|
هلا اخت اميرة السراب اشكرك مرة اخرى على الاجابات الحلوة وعلى خفة روحك وظلك وعلى طولة بالك <<<< اهم شي طولة البال *8 واحب اقول لك ان الدنيا لسه بخير ولو خليت لبليت *8 واما معانق انا ما لمحت فيه بس هو سأل معي وانا حبيت اصرف نظرك عني واسوي اني مؤدب وما سألت فعشان كذه حطيتها براس معانق يلا دوري ارشح الحين : معانق جروح <<<< ودي يطيح بيدي *w واقتراحك اخت اميرة جميل جدا وان شاء الله نعمل فيه تحياتي ,,, |
هههههههههههه ميشووووووو يالخوووواف .. خايف يطرحك برى المنتـدى هااااا بس لا أنا ماأتوقع معـ جروح ـانق .. يسووووي جذي .. أمممم طبعاً .. أنا أرشح .. معـ جروح ـانق ،،،، يا أخي كيفي بأنتقم .. وإن ماوريتـك هيييين .. بأخلي علامات التعجب والإستفهام تتراقص فوق راسـك .. يلا من الحين بأحضــر لك .. من ذيك الأسئلة اللي يحبها قلبك .. <<<< إن ماهبلت فيك .. منتظــرة على أحر من الجمـر .. وإن شاءالله تطيــح بالفخ .. |
ههههههههه وانا بعد معك يا اميرة ابي نارك تبرد من معانق جروح ارشح معانق جروح |
معانق جروح ارشحووووووووووووووووووووووووووووووه
|
<<<< شفت يامعـ جروح ـانق .. شلون حسوووا فيني .. ياااويلك بس .. جاااااااك الويل ياتارك الصلاة .. هههههههههههه ياازينــك بس .. لا شرفتنا وصرت الضيف عندنااااا أممممم يااااااااااااااي متى بسسسس <<<< تصبري ياأميـرة .. هانت .. زززين والله إن العضو اللي يطيح بالفخ .. هو اللي يختار الأعضاء للترشيح علشاااان ينتقم عدل *8 *8 |
اكيييييييييييييييييييييييد و بلا شك
ارشح معــ جروح ـانق :D و سلااااامتكم .... *3 |
والله يا معانق شكلك رحت فيها واميرة احس انك صادقة احلى شي بالفخ انك تقدر تنتقم زي ما سويت انا فيك *q يلا لحد الآن معانق هو المرشح بنسبة 100 % لعنبو ابليسك كنّك صدام حسين بانتخابات الرئاسة :D يلا وين الباقي تعالوا رشحوا |
وش هالترشيحات #t <-------<< هالضعيف على نياته مشغول في البرنامج حقه((أعقل ياقرداحي)):D وأنتم طايحين ترشيحات!!! أميره لعنبو بليسك هذا وأنا ما سألتك ألا اربعه اسئله قلتي بتنتقمين!!! طيب أميره وقالت تبي تنتقم ميشو والدبه وزود وندى أنتم وش تبون؟؟؟*2 وش سويت لكم وشهو له هالترشيح اللي يحسسني أن فيه شي بيصير لي :( اللي قاهرني ميشو وزود لعنبو بليسكم وش تبون تسألوني عنه؟؟ مازهقتوا مني؟؟ المهم ماعلينا أشكر لكم ترشيحاتكم اللي تبين محبتكم ((ايه ماعليه ألا تبيّن لقافتهم)):D وأعذروني على تأخري بالرد لأني توّي دريت بالترشيح أخوكم / معــ جروح ـانق |
سلام عليكم
ارشح معانق جروح وسلامتكم |
السلام عليكم ورحمه الله وبركاته .. ههههههههههههههههههه معـ جروح ـانق .. ووووووربي مت عليييك من الضحك .. تدري شنو يبون فيك .. يرشحووون .. هذة روح التعاون والمحبة .. ينصفوووني عليك .. أممممممم صج يمكن يكونون أربع أسئلة .. لكن فرن مخي فر .. أبد ماتوقعت أحد يسألني إياهن .. بس .. حلووووووووووووووين ماشاءالله عليك .. <<<<< من اليوم قاعد تكتب أسئلة .. بتهبل فيك .. على فكرة لو مانحبك ونعزك .. كان مارشحناك .. يلا إبسط ياعم .. من قدك .. أميـرة .. وترشح إنسان متواضع مثلك .. هههههههههههههههههههه |
يالله
متى نسئله مجهز عشرطعش سؤال بسررررررررررررررررررررررررررررررررررررعه متحمس ابي اغسل شراعه <<<<< من يفهمها هذي باخليه يقول تكفىى بس ارحمني ياويلك ويلااااااااااااااااااه يامعانقوووووه تحياتي زود الغلا |
يا ويله بس يجي بسوي له عمليه غسيل مخ
خخخخخخخخخخخخ ناطر هالدب بس يطل علينا |
http://www.lahaonline.com/forum/icon_sa1.gif اخواني واخواتي الاعضاء مدة الترشيح انتهت وكانت نتيجة الترشيح 100 % للأخ معانق جروح فلذلك سقط الاخ معانق بالفخ الله يعينك *8 يلا لا اوصيكم شباب وبنات الله الله بالاسئلة وانتظر اسئلتي معانق حبيبي بكرة *w مع تحياتي : اخوكم مشمش ,,, ملاحظة : آخر موعد للاسئلة ليلة الخميس يعني بعد 3 ايام :D |
