منتديات الـــود
صفحة 4 من 5 123 4 5
عرض 40 مشاركات من هذا الموضوع لكل صفحة

منتديات الـــود (http://vb.al-wed.com/index.php)
-   همس القوافي (http://vb.al-wed.com/forumdisplay.php?f=11)
-   -   || بعـض المسااجـلاات الهجيريـه ( صـووت وو صـددى) .. || (http://vb.al-wed.com/showthread.php?t=215317)

العـ راعي ـليا 09-08-2009 08:03 PM
اقتباس:
المشاركة الأصلية كتبت بواسطة طع شوري (المشاركة 3589312)

ياراعـي العليـا لـك الحـرف بهـديـه=وانت اللذي حرفـك يجـي دوم مسبـوك
الشعـر عنـدك ميزتـه فـي معانـيـه=وبعض العرب حرفه كما (الراب) و(الروك)
البارحـه نومـي عجـزت اهتنـي فيـه=مانمت طول الليـل كنـي علـى شـوك
هـذا الزمـان اليـوم بانـت خوافـيـه=والطيبين اليـوم صـاروا لـه علـوك
وشربوا به رخـوم الرجاجيـل صافيـه=وقامـوا يرصـون الملايـيـن ببـنـوك
لاحصـل ريـالا ! ولا اخــوه قافـيـه=وتملكـوا كـل العـقـارات بصـكـوك
وقت(ن) على اهل الطيب تـذري سوفيـه=وبدربهـم صـارت عراقيـل وشـبـوك
عـزي لمنهـو صـار وقتـه مجافـيـه=واليا جفـاك الوقـت الاصحـاب خلـوك
يالله تقدرنـي علـى الطـيـب ووفـيـه=وتغفـر لنـا يـا غافـر الزلـه ارجـوك
انت الوحيد اللي مـا خـاب الرجـا فيـه=تفـرج لنـاس (ن) طالبينـك وطاعـوك

اهداءء خاص لراعي العليا ...
اهل الشمال لهم معزه وتقدير
لاني خاويتهم واكثر اصدقائي
من الشمال ومليون ونعم ولا يكفيهم ..
وانا والله ياراعي العليا بامكاني ان اسند
هالقصيده الى اي شاعر ...
لكن اخترتك وانت كفو .. والعذر والسموحه على القصووووور

اقتباس:
المشاركة الأصلية كتبت بواسطة العـ راعي ـليا (المشاركة 3600097)


حرفٍ لفاني ‘ يآالله انّك تحيّيه=طرقٍ جزيل ‘ وبالسِمينات مدكوك
حرفٍ سما به ‘ للطويلات راعيـه=ما هي غريبه ‘ يوم هو جاك محبـوك
النـادر اللـي ناشدتنـي قوافـيـه=ما يلحقه مني حشا ظـن وشكـوك
يشكي عليّ الحال ‘مما جـرى فيـه=ما يدري أن الحال من بعض مشروك
يا صاحبي عشـت الزمـان ومآسيـه=شفته صفى لمن همّها حِسبـة البـوك
كلٍ بهم حاش الردى في مخابيه=لا جيتهم ماقِيل عشّوك .. قهووك!
لا شك لو قامـت ‘ تتالـى بلاويـه=الحر مـا يخنـع ولا يرْضخ ابـروك
عليـك باللـي مـا تغيّـر مباديـه=ابعد عن اللي حبل مبداه مفكـوك
ومثلك فهيـمٍ مـا تخونـه هقاويـه=تبقى جبل ثابت ولا قلت هـدّوك
الوقت وإن سادت ‘ ذيابه حصانيـه=الروس تبقى رووس ‘ ما ترجع اوروك






والمعذره من القصور ...

اخــوك راعــي العــلياا / غــازي الــرويــلي ‘

العـ راعي ـليا 12-08-2009 01:12 PM
اقتباس:
المشاركة الأصلية كتبت بواسطة مستورالحارثي (المشاركة 3635359)
ياويل قلبي كل ما اذكر مزاياه=ياويل قلبي وينه اليوم وينه
مدري وش اخباره ولا اعرف نواياه=حبل المواصل فلّته من يدينه
حبه ملك قلبي ودمر خلاياه=فرقا الحبايب ياهل الحب شينه
تبكي عليه العين والقلب ينعاه=فرقاه في نفسي هي اكبر غبينه
أحاول اتناسى وعييت لا انساه=ماغير اهوجس في وصوفه وزينه
كن العسل يقطر من احمر شفاياه=وكل الخفايا سرها وسط عينه
ياخذ من البراق لمعة ثناياه=وتخجِل شعاع الشمس لمعة جبينه
ياوجد روحي كلما حل طرياه=يوقف دمي من ونتي في وتينه
عزاه ياقلبي من الحزن عزاه=وويلاه يانفسي على اللي تبينه
ياقلب وش تسوى حياتك بليّاه=ويانفس وش حيلتْك وانتي حزينه


مستور محمد الحارثي

مصر ـ الاسكندرية في 11/8/1430هـ
اقتباس:
المشاركة الأصلية كتبت بواسطة شاعر الدرر (المشاركة 3638670)
مجارات متواضعة لفصيدة اخي الشاعر مستور الحارثي



من زار مصر بساعة الضيق تهناه=ضحكة بها ينسى شقاه و حنينه
ادري بها تشفي خواطر معنَاه=واللي من الآهات يشكي ونينه
وإلا الهوى ذبَاح باسمه ومعناه=من دق بابه طول عمره سجينه
معروف ما كل ٍ سلم يوم يقناه=يقهر ولا تقدر بفعله تدينه
يجي على عكس الذي به فرضناه=بحره عميق وكم غرق به سفينه
تلخيص شامل للألم والمعاناه=من يكتب اسمه فيه ربي يعينه
وياذيب شرواكم لو الوقت يشناه=يمشي وما حسَب بخطوة رزينه
مادام للطولات يفخر بيمناه=ويسوقها في الوافية والسمينه
والكون مايخلى من اقصاه لادناه=والليث يبقى ليث خارج عرينه
هذا كلامي يالخوي جاك مبناه=اضحك.... عسى الآهات تغدي دفينه



المهندس الشاعر/ثامر الحارثي 21/8/ 1430



شاعر الدرر

العـ راعي ـليا 22-08-2009 01:27 AM
اقتباس:
المشاركة الأصلية كتبت بواسطة شاعر الدرر (المشاركة 3555033)
صح لسان المبدع اخي/راعي العليا



على هذا الشموخ الغير المستغرب

ودائما تجبرني على الاطراء لما ارى من الابداع


تسَلم يمين اللي بوقفته تنفيس=للي شكى اقسى معاني الخساره
بحر(ن) حوى اروع فنون القواميس=معروف ما يحتاج وصفه اماره
قصايده فيها سلاسة وتدريس=فن و طرب وابداع فاق العباره

تقبل تحياتي

والمعذره على التأخير ..
يسلم جنابك ‘ يازبون المفاليس=ياللي على الطولات ‘ كلّك جساره
عن الهدف ‘ ما وقّفتك المتاريس=من روس قوم ‘ كل ابوها سطاره
لا جاء نهار اللازمه ترخص الكيس=يوم الردي ‘ يموت ما شب ناره

سلامه الشمري 22-08-2009 02:47 PM
اقتباس:
المشاركة الأصلية كتبت بواسطة العـ راعي ـليا (المشاركة 2934320)
السلام عليكم ورحمة الله وبركاته

الأخوه روّاد هذا المنتدى الشااامخ ..

كل عاام وانتم بألف خير ، وعيدكم مباارك .

هي مجرد فكره راودتني وقد توفر عناء البحث ، لمن يستمتع بقراءة المسااجلاات ،

لذا حبيت أن اضع بين يديكم بعض مساااجلاااتي مع الأخ العزيز / صالح الشيبااني .

علّها تنااال اعجاابكم .. تقبلوا تحيّتي
صح الله لسانك شاعرنا الكبير راعي العليا

على الابيات الجميله جدآ والله يعطيك العافيه

وتقبل مني تحياتي وأشواقي

العـ راعي ـليا 23-08-2009 02:13 AM
اقتباس:
المشاركة الأصلية كتبت بواسطة واحد في واحد (المشاركة 3683410)
السلام عليكم ورحمه الله وبركاته


