صبري نفذ وأنته اسبابه =ماعاد فيه صبر ينطاق
القلب من هجرة احبابه =مجروح ينزف آلم واشواق

مالوم من هو عشقك وحب= فيك الدلع زلزل اركاني
درب الهواء من خلق له طب=الا اني اهواك وتهواني

ياصاحبي من زمان اشكي =شوق اللذي مادرى عني
ان جيت بحكي عجزت احكي=وان طول الصبر جنني

زرعت في داخلي بستان= من شأن في داخلي يمرح
مايعرف الحب ذا الفتان =قام يتغلى وبدا يجرح

الهم مكتوب في عيني =تقرآه كل البشر بوضوح
هم اللذي كان في يديني =عزآه يالعاشق المفضوح

والله لو هو جفانا الغير =ماكان نزعل ونتضايق
لكن من هو جفا ياطير =غالي على قلبي ولايق

ليش المجافا كذا بالحال= حرام تفعل كذا فينا
الود في دياركم نزال =وارضاك غاية امانينا

اعوام بيه آلم لكن=مابوح بسرار مخفيها
مايوم في الهنا ساكن=روحي بدا الهم يشقيها

وينك ماعاد وجيه الايام تنطاق=لو تضحك بعيني تراها كئيبه
وينك ترا من غيبتك خاطري ضاق=وضاقت علي فجوج الارض الرحيبه

انا عزيز ولا انزل المنزل الخرب =واكبر دليل اني مبرر خطايه
اخطي ولو اخطي خطايه خطى ضرب=حتى معاقبتي تضايق عدايه