وعليكم السلام ورحمة الله وبركاتة .. يااااهلاااااااااااا والله .. ومليووووووون .. مرحباااااااااااااا الله يبرد قلبك .. إن شاءالله .. وووووووربي من الطفش .. كنت بأكتب .. إن معـ جروح ـانق .. طااااااااح بالفـــــــــخ .. وما لقى من يشيلة .. بسسسسسس لما رجعت مرة ثانية .. ولا لقيتك .. <<<<<< حــــــاقدة .. يلا بسم الله الرحمن الرحيم .. <<<< ياسلام أول من يســأل هي .. أحب أرحب .. فيك .. وأشكــــــــرك .. لتلبية الدعــوة .. <<<< معـ جروح ــانق .. يقول .. لو بكيفي أطنشكم هههههههه طيب .. <<<< إعذروها ماعندها إسلوب .. 1- ماهو شعورك .. وإنت بهذة اللحظة .. تحــــاصرك الأسئلة .. من كل جهـة ؟ <<< إسلووووب هههههههههه 2- بطـــاقتك الشخصية ؟ - الأسم الحقيقي .. - العمر .. - وظيفتك .. دراستك .. - هواياتك .. - طموحـــــاتك .. - عدد خوانك .. وخواتك .. وترتيبك بينهم .. <<<<<< إبلش رحنا فيها تحقيق من جد .. دخيييييل ربي لاتتذمر .. وجـــاوب وإنت ساكت .. والسؤال اللي مايعجبك .. طيرة .. وأنا إختك .. <<<< ماتحب تضغط عليك .. - سيـــارتك .. <<<< كل هذا وللحينا في السؤال الأول .. - لونك المفضل .. أممممممم خلصنا .. طبعاً .. أغلبهم أعرف الأجوبة .. بس علشان جمهورك ممكن تعيدهم لنا .. <<<< سوت جولة إستكشافية .. على جميع ردودك .. 2- لكل شــــــاعر بداية .. ممكن تتحدث عن بدايتك وشلون كانت ؟ 3- من هو أول من يقوم بقرائة قصيدتك بعد الإنتهاء منها ؟ 4- لماذا تكتب الشعر وهل يوجد شخص معين توجة لة شعرك .. ومن يلهمك على كتابة الشعر ؟ 5- ماذا تعني لك هذة الكلمات .. - الشعــــر .. - الحيــــــاة .. - الليل .. - الحب .. - الصداقة .. - المــــــــــرأة .. هذووووووووول كم سؤال .. أمممممم بسسس خمسة .. لا مايصير .. خلاااااااااااص .. لي عووووووووودة .. أشووووووفك على خير .. ملاحظـــــة .. أعتذر لكثرة الأسئلة .. وهي إختيارية وليست إجبارية .. يعني على راحتـك .. ياااخوووووي .. |
باااااااااااك .. أشوى محد جا .. أممممم طبعاً الأسئلة اللي فوق .. لو ماسألتها أنا كان غيري سائلها .. يعني ماتعتبر أسئلة .. 1- كنت احسب ان الهوىلعبه نهايتها أسىونكران ==== دريـت أن الـهـوى نعـمه اذا حبيـت متفانـي نــور تكـفيـن لاتنسيــن أنـا خايـف مـن الهـجران ==== أخافك تبعدي عني ويكون الحـل نسيانــي مـابـي البـعـد يـفـرقـنـا000خلي قلـوبـنـا خـلان ==== ولا أخـذي معـك قلبـي وخليني مع أحزاني كتبتها وإقتنعت بكتابتها .. هل هذة الكلمات موجهة لشخص معين .. وهل مررت بتجربة حب .. وبماذا أختتمت .. وطبعاً أنا سألتك سؤااااااااال واحد بسسسس ميشووووووووو أنا معتمدة عليــــــــك .. بالأسئلة .. فر لي مخة فر .. طبعاً الرصاصي .. بعد جا .. وزود .. معاهم .. ياسلااااااام .. اللـــــــه يعينك أخوي .. معـ جروح ــانق .. وأعتذر إذا صدر مني أي إزعــــــــاج .. أو إحراج .. تقبل تحياتي إختـــك .. أميـــرة .. |
السلام عليكم ورحمة الله وبركاته احب أقول لجميع اعضاء منتدى الود عام جديد وسعيد انشاء الله على الجميع هذاني بشارك وياكم ويارب اكون عند حسن ظنكم اول: قبل كل شي احب اشكر اخوي فهد ( كباكه ) على هالموضوع الرائع وثانيا: أعتذر من جميع اعضاء منتدى الود لقل ردودي على مشاركاتهم الخارجه عن قسم همس القوافي وثالثا: أشكر أميرة السراب للفتها لنظري لهذا الموضوع الشيق ورابعا: الله يكون بعونك يامعانق جروح وبسم الله أبدأ 1- من هو لاعبك المفضل محليا - خليجيا - عربيا - عالميا وأيضا من هو مطربك 2- لو عرض عليك اللعب بنادي معين كنت ستلعب لصالح من <<<< اسئلته دبلوماسيه دخلنا الجد الاسئله السياسيه 3- طب عليك فجأه مكتب f b i وقالك انت متورط مع تنظيم القاعده وشهو شعورك في هذه الحظه 4- هل كان ودك تكون انت احد المجاهدين بأفغانستان وبالاخص من الاشخاص المتورطين بتفجير برجي التجاره خلونا ندخل على اسئلة الفرفشه والضحك ( على اسم القسم ) 5- اطرف موقف واجهته بحياتك وايضا أحرج موقف 6- نبي العدد التقريبي للناس المضافين معك بالماسنجر واياً من الجنسين ( الذكر أو الأنثى ) تكون الاغلبيه <<<< يبي يدور اسئله ويرجع انتظروووووووه القادم مذهل القادم مذهل <<<< يارب مايكون طقها ميانه حيل معانق لك احقية استثناء اي سؤال من الاجابه مع تمنياتي لك بالتوفيق اخوك بندر السميري |