ياكليب شب النار ياكليـب شبـه ..~!ّ=عليك شبة والحطب لـك يجابـي ..~!ّ
وعلي أنا ياكليـب هيلـه وحبـه ..~!ّ=وعليك تقليـط الـدلال العذابـي ..~!ّ
وادغث لها ياكليب من سمر جبه ..~!ّ=وشبة الياا منه غفى كـل هابـي ..~!ّ
باغـي ليـا شبيتهـا ثـم قبـت ..~!ّ=تجلب لنا ربعـا سـراة غيابـي ..~!ّ
بنسريـةً ياكليـب صلفـا مهبـه ..~!ّ=لاهب نسناسه تقـل سـم دابـي ..~!ّ
سـراة بليـل وناطحيـن مهبـه ..~!ّ=متكنفيـن وشوقهـم بالعـذابـي ..~!ّ
الوالمة ياكليـب عجـل بصبـه ..~!ّ=والرزق عند اللي ينشى السحابـي ..~!ّ
صبة لقرمـاً صرفتـه ماحسبـه ..~!ّ=يوم البخيل مكنهب الوجة هابـي ..~!ّ
وصبة لمنعورين ليـا جـاة نبـة ..~!ّ=يرخص بعمره والدخل لها ضبابي ..~!ّ
وعدة عن اللي مايداري المسبـه ..~!ّ=اللي يـدور بالقصيـر الغيابـي ..~!ّ
عن الطيب عده نازلا لـه بغبـه ..~!ّ=يضرب علي درب الخطا مايهابي ..~!ّ
لا باطن الهلباج خطـوا الجلبـة ..~!ّ=يا حلو خبط عصيهـم بالركابـي ..~!ّ
أطمر لهم وأبدي سـلام المحبـه ..~!ّ=لا جو على هجناً يديهم خرابـي ..~!ّ
سلام أحلى مـن شخاليـل جبـه ..~!ّ=وأحلى من السمن الجديد العرابي ..~!ّ
مع كبشً مصلاح راسـه نجبـه ..~!ّ=لا أدبر الهيـن متيـن العلابـي ..~!ّ
خطو الولد يـوم الملاقـي نكبـه ..~!ّ=يأتي علينا من حسـاب الزهابـي ..~!ّ
وحتى يش لو يلبس وبينن وجبـه ..~!ّ=معيرة علـى غضيـر الشبابـي ..~!ّ
أنا لقيت الصبـر يازيـن غبـه ..~!ّ=يرقيك روس مشمرخات الهضابي ..~!ّ
من لاصبر ياكليب في حكم ربـه ..~!ّ=هذاك يوم البعـث مالـه ثوابـي ..~!ّ
يقولها اللي مـا حسـب المسبـه ..~!ّ=ولا عرقل الاجواد ببعض الهلابي ..~!ّ
هذا هـوى بالـي وهـذا مطبـه ..~!ّ=من قبل مايسفح علينـا الترابـي ..~!ّ



كانت هذي القصيده قصيدة دغيم الضلماوي في شبوب النار والقهوه وهي من احسن وصف وروعهـ بالقهوه والنار..~!ّ



اتمنى تعجبكم ..~!ّ
اقتباس:
المشاركة الأصلية كتبت بواسطة واحد في واحد (المشاركة 3683419)
او هاذا رد لـ لبيد المتينه البلازي الشعلاني من شيوخ الرولة من عنزه ذكر في القصيدة حبه للظلماوي ؛ وجارا قصيدته :



يا دعيث شب النار يا دعيث شبــه=بين القطاب ومقدم البيت نابــــي
واجدع بها من صامل الرمث ضبه=لا ما تجس لباسهم والثيابــــــــي
وقلط ثلاثن معتنينن بربـــــــــــــــه=ومبرقعاتن عن دبيبن ودابــــــــي
واتعب بحمستها وبالنجر كبـــــــه=ودقه وعجلها لربعن اتعابــــــــي
بنجرن إليا حرك بصوته ينبـــــــه=جنيب ذيبن في علو الشعابــــــي
يحوفهن رجلن بعيد المسبـــــــــه=بعيد عن طرق الخطا والسبابــي
فنجالهن يوم المقهوي تعبــــــــه=يشبه خظاب مفلجات العذابــــــي
نقلط لهم ميسورنا ما ننبـــــــــــه=واكمالته حشمه وزين الجوابـــي
وأسرع لهم بالي على النار صبه=وإيمر لهم بلي سريعن يجابــــــي
العبد ماله مدتن دون ربـــــــــــــه=ولا مد من لا مد منشي السحابـي
أما ادغيم تايهن من يسبــــــــــــه=راع الدلال المكرمات التعابــــــي
ولو هو من العدوان قلبي يحبـــه=من اللابة اللي ما ذكر به عيابــي
يذكر لنا عند الضياغم مربــــــــــه=وساع الطعون ومرويين الحرابي

اتمنا ان تحوز على رظاكم

العـ راعي ـليا 25-08-2009 01:44 AM
اقتباس:
المشاركة الأصلية كتبت بواسطة سلامه الشمري (المشاركة 3683304)
صح الله لسانك شاعرنا الكبير راعي العليا

على الابيات الجميله جدآ والله يعطيك العافيه

وتقبل مني تحياتي وأشواقي

صح بدنك ولا هنت

ولا عليك زوود يابعدي .. الله يعاافيك ويبقيك ..

الف شكر على التواجد والمرور العطِر .

لك تحيّتي وتقديري .

دمت بخير ‘‘

العـ راعي ـليا 05-09-2009 08:15 AM
اقتباس:
المشاركة الأصلية كتبت بواسطة العـ راعي ـليا (المشاركة 2259020)
ضيّعت عمري ... جالسٍ واتحرّاك=ترجع لشخصٍ بعدك الهم داسه
تسهر عيونه كل ... ليله تمنّاك=ومن أجل عينك ... عاف يازين ناسه
كان الترجي يفيد ... يبغى إِترجاك=قبل الثياب البيض ... تصبح لباسه
وكان البكاء يرضيك ... والله لآنعاك=وابكيك لين الراس ... يغدي عماسه
وحيد في عمري ... ولا يمكن انساك=إلا إذا المخلوق ... ينسى حواسه
راحت سنه وشهور ... ما وحيت طرياك=من بعد حبٍ ... كانت الروح ساسه
واليوم انا عايش على طيف ذكراك=والقلب جرحه زاد ... والهم حاسه
ارجيك ترجع ... دامني صدقٍ اهواك=قبل لهيب الشوق ... يذهب حماسه
تنقذ غريقٍ طاح ... في بحر دنياك=وطارت به الأمواج ... وانهد باسه

اقتباس:
المشاركة الأصلية كتبت بواسطة هجير الشتاء (المشاركة 2263305)

ما كأنك إلا الشمس وانا من حماك ..= كني نواة الأرض ما شفت ناسه ..
كن الصبر يذبل ليا سمع طرياك ..= وأنا اتجلد في حياة التعاسه...
بأقصى المحاني عذق والثمره اشواك= ما ترحم اللي كف رمحه وفاسه..
إيه انثري يا بسمة الشوق لاماك ..=وجه القدر مسكوب مقلوب كاسه ..
طيش العمر لو لوح بود واغراك ..= ورّثك في عز المشاريب ياسه
بس افتحي لا نسنس الكبت شباك .=انا احتضر مرتع‘وآوان‘ وناسه
خليني ابعد واندمل واتحرااااك..= يمكن يهون الهم ويروق راسه ..

العـ راعي ـليا 06-09-2009 10:31 PM
اقتباس:
المشاركة الأصلية كتبت بواسطة نايف الشريف (المشاركة 3721153)
سلام الله على الشعّار واللي مالهم بالقاف=يرضي جملة الحضّار واللي غايب ٍ عنّا
سلام ولا نقصر به وكنه مع غطا ولحاف=كنه عالي البنيان لا قلته انا البنّا
سلام ٍ جيت ارحب به هلا والله عدد من طاف=عِد اللي يحج البيت في كل عام وتعنّا
عدد ما بالفضا من نجم لا مِنّه برق ينشاف=عِد من النجوم نجوم ارد القول يتثنّا
بعِد من الحكي قول ٍ وادوّر للجروح إسعاف=ادوّر واحد وياقف وللوقفات يتبنّا
يقول اليوم وش حالك وطمنّي عسى مخلاف=طمنّي عن اوضاعك وليت الحِب ماتجنّا
ولامنه درى بالحال نلقى عنده الإنصاف=نلقى وقفة الرجال ماهي تِخلف الظنّا
رفيق إن بانت الشِدَه تِشدِدْ وقفته اطراف=شاعر هذي الأبيات من وقفته يتهنّا


اقتباس:
المشاركة الأصلية كتبت بواسطة شاعر الدرر (المشاركة 3743108)
هلا باللي له الخاطر يهلي به وبالاطياف=ولو جار الزمن به يعلم الله عنه ما حلنا
هلا بك شاعرن تبدي مزونة في نهار(ن) جاف=وتبقى كلمته مورد لجاهلنا وعاقلنا
(هلا بك ) هاء مبداها ومختومة بحرف الكاف=ولو به خير منها صاحبي لجل الوفا قلنا
لك الله ياخوي الدرب حنا لك سند واكتاف=ومكنون الحشا لو هو جبل آهات له شلنا
وحنا في دجى الايام مركب والعطا مجداف=رسينا ببحرها ولو جارت الامواج تحملنا
وانا وغيري من الشعار ماتخفى لنا الاعراف=ولا يمكن بساع الضيق عنكم شئ يشغلنا
ولا ننظر لهذا حارثي وإلا من الاشراف =اخوتنا على مر الزمن دايم تكملنا
هدفنا الــــــــــــــود ما يبنى على شماعة الاسلاف=ونسأل ربنا الرحمن ما عشنا يجملنا


المهندس الشاعر /ثامر الحارثي (شاعر الدرر )

العـ راعي ـليا 10-09-2009 06:24 AM
اقتباس:
المشاركة الأصلية كتبت بواسطة طع شوري (المشاركة 3756916)
السلام عليكم ورحمةى الله وبركاته ,,,,,,,

اخواني واخواتي اسعد الله صباحكم بما يسركم ,,,,,,,

كنا ليلة البارح على قرب مسافة قصيرة من التاهل للمباراه الفاصله المؤهله لجنوب افريقيا ,,,,,

لكن قدر الله وماشاء فعل سبحانه ,,,,,,,,,

ونقول لصقورنا هارد لكم ,,,,, وانشاء الله المسابقات المقبله نشوفكم وتفرحوننا ,,,,

بعد انتهاء الفرحه اللتي لم تستمر الا دقيقه قلت هذه الابيات لعلها تنول على اعجابكم

