شـــوقي..! إيه مشتاقه / ويكفي تعــب لاتمتحنّا .................... وارحم بشوفتك مانشف من عروقي الله على وقـــت ٍ / يـــوم كنّا وكنّــا ................... لاحاظــر ٍ غايــب ولاغايــــب ٍ ذوقي المـــــــــــــــــــــدى ,,,, |
لولا العقل اللي بدين ربّه متقــوّي .................. كان حواني ذنب الجزع واحتويته الجسد اللي حواه المرض ومتطوّي .................. راضي بمكتوبه والياس عنّي رميته ماشكيت لغيره واحترقت بظـوّي ................. احمده هداني لدربه ولـعفوه رجيته المــــــــــــــــدى ,,, |
ياهلا باللي شافته عيني وتهليبه ................. عقب البطى نـــوّخ عندنا ركابه امطر علينا جوّه وطيّبنا بطيبه ................. والمكان استهل واتسع بالرحابه المــــــــــــــــدى ,,, |
دخيل الله ياوقتي / إلّا نبحة الشامت .................. دخيل الله لايدري / وتكفى تبّعدها بنت شيخ ٍ / ورفعــة الــراس تهامت ................. وسلوم العــرب فيني /اثمـرت محامدها ياذا الدهــر/ روحــي ماكنّهـــا كانــــت ................ كما الحــــر بالنايفــه / وكلّ ٍ يشاهـدها خلّيــــت دروب المعـــزّه عنهم ترامت ................ وعــزوم الطيبين / وراك مجـــوّدها..! دخيل الله يكفي / عزومي تهـــاوت ................ دخيل الله يكفي/ جروحي لاتجددها المــــــــــــــــــدى ,,,, |
| الساعة الآن 03:34 AM. |