|
اييييييييييييه احبك
قلتها لك و الصدى غطى المكان صرختها بداخل الجووووف .. مدري حبيبي سمعتها ؟ و الا ضاعت حروفها بين طيات الخووووف -- يمكن خجل .. عيت ابين لك ان فرقاك هو ذاته المووووت |
لعيونكم .... القصيده بالصوت .. http://www.l5s.net/dld5My92516.rm.html يوم ثارت في جنون من جنون الجاهليه عاتبتني لين شبت في شراييني لهبها واستفزتني وفزت وزعلت مني عليه وستضاقت من كلامي يوم زعلني عتبها من بعدها ما بقى لي في محانيها بقيه اسدلت دمع المحاجر للبكا ورخت هدبها والله اني مانويت ابدي معاها بالخطيه بس هي اللي تعدت حدها لحظة غضبها والله اني كنت اكابر بالعتب بحسن نيه بس ابدري هو صحيح اني الوحيد اللي عجبها يمكن اني كنت قاسي بالعتب معها شوية كثر ما كانت تمنى راحتي واعشق تعبها جرحتني بالكلام وكبرت حيل القضية واخسرت بي كل عرق من شراييني كسبها ولا هي ماكان فيها للموادع مقدرية والجفا كانت تعافه بس مدري وش قلبها ليتني مارحت اقياس قيمتي عند بدوية رجعت لي كل عرق حبها ولا نهبها و علمتني كيف بالجفا و انتصر و ابقى ضحيه و علمتني كيف قلبي لو غلبها ما غلبها و علمتني يوم صدت عنفوان الاجودية ما تلوح للمقفي لو سلبها ما سلبها رابية بين القبايل و العرب و اهل الحمية عاقله ماتبذر إلا نخلة تعرف رطبها إن تهادت ذكرتني في خفوق العامريه و إن تمادت تركب ابليس الرجيم و ماركبها جفنها لا سلهمت به ما يطيق السامرية تسحبه برضاه عينه و ان سهت عينه سحبها و ان حكت تعطي مكانه للحروف الابجدية كن كلمتها تلفت للكلام اللي عقبها و الحروف اليا تعدت بالشفاه النرجسية كنها صارت قصيدة بس ربي ما كتبها وش بوصف من حلاها وش بخلي للبرية ما بها بالحسن عيب و اكشفته الا حجبها شعرها فيه الخوي اللي تبرى من خويه و الشفا لو تشرب الما و اختلط فيها شربها كن في ضمة شفاها جمرتين بنار حيه كل من حس بدفاها و أحترق صد و قربها شفتها مثل الجريمه و ابتليت ابها بليه غلطة ٍجيت اتحاشى ظلمها قلت ارتكبها كل شي شفت فيها فيه نبره جاذبيه موهبة من فضل ربي و اشهد ان الله وهبها كلها لله بلله فاتنه ها لآدميه عاجبتني من بداية راسها لا سفل كعبها لو تبادلني شعوري و الهدية بالهدية ما وفت لي لو تبيع ثيابها و اغلى ذهبها هملتني و القلوب الجرهدية جرهدية و أحرقتني و المحبه نارها تاكل حطبها و لا انا ما كنت اكابر و الليالي السرمدية يمكن ان اللي غصبني للولع فيها غصبها يا خفوقي و ادري انك منت في حاجة وصية شف مكاني و انت تدري وين هي يمة عربها رح لها و ان كان فيها قلب يطمح في مجيه شف طلبها في عروقه و ان حصل تمم طلبها و انشده و ان قال عنها من هدر دمي بريه قله ان اللي حصلي بالمحبة من سببها و لو يقول اني تعمدت الخطا لجل الأذية قله اني ما تحمل بالعتب قله ادبها و لو يقول اني انا اللي كنت بادي بالخطية قل هي اللي تعدت حدها لحظة غضبها |
تـُرى ..