واستحسانكم ,,,,,,,,, اترككم مع القصيده:

يا فرحةً ما كملت لو دقيقه =ضاعت امانينا باآخر ثواني
فرحه ماتت في مهدها غريقه=كانت تكفي للفرح والاماني
والله وصلنا صدق بآخر دقيقه=وصرنا نجهز للفرح والاغاني
شوطين وانفاس المشجع حريقه=لاجل الوطن كلن يعد الثواني
وكلن يشجع بالمدرج فريقه =يا موطني بالقلب حبك غشاني
ويالمنتخب بالقلب حبك حقيقه=وغير الوطن بالقلب ماله مكاني


الفريدي
اقتباس:
المشاركة الأصلية كتبت بواسطة العـ راعي ـليا (المشاركة 3757862)



ياصاحبي وين الخلل ؟! بالطريقه=وإلاّ بلعب افلانِ وإلاّ فلاني!
وإلاّ الذي ما غير يبلع بريقه!=متهالكٍ كلّه ذبول وهواني!
ثقيل نوم .. ! المستوى ‘ من يفيقه!=ما كن به روح الولاء والتفاني!
غاب الذي بالعون يلمع بريقه=وين انت عنها ؟ .. يا سِهيل اليماني
تستاهل البحرين دوله شقيقه=منّي لها بالود كل التهاني
لها علينا فضلِ يمنى طليقه=فيما مضى ‘ للمنتخب من زماني

العـ راعي ـليا 10-09-2009 10:43 PM
اقتباس:
المشاركة الأصلية كتبت بواسطة طع شوري (المشاركة 3758055)
صباح الود والتقدير = صباح ازهار وسميه
يا هلا بوافي التعبير =يا هلا بصافي النيه
رد القصيده بلا تأخير = يا حي رده ويا حيه
وان كان يسأل عن التقرير =المنتخب حالته سيه
واجب (بسيرو) على التسفير =على الخطوط السعوديه
اقتباس:
المشاركة الأصلية كتبت بواسطة العـ راعي ـليا (المشاركة 3760029)
سلمت ياوافي التصوير=أهلاً هلا والف .. رديّه
راحت علينا ياوجه الخير=من دون هاذي ولا ذيّه
الوضع واضح بِلا تفسير= وتبقى السواليف ودّيّه
في عارِضه باين التقصير!= لو قِيل ميّه على ميّه!
إلى متى؟ بإبرة التخدير!= نمشي ‘ والاحلام ورديّه!

العـ راعي ـليا 21-09-2009 04:54 PM
اقتباس:
المشاركة الأصلية كتبت بواسطة نايف الشريف (المشاركة 3755643)
انا حبّي ترى ماهو تجاره عرض مع بيعات=انا حبّي ترى دايم لأم اللي حوى داري
عيالي في منازلهم وزانت فيهم النيات=ام ٍ جابت إعيالي لها فالقلب مقداري
حشمت اللي اراعيها وهي اعلى من النجمات=قدر وكاتبه ربي عليّه دوم من ضاري
اجيها دوم في منزل ولاهي من بَعَضْ جيّات=جيّت قدر مع حِشمَه وتحفظ دوم اسراري
ولاكِنّي عشقت القاف واكتب دايم الابيات=ولي في كل منزال ٍ ليامن جيت ادواري
هوايه فالشِعِر معها ترانيمي انا بالذات=ختم ٍ قيل للجوده حَفَظْ فالعُمر ِ مشواري
اقتباس:
المشاركة الأصلية كتبت بواسطة شاعر الدرر (المشاركة 3766277)
لك الله ياخوي الدرب لي في ابداعكم وقفات=تعبر عن وفا كم يعلم الله جال بأفكاري
ان اشهد بالكلام اللي تقوله وابيض الرايات=لدارن تحتضن صافي المحبه واطهر الطاري
وكم قصرن بهالدنيا فسيح وعالي الشرفات=حوى وسطه ظلام العشره اللي ليلها ساري
وكم واحد سمع ذا القول لكن يالخوي هيهات=يواري بالمحبه ما انكشف من حسه العاري
قضى عمره حسير القلب يشكي دنيته آهات=على ماقد مضى سيل المحاجر للأبد جاري
مآسي من حياة الناس صارت للاسف شمعات=عسانا دوم نذكرها ونشكر نعمة الباري

العـ راعي ـليا 29-09-2009 07:08 PM
اقتباس:
المشاركة الأصلية كتبت بواسطة ثَرْثَرَة غَ ـيْمَه~ (المشاركة 2790886)

ياهيه لا تشتكي يا اريش العين = الحبّ جمره ويحرق القلب كيّه
هذي سوات الحبّ بين المحبين = وهذي سوات اللي عيونه شقيّه
تسهر طوال اللّيل لعيون غالين = واسهر عشان اللّي سكن في الحويّه
بعض البشر اللّي علينا عزيزين = يالله تحرصهم من النّاس ليّه
واحنّا بلانا الله بحبّ شخصين = هذا (.....) سيد الحلا صار ليّه
اسلى معه ياناس ولا ادري انا وين = عهدٍ عليّ ما اخونه ولأبقى وفيّه
وهذا ولد شمّر (...) بين قوسين = قلبه عشق واختار بنتٍ جنوبيّه
يا ما تحمّل طول المسافه لهالزين = وكان الشقى فأوقات كنّه خويّه
وش عاد لو تدعي يامالك ملايين = بقولّك آمين وادعي عليّه
وختامها ياهوى عنْدي اثنين = ارسلّهم مرسول منّي هديّه
اقتباس:
المشاركة الأصلية كتبت بواسطة نايف الشريف (المشاركة 2791478)


ياما إنتظرنا مير ماظن بتجين=الفين مره قلت يابنت هيــّــه
مدري اضم القلب والا تضمين=والا نصك الباب مافيه جيــّـه
ياكيف منهو حط فالقلب شخصين=قلبه يوفـّـّي لا بدى بالعطيــّــه
الحب ماهو ( كروة ٍ ) ناخذه دين=إما نسده او جحدنا ( الكريــّــه )
إحنا رجال ٍ نعرف الزين والشين=يم الشدايد كم عسفنا المطيـّـه
الصيد كيفي واطرب إن كان تدرين=لاصدت صيده ثم طارت عليــّــه
ماحب صيد السهل والحر شاهين=نايف ترى المعنى موافق سميــّــه
ماكنت اظن القلب مقسوم قسمين=قسم ٍ يضيع وباقي القسم ليــّـه
يابت مافي للهوى حكم شرعين=الحب حاكم والقلوب الرعيــّــه
هذا كلامي كان للقلب تشرين=وليا نويتي منزلي فالحويــّــه


معاني الكلمات :
كروة : أجرة ( في لهجتنا البدوية يقال ان فلان ماخذ الشيئ اجرة اي مستأجره , فيقال فلان ماخذ الشيئ كروة اي مستكريه , فمثلاً يسئل شخص اخر ويقول , هل اشتريت البيت , فيجيب لا استكريته , اي إستأجرته )
فمعنى كروة : اي اجرة
ومعنى الكريّه : اي جحدنا ما إستأجرناه وإستكريناه
اقتباس:
المشاركة الأصلية كتبت بواسطة ثَرْثَرَة غَ ـيْمَه~ (المشاركة 2792787)

وانا بغيابك حرّمت لكحلي العين = فترة غيابك عنّنا ماهي شويّه
بسرد لك القصّه بكلّ العناوين = الحبّ مامات .. بس يبغى السقيّه
كرهي لشخصٍ يعشق اليوم بنتين = يضحك .. ويسولف وهو للكذب خيّه
وش فايدة حبٍ تقاسمه اثنين = لاله طعم ينذاق ولا بان ضيّه
عمري بدا في الحبّ من عام الفين = مع واحدٍ يا خلق ماشفت زيّه
ياما تجاوزت بمحبته كلّ القوانين = وياما شكيت الحظّ/فقر و رديّه
والله يانايف لو آشوفه الحين = لأهديه قلبي وكلّ ما تملك يديّه
هوّا رحل ايه ..!! بس مدري على وين = ما ودّي أحرق القلب بنار حيّه
العمر قدّامي وانا باقي عشرين = وزيدها واحد وهاك الهديّه
سبحان من خلّى في الأجساد روحين = روحين تجمعهم قلوبٍ رضيّه
اقتباس:
المشاركة الأصلية كتبت بواسطة محمد الجبيل (المشاركة 2796353)
ابكي قهر وحس بالجوف سكين=
تقطع شرا ييني شويه شويه =
صدر(ن )حوى قلبين يعشق ملا يين =
وقلب(ن ) يحب اثنين ما شفت زيه=
يا بنت في قلبي لك اليوم سطرين =
بقولها والله يعينك عليه =
يا تعشقين اللى حوى كامل الزين =
ولا تجللى للذي فالحويه =
لا كن دخيلك لا تحبين شخصين=
تخيري لك شخص ونسي البقيه=

العـ راعي ـليا 06-10-2009 05:40 AM
اقتباس:
المشاركة الأصلية كتبت بواسطة شاعر الدرر (المشاركة 3062444)
وداعاً أخواني و أخواتي