بسم الله الرحمن الرحيم السلام عليكم ورحمة الله وبركاته اخواني وأخواتي أشكر لكم ترشيحكم والذي يعكس مدى أهتمامكم ومحبتكم,,, وهالحين بابدأ في اجابة الأسئله بعد اذنكم ,,, ----------------------------------------------- البقا يا أميرة السراب ياهلابك أكثر أختي ,,, هالحين بأستعرض اسئلتك بالدور س1- ماهو شعورك .. وإنت بهذة اللحظة .. تحــــاصرك الأسئلة .. من كل جهـة ؟ ج1- والله شعور عادي ,,, ******************************** س2- - بطـــاقتك الشخصية ؟ - الأسم الحقيقي .. - محمد - العمر .. - مدري ماحسبته بس أنا من مواليد 27/12/1982م 13/03/1403هـ أحسبوه أنتم :D - وظيفتك .. دراستك .. - طالب جامعي - لغه انجليزيه - هواياتك .. - الأدب بجميع فروعه - تصفح النت - وأشياء كثيره بس مو ببالي هالحين - طموحـــــاتك .. - التخرج - الوظيفه - البدء في ممارسة الأعمال الحره - عدد خوانك .. وخواتك .. وترتيبك بينهم .. - عدد اخواني كلهم على بعضهم سبعه من غيري ترتيبي الأول في الذكور,,, سيارتي / هوندا أكورد 2002م لوني المفضل / الكحلي ***************************** بدايتي شعرياً أذكرها من زمان كنت أتابع الشعر من يومي صغير وبديت في كتابته وأنا عمري 14 تقريباً وكانت بدايات متواضعه وعالعموم أنا مازلت في البدايات حتى الآن,,, ***************************** مافيه أحد معين له الأولويه بقراءة قصيدتي بعد كتابتها اللي يقابلني وأثق في رأيه أقوله القصيده ,,, ***************************** - لماذا تكتب الشعر؟ أكتب الشعر لتفريغ مايختلج في صدري من أحاسيس خصوصاً اني ما أحب البوح بالكلام كثير لذلك البوح يكون عندي للقصايد,,,, وهل يوجد شخص معين توجة له شعرك ؟ على حسب القصيده وعلى حسب ظروفها ,, ومن يلهمك على كتابة الشعر ؟ صراحه ملهمي الأول لكتابة القصايد هو ((الحزن)) ,,, *********************************** - ماذا تعني لك هذة الكلمات .. - الشعــــر / الشعر في نظري هو مترجم الأحاسيس,,, - الحيــــــاة / مدرسه كبيره تسعدك كثيراً ولكن بكثر ماتسعدك تحزنك أضعاف ما أسعدتك الحياه,,, - الليل / نديم الأحباب الغربه الأبديه - الحب / أوكسير الحياه فلاحياه من غير حب ,,, - الصداقة / الصداقه فن لايجيده الكثيرون ,,, - المــــــــــرأة / يطول الحديث عنها ويحتاج الى مجلدات يكفي القول بأن المرأه هي أرق كائن حي بالوجود في نظري,,,*********************************** هذي اجابات النموذج الأول *6 |
يؤيؤيؤيؤيؤيؤ أميره مره ثانيه لعنبو بليسك مع هالأسئله أتخيلك مدرّسه:D وهالحين بابدأ في النموذج الثاني بسم الله ********************************* اقتباس:
هل هذة الكلمات موجهة لشخص معين ؟؟ أكيد أنها موجهه لشخص معيّن لكن الأسم كان للمواراه ,,, وهل مررت بتجربة حب ؟؟ وبماذا أختتمت ؟ نعم مررت بتجربة حب ونهايتها كانت مرّه للغايه ولكن هذي الدنيا ماتصفى لأحد ,,, ******************************* لاإزعاج ولا إحراج أختي حالمه بالعكس أسعدني مرورك,,, أنتهى النموذج الثاني*6 |
السلام عليكم ورحمة الله وبركاتة .. هلا أخـــوي .. بنـدر السميري .. حيـــــــاك الرحمن .. معانا .. نوووووورت مكانك .. والعفووووووو بس هااااااااااااااه .. ماأوصيك على أخووك .. معــ جروح ـانق .. هالله هالله بالأسئلة .. <<<<< هي ماتسأل كثير .. علشان ماتطلع بالصورة .. توخر وتخلي الغير يســـــألون .. = = = = = = هلا أخـــوي .. معــ جروح ـانق .. شـــــــاكرة لك تجــاوبك .. وسعــة صدرك .. وأتمنى من كل قلبي إني ماأزعجتك .. ولا سببت لك أي إحراج .. وتمنياتي لك بالتوفيق .. |
هلا بك أخوي / بندر منور الموضوع بالهطلّه الحلوه وأنت هالحين صاحب النموذج الثالث يلا نبدأ بالأجوبه *************************** - من هو لاعبك المفضل محليا / نواف التمياط خليجيا/ بشار عبدالله عربيا / حازم إمام عالميا / ريفالدو *************************** وأيضا من هو مطربك محمد عبده - خالدعبدالرحمن - عبدالمجيدعبدالله *************************** 2- لو عرض عليك اللعب بنادي معين كنت ستلعب لصالح من؟؟ - بألعب للي يدفع أكثر ******************************** 3- طب عليك فجأه مكتب f b i وقالك انت متورط مع تنظيم القاعده وشهو شعورك في هذه الحظه - والله مدري بس أنا متأكد لو شافوني بيخلوني بيدرون اني في حالي:( ******************************* - هل كان ودك تكون انت احد المجاهدين بأفغانستان وبالاخص من الاشخاص المتورطين بتفجير برجي التجاره - لا مهوب ودّي ,,, ******************************* 5- اطرف موقف واجهته بحياتك وايضا أحرج موقف - المواقف كثيره بس أذكر موقف حصل لي يوم كان عمري 14 تقريباً كنت عند خوالي وخوالي لاصرت عندهم كانوا يقفلون الباب وهم طالعين الصبح لدواماتهم <------------<< مايحب أحد يقفل عليه *2 وكانوا يقفلون علي لأني أذيّه ((ترى بس يوم كنت صغير كنت