متى سأُتقِن أبجديّة غيَابك ؟! |
أدري أني مقصر في سؤالي عنك يالغالي
بس لاتفكر اني ناسيك ياحياتي ظرووفي تجبرني على غيابي |
يا كثر ما رافقت خلان و احباب و يا كثر ما في شدتي هملوني على كثر ما أعدهم ستر و حجاب على كثر ما احتجتهم و اتركوني من صارت الخوه ثمن حفنة تراب نفس الوجيه اللي نصوني نسوني من غير ذكر فروق و عروق و أنساب كانوا ثلاثة و الثلاثة جفوني علمتهم و شلون الأهداف تنصاب و لما سواعدهم قوت صوبوني عشاني أصغرهم عمر صاروا أحزاب عشاني اصدقهم قصيد اظلموني اللي نجاح اسمي زرع فيهم أنياب حتى النصيحة ما بغوا ينصحوني دام العطايا عندهم دين و أتعاب و الله لو أطلب ذنبهم ما عطوني طالب نصيحة كني طالب أرقاب و هي نصيحة؟! كيف لو زوجوني؟ كنت أكتب لنفسي مشاريه و عتاب و لا ادري إن اللي قروني قروني تضاربت من دوني عقول و ألباب واجد بغوا غيري و واجد بغوني أقفل هدب تسهر على شعري أهداب كني حبست إرقادهم في جفوني لو شفتهم واحد يشوفوني اسراب من وين مالدوا نظرهم لقوني أثري و جودي بينهم محرق أعصاب و مزعل بعضهم من بعض لو طروني يا كبري بعيني و أنا توني شاب و اهم كتاب الشعر حاربوني حتى و لو يهوي على نجمي شهاب يكفيني إن إسمي كبير بعيوني قد قال ابوي :ان هبتهم قول :ما هاب لو يقدرونك قول :ما تقدروني ما دام قبري محتضن راس مرقاب على كثر ما تقدرون ادفنوني لو ماني بذيب إنهشت عظمي ذياب لو ما عرفت اثبت وجودي لغوني لو ما سكنت وجيههم مت بغياب لو ما قدرت أمحي ورقهم محوني أصبحت الأصعب لأنهم كانوا اصعاب جننتهم مثل ما جننوني ما جيت أبدبل كبدهم شعر و خطاب لين أدبلوا كبد الذي خلفوني يا ويل وجهي كن للدمع مخلاب ما جف ماه و لا استحى من طعوني كل ما طرالي منظرمريب و أرتاب كان الوحيد اللي يحرك شجوني قبلة صلاة و ذكر و خشوع و كتاب و أمي على سجادة النور دوني تدعي لي الله يفتح بوجهي أبواب تتوسله بالشده يكون عوني من كثر ما خفاقها بالدعاء ذاب صارت تحس إن زملاي اكرهوني بشرتها:يمه معي ربع و أصحاب ماني لحالي واجد اللي يبوني من يوم ما حاز قلمي كل الالقاب قلطتهم في دفتري و احفظوني الله وهبنيهم بني عم و أجناب من يوم جيت اعجبتهم و اعجبوني و اعجابهم فيني ما هو بأيه اعجاب باسلوبي بشرحي بطرحي بلوني لو قلت عن نفسي( بشر) صرت كذاب لو قلت :( دمي من ذهب) صدقوني لو بكيفهم كان ازرعوا دربي أعشاب لو بيدهم يتشبهون اشبهوني من كثر ما صاروا من طبوعي اقراب حتى بلبسة شمغهم قلدوني واجد دعوني و اغلقوا دوني الباب و اكثار ناس أبكي لهم ما بكوني لو طالوا لهدمي مناسيب و أطناب كان و غلاتك من زمان اهدموني ما دام حطوا فيني عيوب و سباب جنبت عنهم مثل ما جنبوني أصلا لو أن بخوتي شي ينعاب ذبحت نفسي قبل لا يذبحوني أنا يدي لو ما كست متني ثياب نذر ٍ على لقطع يدي من متوني مو عيب أجي مدعو و لا أشوف ترحاب العيب لو إني رجعت إن دعوني ما دمت اجي و لا يحسبون لى حساب حرمت اروح اذا يبوني يجوني |
عيني على ( بـابـك ) .. تجيه وتولّي ..
مشتاق .. ومالي في ( وصالك ) طريقه ..!! |
\Operator\ راحت حياتي مابين open و close |
اقتباس:
|
احسك قطعه من يوفي ................................
|
القمر حلو لكنه عالي
والذهب حلو لكنه غالي وأنت أحلى لأنك في بالي |
| الساعة الآن 03:09 PM. |