من وحي شاعرالدرر


منتدى همس القوافي اهديك من قلبي سلام=واعتذر لك لو قصيدي تاه وسط المعمعه
كان ودي لو ألاقي فيك إحســـاس الكلام=او ألاقي من يدور همس صادق يسمــعه
لوعرفت اللي لمســته قلت لي مابه ملام=الذي قد شاف مثلك ربي الواحـــــد معه
وادري اني لوتركتك عشت احساس الغلام=الذي يهوى المعالي مير خانه مطمعــــــه
بامتطي صهوة قصيدي حتى لو دربي ظلام=واترك آهات القصـــــايد وسط واقع تدمعه
دام لي حلم (ن) بنيته ضاع في وسط الغمام=وإن تبعته صاح فيني روح عني يا امعه
أح منها ابتدينـــا وانتهينـــــا بحرف لام =والبدايه والنهايه ســــر من هو يجمعه
اقتباس:
المشاركة الأصلية كتبت بواسطة العـ راعي ـليا (المشاركة 3853213)

قلبي اللي بك تولّع يا جزيل القاف هام =ما خطر له يوم ياتي فيه ينزف مدمعه
كل ما طير السعاده في سماه اقبل وحام=دار وقته واستدار وجاب شيّن يقمعه
لا تلومه يانديبي .. كان جاله يوم شام=دام صيّور الليالي يافرِح .. كم تصمعه!
صاحبي / ياصاحبي / خطٍ قريته سهم سام=كنّه مسلّط على خدّي لك الله يلمعه!
ليه يا حر(ن) تعلاّ .. في سما العليا السنام != ما هقيت يخيب ظن القلب يوم بمرمعه
إن رحلت الحزن خيّم في خفوقي واستدام=تو بعدي ما ارتويت من الإناء ؛ وبكمعه
جاك شوري ياصليب الشور ياعال المقام=وأنت في حكم المخيّر .. ترفضه او تسمعه

اقتباس:
المشاركة الأصلية كتبت بواسطة جنون شاعر (المشاركة 3853297)
صح الله لسانك اخوي شاعر الدرر وراعي العليا

وهذا ابيات متواضعه
تقدر تقول رداً على ابياتكم


ولك سلام المنتدى ـوْ منـّي يجي ودّ السلام =يا دُرَر شاعر تغنـّي اِلـْه "الدُرَر" ما أروعه
جاب قافك راعي العليا وذا زاد الهيام =لين عيـّـا قاف شعري حتــْى َ ريقه يبلعه
يا دُرَر أعلان هجرك جاءَنــَا مثل السهام =والقصايد مثلك اِبـْ هجره تردد أمنعه
تهجر اِحـْبابك لأنــّك ما لقيت اِبـْنا غرام ؟!! =وانته اللي ما قريت اللي بقافي واِضـْلعه
راسم اسمك رسم سامي والسماء فيها اِرْتسام =من سـَمـَو اِسمك ويا لعنه الله ابو اللي يخدعه
ويا صديقي ذا كلامي والسلام احلا ختام =وودّنا ودّ ٍ ودود ـوْ كلّ ودّ ٍ يجمعه

وسلامتكم

تقبلوا خالص تحياتي وتقديري

جنون شاعر

العـ راعي ـليا 13-10-2009 06:33 AM
اقتباس:
المشاركة الأصلية كتبت بواسطة العـ راعي ـليا (المشاركة 2216330)
بعـض الآوادم .. معرفتهـا خسـاره=مامن وراهـا غيـر زود المخاسيـر
وبعـض الآوادم .. معرفتهـا تجـاره=يغنيك عرفه .. عـن كثيـر الدنانيـر
الحـر قالـوا .. يفتهـم بـالإشـاره=ولا ينفع ..............كثر التكارير
كل آدمي عقلـه .. يحـدّد مسـاره=وعلى ولي العـرش كـل التدابيـر
يمشي الطريـق برغبتـه وأختيـاره=راضي لحاله .. لـو تطـول المشاويـر
الطيـب عسـر .. ونايـداتٍ ديـاره=ماجولهـا كـل الرجـال المداويـر
يقطعك رجلٍ .. ماعرف حـق جـاره=ويهدمك بيتٍ .. مـا لفولـه مساييـر

اقتباس:
المشاركة الأصلية كتبت بواسطة طع شوري (المشاركة 3888065)

البارحه عديت راس (الزباره) =وخط القلم بالطرس حرفٍ بتقرير
وولعت من راس الفتيله سيجاره =باسباب خطٍ غير وصاحبه غير
جاء من رفيقٍ شهم راعي نعاره =ابن الحرار الطيبين المناعير
نسل اهل العليا رجال النداره =عز الخوي والجار ريف المسايير
بعض العرب لو هي بعيده دياره =مثل الفياض المزهره بالنواوير
تبي تعرفه من سيرة اذكاره =كريم وله عند الرجاجيل تقدير
يغنيك عرفه عن خطات الهذاره =اللي عن الواجب كثير المعاذير
وراع الردى لو طاب واضح مساره =خله يولي وخالف اخطاه بالسير

العـ راعي ـليا 15-10-2009 02:19 PM
اقتباس:
المشاركة الأصلية كتبت بواسطة العـ راعي ـليا (المشاركة 2216330)
بعـض الآوادم .. معرفتهـا خسـاره=مامن وراهـا غيـر زود المخاسيـر
وبعـض الآوادم .. معرفتهـا تجـاره=يغنيك عرفه .. عـن كثيـر الدنانيـر
الحـر قالـوا .. يفتهـم بـالإشـاره=ولا ينفع ..............كثر التكارير
كل آدمي عقلـه .. يحـدّد مسـاره=وعلى ولي العـرش كـل التدابيـر
يمشي الطريـق برغبتـه وأختيـاره=راضي لحاله .. لـو تطـول المشاويـر
الطيـب عسـر .. ونايـداتٍ ديـاره=ماجولهـا كـل الرجـال المداويـر
يقطعك رجلٍ .. ماعرف حـق جـاره=ويهدمك بيتٍ .. مـا لفولـه مساييـر

اقتباس:
المشاركة الأصلية كتبت بواسطة طع شوري (المشاركة 3888065)

البارحه عديت راس (الزباره) =وخط القلم بالطرس حرفٍ بتقرير
وولعت من راس الفتيله سيجاره =باسباب خطٍ غير وصاحبه غير
جاء من رفيقٍ شهم راعي نعاره =ابن الحرار الطيبين المناعير
نسل اهل العليا رجال النداره =عز الخوي والجار ريف المسايير
بعض العرب لو هي بعيده دياره =مثل الفياض المزهره بالنواوير
تبي تعرفه من سيرة اذكاره =كريم وله عند الرجاجيل تقدير
يغنيك عرفه عن خطات الهذاره =اللي عن الواجب كثير المعاذير
وراع الردى لو طاب واضح مساره =خله يولي وخالف اخطاه بالسير
اقتباس:
المشاركة الأصلية كتبت بواسطة العـ راعي ـليا (المشاركة 3890853)
يا حي من خطّه صريح العبـاره=الصاحب اللي جاب حلو التعابيـر
جاب الجزيل اللي ثقيلٍ اعياره =وفّاه كيله من جميـع المعاييـر
انا اشهد انـه للمراجـل منـاره=زبونها .. عن مدلهم الدياجيـر
حرٍ معرّب ‘ مركزه بــ / الصـداره=نسل الفريدي من طوال الآشابير
عنده على الطولات عزم وجساره=عن واجبه ما يوم جته المعاسير
يشهد بطيبه من يمـرّه زيـاره=يلقى الدلال بكل حـزّه مباهيـر
ما هو بـ / اللي ‘ ما عسْ خطو السِّماره=ولا قِيل : نبّه بالعشاء للخطاطير
ما غير للهزله .. يسوق البشاره=تفرح بها اشدوقه .. عليها مفاطير



اخــــــــوك
رااعــي العــلياا / غــازي الــرويــلي ‘

العـ راعي ـليا 11-11-2009 02:15 PM
اقتباس:
المشاركة الأصلية كتبت بواسطة مــــــدى (المشاركة 3954638)
ليــت ..النصيــب..ياالرويلـــي..بيـــديه =لاجمعـــك..مع اللي..قلبــــك هـــــــواها
قــلة حيـــله..مـــــاهي..قلــــة حميــه= جــــزعة..للطيبيــــن..تبلـــــــغ مــــداهــا
نعـــرف..القـــرم..مايبـــي..ماريــــه = نســــل كحيــــــلان ..مــــــاوقف رحـــــاها
تحيـة عـــذبه من قلـــب روقيـــــــــه =تعشــق ..جــــزل القصيـــــد لــــو مادعـــاها

اقتباس:
المشاركة الأصلية كتبت بواسطة العـ راعي ـليا (المشاركة 3959945)
سلمتِ يا مدى .. لا يا نقيّه = عدد ما بالوطا وايضا سماها
أنا أشهد .. بــ / إنّك .. الحرّه .. وفيّه=وربعك روق .. معروفٍ وفاها
يوم ان السيف من دون الرعيّه =تصد الخصم .. والقوم اتـ / هماها
ينام ولا أهتنى .. عينه شقيّه = يموت ولا .. يفكِّر في احْماها

العـ راعي ـليا 03-12-2009 09:07 AM
اقتباس:
المشاركة الأصلية كتبت بواسطة مــــــدى (المشاركة 3881627)