أذيّه هالحين قسم بالله حبيب وفي حالي)) *e المهم أسمع صوت عيال جيرانهم بالشارع وودّي أطلع بس الباب مقفول المهم يوم وصلت حدّي قمت ورحت للسور وطلعت على البراده اللي بالحوش أبي أطب من السور وأروح ألعب مع العيال قمت طبيت مع الجدار لين هنا الوضع تمام والأمن مستتبّ لكن المشكله يوم طبيت تعلق بنطلوني في مسمار طالع من الجدار وقعدت معلق بين السماء والأرض:D صايحت ناديت والعيال أستانسوا أني متعلق وما أقدر أوصلهم قاموا يرجموني بالحصى *2 أنا ماهمنّي الحصى أنا أنقهرت أني ما أقدر أوصلهم وأفقع وجيهم ومافكنّي ألا السايق حق خوالي وطبعاً علمهم علي وأنجلدت ذاك اليوم منهم لين دخت *1 أما بالنسبه للموقف المحرج مره كنت مع واحد من عيال خالي نتمشى ودقوا عليه أثنين من زملائه بالجامعه تواعدنا معهم عند مطعم أبو كمال , أنا ماسبق ان تواجهت مع زملائه ولا أعرفهم يعني مابيننا ميانه المهم عزمناهم على العشاء من لقافتي قلت لهم نتعشى فوق <--------<< على باله يعرف المطعم زين :D المهم طلبت العشاء وتعشينا واللي علينا بالعافيه يوم قعدنا نسولف ونشرب العصير ناديت الجرسون وخذيت منّه الفاتوره وحلفت محد يدفع الحساب <--------<< مسوي كريم قمت خذيت الفاتوره ومن غير ما أطالع فيها حطيت فيها 100 ريال ((راس مالي )) :( وراحو العيال يغسلون قمت طالعت الفاتوره ابي أشوف كم بيرجع لي ((ياروحي يالثقه)) يوم طالعت الفاتوره ألا يوم بغت تطير عيوني #t طلع الحساب 346 ريال طلعت المحفظه يمكن يكون فيه ريال هنا ولا هنا مالقيت ولا ريال بغيت أبكي من الحسره والفشيله المهم تداركنا الوضع وخلينا العشاء قطّه <--------<< ياشين اللي يعزمون وهم ماعندهم سالفه*2 ********************************* - نبي العدد التقريبي للناس المضافين معك بالماسنجر واياً من الجنسين ( الذكر أو الأنثى ) تكون الاغلبيه - 28 شخص وأغلبهم ذكور ********************************* اقتباس:
وش دعوى أخوي عزيز وغالي أسعدني مرورك وأنا في أنتظارك,,, |
اقتباس:
ما أزعجتيني ولا شي بالعكس اسئلتك عاديه ولافيها أي شي <---------<< كان متوقع قنابل مو اسئله :D أسعدتني طلّتك وحضورك |
#t#t#t
والله ورحت فيها يا معانق الله يعينك *q |
السلام عليكم ورحمة الله وبركاتة .. هلا إخواني .. <<<<< لا هلا فيج ولا مرحبا .. يؤ يؤ صبر صبر يمة لا تاكلووووني إصبروا علي .. في قرار توووووني .. أصدرتة .. خير خير ليييييييش ومنو إنتي .. بس بس لحد يتذمـر .. مو قلتي خلاص ماترجعين مرة ثانية .. إيييييييييه مو هذا اللي باط جبدي .. قــــــــــــــرار .. سكووووووووووت .. الكل يلزم الصمت .. قررت إدارة حـــالمة .. أميـرة .. القرار التالي .. قرار النسخ واللصق .. السبب : الأعضـــــــــــاء نايمين .. واللي لابس طاقية الإخفى .. واللي بس يتشمت .. ويمشي < ميشوووو> وحنا اللي معتمدين علية بالأسئلة والضيف ياأخي .. بدى يحس بالملل وإن مالة شعبيـــــة .. <<<<< معـ جروح ــانق *1 *1 إحبـــــــاط .. لالالالالالا أمــــــزح .. بس أبي أحس صج إنة فخ .. وأبي تكثر عليك الأسئلة مو بالطريقة هذة .. لالالالالا تكثرين ترىىى أشوتك برىىىىى أوووووووووكي خلااااااااااص لاتدفون طيب طيب .. يلا إستلم .. <<<< نسخ ولص من ميشوووووو - افطر جيداً وتغدا خفيفاً وعطي عشائك لعدوك .. مثل صيني .. ماذا يعني لك ؟ - هل الراحه تعني لك الاسترخاء الجسدي .. ومتى تشعر بأنك بحاجه لراحه ؟ - ماهو أول شيء تقوم به عندما تستيقظ ؟ - ماذا يعني لك اسم معـ جروح ــانق ولماذا أخترت هذا الاسم ؟ <<<<< مايصير حتى الإسم نسخ لصق لازم نغير هههههههه - ما هو الموقف المحرج الذي صادفك في منتدى الود؟؟ - اذا كنت لست أنت فمن تتمنى أن تكون ؟ - متى تحس أنك بحاجه للشعر؟ - عندما تنتهي من كتابه شعرك بماذا تشعر بينك وبين نفسك ؟ -ً ماذا تعني لكِ هذه الاسماء ,,, 1- الورود الحمراء .. 2- الحمامه .. 3 - أعضاء المنتدى .. بأروووووح أنسخ الجزء الثاني لاااااا تروووح .. خلك على الخط .. طبعاً منقووووول لكن مع التغيير .. <<<<< حذفت (نون النسوة) والنون والياء .. والإسم طبعاً .. وهذاااااا عقاااااب علشان ماتنامون مررررة ثانية .. <<<<< طفشـــــــــانة .. ومالقت إلا معـ جروح ــانق .. تغثة .. |
