منتديات الـــود - كرسي الطفوله // طفولة عضو/هـ

اقتباس:

المشاركة الأصلية كتبت بواسطة سومآآ (المشاركة 5539076)

كبـرنــا وكثــرت متــآعــب الدنيــا فهــا نحــن نتعلــم مــن الحيــآة ••
يــوم بعــد يــوم ونتــعلــم مــن البشــر. . ~
ولكــن تبقــى للــذكــريــآت أهميــه وأيــامــاً لآتنســى ••
بــل مستحيــل أن تنســى تلــك الايــام الجميلــه . . ~
عنــدمــا كنـــا نلهـــو ونلعــب ••
حيــث لانعــرف مــايخفــى وراء هــذه الــوجــوه . . ~
حيــث لانعــرف مشــآكــل وهمــوم هــذه الـدنــيا ••
نعــم انهــا ذكــريــات الطفــولــه ومـااجملــها مــن ذكــريــات . .
تلـــك الايــام الملــونــة العطــره ••
البــراءة بــراءة الطفــولــه انهــا ذكــريــات لاتنســى . . ~
كنــا نعيــش تلــك . . ~
البــراءة ونلهــو مــع الجميــع ••
تلكـ هي الطفولهـتحمل الكثير من الموآقف والذكريآت ••
ويخآلطها الحزن تآره والفرح تآرة أخرى . . ~
ولكـن ؟؟••
تبقى الذكريات هي سيدة الموقفـ . . ~
الطفــولــه//~ مــااجملــها مــن كلمـــة••
••طفــولــة عضـــو\ه ••
مــوضــوع احببـــت فكــرتــه واردت ان اضعــه هنــا . . ~
طـريقــة المـوضــوع
اي عضو يدخل يجاوب من دون ترشيح

ويبــدأ العضــو بـروآيــة ذكــريــآت طفــولتــهـ . . ~ومن الأسئلة المطروحه ••نبحر في طفولة هذآ العضو . . ~

نبدأ الأسئلـــــهـ

يوووو ما اطولها سوما بجاوب لاني وعدتك اجاوبها اليوم مع اني مو نامه من امس والله
اوك ابدء بسم الله

1-هل كنت مشآآآآكس أوكنت على نياتك وهادئ؟؟

لا لا مشاكس ولا على نياتي كنت بين البينين

2- كنت بزر قصدي طفل مميّز عند شخص ما؟؟ يعني كنت أغلا البزراآآن وإلا مصفوق على الرصيف؟

انا كنت بنت وحده بين خمس اولاد .. افهمي انتي الباقي

3-موقف حصلّك وأنت صغير وللحين مأثر فيك؟؟

وفات جدي خال ابوي امي كانت تصحيه من النوم لقته ميت .. الله يرحمه

4- أكبر عيديّة آخذتها ..كم كآنت .. ومنْ من ؟؟؟ وش كان شعورك وقتها؟؟

500 ريال من صاحب ابوي .. كانت فرحه مكسوره لان ابوي عصب مني وقتها

5- من أقرب طفلـ/ـة من الجماعة كانـ/ـت أقربلك؟؟ يعني مايضربك آو تضربك ولا تهاآوشك ولآ يهآوشك؟؟

ما في احد

6- كم فلقة اخذت على رآسك؟؟

ما اذكر كم بالضبط بس كان ابوي ما يضربني .. كان الضرب كله من امي الله يخليها لي .

7- وش كانت عياآآرتك؟؟ >>>> يوووووه وش هالسؤاآآل؟؟

اقول ولا ما اقول اممم مع انو ما يجوز ( ولا تنابذو بالالقاب باس الاسم الفسوق ..)
بس
كان يقولو لي سوسه

8- وش اكثر حلاااوهـ كنت تحبهاا في طفوولتك الرائعه ؟؟

كنت احب اللبان اكثر شي ( العلك)

9- ماهو مستوى الرجه اللي كنت فيها " مرتفع / متوسط / منخفض " ؟

متوسطه

10-وش ترتيبك بين اخوانك ؟ وهل هذآ الشئ اثر في مسيرتك الطفوليه ؟؟

الثانيه .. طبعا بنت وحده يعني ........
11-وش اكثر مكان كنت تحب تروح له ؟؟ " ملاهي . حديقه ... الخ

بيت جدي كان كله اطفال ولعب وبنات وناسه

12-وش اكثر لعبه كنت تحب تلعب فيهاا ؟؟

كنت اترك اللالعاب كلها واروح العب بموعين المطبخ حق امي .. والكوره مع انو دايم يخلوني حارسه.

13-هل كنت تضرب والا تنضرب أو لاتهش ولاتنش ؟؟

كنت اضرب وانضرب .