تغوينا الدنيــا .. بـــزين لحـــونها=وغـــدينا خلف الامـــاني .. نـــدور
ياراعي العليــا .. مانسينـا محـونها=دنيــا الشقـــى .. فتـــرة عبـــــور
ما غير نمشي .. خلف طق اشنونها = ننشد بدار الفانيه .. سرور !
وهي مثل ليلى .. ضيّعت مجنونها=عزّي لمن كسبه .. بها محظور

مــــــدى 06-12-2009 11:42 PM
انشــد .. وبنشــــد .. عــــذب .. الابيــات _ وننظـــــم ..لســ ـاحة ..الــــــود ..دواوين


ولاتقول..جهـــــل .. الســــن ..باالبنـــات _ تبــــــــي .. من عــذب..الهــوى ..بساتين


اباخــذ .. من جــزل ..القصيد..سجـــــات _ على وضح.. النقـــــــا .. ولالعب ..حبليــن


ولاتشره على ..الغــرو ..بعض..الاوقات _ مافي جنــون ..الشعر.. سلــم ..وقـــوانين


ارتــــوي .. من عـــذب ..القصيد ..مرات _ وارقــــب .. باالشــوف..هـــد ..الشياهين


يفهــــم .. الحــــــر .. معنــى .. الافـــلات _ من يــــد .. صقــــــار ..باخص ..ميــــادين

العـ راعي ـليا 16-12-2009 11:44 AM
اقتباس:
المشاركة الأصلية كتبت بواسطة العـ راعي ـليا (المشاركة 3953970)
اكتم الآهات .. بالصـدر الحنـون=وأنت لاهي ما تحسِّب .. وش ( .... )!
لا تورّدني على حـوض الجنـون=خاف ربك كم ضحيّه؟! .. من حلاك!
واا قلبي .. اللـي تلّتـه ( ..... )=تل الضوامي يـوم شافـت ماهـا
واا عيني .. اللـي كنّهـا منفيّـه!=تبكي عليها .. ما بكـت شرواهـا!
أليا طـرت لـي وإنّهـا مـو ليّـه=اطلب لهـا عيـن الولـي ترعاهـا
مالي جِدا ما غيـر صفـق أيديّـه=وشلون .. قلبي يـا عـرب ينساهـا
اللي وصايفها .. مـ/ هي بشويّـه=الله عطاهـا زينـهـا وأرواهــا
اخت الرجـال معـرّبـه ( ..... )=يا بخت من هو يـا لفا يلقاهـا
أليا حكـت .. بأسلوبهـا عفويّـه=تخضِـر بقـاعٍ .. طبّهـا ما طاهـا
منهـا خفوقـي ساطين بِـه كيّـه=وش حيلة..؟ اللي علّته م/ أنهاهـا!
يا لايمي لـو شفـت شيّـن فيّـه=بالعـون حالـي بالشِعـر ترثاهـا
غصبٍ عليّ .. قلبي تواما أدليّـه!=هاذي أبنهِيهـا .. وذِيـك أبداهـا
يا ونةٍ .. بأقصى الحشـا مخفيّـه=بـ/ جرّها .. كل ما تجي ذكراهـا!
بعض الحوايج .. سهله ومقضيّـه=وبعض الحوايج من يطول أرشاها؟!
واللي يبي لـه .. حاجـةٍ مشريّـه=مثل الذي عينه بــ / يده أعماهـا!
يا وجد حالي ويـن ألآقـي زيّـه!=كان النصيب اللي رماها .. اخطاها
إن كان قلبي .. ما شِـرب صافيّـه=فأنا .. العليل اللي علـى رجواهـا!
يا حيّ والله .. ذِكْـرها .. يـا حيّـه=ما دامني .. مهما شربت أضماهـا!
بـكتب على .. كـف الزمـن مرثيّـه=إن كان شحّت بالوصـل .. يمناهـا.
اقتباس:
المشاركة الأصلية كتبت بواسطة سكون ,, (المشاركة 3964847)
:z16::z16::z16: ياراعي العليا :ss46:

وتقبل من اخوك هالابيات :cool:

حي القصيـد اللِّـي لفا ياحيـِّه
والله يعيـن النـَّفس في بلواها

ياراعي العليـا عليــناِّ اشويَّه
لا تنبش جـروح ٍ قديـم دْماها

ومصـابكم مهما كبر .. مافيـَّه
أكبر ونفسي كم كثير أشقـاهـا

المـوت حق وكل نفـس ٍ حيـَّه
لا بـد مـا تجرع مِنِه لا جـاها

مِيـر البلا اللي هايم ٍ في بنيـَّه
مزيـونة ٍ كل الحسـن يزهـاها

حـورية ٍ ماهيـب خلق أنسيــَّه
ياكيـف عقـلي يحتمل فـرقـاها

يـاراعي العليـا شُـــويِّ شْويـَّه
قلبي نزف وعيـني خطيرِ بْـكاها


:z37: ترى مالي بالشعر نصيب
بس فاضي كم يوم وقعدت افضفض معكم هنا :b095:

العـ راعي ـليا 16-12-2009 11:49 AM
اقتباس:
المشاركة الأصلية كتبت بواسطة العـ راعي ـليا (المشاركة 4014870)
تغيب الناس .. كل الناس عادي !=هم بوادي .. وأنا عنهـم بـوادي!
ولكن غيبتك عنـدي .. وحدهـا=تخلّي .. الكون بعيوني سـوادي
ترى بعض البشر نقوى ابتعـاده=ومصير الحال من عقبه جوادي
ومثلك لا أبتعد لو ظرف ساعـه=كأن الصدر مضروب بــ / هوادي
عسى ما شر .. يا حلو المبادي=يا مْن حبّك سرى .. بدمّي عـوادي
عسى في غيبتك .. خيـرٍٍ وخيـره=وعسى لك .. بالسعد باب ونـوادي



من آخر ما كتبت .. علّها ترتقي لمستوى ذائقتكم ..

\

|

\

يـا ملْهِمـي قلّـي بعـد .. وش باقـي!=وش حيلـة اللـي صـار بــه مـارِيّـه
قلـب العنـا فـي داخلـه .. خفّـاقـي=مثـل العلـم فـي عـالـي السـارِيّـه!
عطشـان ..! لكـن مـا سقـاه الساقـي!=النهـر قِِـدمـه .. شـايـفٍ جـارِيّـه!
عنـق المهـا .. عـذب النبـا .. توّاقـي=قلبـي تخيّـر موتـتـه .. يــا رِيّــه!
بأقصـى الحنايـا ‘ سـاكـنٍ بعمـاقـي=منـه الحـشـا بــه حـرقـةٍ نـارِيّـه
طيـفـه يـبـدّد عتمـتـي .. بإشـراقـي=لـه نشـوةٍ .. فـي داخـلـي زارِيّــه
دايــم لعيـنـه مـغـرمٍ .. مشتـاقـي=يفـز لـه .. قلـبـي عـلـى طـارِيّـه!
جـوٍ مهـو لـي فيـه مــا ينطـاقـي=غـلاه جسـمـي يـاعـرب ‘ هـاريِّـه
تمشـي بدربـه .. لـو كسِيـره ساقـي=تتبـع هـوى قلبـي .. ورى .. فـارِيّـه!
رحب الفضا ..لا شك يآآ هو ؟! .. ضاقي!=بالعون لـو يشـرى فـ / أنا .. شارِيّـه
يـا خفقـةٍ .. تلفـح ‘ كِـمـا البـرّاقـي=مفعولـهـا فــي ‘ داخـلـي سـارِيّـه
المـوت ‘ وإن ضعتـي مـا غيـره هاقـي=اقـرب خِيـار .. لصاحـبـك حـارِيّـهّ
إلى متى ؟! .. مـع الزمان . اسْباقـي!=انصـح زبـون القـاف .. يــا قـارِيّـه
اقتباس:
المشاركة الأصلية كتبت بواسطة محمد الجبيل (المشاركة 4024865)
انشهد ان البعـد مـا ينطاقـي
شهـادة مـن قبلنـا مرويـه
الـدم ينـزف بلوغادفـاقـي
والعين تبكي من هـوا ريميـه
والباقـي الله لا يعيـد الباقـي
ليل السهر له بلجفـن ماريـه
نبضات قلبي ايقاع طبل عراقي
يدبك عليه زكرت من سوريـه
يا غازي الحب الحقيقي راقي
فيه النوايـا صافيـه صدقيـه
لعيون من في فمهـا براقـي
ام الرموش اللى تحتهـا فييـه
ام الخدود اللـى بليـا ساقـي
كذا مـن الله راويـه ورديـه
لشفتهـا كنـه تسمـر ساقـي
اقف مكاني غصب مو بيديـه
كانت دفا ليلي ونور اشراقـي
كل الجهـات البيتهـا ملويـه
يا راعي العليا شكيت فراقـي
للقاف لكـن مـا نفـع قافيـه
واليـوم قلبـي للقـاء تواقـي
مشتاق نبضي يا هوا الريميـه

العـ راعي ـليا 16-12-2009 11:53 AM
اقتباس:
المشاركة الأصلية كتبت بواسطة شاعر الدرر (المشاركة 4020517)
لاهنت يالغالي ابخبرك بوضوح= العمر ما هو دوم ننهل نعيمه
ما ينفع اللي مثلنا يالخوي النوح= ولا يرجع اللي صار سلعة قديمه
راحت علينا في زمن كل سلتوح=اصبح ينادونه من ارباب شيمه
والله يابو ريان ما عاد من بوح= والضلع الاعوج صار له الف قيمه
شوف المغفل يحتفا به وممدوح= وابن الحمايل ظله اصبح نديمه
قتل المبادي صار ذا اليوم مسموح= وما عاد به مجني وهذا غريمه
هذا خفوقي يحترق من لظا الفوح= من وقت اسهل ما يكون الجريمه
ياذيب خبري فيك دندون طحطوح= تحل عقدتها ولو هي عديمه
ان قلت لي باب الامل دوم مفتوح= اقول ويش يرضي النفوس الكريمه
وين الدوا ياذيب لاصرت مجروح= تعجز خطاي اني اجيب الغنيمه!

