|
اقتباس:
كسرت لي سيستم نظام الحمايه=وبرمجَة إحساسي اليوم تهناك ما هو لاني ما اتخــــــَـذت الوقايه= لكن لاني يا رفيقـــــــي لعيناك |
اقتباس:
كمّلت مشوارك معي للنهايه=مهما كتبت بشخصكم ما وفيناك عسى الولي يحميك من كل سايه=ولك ايتحقق مطلب النفس ومناك |
اقتباس:
كم في دروب المجد حثَت خُطايه= لا يأس ,لا تقصير, حتى نصيناك واليوم لو هي تنتهي بي الحكايه=ما ينتهي ودَك بقلبي فديناك |
اقتباس:
صح لسانك وبيّض الله وجهك يا شااااعر الدرر وبدون مجامله كفيت وفيت مشكوووور على المجاراة الرائعه ، وهاالمره البدااايه عندك تقبل تحيات وتقدير اخوك رااعي العليا . |
[quote=العـ راعي ـليا][font="comic sans ms"][size="5"][b][i][center][color="navy"]
تحيه طيبه لك .. وبيّض الله وجهك اخي شااعر الدرر وعز الله انك اسم على مسمّى حبيت اسلم عليك وأنشدك عن اعلومك ولي الشرف ياغالي بمعرفة ومجارات مثلك وشرواك ... واستشيرك لاني ابنزل الموضوع ، وما ادري وش رايك انت تبينا نكمل وإلا نوقف هنا . وانا ارى ان المجاراه هنا مكتمله ووافيه . وبعدين استسمحك بأخر رد بصراحه ما انتبهت لكلمة نهايه ، اثريني مكرره وللعلم بدّلت الشطر ( كمّلت مشوارك بفهم ودرايه ) وأنت وش رااايك .. انتظر منك الرد تقبل تحيّتي اخوي راعي العليا السلام عليكم ورحمة الله وبركاته اولا يزيدني شرف معرفة مثلك وشرواك من الرجال وجعلك ذخر لي واشهد لله إني توني وجدت نفسي وانا والحمد لله بخير يامال الخير ويكفيني إني عرفت مثلك وانت تعرف للحين انا مالي في المنتدى إلا عشرة أيام وبوقفة راعي العليا وصلت للعليا من اول السَلم وانا اشهد إنك راعي الاوله بعد ووجهك ابيض طبعا من الشاكل اللي اواجهها هو عدم وجود المشاركة الفعلية من جهة الادارة للمواضيع التي اطرحها وكذلك حتى الرسايل ما اقدر ارسلها لاني مشاركاتي اقل من 300مشاركة وبالنسبة للمجاراة الاخيرة وافية ومن وافين ونزلها وإن شاء الله نبدأ في اللي بعدها وراح نخليها في مواضيع عامه وحتى لوما نتقيد بنظام المشاطرة في بداية الحرف الاول وراح انتظر الرد منك في هذه النقطة بالذات اما عن التكرار فهذا شي طبيعي ولابه شي وبالاخص انه جاء كختام للمجاراة تقبل تحياتي اخوك/شاعر الدرر |
السلام عليكم شكرا لاخي راعي العليا والمجاراة حرة البداية والله يجملنا ويوفقنا أبسألك ياذيب عن طير شلوى= اللي ارتقى للمجد من عين نيشان ضرغام لا دارت رحى الوقت يهوى=يوقد من اطرافه على الخصم نيران ا |
اقتباس:
هــذااك حــر(ن) يالسنافي وبلوى=مفراص ماص لذروة المجد عنوان ما هاب لو جت له مثل خيل علوى=يزود بأسه لا قسى الوقت ما لان |
اقتباس:
ياكم حمل روحه على الكف فدوى=وارخص حياته في حمى عز الاوطان ولامن نذير الحرب بالصوت دوَى =جال بسما ربي يسابق كحيلان |
اقتباس:
لأعداه ما يوم(ن) يجي وي تحلوى=ان اشهد أنه يافتى الجود سلطان من عانده يشرب كدر عقب سلوى=يمسي ويصبح كل الأوقات ذهبان |
اقتباس:
اذا نصيته في مهمه وشكوى = شارك بهمَك ود ما هو بشمتان في ساعة الوقفات من جاه يروى= مورد نهر يجري بساحات بستان |
| الساعة الآن 04:42 PM. |