بااااااااااااك .. الجزء الثـــاني .. لالالالالالا أوووول روح إشرب ماي .. طيب ههههههههههههههه ياحليلك شربت قبل لا تجي .. ماشاءالله عليك .. فطييين عامل حساب حق كل شيء .. عين المولى ترعــــاك .. إن شاءالله .. ياااخوووووووي .. ولاتنســـى إن الصبر كالشجــرة ثمارها حلووووة .. وأوراقها مـــــــــرة .. يعني صبرك علينا .. وتحمل شوووووي .. بسم الله .. يلا إستلم .. - إذا أقتصــر الإفصــاح عن المشــاعر المباحــة على جنس بعينه.. وأصبح نفس الدور محرماً على الجنس الآخـــر..في رأيك ألا يختل ميزان العدل البشري بهذه النظرية الرجعية ..ألا يمثل ذلك قمــة الظلم ...ووأد جاهلية بصورة أقل عنفــاً ؟ - ما هو رأيك بالاسماء التالية : دبة تسوي رجيم .. معانق جروح لالالالا مايصير نبي نحط بدالة .. أممممممم .. °ˆ~*¤®§(*§ أميــرة السراب §*)§®¤*~ˆ° nada .. زود الغلا .. عابرة سبيل .. ميــ قمر14ــشو .. - من هو اكثر شخص ترتاح لوجوده وتتطمن لما يكون معك داخل المنتدى وخارجه ؟ - ما هو قسمك المفضل بالمنتدى ؟ - وماذا يعني لك قسم الضحك والفرفشة ؟ - مطعمك المفضل ؟ ووجبتك المفضلة عنده ؟ <<<<< يافشيلة كلة نسخ ولصق طيييييب .. - حكمتك بالحياة ؟ - بمـــاذا تعــامل شخص أساء إليــــك ؟ - هل إنت إنسان متفـائل أم متشائم ؟ - ماذا قدمت لدينك .. ودنياك ؟ - هـــــــــــل تعرضت لحــادث بالسيــارة >< بعيد الشر>< وكيف هي صحتــــك ؟ <<<<< شكلها زودتها حبتين .. لإن الأعضاء نايمين ياأخي أنا ماسألت إلا كم سؤال ينعدون على الأصابع .. والباقي إعتبــــــــــــر إن الأعضاء اللي رشحوووك هم اللي سألوا .. وخلااااااااااااااااااااااااص .. قفلنا البرنامج .. الضيف تعب وماراح نستقبل أسئلة بعد .. خلاااااااااص .. مو جذي معـ جروح ــانق .. <<<<< تمزح لحد يصدق كيفكم .. هههههههه لإني واثقة محد عندة أسئلة بعد أسئلتي .. <<<<<< ماخلت مجال حق أحد .. لحظة لحظة .. مر في بالي كم سؤال بأقولهم .. وأطلع .. - هل تحب السفر ؟ وأكثر دولة سافرت لها واللي تتمنى تسافر لها ؟ - لووووو حكمت العالم يوم واحد شنو راح تسوي ؟ - وصلت تذكرتين لكوكب المريخ .. منو تصطحب معك ؟ - من أغث وووحدة بالمنتدى ؟ بالله مو أنا هههههههههههه <<<<< وحدة طفشانة وتبي تطفش العالم معاها .. طييييييييييييب خلااااااااااااااص .. طبعاً يبي لك كم يوم تحلة لا لا لا ماني مستعجلة على الحلول إخذ راحتك .. وووووووطنش بأسئلة الأعضاء بسسس جاوب على أسئلتي أنا فقط .. <<<<< شكلة بيطنش بأسئلتك إنتي .. |
بااااااااااك .. الجـــزء الثالث .. <<<<< قاعد تفحط بالمنتدى .. بروحها .. تلف تلف وترجع هني .. ومعـ جرووح ــانق .. يتحمــــل .. أمممممم يلا إستلم .. وهاااااااااااك عصير المانجو .. مز مز فية .. ههههههههههه مزمز .. - شنو الأمنية اللي تحققت في حياتك .. واللي للحين ماتحققت .. - مثلك الأعلى .. - حكمة تؤمن بها .. - ماهو إنطباعك عن شباب اليوم .. - قصيدة ترددها دائماً .. - شنو أحلىىى صفة فية .. وشنو الصفة اللي فيك .. وإنت ماتحبها ؟ - في ناس يقولون .. القلب الطيب خسران .. بهالدنيا .. شنووو تعليقك ؟؟ أوووووووووووووف .. تعبت من كثر الأسئلة .. خلاص .. معـ جروح ــانق .. لكل شيء بداية ونهاية .. فإحنا نختتم اللقاء ونطلب منك .. أخر كلمة تقولها .. <<<<< يؤ يؤ من صجها إختتمت اللقاء .. ماعلي منكم .. والله *a *a مخليني بروووحي أفحط بالمنتدى .. شسوووووووي هااااااااااااا*2 أحلىىىى خبر سمعتة .. وأتعس خبر سمعتة .. يؤ يؤ للحين فيك روح .. ماختمتي إنتي .. هااااااااااااااااا من قال بأختم .. لالالالالا للحين فيني روح .. وأرواح بعد .. إنت هيييييييييييه علامك .. ساكت ماتتكلم تقول شيء .. جاوب ولا تتذمـــــــــر .. يلا مع السلامة إن تذكرت شيء بأجيـــــــك .. <<<< إن شاءالله تفقدين الذاكرة وتنسين إنك مشاركة بالمنتدى .. علشان تفكينا من هذرتك .. إحم إحم .. رحم الله إمرء عرف قدر نفســـة .. |