المهندس الشاعر/ثامر الحارثي (شاعر الدرر)
23/12/1430هـ
اقتباس:
المشاركة الأصلية كتبت بواسطة العـ راعي ـليا (المشاركة 4020565)
ياصاح .. واللي حدّد العمر باللوح= ربٍ .. يسوق الغيم بأمره .. نسيمه
لا جت على الخوّه ‘ سِواك انت مطروح = معزتك بالقلب .. تملك صميمه
ابن الحمايل .. ترخص لعينه الروح= مابه امل قدره .. يصل له هليمه
وش جاب .. كفٍ فعلها دوم مقدوح! = لكفٍ بوقت الفعل .. تصبح خصيمه!
قتل المبادي .. جرم جانيه مذبوح = بعض الفعايل .. عاقبتها وخيمه
اهون عليه الموت ‘ من عيش مفضوح=ما له مع الآجواد قدر وحشيمه
ما كل ذنبٍ يا ابيض الوجه مدموح = لا صار ما هو من نوايا سليمه
لو العمر ما هو لنا دايمن دوح= تبقى المبادي .. ما حيينا عظيمه
مادام فينا .. عزم / وإبداع / وطموح=المجد ‘ ما له غير يمنى زعيمه
اليأس ياقف .. لا لقى اصرار وجموح=والصبر ما ضر .. النفوس الفهيمه


اخــوك / غــازي الــرويلي ‘

العـ راعي ـليا 25-12-2009 02:19 PM
اقتباس:
المشاركة الأصلية كتبت بواسطة طع شوري (المشاركة 4051927)

الليل ماله يأريش العين نظرات=ان كان خوفك نظرة الليل عادي
لاصار مابيني وبينك مسافات=وانت الدوا للقلب وانت مرادي
قربك يرد الروح ويعيد مافات=ومنك النظر يشفي عليل الفؤادي
خلك معي ناخذ من العمر لحظات=ونرسم على وجه الثرى بالايادي
نكتب حروف الحب وتمون نظرات=روحٍ تعانق روح في جو هادي
واسمعك لا قلت سمعني ابيات=ابيات شعرٍ لاجل عينك جدادي
ووصف جمالك في جميع العبارات=لانك شبيه البدر والغير عادي
شوف البدر خجلان من خلف غيمات=راح وتخفى واكتساه السوادي
كل الدروب اللي تودي متاهات=ماينمشي دربٍ وصف بالبعادي
دربي انا لو طال معك انت بالذات=يحرم علي لامشيه لو كنت غادي



وسلامتكم /فهد الفريدي
اقتباس:
المشاركة الأصلية كتبت بواسطة نايف الشريف (المشاركة 4052258)
((( مطبات )))




ياصاحبي درب الهوى فيه ميلات=إحذر مسيل الحِب والدرب وادي
درب وعلى ماقيل فيه المطبات=منهو مشاه ويهتني بالرقادي؟
كم مرة ٍ فالحِبِ زرت المحطات=مايوم قلت إن الهوى فيه زادي
أمشي وانا اللي صد فالحب هفوات=لا شدّني صوت الهوى والمنادي
أدري صحيح الحِبِ والشوق نشوات=ورده يفوح وريحة الحِبِ كادي
وأيامنا فالحِبِ بالعَدِ ساعات=لحظه! ويبقى في هواك الجهادي
هم وجروح وتقضي الليل آهات=وأدنا كلام ٍ يجْر ِحِك من معادي
فيه الكلام يجيك والقول صيدات=ناس ٍ تِحَرّج والجروح ( إف ) مزادي
تدري حلات الحِبِ لازرت مرات=مشي وخفيف ودون عشق ومبادي
عيش الغرام وحِب كل البنيات=من حَب ريم يحب معها سعاد ِ

العـ راعي ـليا 01-01-2010 04:59 PM
اقتباس:
المشاركة الأصلية كتبت بواسطة طع شوري (المشاركة 4068860)
اعزائي رواد هذا الصرح الشامخ اسعد الله جميع اوقاتكم بما يسركم وكل عام وانتم بخير وسنه

جديده مليئه بالافراح والمسرات لكم ولجميع المسلمين ..:z22:

هذه المتواضعه موجهها لأخي الغالي وشاعرنا الكبير / غازي الرويلي ( راعي العليا)

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,

,
,
,
,
,
,
,


( ضاق الصدر والروح ماعاد به روح)



بعض القوافي تنعش القلب والروح=مثل الزلال اللي من النبع صافي
تروي عطاشا الحرف والضيقه تروح=ويسج به من عاش هجر وتجافي
ماهو غريب الحرف لاجاك له ضوح=يضوي كما بدر(ن) على الكون ضافي
يمشي بنوره كل هايم ومجروح=وفي روعة انغامه تبوح الخوافي
والا كما مجد(ن) على قمة اصروح=له ميزة(ن) مابين شعر وقوافي
هذاك ابو ريان بالطيب ممدوح=حرفه جزيل ويعشق القاف وافي
راع الكرم والطيب له باب مفتوح=مفتوح بابه للضيوف اللوافي
يضحك حجاجه والصدر دوم مشروح=يغنيك عرفه عن خطاة الهلافي
بسند عليه القاف واشفًر البوح=حيثه فهيم وبالمهمات يافي
الحال ياغازي من اسباب مملوح=حالي نحل والفكر فيه اختلافي
ريمية(ن) والحسن طاغي ومفضوح=منها الجمال يغار ويقول كافي
متكمله بالزين والصوت مبحوح= زينه يخون الوصف شي(ن) خرافي
ضاق الصدر والروح ماعاد به روح=راح وتركني واختفى مايشافي

وسلامتكم
فهد الفريدي
اقتباس:
المشاركة الأصلية كتبت بواسطة العـ راعي ـليا (المشاركة 4070041)
حي الجواب اللي .. شذا عطره يفوح=قافٍ جزيلٍ .. م / اعترف بالخفافي
اهلاً هلا به .. عِد ما يخضر السّوح=واعداد .. ما هبّت هبوب السّوافي
الشاعر اللي .. بالتماثيل ناصوح= عون الرفيق .. ومزبنٍ للضِعافي
ما هو بمن عند اريش العين مسدوح=لا قِيل جوك اضيوف ‘ جاه ارتجافي!
ذاك الذي ما رافقه خطو مشفوح= من مر بيته ما لقى النور طافي
ابن الفريدي للخوي دايمٍ دوح=عن واجبه ما .. يعتريه انحرافي
يشكي عليّ الحال .. ناحل ومطروح= باسباب ريمٍ .. كامله بالوصافي!
وراع الهوى لو هو من الحب مذبوح= لو تسأله : وش فيك ؟! .. ردّد عوافي !
مبسوط بالظاهر وفـ / الباطن ينوح =لو طال صمته بان منه انكشافي
ما الوم قلبك .. من عنا البعد مشبوح= مع الذي نال .. الحسن والعفافي
إن كان ودّك يافهد .. يمّه انروح=أمشي معاك الدرب .. لو كنت حافي
وإن كان ما له فيك .. شفٍ ومصلوح= من صد خلّه .. يافهد للذلافي!
جا لك جوابي يافتى الجود بوضوح=وابشر بوقفة .. صاحبك يالسنافي

اخــوك / غــازي الــرويــلي ‘ ( راعــي العــلياا )

العـ راعي ـليا 09-01-2010 02:08 PM
اقتباس:
المشاركة الأصلية كتبت بواسطة طع شوري (المشاركة 4085332)
لاتعتذر لي مابقى لوم وعتاب=والله مالك في خفوقي مكانه
هذي ثلاث سنين والجرح ماطاب=كل ماطعنته قلت يمكن ميانه
تبطي علي واقول له عذر واسباب=يمكن غلا ويشوف قلبي كيانه
مرت ثلاث اعوام في صد وغياب=ومات الخفوق اللي هدالك حنانه
لاتعتذر وارحل ترى خاطري طاب=مليت وصبري مل منه زمانه
كم اعذلوني عن هوى حبك اصحاب= قالوا لي ابعد خل دربه وشانه
قلت اتركوني في هوى سيد الاحباب=ماطيع انا العذال في حب دانه
مالك شبيه وميزك رب الارباب=لا بالحجاز ونجد وارض الكنانه
كم ليلةٍ سامرت طيفك ولا غاب=وسط الخفوق يجول في كل خانه
يسري بي الهاجوس والدمع سكاب=وطيفك نديم اللي حياته رهانه
مات الوفاء والحب خايف ومرتاب=وخاب الرجا في قلب ماله مكانه
دور على غيري يبادلك الاعجاب= اقسم برب البيت مالك حصانه


وسلامتكم/ فهد الفريدي
اقتباس:
المشاركة الأصلية كتبت بواسطة عازف الود (المشاركة 4087753)
السلام عليكم ورحمة الله وبركاته

