تدري وش اصعب حب يوجد على الكون
أنك تحبلك واحدن مادرى عنك
مجنون في حبك وبالصد مغبون
كاتم غلاتك والمشاعر بكنك
باين علي الحب لو كان مدفون
في وسط قلبي فاح هيلك وبنك
ياصاحبي ماترمش بشوفك اجفون
ادموعها في زرع وصلك سقنك
واعيوني اللي بغيبتك ماهي أعيون
إمرايتينٍ بالحزن يظهرنك
لاتلومني لاصرت هايم ومجنون
حلاك وحبك بالحشا سكننك
لامال طولك تشبه بميلة اغصون
ند الهبايب بالحشا حركنك
ماعد شعرٍ كاتبه فيك مخزون
مشاعري كل ماشعرت جددنك
كاتم غلاتك مابي الناس يدرون
خوفي سواليف البشر يبعدنك
يأغلا غلا وأصعب محبه على الكون
ويأغلا مشاعر بالهوى يرسمنك

ربي يسعدك دنيا واخره

يمر طيفك على بالـي و وقـف لـه
وأضرب تحية غـرام أتهزلـك ديـره
ياعل طيفك فـي بالـي دوم ياعلـه
عشان أخط من جنون الشعر لك سيره
يامنتظـر عودتـي لـك الغـلا كلـه
شعور قلبي تجاهك صعـب تعبيـره
فوحت لك من مشاعر خافقـي دلـه
دلة غلا والهوى والشـوق والغيـره
خابٌرك يـوم الشعـر قدامـي أتفلـه
وأقول يالله عسـى بأمحبتـك خيـره
تقـول أحبـك وقلبـي حبـك أيتلـه
ماتدري أنـك بقلبـي مالـكٍ ديـره
ياصاحبي والوعد قـدام وأفطـن لـه
بذكرك شـي منسـي حـان تذكيـره
أنا على موعـدي تـل الحبـل تلـه
ياصاحبـي باصلـك بأيـامٍ قصيـره

ودي اشوفك كل ماترمش العيــن
مير القدر والوقت يمنع لقانا