بااااااااااااك .. أحلىىىىىىى باك .. لج يا أميرة .. يسلمووووووووووو أممممم أحب أشكــــرك ياخووووووي .. على طوووولة بالك .. وتحملك للأسئلة .. والدم الثقيل .. عاد ربي خلقني جذي شسوي يعني .. المهم .. خذ راحتـــك بالجواب على الأسئلة .. لو بعد ثلاث أربع أريام كيفك .. حتى لو جا عضو بعدي وسأل جاوب على العضو وطنشني .. لإن أسئلتي تبي وووووقت .. والسؤال اللي مايعجبك وأنا إختك .. طيرة .. ولا يهمك .. وأخـــــــــر أخــــــــــر سؤال .. <<< يؤ يؤ للحين أسئلـــــة .. لو كنت تحب شخص موووووووت وإنت تحسن بة النية .. وفجــأة .. فرقتكم الأيام .. وهالشخص أغلىىىى من عرفت بالوجود .. المهم .. أرخصت نفسك وذليتها لأجل ترضية .. وعطيتة كل ماتملك بالحياة .. ولما إفترقتوا .. جا يوم وإلتقيتوا مرة ثانية .. ورجعت العلاقة بينكم .. طبعاً إنت خسرت كل شيء .. وهوووووو مرتاح .. ولا خسر شيء .. وهو من بدى بالجية وجاك لحد باب بيتـــك .. قال .. محتــــــــــــــــــــــــــاجك .. هذا أغلى بشر .. ضميتة لصدرك مرة ثانية .. ورحبت بة .. ونسيت .. أو تنــــــــاسيت كل شيء .. وفجأة وووبدوووون ذكر الأسباب يتهمك بالخيـــانة .. ويقووووولك .. أنا مقتنع إنك خاااااااين .. وإنت تقولة الظلم موو زين ولا تظلمني .. وهو يرد عليـــــــك .. وبكل برود .. يابخت من نام مظلوم ولا ظالم .. شنووووووو بتكووووون ردة فعلك .. ؟؟؟؟؟؟؟؟ مشكووووووووور ويعطيك العافية .. وإن جيت مرة ثانية أبي أسئل قفلوا بوجهي*8 |
الللللللله يرجك اميره على الأسئله الملطووووووشه :D
اسئله .. اسئله .. اسئله مالقيت غير ذول << و بالموووووت لقيتهم ;( س1 : هل تطمح ان يكون لك قصائد مغناه بأصوات كبار المطربين مثل محمد عبده و عبدالمجيد عبدالله ؟؟؟ س2 : من شاعرك المفضل ؟؟؟ << ياقدمه بس جاوبه *8 س3 : اوصف لنا الجو اللي يساعدك على الكتابه ؟؟؟ ووووووبس خلااااااص ترى معرف اسأل ... #s #s #s << ذول من الفررررحه عشاني سألت هههههههههه و سلاااامتكم .... *3 |
اخوي معانق كبداية عندي سؤال واحد بس السؤال : لو خيرك ابوك بين انه يزوجك ولا انه يطلع لك BMW 745 IL وش تختار ؟؟؟؟ وليه ؟؟؟؟ وانتظر المزيد بعد كم ساعة *w |
انا ارشح :اميرة الحب
مسكين ما معا احد اخوكم أسير العيون |
بسم الله الرحمن الرحيم هاه وش أخبار أسئلتكم فيه شي جديد *6 أوكيه هالحين بأبدأ على بركة الله أربطوا الأحزمه وأستعدوا للتحليق *w ***************************** - افطر جيداً وتغدا خفيفاً وعطي عشائك لعدوك .. مثل صيني .. ماذا يعني لك ؟ - مايعني لي شي لأن ثقافتي مو صينيه **************************** - هل الراحه تعني لك الاسترخاء الجسدي ومتى تشعر بأنك بحاجه لراحه ؟ -الراحه تعني لي الراحه النفسيه والجسديه وأشعر اني بحاجه للراحه إذا تعبت *k **************************** - ماهو أول شيء تقوم به عندما تستيقظ ؟ - أغسل وجهي وأفرش أسناني شوفوا كيف أسناني :D <-------<< ترى أخلاقه تجاريه إذا قام من النوم **************************** - ماذا يعني لك اسم معـ جروح ــانق ولماذا أخترت هذا الاسم ؟ - يعني لي الأداه التي تساعدني على التحليق بلاحدود وبلا مظاهر أجتماعيه يفرضها عليك مجتمعك يعني لي أشياء كثيره بس مو أغلى من أسمي ,,, *************************** - ما هو الموقف المحرج الذي صادفك في منتدى الود؟؟ - مافيه شي ببالي هالحين *************************** - اذا كنت لست أنت فمن تتمنى أن تكون ؟ - أخاف تقولون مغرور *e صراحه أتمنى أن أكون صاحب السمو الملكي الأمير((سعود الفيصل)) وزير الخارجيه ,,, فأنا من أشد المعجبين بشخصيته وبأسلوبه السياسي وبثقافته العاليه ,,, ************************** - متى تحس أنك بحاجه للشعر؟ - إذا جار علي الزمن وأحسست فعلاً اني وحيد لن أجد غير الشعر ليترجم مايختلج في صدري من أحاسيس ************************** - عندما تنتهي من كتابه شعرك بماذا تشعر بينك وبين نفسك ؟ - أحياناً أشعر بالزهو وأنتظر بفارغ الصبر ردات الفعل تجاه القصيده,,, ************************** -ً ماذا تعني لكِ هذه الاسماء ,,, 1- الورود الحمراء / الروز قمة الرومانسيه ,,, 2- الحمامه / طير السلام ,,, 3 - أعضاء المنتدى / اخواني واخواتي الذين أكنّ لهم في قلبي أطنان من المحبه والأحترام ولن تنقص هذه المحبه مهما أختلفنا في وجهات النظر ,,, ************************* هالحين نروح للنموذج اللي بعده *k |