هذه محاولة في مجاراة أخي والقريب إلى قلبي شاعرنا الفذ ومشرف همس قوافينا

فهــ الفريــدي ـــد

في قصيدته بعنوان (( لا تعتذر ))

أستمحيه وإياكم عذراً على التقصير في هذه المحاولة وللجميع مقدماً تحيتي وجل تقديري


حيّ الله مجـــزل ابيــاته فـن باسهاب
من حسنهــا غنيـــتــها ليـــــل دانــــه

ماجــور ياللي من عنـا صاحبـــه ذاب
قلبــه وهــــذا اللي ظهـــر فـي بيــانـه

قبلك بخمــس سنيــن والقلب معطـاب
اصبحــــت اسيـر الدهرعسر وليـانــه

وهبتها الخافـق وما املك بلا حســاب
وافنيـــت عمـــري وتاليتـــها خيـــانه

من دم قلبـي حطــّت لكفوفـها خضـاب
تزهـــا بـــه كفـوف الغضـي مع بنانـه

ما يجتمـــع حــــلال سايــب ونهـّـــاب
لا به ضميـــر ٍ يردعــــه ولا أمـــــانه

جاز الصــدود بصــد ولا تفتــح البـاب
الا لمــن توثــــق بــه انـــــه تكــــانـه

ولا تهمـــك بالعـــذر ضحكــة النــــاب
يعطيــك مطعــوم الشهـــد من لسانــه

وهـو الغـــدر يمشــي بدمـــه وكــذاب
يظهر لك عكس اللي خفـى في بطانـه

واللي فـــؤاده قـد تلــــوّع ولا تـــــاب
يصبـــر على ذل الدهـــــر والاهـــانـه

القــاف منــي يا فهــــد ودّع وشــــاب
يا مبــــدع ٍ قافــــــه وبالـوزن زانــــه

سلامي لك عدد ما طار جوز واسراب
واعــداد خلــق الله من انســه وجـانه

وسلامتكم

العـ راعي ـليا 09-01-2010 09:13 PM
اقتباس:
المشاركة الأصلية كتبت بواسطة طع شوري (المشاركة 4089824)
اخواني / اخواتي اسعد الله اوقاتكم بما يسركم ,,,,,,

في تعليق لنايف الشريف على احدى قصائدي بعنوان( ضاق الصدر والروح ماعاد به روح) كان تعليقآ

رائعآ وكانت احرفه من ذهب,,,,

وكان لاطرائه الفخم عظيم الاثر في نفسي ,, فقلت هذه الكلمات البسيطه

وهذا النص البسيط اهداء للاخ/ نايف الشريف ,, شاعرنا المعروف وهو لا يفيه حقه

فواجبه اكبر من ذلك ,, اتمنى ان تروق لنايف مع الشكر والامتنان ,,,



((( ابن الشريف اللي قليلٍ مثيله)))





هدية الطيب تجي درع ووسام=وتعطيني الدافع لراس الطويله
يانعم والله فيك يالليث ضرغام=يابن الشيوخ الطيبين الجليله
هم عزوة اللي لانتخا بضيق منظام=اهل السوف المرهفات الصقيله
جتني حروفك عطرها ورد وانغام=يابن الشريف اللي قليلٍ مثيله
ياراعي المعروف يالوافي التام=الصاحب اللي ما يعوض بديله
وصلاة ربي عد من كبر وصام=على نبي الحق راع الفظيله


اخوك ومحبك/ فهد الفريدي
اقتباس:
المشاركة الأصلية كتبت بواسطة نايف الشريف (المشاركة 4090203)
[BLINK]حــــــــــــي[/BLINK]

http://www.alwahoob.com/vb/image.php...ine=1149105218



حي الفريدي شيخ بالروح ينسام=رجل و وفي لاجاك يسوى قبيله
اهلا عدد من حج للبيت كل عام=وعداد منهو زاير ٍ له يجيله
انت الرفيق وجامع الناس إسلام=مير انت زايد يوم منك الجميله
انت الوفا والجود والطيب وحزام=وانت اللذي جوف الضماير نشيله
ساسك رجال ٍ قادت الخيل وكرام=حَرْب ورجال ٍ تِنْذ ِكِر مي قليله
مهما حكيت القول وإن قلت قدام=ابدى بطيب الفعل ثم انتهي له

العـ راعي ـليا 18-02-2010 07:30 PM
اقتباس:
المشاركة الأصلية كتبت بواسطة العـ راعي ـليا (المشاركة 4070094)

بالعون لك بالقاف .. ملك وسياده=ولا استغرب اللي مثلها يالخوي منك
لو للمعاني يالسنافي .. عياده=ما اظنّها تقبل بديلٍ .. يجي عنك
بالمختصر .. من دون ادنى زياده=منجم ذهب .. ما ينوجد داخله زنك!
اقتباس:
المشاركة الأصلية كتبت بواسطة شاعر الدرر (المشاركة 4072498)


انا اشهد اني حزت اعظم شهاده=دام التواصل بيننا يالخوي (link)
ياللي من ابداعك عرفنا الرياده=وياكم ببحر ابداعكم صاحبي(sink)
انتم هل الابداع...رمز القياده=شئ(ن) بديهي ما يبي له(do you think)

العـ راعي ـليا 30-03-2010 06:43 PM
اقتباس:
المشاركة الأصلية كتبت بواسطة شاعر الدرر
وين ابو ريان ماندري عنه= ياعسى دايم من اخوانه قريب
يشهد الله.... الحشا هو مسكنه = ولو يغيب الود باقي ما يغيب
صاحبك ياذيب تعرف معدنه = يسندك ياخوك في وقتن عصيب
من عرف مثلك لك الله ادمنه =يا خوي الدرب يالنسل العريب
والوفا ما كل واحد يضمنه= ولا يفيد بحالته وصفة طبيب
جاك شور اللي الوفا له ديدنه= ولو تفارقنا ترى تبقى حبيب

اقتباس:
المشاركة الأصلية كتبت بواسطة العـ راعي ـليا (المشاركة 4262669)
( حيّ شور اللي الوفا له ديدنه) =واحد(ن) فيه الرجا لا .. ما يخيب
الوفاء م / أستغربه .. لأنه منه = صاحب الكف النّدي شوره صليب
ثامر .. وياسِعد من هو يزبنه =أشهد انك طب من جرحه عطيب
من عرف قدرك لك الله .. يسجنه =وسط جوفه لا يغيب ولا يشيب
لك على دروب المراجل هيمنه = وصاحبك . لا أحتجت له تلقاه ذيب
جاك من طاروق فكره هيْجَنه =لا زهمته .. جاك مندوبه مجيب

العـ راعي ـليا 01-04-2010 07:48 PM
اقتباس:
المشاركة الأصلية كتبت بواسطة مــــــدى (المشاركة 4014009)
انشــد .. وبنشــــد .. عــــذب .. الابيــات _ وننظـــــم ..لســ ـاحة ..الــــــود ..دواوين


ولاتقول..جهـــــل .. الســــن ..باالبنـــات _ تبــــــــي .. من عــذب..الهــوى ..بساتين


اباخــذ .. من جــزل ..القصيد..سجـــــات _ على وضح.. النقـــــــا .. ولالعب ..حبليــن


ولاتشره على ..الغــرو ..بعض..الاوقات _ مافي جنــون ..الشعر.. سلــم ..وقـــوانين


ارتــــوي .. من عـــذب ..القصيد ..مرات _ وارقــــب .. باالشــوف..هـــد ..الشياهين


يفهــــم .. الحــــــر .. معنــى .. الافـــلات _ من يــــد .. صقــــــار ..باخص ..ميــــادين
صح الساانك ولا هنتي

مدى ...

والمعذره .. على تأخر الرد ..

واافيه من راااس وااافيه .. لا عدمتك .

تقبلي تحيّتي وتقديري .

دمتِ بخير ‘

العـ راعي ـليا 08-05-2010 12:22 PM
اقتباس:
المشاركة الأصلية كتبت بواسطة شاعر الدرر (المشاركة 4313728)
الشيخ ياثامر فقـد كـل تقديـر=وضعه اليم ويشتكي جور وقته
لبس اثياب ٍ شكلوهـا بزاريـر=من صدره المجروح حتى رقبته
العجز عنده صاير ٍ فيه تقصير=بسباب من زوًد معانـاة كبتـه
اخوي فهد لاهنت ياغالي والمعذرة توني قريت الابيات بعد غياب


يابن الفريدي لو تجور المقادير=كل الذي مكتوب لوعشت صبته
ياكم سمعنا من حكايا الاساطير=راحو مثل بستان فارق لنبته
ماغير خل الهم وانسى المخاسير=وارجع لمن ترتاح لامن طلبته
اقتباس:
المشاركة الأصلية كتبت بواسطة العـ راعي ـليا (المشاركة 4313857)
وعليك بقروم الرجال المناعير=رصيدك .. اللي لا بغيته سحبته
عن الخوي ‘ ما يعرفون المعاذير=يذهلك وقتٍ .. بينهم لو حسبته
احرص عليهم بالوصل والمسايير =تطرب وصدرك ‘ كل همّه نكبته

ص0 ه0 ع0 09-05-2010 01:30 AM
عز الله إنك وافي ..
ماهو لي .. لي ولغيري يا غازي ..
يجي غيرك ويروح .. وتبقى لحالك ..
تجي ناس وتستمل .. وتبقى لحالك ..
من بداية دخولك بهالمعرف ,, ووجهك أبيض .
لي ولغيري .
بخصوص الإضافة فعن قريب يا غازي ..
البريد الأولي سرقوه اللي ماهم طيبين ..
وعن قريب يكون البريد جاهز .
وإيملك بالحفظ والصون .
مدري اشكرك وإلا اعتذر لك ؟!
عذرا وشكرا .