14-هل كنت تبكي كثير ؟؟

اي

15- وش اكثر فيلم كرتوون كنت تحب تشووفه ؟؟

هايدي

16-من اكثر واحد من اخواانك كان قريب منك ؟؟ يعني اللي تحب تلعب معاه ؟؟

اخوي الي اصغر مني بسنتين

17-موقف صار لك ولحد الحين اذا ذكرته تضحك ؟؟

انا لما اضرب احد اعضه , فمرا كان اخوي يلعب هوا وصاحبه واللعب قلب هواش
وانا كنت مع اخوي وضربنا الولد . بعد كم سنه وهم بالمسبح رجال مشاء الله
اخوي يسئله فلان ايش هذا اللي بكتفك قاله قرب اعلمك قاله هذي عضة اختك > فشله مو

18-كنت تحب الحليب والا تشربه بالغصب ؟؟

الصبح لما كنت اروح المدرسه ما اشربه , بس باقي الاوقات عادي

19-كنت شاطر بالمدرسة ولا ؟؟

نص ونص

20- كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟

اي
طبعا وكنت احسب اللبان ما يفطر لانه ما يدخل البطن كنت دايم اكله >تقكير ذكي صح

21-استايلك وانت صغير.. كيف كآن؟

لبسي الاغلب بنطلون وترفع لي امي شعري ذيل حصان , نادر لما البس فستان

2-كلمه دآآيم على لسآنك!!

ما اذكر

23-هل هناك شخص كنت دايم تتبلى عليه يعني تسوي المصيبة وهو ينضرب ؟؟

لا بس كان دايم نحطها باصغر واحد

24-جريمة او مصيبة لـ هذا اليوم تذكرها و مستحيل تنساهاا ؟؟

كان جدي يشرب دخان
المهم راح المسجد وترك علبة السجاير بالمجلس شفتها وقلت لاخوي وش رايك نجرب ؟
قالي لا اخاف من ابوي قلت ما حد يدري ودخنا وربك ستر ما جانا اختناق لا وكل واحد سجاره
وكان ملبورا احمر يعني عدااام

25-ما هو اقوى عقاب في حياتك عوقبت به ؟؟

لا مافي كلها كان ضربه على الماشي من امي

26-نشيد كنت تحبه أيام الطفوله ؟؟

امم مو فاكره اسمو تبيني انشدلك هوا
حفنة ماء ذات مساء طارة خلف طيور الماء قد ودعت البحر وطارة حتى ضاعة بالاجواء .. تيرارا مو فاكره الباقي ههه> ايش رايك بصوتي

27-ماهي الموآقف اللي عرضت فيها اهلك للاحراج؟؟

احم احم هههه
كان في صديق لابوي دايم يجي عندنا البيت وانا طبعا ما افارق ابوي بالمجلس
قام الرجال قالي حافظه قران قلت اي قالي طيب وطلبني اقرا الفاتحه وقريتها واعطاني عشر ريال
فكان كل ما اشوفه اقوله عمو اقرالك الفاتحه
28-كيف كان اول يوم مدرسه لك بكيت ولا لا ..؟

لا ما اذكره .. بس امي تقول لا ما بكيت
29-ضعت في مكان؟ .. سوق او حديقه او كورنيش .. اذا ايه قول لنا السالفه ..؟...

لا لا ما ضعت

30-وش هي اجمل هديهـ خذيتها في طفولتك...ومانسيتها ابد...؟!

من ابوي كان سلسال ذهب مكتوب عليه دلوعت ابوها
31-بصراحهـ من كنت تحب بطفولتك اكثر امك ولا ابوكـ....؟!

كلهم كنت مرا متعلقه فيهم الله يخليهم لي وللجميع يخليلهم كل غالي

32-في انسان معين تحس انك كرهتهـ في طفولتك وذا ايه ليهـ...؟؟

اي
حرمه الله يصلحها كانت تقولي هذي مو امك ولا هذا ابوك هم لقوكي بكرتون
قدام المسجد عاد تعالي شوفي قلبتها فلم ابي امي وابوي والله اذكر نمت وانا ابكي> نفسي اسويها بعيالها
34-متى هي المرة من المرات اللي حقدت فيها على اهلك وانت صغير

يعني سوولك حركه قدام احد وانقهرت بقوة ؟؟

ما حقدة ابدا بس يمكن زي ما قلتي انقهر لما يعصبو او يهاوشوني قدام احد

35-لحقت تتابع/ين سبيستون ؟؟ ولا بس ع القناه الاولي الصبح والعصر ؟

لا ما كان عندنا قنوات فضائيه. يعني دش مافي
36-هـل كنت تغلط في نطق الحروف ..؟

اي كان الزاي والجيم ما يجتمعو عندي مع بعض بكلمه
مثل زوجاج كنت اقولها زوزاز ... وغيرو

37-موقف سويته ..والى الحين مااحد يدري عنه ؟

كنت مرسول لحب لوحد من عمامي كنت اخذ الرساله عشان اوديها وكنت اقراها بس والله ما كنت افهم منها شي
بس اللي فهمته احرقي الورقه بعد ما تقريها > مصيبه 38-مين اعز صديق طفولة و الى الان متواصل معه؟؟

اخوي اللي اصغر مني

يسمنو سوما ذكرتيني بالذي مضا

العضو امممم خليه عليكي ازين