هالحين الجزء الثاني *6 بسم الله ********************* - إذا أقتصــر الإفصــاح عن المشــاعر المباحــة على جنس بعينه.. وأصبح نفس الدور محرماً على الجنس الآخـــر..في رأيك ألا يختل ميزان العدل البشري بهذه النظرية الرجعية ..ألا يمثل ذلك قمــة الظلم ...ووأد جاهلية بصورة أقل عنفــاً ؟ - والله يا أخت أميره ان هذا قمة الظلم لماذا الذكر يفصح عن مشاعره بينما الأنثى لاتفصح ((هذه الكلام غير قابل للتعميم)) هل في الإفصاح عن المشاعر عيب!!! صدقيني اني أمقت هذا الشيء ,,, ************************************** - ما هو رأيك بالاسماء التالية : دبة تسوي رجيم .. أخت عزيزه غاليه ,,, رائعه ,,, نشيطه بالمنتدى ,,, طموحه ,,, وشاطره وتسمع الكلام #W ************* °ˆ~*¤®§(*§ أميــرة السراب §*)§®¤*~ˆ° أخت عزيزه وغاليه ,,, صاحبة أسلوب رائع في الردود قشرا :D ,,, وغامضه ,,, وخفيفة دم ,,, وأتمنى لها بالفعل التوفيق في حياتها العلميه والعمليه ************** nada .. أخت عزيزه وغاليه ,,, أكثر شي يعجبني فيها حبها لأغاني محمد عبده وعبدالمجيدعبدالله ,,, وسيعة صدر وخفيفة دم وأنسانه تحرج الجميع بدماثة أخلاقها ,,, ************** زود الغلا .. أخوي عزيز وغالي ,,, قمة الهبال ,,, وشهادتي فيه مجروحه ,,, ************** عابرة سبيل .. أخت عزيزه وغاليه ,,, مبدعه ,,, صاحبة أفكار رائعه ومتجدده يعجبني فيها سعيها الدؤؤب في البحث عن المزيد من الأبداع,,, ************** ميــ قمر14ــشو .. ميشو هذا حبيب قلبي ,,, أخوي ,,, وسيع صدر وصراحه سعيد بصداقتي معه وشهادتي فيه مجروحه ,,, ************** - من هو اكثر شخص ترتاح لوجوده وتتطمن لما يكون معك داخل المنتدى وخارجه ؟ - راحتي غير مرتبطه بتواجد أحد سواءً داخل المنتدى أو خارجه ,,, **************************** - ما هو قسمك المفضل بالمنتدى ؟ - همس القوافي ,,, ***************************** - وماذا يعني لك قسم الضحك والفرفشة ؟ - المكان اللي يضمّ أغلب أحبائي والذين لا أتواصل معهم ألا من خلاله ((لقلة خروجهم منه)) وعدم تواجدهم في باقي الأقسام ,,, ***************************** - مطعمك المفضل ؟ ووجبتك المفضلة عنده ؟ - يمدحون أكل أمي عسى الله يحفظها :D **************************** - حكمتك بالحياة ؟ - ((إذا عقلك عقلك عما لايعنيك فأنت عاقل)) ***************** - بمـــاذا تعــامل شخص أساء إليــــك ؟ - والله انا عصبي ويمكن أعامله بمثل ماعاملني *2 ***************** - هل إنت إنسان متفـائل أم متشائم ؟ - متفائل ((رغم التشائم الغالب على قصائدي)) ***************** - ماذا قدمت لدينك .. ودنياك ؟ -اسأل الله العفو والعافيه فأنا مقصر بأشياء كثيره ***************** - هـــــــــــل تعرضت لحــادث بالسيــارة >< بعيد الشر>< وكيف هي صحتــــك ؟ - نعم تعرضت لحادث مروري قبل عيد الأضحى بأيام قليله والحمدلله صحتي عال العال ,,, ***************** - هل تحب السفر ؟ وأكثر دولة سافرت لها واللي تتمنى تسافر لها ؟ - ايه أحبه وأكثر دوله هي ((البحرين)) لإقامتي بالمنطقه الشرقيه لفتره طويله وصراحه الكويت شدتني الصيف الماضي وأتمنى أعيد الزياره لها ,,, ***************** - لووووو حكمت العالم يوم واحد شنو راح تسوي ؟ - والله ثم والله مافيه شي غير فلسطين يستاهل اني أقدمه على هالقضيه الهامه **************** - وصلت تذكرتين لكوكب المريخ .. منو تصطحب معك ؟ - بآخذك أقطك هناك وأرجع بسرررررعه *w **************** - من أغث وووحدة بالمنتدى ؟ - فيه أختيارات :D لا والله حالمه كلكن غاليات عسى الله يحفظكن ,,, ***************** يعطيك العافيه على هالمجهود الرهييييييييب اللي تقومين به في كتابة الأسئله *8 هالحين النموذج اللي بعده *6 |
بسم الله الرحمن الرحيم هالحين بابدأ في اجابة الجزء الثالث من مقرر أميرة السراب :D على بركة الله ********************** - شنو الأمنية اللي تحققت في حياتك .. واللي للحين ماتحققت .. - والله كثير اللي تحققت واللي ماتحققت أكثر وما أقدر ألا ان أقول الحمدلله على كل حال ,,, ********************* - مثلك الأعلى .. - أحاول قد ماأقدر أن آستنبط الصفات الجيده والحسنه من جميع من هم حولي ,,, ******************* - حكمة تؤمن بها .. - هذا السؤال مكرر بصيغه أخرى اقتباس:
<---------<< ياولد يانبيه *k ****************** - ماهو إنطباعك عن شباب اليوم .. - فينا الخيروالبركه ان شاء الله وعالعموم كل شريحه من شرائح المجتمع فيها الجيد والسيء ,,, **************** - قصيدة ترددها دائماً .. - آخر قصيده أكتبها أكون كثير الترديد لها ,,, *************** - شنو أحلىىى صفة فيك - مدري *e .. وشنو الصفة اللي فيك .. وإنت ماتحبها ؟ - العصبيه ,,, - في ناس يقولون .. القلب الطيب خسران .. بهالدنيا .. شنووو تعليقك ؟؟ - القلب الطيب مايعرف الندم وصدقيني انه لايخسر فهو دائماً من يربح في النهايه ,,, ****************** -أحلىىىى خبر سمعتة - قدوم ولد أختي للدنيا ,,, .. وأتعس خبر سمعتة .. قالت معانق خلنا مثل الأخوان لا أنتا هوى بالي ولا أنتا ضنيني شوفوا عيوني كيف فيها الحزن بان يــوم قــالــت أنــهـا مـاتـبـيــنـــي البيتين السابقه تحمل أتعس خبرتلقيته في حياتي ,,, ********************** وهالحين بنروح للجزء الرابع من مقرر مادةالأسئله بإشراف الأستاذه / أميرة السراب |