العـ راعي ـليا 05-06-2010 09:56 AM
فهد الفريدي وين غربه وشرقه=أبي جوابك وإن حصل بالأدب نقْدْ
والحب بلوى وألعن الحب صدقه=صدقت وشف صدري بجمر الغضى وَقْدْ
نظمت له عمري حوالين عنقه=جوهر سنيني وبيده يقطع العِقْدْ
ولو تنوخذ راحة البال سرقه=والله لسرق راحة عيونه الرِقْدْ
ولوكل عاذل حب يسعى لفرقه=يخشى مشاريه العرب فيه والنقْدْ
ولو كل بن ادم رضى قسم رزقه=ماكفّف امطـــــــار السماء حسد وحِقْدْ
ولو كل حوّاء تحتوي من تعشقهْ=ماشفتني حاظن يديني من الفَقْدْ



رايد النايف ,,,( الجليــــد )











نجم(ن) سطع بالنـور وازداد برقـه=من قوة فلاشه حرق راعـي الحقـد
الحـب يارايـد تـرى فيـه حرقـه=لو ابتدأ بعهود واحـلاف(ن) وعقـد
والحـب لامنـك تمعـنـت طـرقـه=ملعون ابوه وفيه تخديـر مـع فقـد
يزعج حزين الصوت لانـاح ورقـه=سهران طول الليل ماطاب لـه رقـد
وصدق العذارى واضح(ن) فيه فرقـه=لايخدعـك معسـول لباسـة العـقـد
واحذر من اللي بالهوى فيـه درقـه=يضحك وحبله بالخفـا يعقـده عقـد
ولاترافـق الهـذار يزعجـك قرقـه=طيبك معه مهدور لـو كنـت معتقـد
ترى الردي لو طاب يجذبـه عرقـه=اقديت في ترك الردي .. وانت بعد أقد
والقاف لو كـادت بحـوره وطرقـه=اطوًعـه تطويـع واقـدمـه نـقـد




فهد الفريدي ,,,(طع شوري)

رعد الجنوب س 10-06-2010 10:15 PM
يعطكم العافيه على هذه القصائد الروعه

العـ راعي ـليا 01-08-2010 11:29 PM
اقتباس:
المشاركة الأصلية كتبت بواسطة ص0 ه0 ع0 (المشاركة 4320174)
عز الله إنك وافي ..
ماهو لي .. لي ولغيري يا غازي ..
يجي غيرك ويروح .. وتبقى لحالك ..
تجي ناس وتستمل .. وتبقى لحالك ..
من بداية دخولك بهالمعرف ,, ووجهك أبيض .
لي ولغيري .
بخصوص الإضافة فعن قريب يا غازي ..
البريد الأولي سرقوه اللي ماهم طيبين ..
وعن قريب يكون البريد جاهز .
وإيملك بالحفظ والصون .
مدري اشكرك وإلا اعتذر لك ؟!
عذرا وشكرا .
ما عليك زوود ياصالح ..

و ينك و وين دنياك يارجل والله اشتقنا لك ..

أهم شي تكون بخير .. والله يبعد عنك امثالهم ..

الف شكر على مرورك في هذا المتصفح المتواضع ..

تحيّتي وتقديري لشخصك .

دمت بخير اينما حللت ‘

العـ راعي ـليا 06-08-2010 05:59 PM
اقتباس:
المشاركة الأصلية كتبت بواسطة العـ راعي ـليا (المشاركة 4432350)
اكبر فخر لا صرت .. تدري ضيفك=وأنت الذي .. تكرِم جنابٍ ضافك
ما لي جِدا أرفض دعوتك .. يا حيفك!=دام الردى .. ياصاحبي ما حافك
اقتباس:
المشاركة الأصلية كتبت بواسطة خالد السنحاني (المشاركة 4433215)
اكبر فخر ياصاحبي تشريفك=ياوافين والمدح دون اوصافك
تعجز بيوتي لانوت توصيفك=على رجوم القافيه مشرافك

العـ راعي ـليا 06-08-2010 06:05 PM
اقتباس:
المشاركة الأصلية كتبت بواسطة شاعر الدرر (المشاركة 4439457)
مادام جتنا دعوة الذيب سرحان=يبشر بنا حنا عن الموت دونه
ياراعي العليا لك الشعر عنوان=بحر من الابداع تزخر فنونه
يقولها ثامر نسل آل ريحان=في صاحبن مايوم خيب ظنونه
اقتباس:
المشاركة الأصلية كتبت بواسطة العـ راعي ـليا (المشاركة 4440697)

ارحب هلا حييت .. يا عذب الالحان=اعداد همّال .. ترازم مزونه
انا اشهد انك وافي .. بكل ميدان=والشعر لا جا فيك .. جنّة جنونه
والله وسبع انعام .. ياطير حوران=يا صاحبن .. ما غيّر الوقت لونه

الــوليــف 06-08-2010 08:25 PM
تحية طيبه لك من القلب وكل عام وانت بالف خير

تسلم والله راعي الغاليا

الله عليك وصح لسانك واحساسك وبارك الله فيك

ابيات رائعة بروعتك

يعطيك العافية

العـ راعي ـليا 14-11-2010 07:37 PM
اقتباس:
المشاركة الأصلية كتبت بواسطة رعد الجنوب س (المشاركة 4360824)
يعطكم العافيه على هذه القصائد الروعه
الله يعاافيك ويبقيك

الف شكر .. الآروع تواجدك هنا لا هنت .

دمت بخير ‘

العـ راعي ـليا 09-03-2011 09:34 PM
اقتباس:
المشاركة الأصلية كتبت بواسطة الــوليــف (المشاركة 4441024)
تحية طيبه لك من القلب وكل عام وانت بالف خير

تسلم والله راعي الغاليا

الله عليك وصح لسانك واحساسك وبارك الله فيك

ابيات رائعة بروعتك

يعطيك العافية
هلا وغلا والله

صح بدنك ولا هنت ..

سلّمك ربي .. الله يعافيك ويبقيك .

دمت بخير ‘

العـ راعي ـليا 09-03-2011 09:43 PM
اقتباس:
المشاركة الأصلية كتبت بواسطة العـ راعي ـليا (المشاركة 4531930)
تحيّه طيبه للجميع ... والمعذره على القصوور .

هذه القصيده أرسلها لي أحد الأخوه بأحد المنتديات وكنت أحسبها له فقمت بالرد عليها ..


وبعد ذلك وضّح مشكوراً أنها ليست له ، وإنما هي للشاعر / دسمان بن مناحي السبيعي .

فأحببت وضعها هنا تقبلوها علّها ترتقي لذائقتكم .



حط الكلام اللي يهمك بصندوق=اقفل عليه وباقي الهرج لاباس
سرك اليا ابديته على اعز مخلوق=بكره يسولف به عليك امحق الناس
وأحذر تصاحب لك من الناس مطفوق=هماز في اعراض الاجاويد هلاس
ارفع مقامك عن مقام الدني فوق=وتلقا مع الربع المطاليق مجلاس
وأحرص على قرب ارجح(ن) طيّب عموق=ان جملك وإلا مخاواه نوماس
واليا بنيت فسيس البني بوثوق=احفظ مواثيقك ترى العرق دساس
الحر يبدي في حجا كل شاهوق=والبوم تلقى له بألانقاض مدعاس
واليا هرجت فخل هرجتك برفوق=اقصر عن اللي لاهرج يمرس امراس
وأصفح بحلمك عن مداريق داروق=وأياك تطرد كلمةٍ مالها ساس
ترى سكاريب السلع مالها سوق=ولايستوي قدر الكراعين والراس


وهـذا ردّي عليه ..

حي الذي جاني جوابه على آوق=منظوم عقده ‘ من درر خالطه ماس!
اعداد ما ترزم على عيالها النوق=واعداد ما ذعذع سما الكون نسناس
الصاحب اللي ما مشا سكّة البوق=ما غير له دوم ‘ الوفاء فرش والباس
جزل المعاني ساقها ‘ يمّنـا سـوق =فوّاح عوده ‘ تنتشي منه الانفاس
حر(ن) ‘ على الطولات والطيب محروق =شرب المراجل شربة الماء من الكاس
الطايله عنده لها ‘ الباب مطروق=من روس قوم تلبس الدرع والطاس
والناس مبطي ما تساوى ‘ بها فروق=مثل المعادن ‘ بينها زنك ونحاس
فيها من اللي جعل شرواه للعوق=راع النقيلي ‘ فاقدٍ عضو الاحساس
ما غير سوسه ‘ صاحب الدم بعروق=خلّه يولي ‘ تحت الأقدام ينداس
تلقى عنه من كنّه ‘ القفل مغلوق=بير(ن) عميقٍ ‘ ما تِلحّق له قياس

كلهم راحو 26-05-2011 10:06 AM
وده ينام وكل حاجه تصحّيـه
........... حتـى هدوء البال له منه إزعاج !
.
.
.
.



إلا أنت وش حالك عسى مابه خلاف ؟


الساعة الآن 10:23 AM.
صفحة 4 من 5 123 4 5
عرض 40 مشاركات من هذا الموضوع لكل صفحة