السلام عليكم ورحمة الله وبركاتة .. أممممممم <<< مستحيــــــــــة .. تقول ياربي شنو سويت أنا .. صج إني مملة بكثـــر .. الأسئلة .. لكن أرد عليها أقوووولها عذرك معك .. طيب والرجال شنو ذنبة .. يوووووووه عاد يتحمل .. أشكـــــــــــــــرك .. أشكـــــــــــــــرك .. من كل قلبي .. ياخوي .. على أجوبتـك .. وعسى الله يوفقك .. وشاكرة لك سعة صدرك .. وطول بالك .. لو كان غيرك .. يمكن يحذف الموضوع وراة أنا*8 *8 ووووووبعدين أنا قشرا .. بس يلا مسموووح .. تدري ليش لإنك .. خايف مني ههههههههه والدليل شقيت حلقك بعدها على طووووول .. ياااااااااي .. سبحــــان الله كأنك قاريء أفكــاري .. ونااااسة لهدرجة يعني .. تبي ـأخذني المريخ .. وتقطني وتجي .. أمممممم .. زين تسوي .. يلا سرينـــا .. بسررررعة لا تتأخر أحسن ما يلغون التذكــرة .. وألف ألف ألف شكـــــــــر لك .. أعتقد غثيتك غثة مابعدها غثة .. يلا يؤ يؤ باقي الجزء الرابع يلا جاوب هو سؤال واحد .. ومشكووووووووووور .. |
أهلاً بكم إجابات الجزء الرابع لأسئلة مادة القلق والإزعاج بإشراف المعلمه / أميرة السراب ,,,:D يالله نتوكل على الله ******************** اقتباس:
هذا ميئوس من أمره وش اللي يظلمني ويرجع يقول اني اللي ظالمه وش الدنيا فوضى *2 بس أعتقد إني بأحاول توضيح الصوره له وتذكيره بأنه الغلطان والظالم ,,, |
وأخيراً خلصنا من مقرر أستاذه أميره *1 لا من جد الله يعطيك ألف عافيه أميره على اسئلتك الحلوه (( سلمي لي عالنسخ ))*q وبالعكس أختي ماغثيتيني ولا شي أنتي عزيزه وغاليه وأسئلتك تعكس أهتمامك شكراً لك ,,, وصراحه أشكرك على مجهودك الرائع ومتابعتك الحلوه وأعتذر لك عن تأخري بالردود بس والله اني منشغل وأجلت الحلقه الثانيه من برنامجي عشان أجاوب على اسئلتك ,,,, أختي تفضلي بقبول وافر تقديري وأحترامي ,,, أخوك / معــ جروح ـانق |
وأخيراً خلصنا من مقرر أستاذه أميره *1 لا من جد الله يعطيك ألف عافيه أميره على اسئلتك الحلوه (( سلمي لي عالنسخ ))*q وبالعكس أختي ماغثيتيني ولا شي أنتي عزيزه وغاليه وأسئلتك تعكس أهتمامك شكراً لك ,,, وصراحه أشكرك على مجهودك الرائع ومتابعتك الحلوه وأعتذر لك عن تأخري بالردود بس والله اني منشغل وأجلت الحلقه الثانيه من برنامجي عشان أجاوب على اسئلتك ,,,, أختي تفضلي بقبول وافر تقديري وأحترامي ,,, أخوك / معــ جروح ـانق |
كنت اتمنى تواجدي اثناء تواجد صاحب القلم المتألق وصاحب الحس
المرهف والحروف الجباره والتي طالما طوعها لتسطر لنا اروع ما يقال من ابيات شعريه تأسر الخاطر وتسره وذلك لطرح اسئلة تنير لي بعض الجوانب الخفيه في شخصيته المميزه لكن سؤالي لك معانق جروح.. وش صار فيك بغيابي .... نسيتني ولا على بالك اطري مع احترامي للجميع اعتذر عن عدم طرح سؤال يفيد غيري من الاعضاء انما هو مجرد احساس راودني عندما رأيت اسم صاحبي يزهو وبكل ثقه في ارجاء المنتدى والذي لم اره لمدة طويله ؟؟!! ... |
8
8 8 8 8 8 8 8 هههههههههههههههههههههههههههههههههههههههههه |
هاااااااااااي عدنا من زمان ماتلاقينا
انا بصراحه اتمنى اميره بس الكل طايح عللى كبسه افاااااا
|
بسم الله الرحمن الرحيم هالحين بأرد على اسئلة ندى ((ياحليلها تعرف تسأل)) :D أوكيه بابدأ على بركة الله ********************* س1 : هل تطمح ان يكون لك قصائد مغناه بأصوات كبار المطربين مثل محمد عبده و عبدالمجيد عبدالله ؟؟؟ ج1 / مو طموووح مثل ماتقولين ولكن ان حصلت أكيد بتكون فرصه نادره لتحقق قصائدي أنتشار وشهره ,,, **************************** س2 : من شاعرك المفضل ؟؟؟ ج2/ الأمير عبدالرحمن بن مساعد **************************** س3 : اوصف لنا الجو اللي يساعدك على الكتابه ؟؟؟ ج3 / والله مافيه جو معين أو طقوس خاصه للكتابه بس أهم شي أكون لحالي وقت الكتابه ,,,, *************************** مشكووووووره أختي ندى على هالطله الحلوه |
| الساعة الآن 01:26 AM. |